1 यूहन्‍ना 3:12 - ओङ राजपूत

¹² ते कैन चे समान ना बणा, जाया रिश्ता शैताना लारे हुता, जेह्णे आपणे भावां नु मारती ङिलते। ओनु किसी वजह लारे मारले हुते? ऐवास्ते कि ओचे काम बुरे हुते, ते ओचे भऊ हाबिल चे काम धर्म चे हुते।

1 यूहन्‍ना 3:12 Iomraidhean Croise

मत्ती 13:19

जको कुई राज़ चा वचन सुणती कर ना समझी, ओचे मना मां जको कोच्छ राहले गेले हुते, ओनु ओ दुष्ट आती कर खोसती कर चाह्‍ला जाये, ईं ऊंही बीज छै, जको मार्ग़ चे किनारे राहले गेले हुते।

मत्ती 13:38

खेत संसार छै, आच्छे ङाणे राज़ ची ऊलाद्ध छै, ते जंगली ङाणे दुष्ट ची ऊलाद्ध छै।

मत्ती 23:35

जाये मां धर्मी हाबिल कनु गेहती कर बिरिक्याह चे पूता जकरयाह तक, जानु तम्ही मन्दर ते वेदी चे बिचु मारती नाखले हुते। जितने धर्मीया चे लुहीं धरती उपर बाहले गेले, ऊं सारे तम्चे ठोङा उपर पड़ी।

मत्ती 27:23

पिलातुस ने केहले, “कां? ओणे का बुराई करली?” पर वे होर वी जोरा-जोरा चे किहुं लाग़ले, “ओनु क्रूसा उपर चढ़ाले जाओ।”

मत्ती 5:37

पर तम्ची बातचीत ‘हां’ ची ‘हां’ जा ‘ना’ ची ‘ना’ हो, कांकि जको कोच्छ ऐकनु ज्यादा हुवे, ऊं शैताना चे तरफु हुवे।

लूका 11:51

हाबिल ची मौत कनु गेहती कर जकरयाह ची मौत तक, जको मन्दर ते वेदी चे बीच मां मारती नाखले गेले, मैं तम्हानु सच्‍च किहे पला, यां सब चा लेखा ऐ समय चे लौका कनु गेहला जई।

यूहन्‍ना 10:32

ऐचे उपर ईशु ने वानु केहले, “मैं तम्हानु ब़ा ची तरफु घणे सारे आच्छे काम ङिखाणले। वांचे महु किसे कामा वास्ते माये उपर पत्थराव करा पले?”

यूहन्‍ना 8:40

पर हमा तम्ही मनु मारणे चाहवा कांकि मैं तम्हानु सच्‍च वचन सुणाला जको आपणे ब़ा नरीकारा कनु सुणला हुता। पर अब्राहम ने तां तम्चे जिसड़े कोनी करले हुते।

यूहन्‍ना 8:41

तम्ही आपणे ब़ा आलीकर काम करा।” बल्ति वाणे ईशु नु केहले, “अम्ही व्यभिचार लारे कोनी जमले। अम्चा हेको ब़ा छै, यानि नरीकार।”

प्रेरितां चे काम 7:52

का कङी वी कुई इसड़ा भविष्यवक्‍ता हुला जानु तम्चे पुरखा ने सताले ना हो? इठे तक कि वाणे वा भविष्यवक्‍ता नु वी मारती नाखले हुते, ते जेह्णे ओ धर्मी इन्साना चे आणे ची पेहले ही कनु भविष्यवाणी करली हुती। तम्ही ओही मसीह नु धोक्‍के लारे पकड़वाती कर मरवाती नाखले।

1 थिस्सलुनीकियां 2:14

ऐवास्ते कि तम्ही, हे माये भऊ ते ब़ेहणीया, नरीकारा ची वां कलीसिया ची जिसड़ी चाल चलु लाग़ले, जको यहूदिया मां मसीह ईशु मां छी, कांकि तम्ही वी आपणे लौका कनु इसड़े ही ङोख झड़ले, जिसड़े वाणे यहूदिया कनु झड़ले।

इब्रानियां 11:4

विश्‍वासा लारे ही हाबिल ने कैन कनु उत्तम बलिदान नरीकारा नु चढ़ाला, विश्‍वास ची वजह कनु खौद्द नरीकारा ने प्रशंसा लारे हाबिल नु धर्मी घोषित करले, नरीकारा ने हाबिल चे भेंट ची प्रशंसा करली मतलब ओची मौत हुती चुकली ओचा हाओ विश्‍वास आज़ वी अम्चे वास्ते ग़वाही छै।

इब्रानियां 12:24

तम्ही ईशु चे गोढु जको नवीं वाचा चा बिचोला छै ते छिड़काव चे लुहींया चे गोढु जको हाबिल चे लुहींया कनु उत्तम साफ बाता करे, आती पुज़ले।

1 पतरस 4:4

ऐचे कनु वे हैरान हुवी कि तम्ही इसड़े भारी लोचपण मां वांचा साथ ना ङिया, ते ऐवास्ते वे बुरे-भले किही।

1 यूहन्‍ना 3:8

जको कुई पाप करे ऊं शैताना ची ओर कनु छै, कांकि शैतान शुरु कनु पाप करता आला। नरीकारा चा पूत ऐवास्ते प्रकट हुला कि शैताना चे कामा नु नाश करो।

यहूदा 1:11

वांचे उपर हाय! कांकि जेह्णे कैन चे मार्ग़ नु चुणती गेले, ते धन-दौलत ची लालच ची वजह वाणे वाहो गलती करली, जको बिलाम ने करली हुती। ते कोरह आलीकर विरोध करती कर नाश हुले।

प्रकाशितवाक्य 17:6

ते मैं वे असतरी नु पवित्र लौका चे लुहीं ते ईशु उपर विश्‍वास करने आला लौका चे लुहीं पीती कर मतवाली हुली फिरेली, ते मैं विनु ङेखती कर हैरान हुती गेला।