1 पतरस 3:22 - ओङ राजपूत

²² ओ स्वर्ग़ा मां जती कर नरीकारा चे सज़्ज़े पासु जती कर ब़ेसती रेहला, ते स्वर्ग़दूत ते अधिकारी ते सामर्थी ओचे अधीन मां करती ङिले गेले।

1 पतरस 3:22 Iomraidhean Croise

मत्ती 22:44

“ ‘प्रभु ने माये प्रभु नु केहले, “माये सज़्ज़े पासु ब़ेस, जब तक कि मैं दुधे बैरीया नु दुधे पग़्ग़ा तले ना करती ङिये।” ’

मत्ती 28:18

ईशु ने वांचे गोढु आती कर केहले, “स्वर्ग़ ते धरती चा सारा अधिकार मनु ङिला गेला।

मरकुस 12:36

दाऊद ने खौद्द पवित्र आत्मा मां भरीती कर केहले हुते, “प्रभु ने माये प्रभु नु केहले, माये सज़्ज़े पासु ब़ेस, जब तक कि मैं दुधे बैरीया नु दुधे पग़्ग़ा तले ना नाखती ङिये।”

मरकुस 16:19

प्रभु ईशु वांचे लारे बाता करने चे बाद स्वर्ग़ा उपर चती गेहला गेला, ते नरीकारा चे सज़्ज़े पासु ब़ेसती रेहला।

लूका 20:42

दाऊद आप भज़न संहिता ची किताबे मां किहे, “ ‘प्रभु ने माये प्रभु नु केहले, “माये सज़्ज़े पासु ब़ेस,

यूहन्‍ना 13:32

अगर माये मां नरीकारा ची महिमा हुली, तां नरीकार वी मैं पूत छै ची महिमा करी, ते तुरन्त करी।

प्रेरितां चे काम 1:11

ते किहुं लाग़ले कि, “हे गलीली मर्द, तम्ही कां भिले रेहती कर स्वर्ग़ा सनु ङेखा पले? हाओ ईशु, जको तम्चे कनु स्वर्ग़ा उपर चवीला गेला, जिंवे तम्ही ओनु स्वर्ग़ा पर जते ङेखले यूंही ओ बल्ति आवी।”

प्रेरितां चे काम 3:21

“जरुरी छै कि ईशु स्वर्ग़ा मां ओ समय तक रिहो जब तक कि सब बाता चा सुधार ना करती गिहो कि जाई चर्चा पुराणे समय कनु नरीकारा ने आपणे पवित्र भविष्यवक्‍ता चे मुँहा कनु करली हुती।

रोमियां 8:34

बल्ति कूण छै जको ङण्ड ची आज्ञा ङिही? मसीह ईशु ही छै जको मरती गेला बल्कि मरला आला महु जीता वी हुती गेला, ते नरीकारा चे सज़्ज़े पासु ब़ेहला, ते अम्चे वास्ते बिनती वी करे।

रोमियां 8:38

कांकि मैं पक्‍के ही जाणे कि, ना तां मौत, ना जीवन, ना स्वर्ग़दूत, ना प्रधानताए, ना वर्तमान, ना भविष्य, ना सामर्थ,

1 कुरिन्थियां 15:24

ऐचे बाद अन्त हुवी, जब मसीह सारी प्रधानता ते सारा अधिकार ते सामर्थ चा अन्त करती कर राज़ ब़ा नरीकारा नु सोंपती ङी।

कुलुस्सियां 3:1

तां जिसे बेले तम्ही मसीह चे लारे जिवाले गेले, तां स्वर्ग़ीय चीजा ची खोज मां रिहा, जिठे मसीह मोजुद छै, ते नरीकारा चे सज़्ज़े पासु ब़ेहला।

इब्रानियां 1:13

कांकि स्वर्ग़दूता महु नरीकारा ने कङी कानु इसड़े कोनी केहले, “माये सज़्ज़े पासु ब़ेसती रेह, जब तक कि मैं दुधे बैरीया नु दुधे पग़्ग़ा चे तले ची चौकी ना करती ङिये।”

इब्रानियां 1:3

ओ नरीकारा ची महिमा चे सोज़ले, ते ओचे सुभाव ची छाप छै, ते सारीया चीजा नु आपणी सामर्थ चे वचना लारे, सम्भाले। ओ अम्चे पापा नु धोती कर, स्वर्ग़ा मां सर्वशक्‍तिमान नरीकारा चे सज़्ज़े पासु जती ब़ेहला।

इब्रानियां 1:6

ते जब, नरीकार आपणे पलेठी चे पूता नु संसारा चे सामणे आणे, तां ओ किहे, “नरीकारा चे सारे स्वर्ग़दूत ओचे पूता ची वन्दना करो।”

इब्रानियां 10:12

पर मसीह तां पापा चे बदले हेक ही बलिदान सदा वास्ते चढ़ाती कर नरीकारा चे सज़्ज़े पासु जती ब़ेहला।

इब्रानियां 12:2

ते विश्‍वास चे कर्ता ते सेद्ध करने आले ईशु ची तरफ तकते रिहुं, जेह्णे ओ आनन्द वास्ते जको ओचे वास्ते पला हुता, लाज़ ची कुई चिन्ता ना करते हुले क्रूस चे ङोख सेहले, ते नरीकारा चे सिंहासन चे सज़्ज़े पासु जती ब़ेहला।

इब्रानियां 4:14

ऐवास्ते जब नरीकारा चा पूत ईशु हेक इसड़ा महान महायाजक, जको स्वर्ग़ा मां गेला, जको अम्ही मनती गेले, ओचे मां विश्‍वास मां मजबूत बणले रिहुं।

इब्रानियां 6:20

जिठे ईशु ने मेलिकिसिदक ची रीति उपर सदा काल चा महायाजक बणती कर, अम्चे वास्ते अग़ुवे चे रुप मां प्रवेश करले।

इब्रानियां 8:1

हमा जको बाता अम्ही किहुं पले, वांचे महु सबकनु बङी बात हा छै, कि अम्चा इसड़ा महायाजक छै, जको स्वर्ग़ा चे उपर महिमामय नरीकारा चे सिंहासना चे सज़्ज़े पासु जती ब़ेहला।

इब्रानियां 9:24

कांकि मसीह ने ओ इन्साना चे हाथा चा बणले आले अति पवित्र स्थान मां जको सच्‍चे अति पवित्र स्थान चा प्रतिरुप छै, प्रवेश कोनी करला, पर स्वर्ग़ा मां प्रवेश करला कि अम्चे वास्ते, हमा नरीकारा चे सामणे ङिसो।