1 पतरस 2:12 - ओङ राजपूत

¹² नेरीया जातिया मां तम्चा चाल-चलन भला हो, ऐवास्ते कि जिसीया जिसीया बाता मां वे तम्हानु बदनाम करी, वे तम्चे भले कामा नु ङेखती कर, प्रभु चे आणे चे ङिओ वे नरीकारा ची महिमा करो।

1 पतरस 2:12 Iomraidhean Croise

मत्ती 10:25

चैले, गुरु चे ते दास चे मालिक चे बराबर हुवणे ही ब़ोहत छै। जब वाणे घरा चे मालिक नु शैतान, केहले तां ओचे घरा आला नु का कोच्छ नी किहे।

मत्ती 5:11

“धन्‍न छिवा तम्ही, जब इन्साने माई वजह कनु तम्ची निन्दा करे, ते सतावे ते कूड़ मारती-मारती कर तम्चे विरोध मां सब प्रकार चीया बुरीया बाता किही।

मत्ती 5:16

यूंही तम्चे सोज़ले बन्दा चे सामणे चमको, वे तम्चे भले कामा नु ङेखती कर तम्चे ब़ा नरीकारा ची महिमा करो जको स्वर्ग़ा मां छै।

मत्ती 9:8

लौक ईं ङेखती कर ङरती गेले ते नरीकारा ची महिमा करु लाग़ले, जेह्णे इन्साना नु इसड़ा अधिकार ङिला।

लूका 1:68

“प्रभु इस्राएल चा नरीकार धन्‍न हो! कांकि ओणे आपणे लौका ची ङेखभाल करली ते ओणे आपणा लौका चे उद्धार चे कामा नु पुरे करले।

लूका 19:44

ते तनु ते दुधे ब़ाला नु जको दुधे मां छी, माटी मां मिलावे, ते दुधे मां पत्थरा उपर पत्थर वी नी छोड़े, कांकि तु ओ मौके नु जिसे बेले तम्चे उपर कृपा दृष्टि करली कोनी पिछाणले।”

लूका 6:22

धन्‍न छिवा तम्ही, जब मैं इन्साना चे पूता ची वजह कनु लौक तम्चे लारे बैर राखे, ते तम्हानु काढ़ती छोड़े, ते तम्ची निन्दा करे, ते तम्चे नां बुरे जाणती कर कटती नाखे।

यूहन्‍ना 13:31

जिसे बेले यहूदा इस्करियोती ब़ाहर चाह्‍ला गेला, ईशु ने केहले, “हमा मैं इन्साना चे पूता ची महिमा हुली ते नरीकारा ची महिमा माये मां हुली।

प्रेरितां चे काम 15:14

शमौन ने बावड़ले कि शुरुआत कनु ही नरीकारा ने किसे तरीके लारे नेरीया जातिया महु आपणे नांवा वास्ते हेक प्रजा चुणने ची कृपा करली।

प्रेरितां चे काम 24:13

ते ना ही ये वा बाता नु, जाये बारे मां ये माये उपर दोष लावी पले, दुधे सामणे सच्‍च साबित कर सग़ी।

प्रेरितां चे काम 25:7

जिसे बेले पौलुस ओठे आला ते जको यरुशलेम कनु आले भिलते, वाणे पौलुस नु घेरती कर ओचे उपर कई तरह चे अरोप लावणे शुरु करती ङिले, ते जानु वे खौद्द साबित ना कर सग़ले।

प्रेरितां चे काम 28:22

पर हमा बावड़ दुधा का विचार छै? वाहो बात अम्ही दुधे कनु सुणने चाहु, कांकि अम्ही जाणु, कि हर जग़हा मसीह पंथ चे विरोध मां सारे लौक बाता करे पले।”

रोमियां 12:17

बुराई चे बदले काई वी लारे बुराई ना करा, जको बाता सब लौका ची नजरी मां सही छी, वेही करले करा।

रोमियां 13:13

जिंवे ङिहां मां अम्ही रिहुं वी, यूंही अम्हानु सिधी चाल चलणी चाही छै, ना कि लीलाक्रीड़ा, ते पियक्‍कड़पन, ना व्यभिचार, ते लोचपण मां, ते ना ही झग़ड़े ते ईर्ष्या मां लाग़ले रिहा।

रोमियां 14:18

जको कुई ये रीति लारे मसीह ची सेवा करे, ऊं नरीकारा नु भावे ते इन्साने ओचा कद्दर करी।

रोमियां 15:9

ते नेरीया जातिया वी नरीकारा नु ओची दया ची वजह स्तुति करो, जिसड़े कि पवित्रशास्त्रा मां लिखले पले, “ऐवास्ते मैं नेरीया जातिया मां दुधा धन्यवाद करी, ते दुधे नांवा चे भज़न गावी।”

1 कुरिन्थियां 14:25

ते ओचीया करतूत सामणे आती जई, ते तब ओ मुंधा हुती कर नरीकारा नु ङण्डवत करी, ते मनती गिही, कि सच्‍चमां नरीकार तम्चे आधे मां बसे पला।

2 कुरिन्थियां 1:12

कांकि अम्ही आपणे विवेक ची, ये ग़वाही उपर घमण्ड करु, कि दुनिया मां ते खास करती तम्चे बीच मां, अम्चा व्यवहार नरीकारा चे जरिये ङिली गेली पवित्रता ते सच्‍चाई सहित रेहला, जको संसारिक ज्ञान चा कोनी, पर हेको नरीकारा चे अनुग्रह चा नतीजा हुता।

