1 पतरस 3:14 - ओङ राजपूत

¹⁴ ते अगर तम्ही भले कामा चे वजह कनु ङोख भोग़ा, ते तम्ही धन्य छिवा। पर वांचे ङराणे कनु ना ङरा ते ना ही घब़रावा।

1 पतरस 3:14 Iomraidhean Croise

मत्ती 10:28

जको शरीरा नु घात करी, पर आत्मा नु घात ना कर सग़ी, ओकनु ना ङरजा, पर नरीकारा कनु ही ङरा, जको आत्मा ते शरीर ङुंहु नु नर्का मां नाश कर सग़े।

मत्ती 10:31

ऐवास्ते ङरा ना, तम्ही ब़ोहत गैरा कनु बढ़ती कर छिवा।

मत्ती 10:39

जको आपणी जीन्दगी नु बचावणा चाहवे, ओ विनु गुंती ब़ेसी, ते जको माई वजह कनु आपणी जीन्दगी नु गुंवी, ओ विनु बचावी।

मत्ती 16:25

कांकि जको कुई आपणी जीन्दगी नु बचावणा चाहवे, ओ विनु गुंती ब़ेसी। पर जको कुई माये वास्ते आपणी जीन्दगी नु गुंवी, ओ विनु बचावी।

मत्ती 19:29

ते जेह्णे वी घर, जा भावां नु, जा ब़ेहणीया नु, जा ब़ा नु, जा आई नु, जा ब़ाला-ब़च्‍चा नु, जा खेता नु माये नांवा वास्ते छोड़ती ङिले, ओनु साओ गुणा मिली, ते ओ अनन्त जीवन चा अधिकारी हुवी।

मरकुस 10:29

ईशु ने केहले, “मैं तम्हानु सच्‍च किहे पला कि इसड़े कुई कोनी, जेह्णे माये सुसमाचारा चे वास्ते घर, जा भावां नु, जा ब़ेहणीया नु, जा आई नु, जा ब़ा नु, जा ब़ाला-ब़च्‍चा नु, जा खेता नु छोड़ती ङिले हो,

मरकुस 8:35

कांकि जको कुई आपणी जीन्दगी बचावणा चाहवे ओ विनु गुंती ब़ेसी, पर जको कुई माये ते सुसमाचारा चे वास्ते आपणी जीन्दगी गुंवी, ओ विनु बचावी।

यूहन्‍ना 14:1

ईशु ने बल्ति चैला नु केहले, “तम्चे मन उदास ना हो। नरीकारा उपर विश्‍वास करा, ते माये उपर वी विश्‍वास करा।

यूहन्‍ना 14:27

“मैं तम्हानु शान्ति ङिये पला, आपणी शान्ति तम्हानु ङिये पला। जिंवे संसार ङिये यूं मैं तम्हानु ना ङिही। तम्चे देल उदास ना हो, ते ना ङरो।

प्रेरितां चे काम 9:16

ते मैं ओनु बावड़ी, कि माये नांवा वास्ते ओनु किसड़े-किसड़े ङोख चवणे पड़े।”

2 कुरिन्थियां 12:10

ये वजह कनु मैं मसीह चे वास्ते कमजोरीया, अपमान, कष्ट, संकट, ते मुसीबता मां पुरी तरावें सन्तुष्ट छै। कांकि जिसे बेले मैं कमजोर रिहे, ओ बेले ही मैं बलवन्त रिहे।

फिलिप्पियां 1:29

कांकि मसीह ची वजह कनु तम्हानु हा मौका मिड़ला, सेर्फ हेको ब़स ओचे उपर विश्‍वास करा, पर ओचे वास्ते ङोख वी चवा।

याकूब 1:12

धन्‍न छै ऊं बन्दे जको परीक्षा मां मजबूत रिहे कांकि ऊं खरे निकलती कर जीन्दगी चा ओ मुग़ट गिही जाया वायदा प्रभु ने आपणे प्रेम करने आला वास्ते करला।

याकूब 5:11

ङेखा, अम्ही तसल्‍ली राखणे आला नु धन्‍न किहुं। तम्ही अय्यूब ची तसल्‍ली चे बारे मां सुणले, ते प्रभु ची ओर कनु जको ओचा परिणाम हुला ओनु वी जाणती गेले, जाये कनु प्रभु ची ब़ोहत घणी करुणा ते दया उजागर हुवे।

1 पतरस 3:6

उदाहरण चे वास्ते, जिंवे सारा अब्राहम ची आज्ञा मां रेहती ते ओनु आपणा मालिक मनती। ऐवास्ते तम्ही वी अगर भलाई करा, ते कुई वी तरह चे ङर कनु ङरती कर ना रिहा तां विचीया धूवा बणा।