1 यूहन्‍ना 3:5 - ओङ राजपूत

⁵ तम्ही जाणा कि ईशु मसीह ऐवास्ते आला कि बन्दा चे पापा नु नाश करती नाखो। ते ओणे कङी पाप कोनी करला।

1 यूहन्‍ना 3:5 Iomraidhean Croise

मत्ती 1:21

वा पूत जमावी ते तु ओचे नां ईशु राखीयो, कांकि ऊं आपणे लौका चा वांचे पापा कनु उद्धार करी।”

लूका 23:41

ते अम्ही तां सच्‍चमां न्यां चे अनुसार भोग़ु पले, कांकि अम्ही आपणे कामा चा ठीक फल भोग़ु पले, पर ऐणे तां कुई कसूर कोनी करला।”

लूका 23:47

सूबेदारा ने, जको कहीं हुले हुते ङेखती कर नरीकारा ची बढ़ाई करली, ते केहले, “पक्‍का ईं इन्सान धर्मी हुते।”

यूहन्‍ना 1:29

ङुजे ङिओ यूहन्‍ना ने ईशु नु आपणी तरफ आते ङेखती कर केहले, “ङेखा, ईं नरीकारा चे मेमणे छै, जको संसारा चे पापा नु चती चाह्‍ले जाये।

यूहन्‍ना 1:31

ते मैं तां ओनु पिछाणता वी ना, पर ऐवास्ते मैं पाणीया लारे बपतिस्मा ङिता हुला आला, कि ओ इस्राएल उपर प्रकट हुती जाओ।”

यूहन्‍ना 14:30

“मैं हमा तम्चे लारे घणीया बाता नी करी, कांकि ऐ संसारा चा सरदार शैतान आवे पला। माये उपर ओचा कुई अधिकार कोनी,

यूहन्‍ना 8:46

तम्चे महु कूण मनु पापी ठहरावे? अगर मैं सच्‍च ब़ोले, तां तम्ही माया विश्‍वास कां ना करा?

2 कुरिन्थियां 5:21

मसीह जको पापा कनु निष्पाप हुता, ओनु ही नरीकारा ने अम्चे वास्ते पाप ठहराला, कि अम्ही ओचे मां हुती कर नरीकारा ची धार्मिकता चे भाग़ी हुती जऊं।

1 तीमुथियुस 1:15

हा बात सच्‍च ते हर तरह मनणे चे लायक छै, कि मसीह ईशु पापीया चा उद्धार करने चे वास्ते संसारा मां आला, जाये महु सबकनु बङा मैं छै।

1 तीमुथियुस 3:16

ते ऐचे मां कुई शक्‍क कोनी, कि भग़ती चा भेद गम्भीर छै, यानिकि मसीह जको शरीरा मां प्रकट हुला, पवित्र आत्मा मां धर्मी सेद्ध ठहरला, स्वर्ग़दूता नु ङिसला, नेरीया जातिया मां ओचा प्रचार हुला, संसारा मां ओचे उपर विश्‍वास करला गेला, ते महिमा मां उपर चवीला गेला।

तीतुस 2:14

जेह्णे आपणे आप नु अम्चे वास्ते ङिती ङिले, कि अम्हानु हर-तरहा चे अधर्म कनु छुड़ाती गिहो, शोद्ध करती आपणे वास्ते हेक इसड़ी जाति बणाती गिहो जको भले-भले कामा मां तियार हो।

इब्रानियां 1:3

ओ नरीकारा ची महिमा चे सोज़ले, ते ओचे सुभाव ची छाप छै, ते सारीया चीजा नु आपणी सामर्थ चे वचना लारे, सम्भाले। ओ अम्चे पापा नु धोती कर, स्वर्ग़ा मां सर्वशक्‍तिमान नरीकारा चे सज़्ज़े पासु जती ब़ेहला।

इब्रानियां 4:15

कांकि अम्चा महायाजक इसड़ा कोनी जको अम्ची कमजोरीया मां अम्चे लारे ङुखी ना हो सग़ो। बल्कि ओ सब बाता मां अम्चे आलीकर परखला गेला, तां वी निष्पाप रेहला।

इब्रानियां 7:26

कांकि इसड़ा ही महायाजक अम्चे लायक हुता, जको पवित्र, ते निष्कपट ते निर्मल ते पापीया कनु अलग़, ते स्वर्ग़ा कनु वी ऊंचा करला आला हो।

