1 पतरस 1:8 - ओङ राजपूत

⁸ अगर तम्ही ओनु ङेखले कोनी, बल्ति वी तम्ही ओचे लारे प्रेम राखा। अगर तम्ही ओनु हमा ङेख ना सग़ा, पर बल्ति वी ओचा विश्‍वास करा ते हर हेक इसड़ी खुशी लारे भरीले आले छिवा, जको गिणती चे ब़ाहरु ते महिमा लारे भरीला आला छै।

1 पतरस 1:8 Iomraidhean Croise

मत्ती 10:37

“जको कुई आई जा ब़ा नु माये कनु ज्यादा प्यारे जाणे, ओ माये लायक कोनी। ते जको पूत जा धूवे नु माये कनु ज्यादा प्यारे जाणे, ओ माये लायक कोनी।

यूहन्‍ना 14:15

“अगर तम्ही माया लारे प्रेम करा, तां माये आज्ञा नु मना।

यूहन्‍ना 14:21

“जाये कनु माया आज्ञा छी, ते ओ वानु मने, ओही माये लारे प्रेम राखे। ते जको माये लारे प्रेम राखे ओचे लारे माया ब़ा प्रेम राखी, ते मैं ओचे लारे प्रेम राखी ते आपणे आप नु ओचे उपर प्रकट करी।”

यूहन्‍ना 14:24

जको माये लारे प्रेम ना करी ओह माये वचन ना मनी। जको वचन तम्ही सुणा ओ माया कोनी यानि ब़ा चा छै जेह्णे मनु भेज़ले।

यूहन्‍ना 16:22

यूंही, तम्हानु वी ङोख हुवी, पर मैं तम्हानु बल्ति मिली तम्चे मन खुशी लारे भरीती जई, तम्ची खुशी कुई वी तम्हा कनु खौश ना सग़ी।

यूहन्‍ना 20:29

ईशु ने थोमे नु केहले, “तु तां मनु ङेखती कर विश्‍वास करला, पर धन्‍न छी वे जको बिना ङेखले आले विश्‍वास करी।”

यूहन्‍ना 8:42

ईशु ने वानु केहले, “अगर नरीकार तम्चा ब़ा हुवीया तां, तम्ही माये लारे प्रेम राखा हा, कांकि मैं नरीकारा ची तरफु आला। मैं आपणे आप कोनी आला, पर ओणे मनु भेज़ले।

प्रेरितां चे काम 16:34

ऐचे बाद कैदखाने चा अधिकारी पौलुस ते सीलास नु आपणे घरे गेहती गेला, ते वानु खाणे खुलाले ते आपणे सारे कुणम्बे समेत नरीकारा उपर विश्‍वास करती कर बङी खुशी मनाली।

रोमियां 14:17

कांकि नरीकारा चा राज़ खाणे-पीणे कोनी छै, पर धार्मिकता ते शान्ति ते वा खुशी छै जको पवित्र आत्मा लारे हुवे।

रोमियां 15:13

ऐवास्ते नरीकार जको आस चा दाता छै, तम्हानु विश्‍वास करने मां ते हर-तरहा ची खुशी ते शान्ति लारे भरती नाखो, कि पवित्र आत्मा ची सामर्थ लारे तम्ची आस बधती जाओ।

1 कुरिन्थियां 16:22

अगर कुई प्रभु लारे प्रेम ना राखो तां ऊं श्रापित हो। अम्चा प्रभु आणे आला छै।

2 कुरिन्थियां 1:22

ओही नरीकारा ने अम्चे उपर मौहर वी लाती ङिली, ते बयाने मां पवित्र आत्मा नु अम्चे दिला मां ङिला।

2 कुरिन्थियां 12:4

ओ स्वर्ग़ा मां चती गेहला गेला, ओणे ओठे इसड़े अनोखे वचन सुणले, वांचा वर्णन करना कुई बन्दे ची बसा ची बात कोनी।

2 कुरिन्थियां 4:18

ते अम्ही तां ङेखलीया आलीया चीजा नु कोनी पर अणङेखलीया चीजा नु ङेखते रिहुं कांकि ङेखलीया आलीया चीजा थोड़े ङिहां चा छी, पर अणङेखलीया आलीया चीजा सदा बणलीया रिही।

2 कुरिन्थियां 5:7

कांकि अम्ही जको ङेखु ओचे अनुसार ना, पर विश्‍वासा लारे चलु।

2 कुरिन्थियां 9:15

नरीकारा चा, ओचे ओ वरदाना वास्ते जको वर्णन कनु ब़ाहर छै, धन्यवाद हो।

गलातियां 5:22

पर आत्मा चा फल प्रेम, आनन्द, शान्ति, धीरज, कृपा, भलाई, विश्‍वास चे लायक,

गलातियां 5:6

मसीह ईशु मां ना खतना ते ना बिना खतना कुई कामा चा छै, पर सेर्फ विश्‍वास, जको प्रेम चे जरिये असर नाखे।

इफिसियां 3:19

ते तम्ही मसीह चे ओ प्यारा नु जाणती गिहा जको समझ कनु ब़ाहर छै ताकि तम्ही नरीकारा ची भरपूरी लारे भरीती जावा।

इफिसियां 6:24

जको अम्चे प्रभु ईशु मसीह लारे सच्‍चा प्रेम राखे, वा सारा चे उपर अनुग्रह हुता रिहो।

फिलिप्पियां 1:25

मनु भरोसा छै कि मैं जीता रिही ते तम्चे लारे रिही जाये कनु तम्ही विश्‍वास मां मजबूत हुती जावा ते खौश रिहा,

फिलिप्पियां 3:3

कांकि सच्‍चे खतने आले तां अम्ही ही छिऊं जको नरीकारा ची आत्मा ची अगुवाई लारे उपासना करु, ते मसीह ईशु उपर गर्व करु, ते शरीरा चे खतने जिसड़ी बाता पर भरोसा ना राखु।

फिलिप्पियां 4:4

मैं किहे पला प्रभु मां सदा खौश रिहा, ते मैं दुबारा किहे पला कि प्रभु मां खौश रिहा।

इब्रानियां 11:1

हमा विश्‍वास, आस करली आलीया चीजा चा पक्‍का, ते अणङेखलीया चीजा चा प्रमाण छै।

इब्रानियां 11:27

विश्‍वासा लारे ही ओ राजे चे क्रोधा कनु नी ङरला ते ओणे मिस्र देशा नु छोड़ती ङिले, कांकि ओ अणङेखले नरीकारा नु, मनती गेहले ङेखता हुला मजबूत रेहला।

1 पतरस 1:6

ते ये वजह कनु तम्ही खौश हुवा, हालांकि जरुरी छै कि हमा कोच्छ ङिहां तक हर-तरहा ची परीक्षा कनु तम्हानु ङोख झेलणे पड़े।

1 पतरस 2:7

तम्चे वास्ते जको विश्‍वास करा, ओ पत्थर बेशकीमती छै। पर जको विश्‍वास ना करी, वांचे वास्ते पवित्रशास्त्र हा किहे, “कारीगरा ने जिसे पत्थरा नु बेकार समझती कर काढ़ती नाखले हुते, ओही कूणे चा पत्थर बणती गेला,

1 पतरस 5:4

जिसे बेले प्रधान रखवाला प्रकट हुवी तां तम्हानु महिमा चा मुग़ट ङिला जई ओची शोभा कङी नी घटी।