1 कुरिन्थियां 1:2 - ओङ राजपूत

² नरीकारा ची वे कलीसिया चे नांवे लिखली गेली, जको कुरिन्थुस शहरा मां छै, यानि वांचे नांवे जको मसीह ईशु मां पवित्र करले गेले, ते पवित्र हुवणे वास्ते हकारले गेले, ते वां सारा चे नांवे वी जको हर जग़हा अम्चे ते आपणे प्रभु ईशु चे नांवा लारे प्राथना करी।

1 कुरिन्थियां 1:2 Iomraidhean Croise

प्रेरितां चे काम 10:36

हाओ छै ओही वचन जानु ओणे ईशु मसीह चे जरिये, जको सब चा प्रभु छै, शान्ति चा सुसमाचार सुणाते हुले इस्राएली लौका नु ङिला हुता।

प्रेरितां चे काम 15:9

ते नरीकारा ने वांचे विश्‍वास चे जरिये वांचे मन शोद्ध करती कर अम्चे मां ते वांचे मां कुई भेद-भाव कोनी राखला।

प्रेरितां चे काम 18:1

ऐचे बाद पौलुस एथेंस शहरा नु छोड़ती कर कुरिन्थुस शहरा मां गेला।

प्रेरितां चे काम 22:16

हमा कां देर करी पला? खड़ा हो, बपतिस्मा गे, ते ओचा नाम गेहती कर आपणे पापा नु धोती नाख।’

प्रेरितां चे काम 26:18

कि तु वांचीया आँख खोल, कि वे अन्धकार महु काढ़ती कर ज्योति मां, ते शैताना चे अधिकार महु नरीकारा चे राज़ मां गेहती आवे। वे पापा कनु माफ पाओ, ते वांचे बीच मां आती जाओ, जको माये मां विश्‍वास चे जरिये नरीकारा वास्ते पवित्र करले गेले।’

प्रेरितां चे काम 9:13

पर हनन्याह ने उत्तर ङिला, “हे प्रभु, मैं ऐ इन्साना चे बारे मां घणा कनु सुणले कि ऐणे यरुशलेम मां दुधे पवित्र लौका लारे बङीया-बङीया बुराईया करलीया,

प्रेरितां चे काम 9:14

ते इठे तक वी ऐनू प्रधान याजका चे तरफु अधिकार मिड़ला आला छै, कि जको लौक दुधे नां गिही, वां सारा नु ब़ांथी गेहती जाओ।”

प्रेरितां चे काम 9:21

ते सारे सुणने आले हैरान हुती कर किहुं लाग़ले, “का हा ओही शक्स कोनी जको यरुशलेम मां वानु जको ईं नां गेहते नाश करता, ते इठे वी ऐवास्ते आला हुता, कि वानु ब़ांहती कर प्रधान याजका गोढु गेहती जाओ?”

रोमियां 1:7

वां सारा चे नांवे जको रोम मां नरीकारा चे प्यारे ते पवित्र हुवणे वास्ते हकारले गेले। अम्चा ब़ा नरीकार ते प्रभु ईशु मसीह ची ओर कनु तम्हानु अनुग्रह ते शान्ति मिलती रिहो।

रोमियां 10:12

यहूदिया मां ते नेरीया जातिया मां कुई भेद कोनी, ऐवास्ते कि ओ सब चा प्रभु छै। ते ओची दया वा सब चे वास्ते छै, जको ओचे ना गिहे, अपरम्पार छै।

रोमियां 3:22

यानिकि नरीकारा ची वा धार्मिकता जको वां सब वास्ते छै, जको मसीह ईशु उपर विश्‍वास करी, वां सब विश्‍वास करने आला वास्ते बिना कुई भेद-भाव लारे छै।

रोमियां 8:28

ते अम्ही जाणु कि, जको लौक नरीकारा लारे प्रेम राखे, वांचे वास्ते सारीया बाता मिलती कर भलाई ही नु पैदा करी यानिकि वांचे ही वास्ते जको ओची इच्छा चे अनुसार हकारले गेले छै।

1 कुरिन्थियां 1:30

पर ओचे ही तरफु तम्ही मसीह ईशु मां छिवा, नरीकारा ने मसीह नु अम्चे वास्ते ज्ञान ठहराला मतलब धार्मिकता ते पवित्रता ते छुटकारा बणती जाओ।

1 कुरिन्थियां 10:32

तम्ही ना यहूदिया वास्ते, ना नेरीया जातिया ते ना नरीकारा ची कलीसिया वास्ते ठोकर ची वजह बणा।

1 कुरिन्थियां 12:27

यूं करती तम्ही सारे मिलती कर मसीह चे शरीर छिवा तम्चे महु हर हेक ऐ शरीरा चे अंग छिवा।

1 कुरिन्थियां 8:6

पर अम्चे गोढु तां हेक ही नरीकार छै यानि ब़ा जेह्णे सब कोच्छ रचले ते अम्ही ओचे वास्ते छिऊं। ते हेक ही प्रभु छै, यानि ईशु मसीह जाये जरिये सारीया चीजा हुलीया ते ओचे जरिये अम्ही जिऊं।

