1 पतरस 1:10 - ओङ राजपूत

¹⁰ ऐ उद्धार चे बारे मां वा भविष्यवक्‍ता ने बङी मेहनती लारे जांच-पड़ताल करली, जेह्णे ओ अनुग्रह चे बारे मां जको तम्चे उपर हुवणे आला हुता, भविष्यवाणी करली हुती।

1 पतरस 1:10 Iomraidhean Croise

मत्ती 13:17

कांकि मैं तम्हानु सच्‍च किहे पला कि ब़ोहत से भविष्यवक्‍ता ने ते धर्मीया ने चाह्‍ले कि जको बाता तम्ही ङेखा पले, ङेखो, पर कोनी ङेखलीया, ते जको बाता तम्ही सुणा पले, सुणो, पर कोनी सुणलीया।

मत्ती 26:24

मैं इन्साना चा पूत जिसड़े माये वास्ते लिखले गेले, जाये ही पला, पर ओ इन्साना उपर हाय! जाये जरिये मैं इन्साना चा पूत पकड़वाला जई। अगर ओ इन्साना चा जनम ही ना हुवीया, तां ओचे वास्ते भले हुते।”

लूका 10:24

कांकि मैं तम्हानु किहे पला कि ब़ोहत से भविष्यवक्‍ता ते राजा ने चाह्‍ले कि जको बाता तम्ही ङेखा पले, ङेखो, पर कोनी ङेखलीया, ते जको बाता तम्ही सुणा पले, सुणो, पर कोनी सुणलीया।”

लूका 24:44

बल्ति ईशु ने वानु केहले, “ये माया वे बाता छी, जको मैं तम्चे लारे रेहते हुले, तम्हानु केहलीया हुतीया, कि जरुरी छै, कि जितनीया बाता मूसा ची व्यवस्था, ते भविष्यवक्‍ता ते भज़ना चीया किताबा मां, माये बारे मां लिखलीया आलीया छी, सारीया पुरीया हुवणे जरुरी हुतीया।”

यूहन्‍ना 5:39

तम्ही पवित्रशास्त्र मां सोधा कांकि तम्ही समझा कि ओचे मां तम्हानु अनन्त जीवन मिले। ते ओही पवित्रशास्त्र छै जको माई ग़वाही ङिये,

यूहन्‍ना 7:52

वाणे केहले, “का तु वी गलील चा छी? पवित्रशास्त्रा मां पढ़ती कर सोधा ते तम्ही ङेखा कि गलील कनु कुई भविष्यवक्‍ता प्रकट ना हुवी।”

प्रेरितां चे काम 10:43

ओची सारे भविष्यवक्‍ता ग़वाही ङी कि जको कुई ओचे उपर विश्‍वास करी, ओनु ओचे नांवा चे जरिये पापा ची माफी मिली।”

प्रेरितां चे काम 17:11

बिरीया शहरा चे लौक थिस्सलुनिके चे यहूदी लौका कनु घणे भले हुते, ते वाणे बङी लालसा लारे वचना नु ग्रहण करले, जको पौलुस वानु सिखाता वां बाता ची सच्‍चाई चे बारे मां हर ङिओ पवित्रशास्त्र नु बङी गहराई लारे पढ़ते रेहले।

प्रेरितां चे काम 28:23

बल्ति वाणे पौलुस चे वास्ते हेक ङिओ तय करला, ते जिसे घरा मां ओ हुता घणी तदात मां लौक ओठे भेले हुती गेले। ते ओ नरीकारा चे राज़ ची ग़वाही ङिता हुला, ते मूसा ची व्यवस्था ते भविष्यवक्‍ता चा किताबा महु ईशु मसीह चे बारे मां सवेले कनु लाती कर आथणे तक साफ रीति लारे वानु समझाता रेहला।

प्रेरितां चे काम 7:52

का कङी वी कुई इसड़ा भविष्यवक्‍ता हुला जानु तम्चे पुरखा ने सताले ना हो? इठे तक कि वाणे वा भविष्यवक्‍ता नु वी मारती नाखले हुते, ते जेह्णे ओ धर्मी इन्साना चे आणे ची पेहले ही कनु भविष्यवाणी करली हुती। तम्ही ओही मसीह नु धोक्‍के लारे पकड़वाती कर मरवाती नाखले।

इब्रानियां 11:13

ये सारे विश्‍वासा ची दशा मां मरले, ते वाणे वायदा करलीया आलीया चीजा कोनी गेहलीया। पर वानु दूरी कनु ङेखती कर खौश हुले ते मनती गेहले कि अम्ही धरती उपर प्रदेसी ते ब़ाहरले छिऊं।

इब्रानियां 11:40

कांकि नरीकारा ने अम्चे वास्ते पेहले कनु हेक उत्तम बात ठहराली कि वे अम्चे लारे जुड़ले बिना सेद्ध ना बण सग़ो।

1 पतरस 1:11

वाणे ये बाते ची पड़ताल करली कि मसीह चा आत्मा जको वांचे मां हुता, ते पेहले कनु ही मसीह चे ङुखा ची ते वांचे बाद हुवणे आली महिमा ची ग़वाही ङिता, ये बाता ये दुनिया उपर किसे बेले हुवे ते बल्ति ये दुनिया चे का हुवी?

1 पतरस 1:13

ऐवास्ते पुरी ब़ुध्दि लारे चौकस रिहा ते आपणे उपर काबु राखा। ओ अनुग्रह ची पुरी उम्मीद राखा जको ईशु मसीह चे उजागर हुवणे उपर तम्हानु ङिली जाणे आली छै।