1 यूहन्‍ना 1:3 - ओङ राजपूत

³ ते जानु अम्ही ङेखले ते सुणले ओचा समाचार तम्हानु ङिऊं पले, ऐवास्ते कि तम्ही वी अम्चे लारे शामिल हुवा, ते अम्ची हा सहभागिता ब़ा नरीकारा चे लारे ते ओचे पूत ईशु मसीह चे लारे छै।

1 यूहन्‍ना 1:3 Iomraidhean Croise

यूहन्‍ना 17:11

मैं उग़ते संसारा मां नी रिही, पर ये संसारा मां रिहे, ते मैं दुधे गोढु आवे पला। हे पवित्र ब़ा, आपणे ओ नांवा ची ताकत लारे जको तु मनु ङिले, वांची रक्षा कर, कि वे अम्चे आलीकर हेक हुती जाओ।

यूहन्‍ना 17:21

हे ब़ा मैं प्राथना करे पला कि वे सब हेक हो, जिंवे तु माये मां छी ते मैं दुधे मां छै। यूंही वे वी अम्चे मां हो जाये कनु संसार विश्‍वास करो कि तु ही मनु भेज़ले।

यूहन्‍ना 17:25

“हे धार्मिक ब़ा, संसारा ने तनु कोनी जाणले, पर मैं तनु जाणले, ते यां लौका ने वी जाणले कि तु ही मनु भेज़ले।

यूहन्‍ना 17:3

ते अनन्त जीवन हा छै, कि वे तनु हेक ही सच्‍चे नरीकारा नु, ते ईशु मसीह नु, जानु तु भेज़ले, जाणो।

यूहन्‍ना 19:35

जेह्णे ईं ङेखले ओणे ही ग़वाही ङिली, ते ओची ग़वाही सच्‍ची छै। ते ओ जाणे कि सच्‍च किहे पला, ते ग़वाही उपर तम्ही वी विश्‍वास करा।

प्रेरितां चे काम 13:32

“ते अम्ही तम्हानु ओ वायदे चे बारे मां जको नरीकारा ने अम्चे पुरखा लारे करला हुता, हा सुसमाचार सुणाऊं पले।

प्रेरितां चे काम 13:41

“ ‘हे निन्दा, करने आले ङेखा, ते हैरान हुवा, ते मिटती जावा, कांकि मैं तम्चे ङिहां मां हेक काम इसड़े करी, कि अगर कुई तम्हानु ओची चर्चा करे, ते तम्ही कङी विश्‍वास नी करा।’ ”

प्रेरितां चे काम 2:42

ते वे प्रेरितां कनु शिक्षा गेहणे, ते संगति राखणे मां, ते बच्‍चड़ रोटी खाणे मां, ते प्राथना करने मां लवलीन रेहले।

प्रेरितां चे काम 20:27

कांकि मैं नरीकारा ची सारी मनसा नु पुरी रीति लारे तम्हानु बावड़ने कनु कोनी झिझकला।

प्रेरितां चे काम 4:20

कांकि ईं तां अम्हा कनु हो ना सग़ी, कि जको अम्ही ङेखले ते सुणले, ऊं ना किहुं।”

रोमियां 15:27

आच्छे तां लाग़ले, पर वे वांचे कर्जदार वी छी, कांकि अगर नेरीया जातिया वांचीया आत्मिक बाता मां शामिल हुले तां वांचे वास्ते वाजिब छै कि, संसारिक चीजा लारे वांची सेवा करा।

1 कुरिन्थियां 1:30

पर ओचे ही तरफु तम्ही मसीह ईशु मां छिवा, नरीकारा ने मसीह नु अम्चे वास्ते ज्ञान ठहराला मतलब धार्मिकता ते पवित्रता ते छुटकारा बणती जाओ।

1 कुरिन्थियां 1:9

नरीकार विश्‍वास भरला छै, जेह्णे तम्हानु आपणे पूत अम्चे प्रभु ईशु मसीह ची संगति मां हकारले।

1 कुरिन्थियां 15:1

हे माये भऊ, मैं तम्हानु ओही सुसमाचार बावड़े पला जको पेहले सुणाती चुकला जको तम्ही मनती वी चुकले हुते, ते जाये मां तम्ही मजबूत वी छिवा।

2 कुरिन्थियां 13:14

प्रभु ईशु मसीह चा अनुग्रह ते नरीकारा चा प्रेम ते पवित्र आत्मा ची सहभागिता तम्चे सब लारे हुती रिहो। आमीन।

इफिसियां 3:6

मतलब हा छै कि, ईशु मसीह मां सुसमाचार चे जरिये नेरीया जातिया चे लौक यहूदिया लारे विरासत मां भईवाल हुती गेले, ते मसीह चे हेक ही शरीरा लारे ते वायदे मां भईवाल हुले।

फिलिप्पियां 1:7

माया हा विचार तम्चे वास्ते ठीक छै, कांकि तम्ही माये दिला मां बसती गेले, ते माई कैद मां ते सुसमाचार चे वास्ते उत्तर ते प्रमाण ङेणे मां तम्ही सारे माये लारे अनुग्रह मां भईवाल छिवा।

फिलिप्पियां 2:1

अगर मसीह मां कोच्छ शान्ति, ते प्रेम लारे हिम्मत, पवित्र आत्मा ची भईवाली, ते कोच्छ करुणा ते दया छै,

फिलिप्पियां 3:10

मैं मसीह नु जाणना चाहवे ते वे शक्‍ति चा ऐहसास करना चाहवे, जाये कनु ओचा पुनरुत्थान हुला, तां मैं ओचे ङुखा मां शामिल हुवणा चाहवे। ते ओही रुप गेहणा चाहवे जानु ओणे आपणी मौत लारे सेहती गेलता।

कुलुस्सियां 1:13

नरीकारा ने ही अम्हानु अन्धारे चे वशा महु छुड़ाती कर आपणे प्यारे पूता चे राज़ मां दाखिल करवाले।

1 थिस्सलुनीकियां 1:10

ते ओचे पूता चे स्वर्ग़ा कनु आवणे ची बाट ङेखते रिहा, जानु ओणे मरला आला महु जिवाले, यानि ईशु ची, जको अम्हानु नरीकारा चे आणे आले गुस्से कनु बचावे।

1 तीमुथियुस 6:2

ते जाये स्वामी विश्‍वास करने आले छी, याहनु वे भऊ ते ब़ेहणी हुवणे ची वजह तोच्छ ना समझो, बल्कि वांची नेरी सेवा करो, कांकि ऐचे कनु फायदा चवणे आले विश्‍वास करने आले ते प्रेमी छी। जा बाता चा उपदेश करले कर ते समझाता रेह।

इब्रानियां 2:12

पर ओ किहे, “मैं दुधे नां आपणे भावां नु सुणावी, सभा चे बीच मां मैं दुधा भज़न गांवी।”

इब्रानियां 3:1

ऐवास्ते, हे माये विश्‍वासी भऊ, तम्ही जको स्वर्ग़ीय ब़ुलावे मां भईवाल छिवा, ईशु उपर ध्यान ङिया, जको अम्चे वास्ते नरीकारा चा प्रेरित ते महायाजक छै।

इब्रानियां 3:14

अगर अम्ही आपणे पेहले भरोसे नु अन्त तक बणाली रिहुं, तां अम्ही मसीह चे भईवाल बणले रिहुं।

1 पतरस 5:1

तम्चे महु जको अग़ुवा छै, मैं वांचे आलीकर अग़ुवा ते मसीह चे ङुखा चा ग़वाह ते प्रकट हुवणे आली महिमा मां भईवाल हुती कर वानु ईं समझावे पला,

2 पतरस 1:16

कांकि जिसे बेले अम्ही तम्हानु आपणे प्रभु ईशु मसीह ची ताकत चा, ते आवणे चा समाचार ङिला हुता तां वे चतराई लारे घड़लीया आलीया कहाणीया चा सहारा कोनी गेला हुता। बल्कि अम्ही तां आप ही खौद्द ओची महानता चे ग़वाह छिऊं।

1 यूहन्‍ना 1:1

ओ जीवन चे वचन चे बारे मां जको आदि कनु हुता जानु अम्ही सुणले, ते जानु अम्ही आपणी आंखी लारे ङेखले, बल्कि जानु अम्ही ध्यानारीत रीत ङेखले ते ओनु हाथा लारे छूले।

1 यूहन्‍ना 1:5

जको समाचार अम्ही ओकनु सुणला ते तम्हानु सुणाऊं पले, वा हा छै कि नरीकार सोज़ले छै ते ओचे मां कहीं वी अन्धकार कोनी।

1 यूहन्‍ना 1:7

अगर जिसड़ा ओ सोज़ले छै, यूंही अम्ही हमा वी सोज़ले मां टुरु तां हेके ङुजे लारे सहभागिता राखु वी, ते नरीकारा चा पूत ईशु चे लुहीं अम्हानु सारा पापा कनु शोद्ध करे।