1 यूहन्‍ना 3:6 - ओङ राजपूत

⁶ जको कुई मसीह मां बणले रिहे, ऊं पाप मां जीवन ना बितावी, जको कुई पाप मां जीवन बितावे, ओणे ना ते मसीह नु ङेखले ते ना ही ओनु जाणले।

1 यूहन्‍ना 3:6 Iomraidhean Croise

2 कुरिन्थियां 3:18

पर जब अम्चे सब चे उघाड़े चेहरे कनु प्रभु ची महिमा यूं प्रकट हुवे, जिंवे करती शीशे मां हुवे। तां प्रभु चे जरिये जको आत्मा छै, अम्ही ओचे तेजस्वी रुप मां अंश-अंश करती बदलते जऊं पले।

2 कुरिन्थियां 4:6

कांकि नरीकार ने आज्ञा ङिली हुती कि, “अन्धकारा महु ज्योति चमको।” ते नरीकारा ने ही अम्चे दिला मां आपणी ज्योति चमकाली कि ईशु मसीह मां नरीकारा ची महिमा चे सोज़ले मेल सग़ो।

1 यूहन्‍ना 2:28

हे माई प्यारी ब़ाले, ईशु मां बणले रिहा कि जिसे बेले ओ प्रकट हो, तां अम्हानु हिम्मत हो। ते अम्ही ओचे आणे उपर ओचे सामणे आणे कनु शर्माऊं ना।

1 यूहन्‍ना 2:3

अगर अम्ही नरीकारा चीया आज्ञा नु मनु, तां ऐचे कनु अम्ही जाणती गिहुं कि अम्ही नरीकारा नु जाणती गेले।

1 यूहन्‍ना 2:4

जको कुई ईं किहे, “मैं नरीकारा नु जाणती गेला” ते ओचे आज्ञा नु ना मनी, ते ऊं बन्दे कूड़े छै, ते ओचे दिला मां सच्‍चाई कोनी,

1 यूहन्‍ना 3:2

हे प्यारे, हमा वी अम्ही नरीकारा ची ऊलाद्ध छिऊं, ते हमा तक हा प्रकट कोनी हुले कि आणे आले समय मां अम्ही का कोच्छ हुं! इतने जाणु कि जिसे बेले ईशु मसीह प्रकट हुवी ते अम्ही ओचे समान हुती जऊं, कांकि ओनु उसड़े ही ङेखु जिसड़ा ओ छै।

1 यूहन्‍ना 3:9

जको कुई नरीकारा कनु जमले ऊं पाप ना करी, कांकि ओचे बीज वांचे मां बणले रिहे, ते ऊं पाप कर ही ना सग़ी कांकि नरीकारा कनु जमले।

1 यूहन्‍ना 4:8

जको प्रेम ना राखी, ऊं नरीकारा नु ना जाणी, कांकि नरीकार प्रेम छै।

1 यूहन्‍ना 5:18

अम्ही जाणु, कि जको कुई नरीकारा कनु पैदा हुला, ऊं पाप ना करी, पर जको नरीकारा कनु पैदा हुले, ओनु नरीकार बचाली राखे, ते शैतान ओनु हाथ तक ना ला सग़ी।

3 यूहन्‍ना 1:11

हे प्यारे, बुराई चा ना पर भलाई चा पीछा करा। जको भलाई करे, ऊं नरीकारा ची ओर कनु करे, जको बुराई करे, ओणे नरीकारा नु कोनी जाणले।