1 थिस्सलुनीकियां 1:10 - ओङ राजपूत

¹⁰ ते ओचे पूता चे स्वर्ग़ा कनु आवणे ची बाट ङेखते रिहा, जानु ओणे मरला आला महु जिवाले, यानि ईशु ची, जको अम्हानु नरीकारा चे आणे आले गुस्से कनु बचावे।

1 थिस्सलुनीकियां 1:10 Iomraidhean Croise

मत्ती 1:21

वा पूत जमावी ते तु ओचे नां ईशु राखीयो, कांकि ऊं आपणे लौका चा वांचे पापा कनु उद्धार करी।”

मत्ती 16:27

मैं इन्साना चा पूत, स्वर्ग़दूता लारे आपणे ब़ा नरीकारा ची महिमा मां आवी, ओ समय उपर, हर हेक नु ओचे कामा चे अनुसार प्रतिफल ङिही।

मत्ती 16:28

मैं तम्हानु सच्‍च किहे पला कि जको भिले, वांचे महु कोच्छ इसड़े छी कि जब तक मैं इन्साना चे पूता नु ओचे राज़ मां आते हुले नी ङेखती गिहे, तब तक मौत चा स्वाद कङी नी चाखे।”

मत्ती 3:7

जब ओणे घणे फरीसिया ते सदूकिया नु बपतिस्मे वास्ते आपणे गोढु आते ङेखले, तां वानु किहुं लाग़ला, “हे नाग़ा ची ब़च्‍ची! तम्हानु केहणे चिताती ङिले कि तम्ही नरीकारा चे क्रोध कनु द्रोड़ा ?

लूका 2:25

ते ङेखा, यरुशलेम मां शमौन नांवा चे हेक बन्दे हुते ते ऊं बन्दे धर्मी ते भग़त हुते, ते इस्राएल ची शान्ति ची बाट ङेखे पलते, ते पवित्र आत्मा ओचे उपर हुता।

लूका 3:7

ऐवास्ते जको भीड़ ची भीड़ ओकनु बपतिस्मा गेहणे वास्ते आती, यूहन्‍ना वानु केहता, “हे नाग़ा ची ब़च्‍ची! तम्हानु केहणे चिताती ङिले, कि तम्ही नरीकारा चे क्रोध कनु द्रोड़ा।

प्रेरितां चे काम 1:11

ते किहुं लाग़ले कि, “हे गलीली मर्द, तम्ही कां भिले रेहती कर स्वर्ग़ा सनु ङेखा पले? हाओ ईशु, जको तम्चे कनु स्वर्ग़ा उपर चवीला गेला, जिंवे तम्ही ओनु स्वर्ग़ा पर जते ङेखले यूंही ओ बल्ति आवी।”

प्रेरितां चे काम 17:31

कांकि नरीकारा ने हेक ङिओ ठहराला, जाये कनु ओ शक्स चे जरिये धार्मिकता लारे संसारा चा न्यां करी, जानु ओणे ठहराले ते मरला आला महु जीते करले, हा बात सारा बन्दा उपर साबित करली।”

प्रेरितां चे काम 2:24

पर नरीकारा ने ओनु मौत चे दर्दा कनु छुड़ाती कर मरला आला महु जीते करती ङिले। कांकि ईं हो ना सग़ेले कि मौत ओनु आपणे वशा मां राखती गिहा।

प्रेरितां चे काम 2:32

“ऐह ईशु नु नरीकारा ने मरला आला महु जीते करले, जाये अम्ही सारे ग़वाह छिऊं।

प्रेरितां चे काम 3:15

ते तम्ही हेक जीवन ङेणे आले नु मारती नाखले, जानु नरीकारा ने मरले आला महु जिवाले, ते ये बाते चे अम्ही ग़वाह छियुं।

प्रेरितां चे काम 3:21

“जरुरी छै कि ईशु स्वर्ग़ा मां ओ समय तक रिहो जब तक कि सब बाता चा सुधार ना करती गिहो कि जाई चर्चा पुराणे समय कनु नरीकारा ने आपणे पवित्र भविष्यवक्‍ता चे मुँहा कनु करली हुती।

प्रेरितां चे काम 4:10

तां तम्ही सारे इस्राएली लौक जाणती गिहा कि ईशु मसीह नासरी चे नांवा लारे जानु तम्ही क्रूसा उपर चढ़ाले, ते नरीकारा ने मरले आला महु जिवाले, ईं बन्दे तम्चे सामणे भले चंगे भिले ले।

रोमियां 1:4

ते पवित्रता ची आत्मा चे तौरा पे मरला आला महु जीते हुवणे ची वजह सामर्थ चे लारे नरीकारा चा पूत ठहरला।

रोमियां 2:7

जको लगातार आच्छे काम करते हुले, महिमा ते आदर ते अनन्त जीवन ची खोज मां रिही, वानु नरीकार अनन्त जीवन ङिही।

रोमियां 4:25

ईशु अम्चे अपराधा वास्ते पकड़वाला गेला, ते अम्चे धर्मी ठहरणे वास्ते मरले आला महु जिवाला वी गेला।

रोमियां 8:34

बल्ति कूण छै जको ङण्ड ची आज्ञा ङिही? मसीह ईशु ही छै जको मरती गेला बल्कि मरला आला महु जीता वी हुती गेला, ते नरीकारा चे सज़्ज़े पासु ब़ेहला, ते अम्चे वास्ते बिनती वी करे।

1 कुरिन्थियां 1:7

इठे तक कि कुई आत्मिक वरदाना मां तम्हानु कमी-घटी कोनी जिंवे तम्ही अम्चे प्रभु ईशु मसीह चे प्रकट हुवणे चा इन्तजार करते रिहा वा।

