1 पतरस 1:3 - ओङ राजपूत

³ अम्चे प्रभु ईशु मसीह चा नरीकारा ते ब़ा चा धन्यवाद हो, जेह्णे ईशु मसीह नु मरले आला महु जीते हुवणे चे जरिये, आपणी बङी दया लारे अम्हानु जीती उम्मीद चे वास्ते नवां जनम ङिला।

1 पतरस 1:3 Iomraidhean Croise

यूहन्‍ना 1:13

ओ ना तां लुहींया लारे, ना शरीरा ची इच्छा लारे, ना बन्दा ची इच्छा लारे पैदा हुला, पर नरीकारा कनु पैदा हुला।

रोमियां 12:12

आपणी आस चे बारे मां खौश रिहा, क्लेश चे बारे मां तसल्‍ली राखा ते प्राथना चे बारे मां मजबूत रिहा।

रोमियां 15:13

ऐवास्ते नरीकार जको आस चा दाता छै, तम्हानु विश्‍वास करने मां ते हर-तरहा ची खुशी ते शान्ति लारे भरती नाखो, कि पवित्र आत्मा ची सामर्थ लारे तम्ची आस बधती जाओ।

रोमियां 4:25

ईशु अम्चे अपराधा वास्ते पकड़वाला गेला, ते अम्चे धर्मी ठहरणे वास्ते मरले आला महु जिवाला वी गेला।

रोमियां 5:10

कांकि बैरी ची हुवणे दशा मां ओचे पूता ची मौत चे जरिये अम्चा मेल-मिलाप नरीकारा लारे हुला बल्ति मेल-मिलाप हुती जाणे लारे, ओचे जीवन ची वजह कनु अम्ही उद्धार कां नी गिहुं?

रोमियां 8:11

ते अगर ओचा ही आत्मा जेह्णे मसीह ईशु नु मरला आला महु जीते करले तम्चे मां बसला आला छै, ओही तम्चीया मरणहार देह नु वी आपणी आत्मा चे जरिये जको तम्चे मां बसला आला छै जीते करी।

रोमियां 8:24

अम्ची आस चे जरिये तां अम्चा उद्धार हुला। पर जिसी चीजे ची आस करली जाये जिसे बेले वा ङेखणे मां आवे, तां बल्ति आस किठे रेहली? कांकि जिसी चीजे नु कुई ङेखती गिहो ओची आस कूण करी?

1 कुरिन्थियां 13:13

पर हमा विश्‍वास, आस, प्रेम ये तीन टिकाऊं छी, पर यांचे महु सबकनु बङा प्रेम छै।

1 कुरिन्थियां 15:20

पर सच्‍चमां मसीह मुड़दा महु जीता ऊठला, ते जको नूहती रेहले वांचे महु, ओ पेहला फल हुला।

2 कुरिन्थियां 1:3

अम्चे प्रभु ईशु मसीह चा ब़ा नरीकार चा धन्यवाद हो, जको दया चा ब़ा, ते हर-तरीके ची तसल्‍ली ङेणे आला नरीकार छै।

गलातियां 6:16

ते जितने ये रीति उपर चले वांचे उपर, ते नरीकारा चे इस्राएल चे लौका उपर शान्ति ते दया हुती रिहो,

इफिसियां 1:17

कि अम्चे प्रभु ईशु मसीह चा नरीकार जको महिमा चा ब़ा छै, तम्हानु आपणी पिछाण मां ज्ञान ते सोज़ले ची आत्मा ङियो,

इफिसियां 1:3

अम्चे प्रभु ईशु मसीह चा नरीकार ते ब़ा चा धन्यवाद हो, ओणे अम्हानु स्वर्ग़ा मां ईशु मसीह चे तरफु हर तरह ची आत्मिक आशीष ङिली।

इफिसियां 1:7

अम्हानु ओचे मां ओचे लुहींया चे जरिये छुटकारा, यानि पापा ची माफी, ओचे ओ अनुग्रह चे धन चे अनुसार मिड़ला।

इफिसियां 2:4

पर नरीकारा ने जको दया करने आला छै, आपणे ओ बङे प्रेम ची वजह जाये कनु ओणे अम्चे लारे प्रेम करला,

इफिसियां 3:20

हमा जको इसड़ा सामर्थी छै, कि अम्ची बिनती ते समझ कनु कहीं ज्यादा काम कर सग़े, वे सामर्थ चे अनुसार जको अम्चे मां काम करे,

कुलुस्सियां 1:23

ईं तां हो सग़े कि तम्ही विश्‍वास ची ढाल उपर मजबूत बणले रिहा ते ओ सुसमाचार ची आस नु जानु तम्ही सुणले, ना छोड़ा, जाया प्रचार आसमाना चे तले सारे संसारा मां करला गेला ते जाया मैं पौलुस सेवक बणला।

कुलुस्सियां 1:27

जाये उपर नरीकारा ने प्रकट करने चाह्‍ले, कि वानु पता लाग़ो कि सारे लौका मां ओ भेदा ची कीमत चा धन का छै? ते वा हाओ छै, कि मसीह जको महिमा ची उम्मीद छै वा तम्चे मां बणली रिहो।

1 थिस्सलुनीकियां 1:3

ते आपणे नरीकार ते ब़ा चे सामणे तम्चे विश्‍वास चे काम, ते प्रेम ची मेहनत, ते अम्चे प्रभु ईशु मसीह मां आशा ची धीरता नु लगातार प्राथना मां याद करु।

