1 यूहन्‍ना 4:9 - ओङ राजपूत

⁹ जको प्रेम नरीकार अम्चे लारे राखे, ओ ऐकनु प्रकट हुला कि, नरीकारा ने आपणे हिकड़ाता चे पूता नु ऐ संसारा मां भेज़ले, कि अम्ही ओचे जरिये जीवन पा सग़ु।

1 यूहन्‍ना 4:9 Iomraidhean Croise

मरकुस 12:6

हमा हेक ही रेहती गेलता, जको ओचा प्यारा पूत हुता, अन्त मां ओणे ओनु वी वांचे गोढु ईं सोचती कर भेज़ले कि वे माये पूता चा कद्दर करे।

लूका 4:18

“प्रभु ची आत्मा माये उपर छै, ऐवास्ते ओणे कंगाला नु सुसमाचार सुणावणे वास्ते माया अभिषेक करला, ते मनु ऐवास्ते चुणले कि जको बन्धन मां छी वानु छुटकारे चा ते अन्धा नु सोज़ले मिलणे चा सुसमाचार चा प्रचार करे ते लताड़ले आला नु छुड़ावे।

यूहन्‍ना 10:10

चोर किसी नेरे कामा वास्ते ना पर हेको चोरी करने वास्ते ते मारणे ते बर्बाद करु आवे, पर मैं ऐवास्ते आला कि वानु जीन्दगी मिलो, भरपूर जीन्दगी मिलो।

यूहन्‍ना 14:6

ईशु ने वानु केहले, “मार्ग़, सच्‍चाई ते जीन्दगी मैं ही छै। बिना माये जरिये कुई नरीकार ब़ा गोढु पोज़ ना सग़ी।

यूहन्‍ना 3:16

कांकि नरीकारा ने संसारा लारे इसड़ा प्रेम राखला कि ओणे आपणा हिकड़ाता चा पूत ङिती ङिला, कि जको कुई ओचे उपर विश्‍वास करे ऊं नाश ना हो पर अनन्त जीवन गिहो।

यूहन्‍ना 3:18

जको कुई ओचे उपर विश्‍वास करे ओचे उपर ङण्ड ची आज्ञा नी हुवी, पर जको ओचे उपर विश्‍वास ना करी ओह दोषी हुती गेला, ऐवास्ते कि ओणे नरीकारा चे हिकड़ाते पूता चे नांवा उपर विश्‍वास कोनी करला।

यूहन्‍ना 5:23

ऐवास्ते कि सारे लौक जिंवे ब़ा चा कद्दर करी यूंही पूता चा वी कद्दर करा। जको पूता चा कद्दर ना करी ओह ब़ा चा जेह्णे ओनु भेज़ले कद्दर ना करी।

यूहन्‍ना 6:29

ईशु ने वानु केहले, “नरीकार जको चाहवे, ऊं काम ईं छै, कि ओचे उपर विश्‍वास करा जानु नरीकारा ने भेज़ले।”

यूहन्‍ना 6:51

मैं ही वा जीती रोटी छै जको स्वर्ग़ा कनु उतरली। अगर ये रोटी नु कुई खाये ते ऊं सदा जीते रिही। ते वा रोटी जानु मैं ङिही माये शरीर छै, ऐची वजह कनु संसार जीता रिही।”

यूहन्‍ना 6:57

बिल्कुल यूंही जिंवे जीते ब़ा ने मनु भेज़ले ते मैं ब़ा नरीकारा ची वजह कनु ही जीता छै, यूंही जको माये शरीरा नु खाते रिही ऊं माई वजह कनु जीते रिही।

यूहन्‍ना 8:29

ते माया भेज़णे आला माये लारे छै, ओणे मनु हेकले कोनी छोड़ले, कांकि मैं सदा ऊंही काम करे जाये कनु ओ खौश हुवे।”

यूहन्‍ना 8:42

ईशु ने वानु केहले, “अगर नरीकार तम्चा ब़ा हुवीया तां, तम्ही माये लारे प्रेम राखा हा, कांकि मैं नरीकारा ची तरफु आला। मैं आपणे आप कोनी आला, पर ओणे मनु भेज़ले।

यूहन्‍ना 9:3

ईशु ने केहले, “ना तां ऐणे पाप करला ना ही ऐचे आई-ब़ा ने, पर ईं ऐवास्ते हुले कि नरीकारा चे काम ओचे उपर प्रकट हो।

रोमियां 8:32

नरीकार, जेह्णे आपणे पूता नु वी कोनी राखले, बल्कि ओनु अम्चे सब चे पापा वास्ते मरणे वास्ते ङिती ङिले, तां ओ ओचे लारे अम्हानु होर सब कोच्छ कां नी ङिही?

इब्रानियां 1:5

कांकि स्वर्ग़दूता महु नरीकारा ने कङण कानु इसड़े केहले, “तु माया पूत छी, आज़ मैं ही तनु पैदा करले।” ते बल्ति ईं, “मैं ओचा ब़ा हुती जई ते ओ माया पूत हुवी।”

1 यूहन्‍ना 3:16

अम्ही प्रेम ऐचे कनु जाणला, कि ईशु मसीह ने अम्चे वास्ते आपणे प्राण ङिती ङिले, ते अम्हानु वी आपणे भावां ते ब़ेहणीया चे वास्ते प्राण ङेणे चाही छै।

1 यूहन्‍ना 4:10

सच्‍चा प्रेम ऐचे मां कोनी कि अम्ही नरीकारा लारे प्रेम करला, पर ऐचे मां छै, कि ओणे अम्चे लारे प्रेम करला, ते अम्चे पापा चे प्रायश्‍चित चे वास्ते आपणे पूता नु भेज़ले।

1 यूहन्‍ना 4:16

जको प्रेम नरीकार अम्चे लारे राखे, ओनु अम्ही जाणती गेले, ते अम्हानु ओचा विश्‍वास छै। नरीकार प्रेम छै, ते जको प्रेम मां बणले रिहे, ऊं नरीकारा मां बणले रिहे, ते नरीकार ओचे मां बणला रिहे।

1 यूहन्‍ना 5:11

ते वा ग़वाही हा छै कि, नरीकारा ने अम्हानु अनन्त जीवन ङिला, ते हा जीवन ओचे पूता मां छै।

1 यूहन्‍ना 5:13

जको नरीकारा चे पूता चे नांवा उपर विश्‍वास करी, ये बाता मैं तम्हानु ऐवास्ते लिखलीया, कि तम्ही जाणा, कि अनन्त जीवन तम्चा छै।