1 यूहन्‍ना 4:12 - ओङ राजपूत

¹² नरीकारा नु कङी किह्णी कोनी ङेखले, अगर अम्ही आपस मां प्रेम राखु, ते नरीकार अम्चे मां बणला रिहे, ते ओचा प्रेम अम्चे मां सेद्ध हुती गेला।

1 यूहन्‍ना 4:12 Iomraidhean Croise

यूहन्‍ना 1:18

नरीकारा नु कङी वी किह्णी कोनी ङेखले, पर हिकड़ाते पूत जको ब़ा ची गोङी मां छै, ते खौद्द नरीकार छै, ओणे नरीकारा नु प्रकट करले।

1 कुरिन्थियां 13:13

पर हमा विश्‍वास, आस, प्रेम ये तीन टिकाऊं छी, पर यांचे महु सबकनु बङा प्रेम छै।

1 तीमुथियुस 1:17

हमा सनातन राजा यानिकि अविनाशी, अणङेखले, हेको नरीकारा चा आदर ते महिमा युगानयुग हुती रिहो। आमीन।

1 तीमुथियुस 6:16

ते अमरता हेको नरीकारा ची ही छै, जको घणे चमकदार सोज़ले मां रिही, ओचे सोज़ले गोढु कुई ना जा सग़ी, ते ना ओनु कुई बन्दे ने ङेखले, ते ना कङी ङेख सग़े, ओचा मान-समान ते राज़ युगानयुग हुता रिहो। आमीन।

इब्रानियां 11:27

विश्‍वासा लारे ही ओ राजे चे क्रोधा कनु नी ङरला ते ओणे मिस्र देशा नु छोड़ती ङिले, कांकि ओ अणङेखले नरीकारा नु, मनती गेहले ङेखता हुला मजबूत रेहला।

1 यूहन्‍ना 2:5

पर जको कुई ओचे वचना उपर चले, ओचे मां सच्‍चमां नरीकारा चा प्रेम सेद्ध हुला। ऐचे कनु अम्ही जाणु कि अम्ही ओचे मां छिऊं।

1 यूहन्‍ना 3:24

जको नरीकारा चीया आज्ञा नु मने, ऊं नरीकारा मां ते नरीकार वांचे मां बणला रिहे, ते ऐचे कनु, यानिकि वे पवित्र आत्मा लारे जको ओणे अम्हानु ङिला छै, अम्ही जाणु कि नरीकार अम्चे मां बणला रिहे।

1 यूहन्‍ना 4:16

जको प्रेम नरीकार अम्चे लारे राखे, ओनु अम्ही जाणती गेले, ते अम्हानु ओचा विश्‍वास छै। नरीकार प्रेम छै, ते जको प्रेम मां बणले रिहे, ऊं नरीकारा मां बणले रिहे, ते नरीकार ओचे मां बणला रिहे।

1 यूहन्‍ना 4:20

अगर कुई किहे, “मैं नरीकारा लारे प्रेम राखे,” ते आपणे ब़ेहण भावां लारे बैर राखे, तां ऊं कूड़े छै। कांकि जको आपणे ब़ेहण भावां लारे, जानु ओणे ङेखले, प्रेम ना राखी, तां ऊं नरीकारा लारे वी जानु ओणे कोनी ङेखले, प्रेम ना राख सग़ी।

1 यूहन्‍ना 4:6

अम्ही नरीकारा चे छिऊं। जको नरीकारा नु जाणे, ओ अम्ची सुणे, जको नरीकारा नु ना जाणी, ओ अम्ची ना सुणी। यूंही अम्ही सच्‍चाई ची आत्मा ते भ्रम ची आत्मा नु पिछाणती गिहुं।