1 पतरस 4:16 - ओङ राजपूत

¹⁶ पर मसीही हुवणे चे वजह कनु ङोख भोग़ो, तां शर्मसार ना हो। पर ऐ बाते चे वास्ते नरीकारा ची महिमा करो।

1 पतरस 4:16 Iomraidhean Croise

प्रेरितां चे काम 11:26

ते जिसे बेले वानु मिड़ला तां ओनु अन्ताकिया मां आणले ते इसड़े हुले कि वे हेक साला तक कलीसिया चे लारे मिलते ते ब़ोहत सारे लौका नु उपदेश ङिते रेहले। ते चैले सारा कनु पेहले अन्ताकिया मां ही “मसीह” किहवाले।

प्रेरितां चे काम 26:28

ये बाते उपर अग्रिप्पा ने केहले कि, “का तु थोड़ी जा शिक्षा ङिती कर मनु मसीह बणावणे चाहवी?”

प्रेरितां चे काम 28:22

पर हमा बावड़ दुधा का विचार छै? वाहो बात अम्ही दुधे कनु सुणने चाहु, कांकि अम्ही जाणु, कि हर जग़हा मसीह पंथ चे विरोध मां सारे लौक बाता करे पले।”

प्रेरितां चे काम 5:41

वे ये बाते लारे खौश हुती कर महासभा चे सामणे चाह्‍ले गेले कि “अम्ही ईशु मसीह चे नांवा वास्ते बेकदरे हुवणे चे काबिल तां बणले।”

फिलिप्पियां 1:20

मैं तां हाओ दिला ची लालसा ते आस राखे कि मैं कुई बाते मां शर्मिन्दा ना हुवे, पर जिंवे माई बङी हिम्मत चे जरिये मसीह ची बढ़ाई माये शरीरा चे जरिये सदा हुती रेहली, यूंही हमा वी हो, चाहे मैं जीता रिहे जा मरती जाये।

फिलिप्पियां 1:29

कांकि मसीह ची वजह कनु तम्हानु हा मौका मिड़ला, सेर्फ हेको ब़स ओचे उपर विश्‍वास करा, पर ओचे वास्ते ङोख वी चवा।

2 तीमुथियुस 1:12

येही वजह मैं ऐ कैदखाने चे ङुखा नु चवे पला, पर शर्म ना करी, कांकि मैं ओनु जाये उपर मैं विश्‍वास करला, जाणे पला, ते मनु पक्‍के छै कि जको मनु सोंपला गेला ओ आखरी ङिओ तक रखवाली करी।

याकूब 2:7

का वे मसीह ईशु चे उत्तम नांवा ची निन्दा ना करी, जाये मां तम्ही हकारले गेले?

1 पतरस 2:12

नेरीया जातिया मां तम्चा चाल-चलन भला हो, ऐवास्ते कि जिसीया जिसीया बाता मां वे तम्हानु बदनाम करी, वे तम्चे भले कामा नु ङेखती कर, प्रभु चे आणे चे ङिओ वे नरीकारा ची महिमा करो।

1 पतरस 4:11

अगर कुई ब़ोलो, तां इसड़े ब़ोलो मना नरीकारा चा वचन छै, अगर कुई सेवा करे, तां वे ताकती लारे करो जको नरीकार ङिये, जाये मां सारीया बाता ईशु मसीह चे जरिये, नरीकारा ची महिमा प्रकट हो। महिमा ते साम्राज्य युगानयुग ओचा छै। आमीन।

1 पतरस 4:14

अगर तम्ची मसीही चे नांवा उपर बेकदरी हुवे, तां वे बेकदरी नु सहन करती गिहा कांकि तम्ही धन्‍न छिवा। कांकि महिमा ची आत्मा, जको नरीकारा चा आत्मा छै तम्चे मां वास करे।

1 पतरस 4:19

ऐवास्ते जको नरीकारा ची मर्जी चे अनुसार ङोख भोग़ी, वे भलाई करते हुले, आपणी-आपणी जेन्द नु विश्‍वासा लारे सरजनहार चे हाथा मां सोंपती ङिया।