2 कुरिन्थियां 1:1

हा चिठ्ठी पौलुस चे तरफु जको नरीकारा ची इच्छा लारे मसीह ईशु चा प्रेरित छै, ते भऊ तीमुथियुस ची ओर कनु नरीकारा ची वे कलीसिया चे नांवे लिखली गेली जको कुरिन्थुस मां छै, ते सारे अखाया प्रदेसा चे सब पवित्र लौका चे नांवे,

2 कुरिन्थियां 4:5

कांकि अम्ही आपणे आप चा ना, पर मसीह ईशु चा प्रचार करु कि ओ प्रभु छै, ते ओचे बारे मां ईं किहुं कि, अम्ही ईशु चे वजह तम्चे सेवक छिऊं।

गलातियां 1:2

ते माये लारे रेहणे आले सारे, भावां चे तरफु, गलाति शहरा ची कलीसिया चे लौका नु नमस्कार,

इफिसियां 5:26

कि वानु वचना चे लारे पाणीया चे इश्नान लारे शोद्ध करती पवित्र बणाओ।

1 थिस्सलुनीकियां 1:1

पौलुस ते सिलवानुस ते तीमुथियुस ची ओर कनु थिस्सलुनीकियां ची कलीसिया चे नांवे, जको अम्चे ब़ा नरीकार ते प्रभु ईशु मसीह मां छी। अनुग्रह ते शान्ति तम्हानु मिलती रिहो।

1 थिस्सलुनीकियां 4:7

कांकि नरीकारा ने अम्हानु अशुद्ध हुवणे वास्ते कोनी, पर पवित्र हुवणे वास्ते हकारले।

2 थिस्सलुनीकियां 1:1

पौलुस ते सिलवानुस ते तीमुथियुस चे तरफा कनु थिस्सलुनीकियां ची कलीसिया चे नांवे हा चिठ्ठी, जको अम्चे ब़ा नरीकार ते प्रभु ईशु मसीह मां छै।

1 तीमुथियुस 2:8

सो मैं चाहवे, कि हर जग़हा मर्द बिना गुस्से ते बहस-बाजी चे पवित्र हाथा नु चती कर प्राथना करले करो।

1 तीमुथियुस 3:15

कि अगर माये आणे मां देर हुवे तां तु जाणती गिहो, कि नरीकारा चा कुणम्बा, जको जीते नरीकारा ची कलीसिया छै, ते जको सच्‍चाई चा खम्बा, ते नीम छै, ओचे मां किसड़ा बर्ताव करना चाही छै।

2 तीमुथियुस 1:9

जेह्णे अम्चा उद्धार करला, ते पवित्र बुलाहट लारे हकारले, ते हा अम्चे कामा चे अनुसार कोनी, पर आपणी मनसा ते ओ अनुग्रह चे अनुसार छै, जको ईशु मसीह मां शुरुआत कनु अम्चे उपर हुला।

2 तीमुथियुस 2:19

तां वी नरीकारा ची पक्‍की नीम बणली रिहे, ते ओचे उपर हा छाप लाग़ली पली, “प्रभु आपणा नु पिछाणे,” ते “जको कुई प्रभु चे नां गिहे, ऊं अधर्म कनु बचले रिहो।”

2 तीमुथियुस 2:22

जवानी ची बुरी लालसा कनु दूर रेह वा सारा चे लारे जको शोद्ध मना लारे प्रभु नु हकारी। वांचे लारे धर्म चा जीवन, विश्‍वास, प्रेम ते शान्ति चा पीछा कर।

इब्रानियां 10:10

नरीकारा ची इच्छा लारे अम्ही ईशु मसीह चे शरीरा चा हेक ही बार बलिदान चढ़ाले जाणे चे जरिये पवित्र करले गेले।

इब्रानियां 13:12

ऐवास्ते ईशु ने वी शहरा चे ब़ाहर ङोख सेहले कि ओ खौद्द आपणे लुहींया लारे लौका नु शोद्ध करो।

इब्रानियां 2:11

कांकि पवित्र करने आला ते जको पवित्र करले जई, सब हेक ही ब़ा कनु छी, यानि नरीकार कनु। येही वजह कनु ईशु वानु भऊ केहणे कनु ना लज़ावी।

यहूदा 1:1

हा चिठ्ठी यहूदा चे तरफु जको ईशु मसीह चा दास ते याकूब चा भऊ छै, वां हकारले आला चे नांवे लिखली गेली, जको नरीकार ब़ा चे प्यारे ते ईशु मसीह चे वास्ते सम्भालती कर राखले गेले।

प्रकाशितवाक्य 19:16

ते ओचे ओढ़णा उपर ते ओची सतले उपर ईं नां लिखले आले छै कि, राजा चा राजा ते प्रभुआं चा प्रभु।