Biblia Todo Logo
Bìoball air-loidhne

- Sanasan -




1 पतरस 2:24 - ओङ राजपूत

24 ओ खौद्द ही अम्चे पापा नु आपणे शरीरा चे उपर चती कर क्रूसा उपर चढ़ती गेला, जाये कनु अम्ही पापा चे वास्ते मरती कर धार्मिकता चे वांचे वास्ते जीवन बिताऊं, ओचे ही मार खाणे ची वजह कनु तम्ही चंगे हुले।

Faic an caibideil Dèan lethbhreac




1 पतरस 2:24
50 Iomraidhean Croise  

ऐचे उपर ओणे बरअब्बा नु वांचे वास्ते छोड़ती ङिले, ते ईशु नु कोड़े मरवाती कर सोंपती ङिले,कि क्रूसा उपर चढ़ाला जाओ।


कांकि मैं तम्हानु सच्‍च किहे कि अगर तम्ची धार्मिकता, शास्त्रीया ते फरीसिया ची धार्मिकता कनु बढ़ती कर ना हो, तम्ही स्वर्ग़ चे राज़ मां कङी वी ना जा सग़ा।


ताकि जको वचन यशायाह भविष्यवक्‍ता चे जरिये लिखला गेलता ला ओ पूरा हो, “कि ओणे अम्चीया कमजोरीया नु आपणे उपर गेहती गेलीया, ते अम्चीया बिमारीया नु चती गेले।”


बल्ति पिलातुस ने भीड़ नु खौश करने ची इच्छा लारे, बरअब्बा नु वांचे वास्ते छोड़ती ङिले ते ईशु नु कोड़े मरवाती कर सोंपती ङिले कि क्रूसा उपर चढ़ाला जाओ।


“प्रभु ची आत्मा माये उपर छै, ऐवास्ते ओणे कंगाला नु सुसमाचार सुणावणे वास्ते माया अभिषेक करला, ते मनु ऐवास्ते चुणले कि जको बन्धन मां छी वानु छुटकारे चा ते अन्धा नु सोज़ले मिलणे चा सुसमाचार चा प्रचार करे ते लताड़ले आला नु छुड़ावे।


ङुजे ङिओ यूहन्‍ना ने ईशु नु आपणी तरफ आते ङेखती कर केहले, “ङेखा, ईं नरीकारा चे मेमणे छै, जको संसारा चे पापा नु चती चाह्‍ले जाये।


ऐचे उपर पिलातुसा ने ईशु नु कोड़े मरवाले।


बल्कि हर जाति मां जको ओकनु ङरे ते धर्मा चे काम करे ऊं ओनु भाते रिहे।


“ते अम्ही वां सारे कामा चे ग़वाह छिऊं, जको ओणे यहूदिया चे देश ते यरुशलेम मां वी करले ते वाणे ओनु क्रूसा उपर लटकाती मारती नाखले।


“ते जिसे बेले ओचे जरिये करलीया गेलीया भविष्यवाणीया नु वां लौका ने पुरे करती गेहले, ते ओनु क्रूसा कनु तले उतारती कर गुफा आली कब्री मां मेहलती ङिले।


अम्चे ङाङा-ब़ा चे नरीकारा ने ईशु नु जिवाले, जानु तम्ही क्रूसा उपर टांकती कर मारती नाखले ते।


यूहीं तम्ही वी आपणे-आप नु पापा चे वास्ते मरले आले समझा, पर नरीकारा चे वास्ते मसीह ईशु मां जीते समझा।


ते ना ही आपणे शरीरा चे अंगा नु अधर्म चे हथियार हुवणे वास्ते पाप नु सोंपा, पर आपणे आप नु मरला आला महु जीते हुवणे जाणती कर आपणे शरीरा चे अंगा नु धार्मिकता चे हथियार हुवणे वास्ते नरीकारा नु सोंपा।


का तम्ही ना जाणा कि जाई आज्ञा मनणे चे वास्ते तम्ही आपणे-आप नु दासा आलीकर सोंपती ङिया, तां तम्ही ओचे दास छिवा, चाहे पाप चे, जाया अन्त मौत छै, चाहे आज्ञा मनणे चे, जाया अन्त धार्मिकता छै?


कङी वी कोनी। अम्ही जब पापा वास्ते मरती गेले तां बल्ति आग़ु कनु ओचे मां किवें जीवन बिताऊं?