2 कुरिन्थियां 13:7

ते अम्ही आपणे नरीकारा कनु हा प्राथना करु कि तम्ही कुई बुराई ना करा, ऐवास्ते ना कि अम्ही भले ङिसु, पर ऐवास्ते कि तम्ही भलाई करा, चाहे अम्ही भले ही निक्‍कमे ठहरु।

2 कुरिन्थियां 8:21

कांकि जको बाता सेर्फ प्रभु ची नजरी मां ना, पर इन्साना ची नजरी मां वी भलीया छी, अम्ही ओची फिक्र करु।

इफिसियां 2:3

यांचे मां अम्ही वी सब चे सब पेहले आपणे शरीरा ची लालसा मां ङिहें गुजारते, ते शरीर ते मना ची इच्छा पुरी करते, ते नेरे लौका आलीकर सुभाव ही कनु क्रोध ची ऊलाद्ध हुते।

इफिसियां 4:22

कि तम्ही पेहले चाल-चलन चे पुराणे सुभाव नु जको भरमाणे आली लालसा चे अनुसार भ्रष्ट हुता जाये, उतारती नाखा।

फिलिप्पियां 1:27

तम्चा चाल-चलन ईशु मसीह चे सुसमाचार चे लायक हो, चाहे मैं आवे चाहे ना आवे, तम्चे बारे मां ईं सुणे कि तम्ही हेक ही पवित्र आत्मा मां मजबूत छिवा, हेक ही मन हुती कर सुसमाचार चे विश्‍वास चे वास्ते मेहनत करते रिहा।

फिलिप्पियां 4:8

हे भऊ ते ब़ेहणीया, जको-जको बाता सच्‍च छी, ते जको-जको बाता आदरमान चा छी, ते जको-जको बाता वाजिब छी। ते जको-जको पवित्र छी,ते जको-जको बाता सुहावनीया छी, ते जको-जको बाता मन भावनीया छी। यानि जको सदगुण ते प्रशंसा चीया बाता छी, वांचे उपर ध्यान लाले करा।

1 थिस्सलुनीकियां 4:12

ऐचे कनु कलीसिया चे ब़ाहर चे लौक तम्चे जीणे चे ढगां चा कद्दर करे। ऐचे कनु तम्हानु कुई ङुजा उपर वी निर्भर नी हुवणे पड़ी।

1 तीमुथियुस 2:2

राजा ते हाकिमा चे वास्ते प्राथना करा, ताकि अम्ही चैन ते शान्ति समेत पुरी भग़ती ते गहराई चे लारे जी सग़ु।

1 तीमुथियुस 4:12

कुई दुधी जवानी नु तोच्छ ना समझ सग़ो पर वचन, ते चाल-चलन, ते प्रेम, ते विश्‍वास, ते पवित्रता मां विश्‍वास करने आला चे वास्ते नमुना बणती जा।

1 तीमुथियुस 5:10

ते भले कामा मां सरनाम रेहली हो, जेह्णे ब़ाला चा पालन पोसण करला हो, मेहमाना ची सेवा करली हो, प्रभु चे पवित्र लौका चे पग़्ग़ धोले हो, ङुखीया ची सहायता करली हो, ते हर हेक भले कामा मां मन लाले हो।

इब्रानियां 13:18

अम्चे वास्ते लगातार प्राथना करते रिहा कांकि अम्हानु भरोसा छै कि अम्चा विवेक शोद्ध छै, ते अम्ही सारीया बाता मां आच्छी चाल चलणे चाहु।

इब्रानियां 13:5

आपणे जीवन नु धन चे लालच कनु दूर राखा, ते जको तम्चे गोढु छै, ओचे उपर संतुष्टी करा, कांकि नरीकारा ने आप केहले, “मैं तनु कङी ना छोड़ी, ते ना कङी तनु त्याग़ी।”

याकूब 3:13

तम्चे महु ज्ञानी ते समझदार कूण छै? जको इसड़ा हो ऊं आपणे कामा नु आच्छे चाल-चलन चे लारे, वे नरमाई लारे उजागर करो जको ज्ञान लारे पैदा हुवे।

1 पतरस 2:15

कांकि नरीकारा ची इच्छा हाओ छै कि तम्ही आपणे भले कामा ची वजह कनु मूर्ख लौका चे मुँहा नु बन्द करती नाखा।

1 पतरस 3:16

ते आपणे विवेक नु वी शोद्ध राखा, ऐवास्ते कि जिसीया बाता चे बारे मां वे जको मसीह मां तम्चे आच्छे चाल-चलन चा अपमान करी, शर्मसार हो।

1 पतरस 4:11

अगर कुई ब़ोलो, तां इसड़े ब़ोलो मना नरीकारा चा वचन छै, अगर कुई सेवा करे, तां वे ताकती लारे करो जको नरीकार ङिये, जाये मां सारीया बाता ईशु मसीह चे जरिये, नरीकारा ची महिमा प्रकट हो। महिमा ते साम्राज्य युगानयुग ओचा छै। आमीन।

2 पतरस 3:11

जबकि ये सारीया चीजा, यूं करती पिघलणे आलीया छी तां तम्हानु पवित्र चाल-चलन ते भग़ती मां आच्छे हुवणे चाही छै।