1 पतरस 3:1 - ओङ राजपूत

^1-2 हे घराआलीया तम्ही वी आपणे मुणसा चे वशा मां रिहा। ऐवास्ते कि अगर यांचे महु कुई इसड़े हो जको वचन नु ना मनते हो, तांवी तम्चे भय लारे पवित्र चाल-चलन नु ङेखती कर बिना वचन चे आपणी-आपणी घराआली चे चाल-चलन चे जरिये छिकिती जाओ।

1 पतरस 3:1 Iomraidhean Croise

मत्ती 18:15

“अगर दुधा विश्‍वास करने आला भऊ दुधे, विरोध कुई अपराध करे, ते जती कर ओनु हेकले मां बातचीत करती कर समझा, अगर दुधी सुणती गिहे, बल्ति तु आपणे भावां नु अपनाती गेले।

रोमियां 10:16

पर सब ने ओ सुसमाचार उपर कान कोनी लाले। यशायाह भविष्यवक्‍ता किहे, “हे प्रभु, केहणे अम्चे समाचारा उपर विश्‍वास करला?”

रोमियां 6:17

पर नरीकारा चा धन्यवाद हो कि, तम्ही जको पापा चे दास हुते, हमा आपणे सारे मना लारे ओ उपदेश नु मनणे आले हुती गेले, जको तम्हानु सोंपला गेला हुता।

रोमियां 7:2

कांकि परनीली आली असतरी व्यवस्था चे अनुसार आपणे मुणसा चे जीते-जी ओचे लारे ब़झली आली छै, पर अगर मोणस मरती जाये, तां वा बीहा ची व्यवस्था कनु आजाद हुती जाये।

1 कुरिन्थियां 11:3

मैं चाहवें कि तम्ही ये बाते नु समझती गिहा कि हर-हेक मर्दा चे ठोङ मसीह छै ते असतरी चे ठोङ मर्द छै ते मसीह चे ठोङ नरीकार छै।

1 कुरिन्थियां 14:34

असतरीया कलीसिया ची सभा मां चोप रिहो, कांकि वानु बाता करने ची इजाजत कोनी, पर अधीन रेहणे चाही छै जिंवे व्यवस्था मां लिखले वी पले।

1 कुरिन्थियां 7:16

कांकि हे असतरी, तु का जाणी कि तु आपणे मुणसा चा उद्धार करवाती गिहे? ते हे मर्द, तु का जाणी कि तु आपणी घराआली चा उद्धार करवाती गिहे?

इफिसियां 5:33

जको घरा आला छै, आपणी घराआली लारे आपणे जिसड़ा प्रेम करो, ते घराआली वी आपणे मुणसा ची इज्जत करो।

कुलुस्सियां 3:18

हे घराआलीया, जिंवे प्रभु मां वाजिब छै, यूंही आपणे-आपणे मुणसा चे अधीन रिहा।

कुलुस्सियां 4:5

मौके नु कीमती समझती कर ब़ाहर आला लारे समझदारी लारे बर्ताव करा।

2 थिस्सलुनीकियां 1:8

ते जको नरीकारा नु ना पिछाणी, ते अम्चे प्रभु ईशु चे सुसमाचार नु ना मनी वाकनु पलटा हुवी।

इब्रानियां 11:8

विश्‍वासा लारे ही अब्राहम जिसे बेले हकारला गेला तां आज्ञा मनती कर इसड़ी जग़हा निकलती गेला जानु विरासत मां गेहणे आला हुता ते ईं ना जाणता, कि ओ किठे जाये पला, तां वी निकलती गेला।

इब्रानियां 5:9

ते सेद्ध बणती कर ओ खौद्द वां सब वास्ते जको ओची आज्ञा चा पालन करी अनन्त काल वास्ते उद्धार ची वजह बणती गेला।

1 पतरस 1:22

हमा ङेखा, जिसे बेले तम्ही सच्‍चाई चा पालन करते हुले, सच्‍चे भाईचारे चे प्रीति नु उजागर करने चे वास्ते आपणी आत्मा नु पवित्र करते गेले ते पवित्र मना लारे हेके ङुजे लारे प्रेम राखा।

1 पतरस 3:7

यूंही हे घराआले, तम्ही वी समझदारी लारे घराआलीया लारे जीवन बितावा। ते असतरीया नु निर्बल चीज जाणती कर वांचा कद्दर करा, हा समझती कर कि अम्ही ङोनी जीवन चे वरदान चे वारिस छिऊं, जाये कनु तम्चीया प्राथना रुकती ना जाओ।

1 पतरस 4:17

कांकि ओ समय आती गेला, कि पेहले नरीकारा चे लौका चा न्यां करला जई, ते जबकि न्यां ची शुरुआत अम्चे ही कनु हुवी। ते वा लौका चा का अन्त हुवी जको नरीकारा चे सुसमाचार नु ना मनी? जिंवे शास्त्र मां लिखले पले,