इब्रानियां 9:26

ना तां जग़त ची उत्पत्ति कनु गेहती कर मसीह नु बार-बार ङोख चवणे पड़ी हा। पर हमा युगा चे अन्त मां ओ सारा वास्ते हेको ही बार खौद्द आपणी ही बलि चे जरिये पाप नु मिटाती ङेणे वास्ते प्रकट हुती गेला।

इब्रानियां 9:28

यूं करती मसीह ब़ोहता चे पाप चवणे वास्ते हेक ही वारी खौद्द नु भेंट करले। ओचे बाद हमा दुबारा प्रकट हुवी, पापा नु चवणे वास्ते ना, पर वांचे उद्धार वास्ते जको ओचे इन्तजार मां छी।

1 पतरस 1:18

कांकि तम्ही जाणा, कि तम्चा निक्‍कमा चाल-चलन जको ङाङा-ब़ा कनु चड़ला आवे ओचे कनु तम्चा छुटकारा चान्दी सोने यानिकि नाशवान चीजा चे जरिये कोनी हुला,

1 पतरस 1:20

ऐ संसारा ची शुरुआत कनु ही पेहले ओनु चुणती गेलते ले, पर तम्चे वास्ते ओनु यां आखरी ङिहां मां ओणे उजागर करले।

1 पतरस 2:22

“ना तां ओणे कुई पाप करला, ते ना ही ओचे मुँहा कनु कुई छल कप्पट ची बात निकड़ली।”

1 पतरस 2:24

ओ खौद्द ही अम्चे पापा नु आपणे शरीरा चे उपर चती कर क्रूसा उपर चढ़ती गेला, जाये कनु अम्ही पापा चे वास्ते मरती कर धार्मिकता चे वांचे वास्ते जीवन बिताऊं, ओचे ही मार खाणे ची वजह कनु तम्ही चंगे हुले।

1 पतरस 3:18

कांकि मसीह ने वी अम्चे पापा चे वास्ते ङोख भोग़ले। यानिकि ओ बेकसूर हुता। अम्चे पापा चे वास्ते हेक वारी मरती गेला कि अम्हानु नरीकारा चे गोढु गेहती जाओ। शरीरा चे जरिये तां ओ मारला गेला, पर आत्मा चे जरिये जिवाला गेला।

1 यूहन्‍ना 1:2

ओ जीवना चा ज्ञान अम्हानु ङिला गेला, ते अम्ही ओनु ङेखले, ते ओची ग़वाही ङिऊं पले, ते तम्हानु अनन्त जीवन ङेणे आले ची घोषणा करु पले जको ब़ा नरीकार चे लारे हुता अम्चे उपर प्रकट हुला।

1 यूहन्‍ना 1:7

अगर जिसड़ा ओ सोज़ले छै, यूंही अम्ही हमा वी सोज़ले मां टुरु तां हेके ङुजे लारे सहभागिता राखु वी, ते नरीकारा चा पूत ईशु चे लुहीं अम्हानु सारा पापा कनु शोद्ध करे।

1 यूहन्‍ना 2:1

हे माये ब़ाले, मैं ये बाता तम्हानु ऐवास्ते लिखे पला कि तम्ही पाप ना करा, ते अगर कुई पाप करे, तां नरीकारा कनु अम्चा हेक सहायक छै, यानिकि धर्मी ईशु मसीह,

1 यूहन्‍ना 2:2

ते ओही अम्चे पापा चे वास्ते बलिदान हुला, ते सेर्फ अम्चे ही कोनी बल्कि सारे संसार चे पापा चे वास्ते वी।

1 यूहन्‍ना 2:29

अगर तम्ही जाणा, कि ईशु धर्मी छै, तां ईं वी जाणा कि जको कुई धर्म चे काम करे, वे ओकनु जमले।

1 यूहन्‍ना 3:8

जको कुई पाप करे ऊं शैताना ची ओर कनु छै, कांकि शैतान शुरु कनु पाप करता आला। नरीकारा चा पूत ऐवास्ते प्रकट हुला कि शैताना चे कामा नु नाश करो।

प्रकाशितवाक्य 1:5

ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो। ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै।