1 यूहन्‍ना 2:3 - ओङ राजपूत

³ अगर अम्ही नरीकारा चीया आज्ञा नु मनु, तां ऐचे कनु अम्ही जाणती गिहुं कि अम्ही नरीकारा नु जाणती गेले।

1 यूहन्‍ना 2:3 Iomraidhean Croise

लूका 6:46

“जब तम्ही माये केहणे ना मना तां का मनु ‘हे प्रभु, हे प्रभु,’ किहा?

यूहन्‍ना 14:15

“अगर तम्ही माया लारे प्रेम करा, तां माये आज्ञा नु मना।

यूहन्‍ना 15:10

अगर तम्ही माये आज्ञा नु मना तां माये प्रेम मां बणले रिहा, जिंवे कि मैं आपणे ब़ा चे आज्ञा नु मने ते ओचे प्रेम मां बणला रिहे।

यूहन्‍ना 15:14

जको कहीं आज्ञा मैं तम्हानु ङिये अगर ओनु तम्ही मना तां माये मित्र छिवा।

यूहन्‍ना 17:3

ते अनन्त जीवन हा छै, कि वे तनु हेक ही सच्‍चे नरीकारा नु, ते ईशु मसीह नु, जानु तु भेज़ले, जाणो।

2 कुरिन्थियां 4:6

कांकि नरीकार ने आज्ञा ङिली हुती कि, “अन्धकारा महु ज्योति चमको।” ते नरीकारा ने ही अम्चे दिला मां आपणी ज्योति चमकाली कि ईशु मसीह मां नरीकारा ची महिमा चे सोज़ले मेल सग़ो।

इब्रानियां 5:9

ते सेद्ध बणती कर ओ खौद्द वां सब वास्ते जको ओची आज्ञा चा पालन करी अनन्त काल वास्ते उद्धार ची वजह बणती गेला।

1 यूहन्‍ना 2:13

हे ब़ाला आले, मैं तम्हानु ऐवास्ते लिखे पला जको शुरु कनु छै, तम्ही ओनु जाणा। हे जवानु, मैं तम्हानु ऐवास्ते लिखे पला कि तम्ही ओ दुष्टा उपर जय पाली। हे माई प्यारी ब़ाले, मैं तम्हानु ऐवास्ते लिखे पला कि तम्ही ब़ा नरीकारा नु जाणती गेले।

1 यूहन्‍ना 3:14

अम्ही जाणु कि अम्ही मौत कनु पार हुती कर जीवन मां पुज़ले। कांकि अम्ही भावां ते ब़ेहणीया लारे प्रेम राखु। जको प्रेम ना राखी ओ मौत ची दशा मां रिहे।

1 यूहन्‍ना 3:19

ऐचे कनु अम्ही जाणु कि अम्ही सच्‍चाई चे छिऊं, ते नरीकारा चे सामणे आपणे मना मां हिम्मत कर सग़ु।

1 यूहन्‍ना 3:6

जको कुई मसीह मां बणले रिहे, ऊं पाप मां जीवन ना बितावी, जको कुई पाप मां जीवन बितावे, ओणे ना ते मसीह नु ङेखले ते ना ही ओनु जाणले।

1 यूहन्‍ना 4:13

ऐचे कनु अम्ही जाणु कि अम्ही ओचे मां बणले रिहुं, ते ओ अम्चे मां, कांकि नरीकारा ने आपणी पवित्र आत्मा महु अम्हानु ङिला।

1 यूहन्‍ना 4:7

हे प्यारे, अम्ही आपस मां प्रेम राखु, कांकि प्रेम नरीकारा कनु छै। ते जको कुई प्रेम करे, ऊं नरीकारा कनु जमले, ते नरीकारा नु जाणे।

1 यूहन्‍ना 5:19

अम्ही हा जाणु कि, अम्ही नरीकारा चे छिऊं, ते सारा संसार ओ शैताना चे बसा मां छै।

1 यूहन्‍ना 5:2

जिसे बेले अम्ही नरीकारा लारे प्रेम राखु, ते ओचीया आज्ञा नु मनु, तां ऐचे कनु अम्ही जाणु कि अम्ही नरीकारा ची ऊलाद्धी लारे प्रेम राखु।

1 यूहन्‍ना 5:3

ते नरीकारा चा प्रेम हा छै कि, अम्ही ओची आज्ञा नु मनु, ते ओची आज्ञा मुश्किल कोनी।

प्रकाशितवाक्य 12:17

ते अजगर वे असतरी कनु गुस्से हुती गेला, ते विची बाकि ची ऊलाद्ध जको नरीकारा ची आज्ञा नु मनते, ते ईशु ची ग़वाही ङेणे चे वास्ते भिले ले, वांचे लारे योद्ध करु गेला।

प्रकाशितवाक्य 14:12

पवित्र लौका चा सब्र ऐचे मां छै, जको नरीकारा ची आज्ञा नु मने, ते ईशु उपर विश्‍वास राखी।

प्रकाशितवाक्य 22:14

“धन्‍न छी वे जको आपणे ओढ़णा नु धोती गिही, कांकि वानु जीवन चे पेड़ा चे गोढु आणे चा अधिकार मिली, ते वे दरवाजे कनु हुती कर शहरा मां घिरे।