1 थिस्सलुनीकियां 4:13

हे माये भऊ ते ब़ेहणीया अम्ही ना चाहु, कि तम्ही वांचे बारे मां जको विश्‍वास करने आला नूहती रिहे, ना समझ रिहा, इसड़े ना हो कि, तम्ही नेरा आलीकर शोक मनावा, जानु उम्मीद कोनी।

2 थिस्सलुनीकियां 2:16

अम्चा प्रभु ईशु मसीह आप ही, ते अम्चा ब़ा नरीकार, जेह्णे अम्चे लारे प्रेम राखला ते अनुग्रह चे लारे हमेशा ची शान्ति ते आच्छी आस ङिली,

1 तीमुथियुस 1:14

ते अम्चे प्रभु चा अनुग्रह ओ विश्‍वास ते प्रेम चे लारे जको ईशु मसीह मां छै, ब़ोहत ज्यादा हुला।

तीतुस 2:13

ते वे धन्‍न आसा ची यानि आपणे महान नरीकार ते मुक्‍तिदाता ईशु मसीह ची महिमा चे उजागर हुवणे ची बाट ङेखते रिहा।

इब्रानियां 3:6

पर मसीह पूता आलीकर नरीकारा चे घरा चा अधिकारी छै। अगर अम्ही मजबूत विश्‍वासा उपर ते आपणी आस चे गर्व उपर अन्त तक मजबूती लारे बणले रिहुं, तां अम्ही ओचे घराणे छिऊं।

याकूब 1:18

ओणे आपणी ही इच्छा लारे अम्हानु सच्‍च चे वचना चे जरिये पैदा करले कि अम्ही ओची सृष्टि करली हुली चीजा महु हेक तरह चे पेहला फल छिऊं।

1 पतरस 1:13

ऐवास्ते पुरी ब़ुध्दि लारे चौकस रिहा ते आपणे उपर काबु राखा। ओ अनुग्रह ची पुरी उम्मीद राखा जको ईशु मसीह चे उजागर हुवणे उपर तम्हानु ङिली जाणे आली छै।

1 पतरस 1:21

जको ओचे जरिये ओ नरीकारा उपर विश्‍वास करा, जेह्णे ओनु मरले आला महु जीते करले, ते महिमा ङिली, कि तम्चा विश्‍वास ते उम्मीद नरीकारा उपर हो।

1 पतरस 1:23

कांकि तम्ही नाशवान कोनी, पर अवनाशी बीजा लारे, नरीकारा चे जीते ते सदा रुकणे आले वचना लारे नवां जनम गेहला।

1 पतरस 2:2

नवें जमले आले ब़ाला आलीकर, शोद्ध आत्मिक ङूधा ची इच्छा राखा, ताकि ओचे जरिये तम्चा उद्धार ते बढ़ोतरी हो।

1 पतरस 3:15

पर मसीह नु प्रभु जाणती कर आपणे आपणे मना मां पवित्र समझा, ते जको कुई तम्हा कनु तम्ची आस चे बारे मां कहीं पूछे ते ओनु उत्तर ङेणे चे वास्ते हमेशा तियार रिहा, पर नरमाई ते ङर चे लारे।

1 पतरस 3:21

ते ओही पाणीया ची मिसाल वी यानिकि बपतिस्मा, ईशु मसीह चे जीते हुवणे चे जरिये, हमा तम्हानु बचावे, ओचे कनु शरीरा चे मैल नु दूर करने चा मतलब कोनी छै, पर शोद्ध विवेक लारे नरीकारा चे हाथा मां हुती जाणे चा मतलब छै।

1 पतरस 3:5

कांकि बीतले आले युगा चा वे पवित्र असतरीया आपणे आप नु सजाणे संवारने चा हाओ ही ढंग हुता, जाया उम्मीदा नरीकारा उपर टिकलीया आलीया हुतीया। वे आपणे आपणे मुणसा चे वशा मां रेहतीया।

1 यूहन्‍ना 2:29

अगर तम्ही जाणा, कि ईशु धर्मी छै, तां ईं वी जाणा कि जको कुई धर्म चे काम करे, वे ओकनु जमले।

1 यूहन्‍ना 3:3

जको कुई ईशु मसीह कनु इसड़ी आस राखे, ओ आपणे आप नु उसड़े ही पवित्र करो जिसड़ा ओ छै।

1 यूहन्‍ना 3:9

जको कुई नरीकारा कनु जमले ऊं पाप ना करी, कांकि ओचे बीज वांचे मां बणले रिहे, ते ऊं पाप कर ही ना सग़ी कांकि नरीकारा कनु जमले।

1 यूहन्‍ना 4:7

हे प्यारे, अम्ही आपस मां प्रेम राखु, कांकि प्रेम नरीकारा कनु छै। ते जको कुई प्रेम करे, ऊं नरीकारा कनु जमले, ते नरीकारा नु जाणे।

1 यूहन्‍ना 5:1

जाया हा विश्‍वास छै कि ईशु ही मसीह छै, ओ नरीकारा कनु पैदा हुला, ते जको पैदा करने आले लारे प्रेम राखे, ओ वांचे लारे वी प्रेम राखे, जको ओकनु पैदा हुले।

1 यूहन्‍ना 5:18

अम्ही जाणु, कि जको कुई नरीकारा कनु पैदा हुला, ऊं पाप ना करी, पर जको नरीकारा कनु पैदा हुले, ओनु नरीकार बचाली राखे, ते शैतान ओनु हाथ तक ना ला सग़ी।

1 यूहन्‍ना 5:4

कांकि जको कुई नरीकारा कनु पैदा हुले, वे संसारा उपर जय प्राप्त करे, ते वा जय जाये कनु संसारा उपर जय प्राप्त हुवे अम्चा विश्‍वास छै।