गलातियां 3:13

मसीह अम्चे वास्ते श्रापित बणला, अम्हानु मोल गेहती व्यवस्था चे श्राप कनु छुड़ाले, कांकि लिखले पले, “जको कुई काठ चे उपर लटकाले जाये ओ श्रापित छै।”

फिलिप्पियां 3:20

पर अम्ची नागरिकता स्वर्ग़ा उपर छै, ते अम्ही हेक उद्धारकर्ता प्रभु ईशु मसीह चे उठु आवणे ची खुशी लारे इंतजार ङेखु पले।

कुलुस्सियां 1:18

ऊंही शरीर, यानि कलीसिया चे ठोङ छै, ओही आदि छै, ते मरले आला महु जीता हुवणे आला महु पलेठी चा छै कि सारीया बाता मां ओही प्रधान बणो।

1 थिस्सलुनीकियां 1:7

इठे तक कि मकिदुनिया ते अखया देश चे सारे विश्‍वास करने आला लौका वास्ते तम्ही नमुना बणले।

1 थिस्सलुनीकियां 2:16

ते वे नेरीया जातिया नु वांचे उद्धार वास्ते बाता करने कनु अम्हानु रोकी, नतीजा हा छै, कि वे सदा आपणे पापा चे ठां भरते रिही, पर अन्त मां तां नरीकारा चा भयानक गुस्सा वांचे उपर आती पुज़ला।

1 थिस्सलुनीकियां 5:9

कांकि नरीकारा ने अम्हानु आपणे गुस्से वास्ते कोनी, पर ऐवास्ते चुणले कि अम्ही आपणे प्रभु ईशु मसीह चे जरिये उद्धार पा सग़ु।

2 तीमुथियुस 4:1

नरीकारा नु ते मसीह ईशु नु आपणा ग़वाह करती कर, जको जीता ते मरला आला चा न्यां करी, कांकि ईशु चे पुठे आणे ते ओचा राज़ गोढु छै, मैं तनु हा आज्ञा ङिये पला।

तीतुस 2:13

ते वे धन्‍न आसा ची यानि आपणे महान नरीकार ते मुक्‍तिदाता ईशु मसीह ची महिमा चे उजागर हुवणे ची बाट ङेखते रिहा।

इब्रानियां 10:27

हां, ङण्ड ची हेक भयानक उम्मीद ते जाखते ची ज्वाला बाकि छै जको सारे विरोधीया नु भसम करती नाखी।

इब्रानियां 9:28

यूं करती मसीह ब़ोहता चे पाप चवणे वास्ते हेक ही वारी खौद्द नु भेंट करले। ओचे बाद हमा दुबारा प्रकट हुवी, पापा नु चवणे वास्ते ना, पर वांचे उद्धार वास्ते जको ओचे इन्तजार मां छी।

1 पतरस 1:21

जको ओचे जरिये ओ नरीकारा उपर विश्‍वास करा, जेह्णे ओनु मरले आला महु जीते करले, ते महिमा ङिली, कि तम्चा विश्‍वास ते उम्मीद नरीकारा उपर हो।

1 पतरस 1:3

अम्चे प्रभु ईशु मसीह चा नरीकारा ते ब़ा चा धन्यवाद हो, जेह्णे ईशु मसीह नु मरले आला महु जीते हुवणे चे जरिये, आपणी बङी दया लारे अम्हानु जीती उम्मीद चे वास्ते नवां जनम ङिला।

1 पतरस 2:21

नरीकारा ने तम्हानु ऐवास्ते हकारले, कांकि मसीह ने वी तम्चे वास्ते ङोख भोग़ले, ते इसड़े करती कर तम्चे वास्ते हेक मिसाल छोड़ली, कि तम्ही वी ओचे चैन्ह उपर चला। कांकि यूं लिखले पले,

1 पतरस 3:18

कांकि मसीह ने वी अम्चे पापा चे वास्ते ङोख भोग़ले। यानिकि ओ बेकसूर हुता। अम्चे पापा चे वास्ते हेक वारी मरती गेला कि अम्हानु नरीकारा चे गोढु गेहती जाओ। शरीरा चे जरिये तां ओ मारला गेला, पर आत्मा चे जरिये जिवाला गेला।

2 पतरस 3:12

ते नरीकारा चे ओ ङिओ ची बाट ङेखणी चाही छै ते ओचे जल्दी आवणे वास्ते जत्तन करना चाही छै जिसी वजह कनु आसमान जाखते लारे पिघलती जई ते आसमाना चे तारागण ब़ोहत ही तपती कर गलती जाये।

2 पतरस 3:14

ऐवास्ते, हे माये प्यारे भऊ जबकि तम्ही यां बाता ची आस ङेखा पले तां जत्तन करा कि तम्ही शान्ति लारे ओचे सामणे बेदाग ते बेकसूर ठहरा।

प्रकाशितवाक्य 1:18

“मैं ओही छै जाये कनु जीवन छै। पेहले मैं मरती गेलता ते हमा ङेख मैं युग-युग जीता छै, ते मौत ते अधोलोक चीया कुंजीया माये ही गोढु छी।

प्रकाशितवाक्य 1:7

ङेखा, ओ बदला चे लारे आणे आला छै, ते हर हेक आँख ओनु ङेखी, बल्कि जेह्णे ओनु सुराखे करली हुती वे वी ओनु ङेखे, ते धरती चे सारे कोल्‍ल ओची वजह कनु छात्ती कोट्टे। हांआ। आमीन।