1 पतरस 2:4 - ओङ राजपूत

⁴ ओचे गोढु आती कर, जानु बन्दा ने तां निक्‍कमे ठहराले, पर नरीकारा चे गोढु चुणला आला, ते बेशकीमती जीता जाग़ता पत्थर छै।

1 पतरस 2:4 Iomraidhean Croise

मत्ती 11:28

“हे सब मेहनत करने आले ते बोझ मां दब़ीले आले लौक, माये गोढु आवा, मैं तम्हानु आराम ङिही।

मत्ती 12:18

“ङेखा, हा माया सेवक छै, जानु मैं चुणले। हा माया प्यारा छै, जाये कनु माये मन खौश छै। मैं आपणी आत्मा ओचे मां नाखी, ते ओ सारीया जातिया नु, न्यां चा समाचार ङी।

मत्ती 21:42

ईशु ने वानु केहले, “का तम्ही कङी पवित्रशास्त्र मां हा कोनी पढ़ले, “ ‘जिसे पत्थरा नु राजमिस्त्रीया ने निक्‍कमे ठहराले हुते, ओही कूणे चा सिरे चा पत्थर हुती गेला, ईं प्रभु ची ओर कनु हुले ते अम्ची नजरी मां अदभोत छै’?

यूहन्‍ना 14:19

थोड़ी देर रेहती गेली कि बल्ति संसार मनु नी ङेखी, पर तम्ही मनु ङेखा, ऐवास्ते कि मैं जीता छै, तम्ही वी जीते रिहा।

यूहन्‍ना 14:6

ईशु ने वानु केहले, “मार्ग़, सच्‍चाई ते जीन्दगी मैं ही छै। बिना माये जरिये कुई नरीकार ब़ा गोढु पोज़ ना सग़ी।

यूहन्‍ना 5:26

कांकि जिसी रीति लारे ब़ा आपणे आप मां जीवन राखे, वे रीति चे लारे ओणे पूता नु वी अधिकार ङिला कि आपणे आप मां जीवन राखो।

यूहन्‍ना 5:40

बल्ति वी तम्ही अनन्त जीवन गेहणे वास्ते माये गोढु आणे ना चाहवा।

यूहन्‍ना 6:37

हर हेक बन्दे जको नरीकारा ने मनु सोंपले वे माये गोढु आवे, जको माये गोढु आवे मैं वानु कङी वी नी काढ़ी।

यूहन्‍ना 6:57

बिल्कुल यूंही जिंवे जीते ब़ा ने मनु भेज़ले ते मैं ब़ा नरीकारा ची वजह कनु ही जीता छै, यूंही जको माये शरीरा नु खाते रिही ऊं माई वजह कनु जीते रिही।

रोमियां 5:10

कांकि बैरी ची हुवणे दशा मां ओचे पूता ची मौत चे जरिये अम्चा मेल-मिलाप नरीकारा लारे हुला बल्ति मेल-मिलाप हुती जाणे लारे, ओचे जीवन ची वजह कनु अम्ही उद्धार कां नी गिहुं?

1 कुरिन्थियां 3:11

जको नीम नाखली गेली, विचे अलावा कुई वी बन्दे नेरी नीम ना नाख सग़ी, खौद्द मसीह ईशु ही वा नीम छै।

कुलुस्सियां 3:4

मसीह अम्ची जीन्दगी छै, जिसे बेले प्रकट हुवी, ओह बेले तम्ही वी ओचे लारे महिमा लारे प्रकट करले जावा।

1 पतरस 1:19

पर बेकसूर ते बिना कलंक मैमणे यानिकि मसीह चे बेशकीमती लुहींया चे जरिये हुला।

1 पतरस 1:7

ईं ऐवास्ते हुले कि तम्चा परखला आला विश्‍वास जको जाखते मां नाशवान सोने कनु वी घणा कीमती छै, जिसे बेले ईशु मसीह उजागर हुवी, नरीकारा कनु तम्हानु प्रशंसा, महिमा ते कद्दर मिलो।

1 पतरस 2:7

तम्चे वास्ते जको विश्‍वास करा, ओ पत्थर बेशकीमती छै। पर जको विश्‍वास ना करी, वांचे वास्ते पवित्रशास्त्र हा किहे, “कारीगरा ने जिसे पत्थरा नु बेकार समझती कर काढ़ती नाखले हुते, ओही कूणे चा पत्थर बणती गेला,

2 पतरस 1:1

शमौन पतरस चे तरफु जको ईशु मसीह चा दास छै ते प्रेरित छै, हा चिठ्ठी वां लौका चे नांवे जेह्णे अम्चे नरीकार ते उद्धारकर्ता ईशु मसीह ची धार्मिकता चे जरिये अम्चे आलीकर ब़ोहत कीमती विश्‍वास गेहला।

2 पतरस 1:4

जाये जरिये ओणे अम्हानु बेशकीमती ते ब़ोहत ही बङे वायदे ङिले कि यांचे जरिये तम्ही वे सड़ाहट कनु छुटती कर जको संसारा मां बुरी अभिलाषा कनु हुवे ईश्‍वरीय सुभाव चे भईवाल हुती जावा।