1 पतरस 1:17 - ओङ राजपूत

¹⁷ ते जिसे बेले तम्ही, “हे ब़ा,” केहती कर प्राथना करा, जको बिना पक्षपात हर हेके चे कामा चे अनुसार न्यां करी, ऐवास्ते ये दुनिया मां प्रदेसी हुवणे चा समय नरीकारा चा आदर करते हुले जीवन बितावा।

1 पतरस 1:17 Iomraidhean Croise

मत्ती 16:27

मैं इन्साना चा पूत, स्वर्ग़दूता लारे आपणे ब़ा नरीकारा ची महिमा मां आवी, ओ समय उपर, हर हेक नु ओचे कामा चे अनुसार प्रतिफल ङिही।

मत्ती 22:16

तां वाणे आपणे चैला नु हेरोदियां चे लारे, ओचे गोढु ईं केहणे वास्ते भेज़ले, “हे गुरु, अम्ही जाणु कि तु सच्‍चा छी, ते नरीकारा चा मार्ग़ सच्‍चाई लारे सिखावी, ते काई परवाह ना करी, कांकि तु इन्साना चे मुँह ङेखती कर बाता ना करी।

मत्ती 6:9

“तां, तम्ही ये रीति लारे प्राथना करले करा, “ ‘हे अम्चा ब़ा, तु जको स्वर्ग़ा मां छी, दुधे नां पवित्र मनले जाओ।

रोमियां 11:20

हा सच्‍च बात छै, कि वे तां अविश्‍वास चे वजह भांलीया गेलीया, पर तु विश्‍वासा मां बणला रिही। ऐवास्ते घमण्डी ना हो, पर भय राख।

2 कुरिन्थियां 1:2

अम्चे ब़ा नरीकार ते प्रभु ईशु मसीह ची ओर कनु तम्हानु अनुग्रह ते शान्ति मिलती रिहो।

2 कुरिन्थियां 5:6

ऐवास्ते अम्ही सदा हिम्मत ब़ांहली रिहुं ते ईं जाणु कि, जब तक अम्ही शरीरा मां छिऊं, तब तक प्रभु कनु दूर छिऊं।

2 कुरिन्थियां 7:1

हे माये प्यारे भऊ, जबकि ये वायदे अम्हानु मिड़ले, तां आवा, अम्ही आपणे आप नु शरीर ते आत्मा ची सारी मलिनता कनु शोद्ध करु, ते नरीकारा चा भय मनते हुले पवित्रता नु सेद्ध करु।

2 कुरिन्थियां 7:11

तां ङेखा, ईं ङोख जको नरीकारा ने ङिले, ओणे तम्चे मां कितनी इच्छा जग़ाती ङिली, ते प्रत्युतर, रीस, ङर, इच्छा, धोन्‍न ते बदला गेहणे चा विचार पैदा करती ङिला। तम्ही सारीया बाता मां हा साबित करती ङिले, कि तम्ही ये बाते मां बेकसूर छिवा।

गलातियां 2:6

बल्ति जको मनले आले हुते चाहे जिसड़े वी हुते मनु वांचे लारे का काम, नरीकारा ची नजरी मां सब बराबर छी, वे जको वी कहीं हुते मनु वांचे कनु कुई फायदा कोनी,

इफिसियां 1:17

कि अम्चे प्रभु ईशु मसीह चा नरीकार जको महिमा चा ब़ा छै, तम्हानु आपणी पिछाण मां ज्ञान ते सोज़ले ची आत्मा ङियो,

इफिसियां 3:14

मैं ये वजह कनु ओ नरीकारा चे सामणे गोङे टेके पला,

इफिसियां 6:9

ते हे मालकु, तम्ही वी धमकीया ङेणीया छोड़ती कर वांचे लारे उसड़ा ही बर्ताव करा, कांकि तम्ही जाणा कि वांचा ते तम्चा ङुहुं चा मालिक नरीकार स्वर्ग़ा मां छै,ते ओ काया पक्षपात ना करी।

फिलिप्पियां 2:12

ऐवास्ते हे प्यारे, तम्ही जिंवे माई आज्ञा चा पालन करते जिसे बेले मैं तम्चे लारे हुता हमा जबकि मैं तम्चे लारे कोनी, तां हमा तम्ही होर ज्यादा लगन लारे वांचा पालन करा। नरीकारा चे प्रति आज्ञाकारी ते पुरे कद्दर-भाव लारे आपणे उद्धार नु पूरा करने वास्ते तम्ही काम करते जावा।

कुलुस्सियां 3:25

कांकि जको बुरे करी, ओनु आपणी बुराई ची सजा मिली, उठे काया वी पक्षपात कोनी।

इब्रानियां 12:28

जिंवे अम्ही अविनाशी राज़ गेहला जको हली ना, ऐवास्ते आवा अम्ही नरीकारा चा भय मनते हुले, ओनु खौश करने आली भग़ती लारे अराधना करु।

इब्रानियां 4:1

ऐवास्ते जबकि ओचे विश्राम मां जाणे ची प्रतिज्ञा हमा तक छै, तां अम्हानु ङरणे चाही छै इसड़े ना हो कि तम्चे महु कुई जणे ओचे कनु रेहती ना जाओ।

1 पतरस 2:11

हे प्यारे, मैं तम्हा कनु बिनती करे पला, कि तम्ही संसारा मां प्रदेसीया चे रूपा मां छिवा, जको तम्ची आत्मा लारे योद्ध करतीया रिही वा शरीरा चा इच्छा कनु तम्ही बचले रिहा।

1 पतरस 3:15

पर मसीह नु प्रभु जाणती कर आपणे आपणे मना मां पवित्र समझा, ते जको कुई तम्हा कनु तम्ची आस चे बारे मां कहीं पूछे ते ओनु उत्तर ङेणे चे वास्ते हमेशा तियार रिहा, पर नरमाई ते ङर चे लारे।