पर हमा पाप कनु आजाद हुती कर ते नरीकारा चे दास बणती कर तम्हानु फल मिड़ला जाये कनु पवित्रता हांसिल हुवे, ते ओचा अन्त, अनन्त जीवन छै।


कांकि जको मरती गेला ओ पापा कनु आजाद हुती गेला।


पर जाये बन्धन मां अम्ही हुते ओचे वास्ते मरती कर, हमा व्यवस्था कनु छुटती गेले कि, लिखली आली पुराणी व्यवस्था उपर कोनी, बल्कि नरीकारा ची आत्मा ची नवीं रीति उपर सेवा करु वी।


ऐ वजह कनु मैं सबकनु पेहले तम्हानु वाहो बात पुचाती ङिली जको माये कनु पुज़ली हुती, कि पवित्रशास्त्र चे वचन चे अनुसार ईशु मसीह अम्चे पापा वास्ते मरती गेला,


“ऐवास्ते नरीकार किहे, वांचे बिचु निकला ते अलग़ रिहा, ते तम्ही अशुद्ध चीजा नु हाथ ना लावा, ते बल्ति मैं तम्हानु स्वीकार करी।


मसीह अम्चे वास्ते श्रापित बणला, अम्हानु मोल गेहती व्यवस्था चे श्राप कनु छुड़ाले, कांकि लिखले पले, “जको कुई काठ चे उपर लटकाले जाये ओ श्रापित छै।”


हर तरह ची निर्दोषीता भलाई ते सच्‍चाई मां सोज़ले चे फल छी।


धार्मिकता चे आच्छे गोण जको ईशु मसीह कनु मिले ओचे लारे तम्ही भरीले रिहा जाये कनु नरीकारा ची महिमा ते स्तुति हुती रिहो।


ते विधिया चा ओ लेख जको अम्चे नांवा उपर ते अम्चे विरोध मां हुता मिटाती नाखला, ते ओनु क्रूसा उपर कीला लारे जड़ती कर सामणे कनु हटाती ङिले।


जबकि तम्ही मसीह चे लारे संसारा ची शिक्षा ची तरफा कनु मरती गेले, तां बल्ति वांचे समान जको संसारा मां जीन्दगी बितावी ते बन्दा ची आज्ञा ते शिक्षा चे अनुसार।


कांकि तम्चा पुराणा सुभाव तां मरती गेला, ते अम्ची तां जीन्दगी मसीह चे लारे नरीकारा मैं लुकली आली छै।


नरीकारा ची इच्छा लारे अम्ही ईशु मसीह चे शरीरा चा हेक ही बार बलिदान चढ़ाले जाणे चे जरिये पवित्र करले गेले।


ऐवास्ते मसीह संसारा मां आते बेले केहले, “बलिदान ते भेंट ची तु इच्छा कोनी करली, पर हेक शरीरा ची, जको तु माये वास्ते तियार करले।


ते आपणे पग़्ग़ा वास्ते सिधे मार्ग़ बणावा, कि लंगड़ा, अपंग ना हुती जाओ, पर भला चंगा हुती जाओ।


कांकि इसड़ा ही महायाजक अम्चे लायक हुता, जको पवित्र, ते निष्कपट ते निर्मल ते पापीया कनु अलग़, ते स्वर्ग़ा कनु वी ऊंचा करला आला हो।


यूं करती मसीह ब़ोहता चे पाप चवणे वास्ते हेक ही वारी खौद्द नु भेंट करले। ओचे बाद हमा दुबारा प्रकट हुवी, पापा नु चवणे वास्ते ना, पर वांचे उद्धार वास्ते जको ओचे इन्तजार मां छी।


ऐवास्ते तम्ही आपस मां हेके ङुजे चे सामणे आपणे–आपणे पापा नु मनती गिहा, ते हेके ङुजे चे वास्ते प्राथना करा, कि जाये कनु तम्ही ठीक हुती जावा। धर्मी बन्दे ची प्राथना चे लारे ब़ोहत कोच्छ हो सग़े।


अगर तम्ही जाणा, कि ईशु धर्मी छै, तां ईं वी जाणा कि जको कुई धर्म चे काम करे, वे ओकनु जमले।


हे ब़ाले, काये भरमाणे मां ना आजा। जको धर्म चे काम करे, ऊंही ओचे समान धर्मी छै। बेलकोल इसड़ा ही जिसड़ा ईशु मसीह धर्मी छै।


ते नदी चे ऐ पासु, ते नदी चे ओ पासु, जीवन चे पेड़ हुते, ओचे मां ब़ारहा तरह चे फल लाग़ते, ते ऊं पेड़ हर मेहने फल ङिते, ते ओ पेड़ चे पता लारे सारी जाति-जाति ची बन्दी ठीक हुती।


Lean sinn:

Sanasan


Sanasan