ፊል 4:9 - ኦራ ጫ̈ቃ ማጻ̈ፋ

⁹ ዪንቲ ታ̈ ጋልዳፖ ታማሪኖን፥ ታ ጋልዳፖ ኤኪ̇ኖንዶ፥ ታ ጋልዳፖ ሲስኪ̇ኖንዲኬ ቤቂ̇ኖን ዎይ ኦ̈ብቴ፤ ሳሪቲ ጾ̈ሳ̇̇̈ዲ ዪንታ̇ባራ ዶኢ̈ሬ።

ፊል 4:9 Iomraidhean Croise

ማ̈ቶ̈ሳ 7:21

“ኣፋ ዎ ቴ ባ̈ባ̈ ጋዝ ባዚን ኦ̈ዝ ኣሳንዶኬ ሜላ̇ ታ̈ና ጎዳ̈ዶ! ጎዳ̈ዶ! ጌይዝ ኣሲ ዎይ ጾ̈ሳ̇̇ ካ̈ቲቲ ጋርታ̇ ጌሊባ̈ሴ።

ሉቃ̈ሳ 6:46

“ቴ ዪንታ̇ክ ጋ̈ዚን ዪንቲ̇ ዎቲባ̈ስዶሪ ኣባብ ታ̈ኮ ‘ጎዳ̈ዶ! ጎዳ̈ዶ!’ ጌይራ?

ሉቃ̈ሳ 8:21

ኢ ኢንታ̇ኮ “ቴ ኢንዲ̇ኬ ቴ ኢሺንታ̇ን ጾ̈ሳ̇̇ ቃ̈ሊን ሲስኪ̇ ኪ̈ቲንቲ̇ዛን ዎይዬ” ጋ̈ር ማሂዴ።

ዋ̈ኒ̇ሳ 13:17

ዓት ባዚን ዪኖ̇ ዪንቲ̇ ኤሪ̈ሬ። ዪንቲ̇ ኤሪኖ ባዚን ኦ̈ሳ̇ ጋልዳ ፌሼ̇ጌይን ኣንጂንቲ̇ኖ ማ̈ቂ̇̈ሬ።

ዋ̈ኒ̇ሳ 15:14

ዪንታ̇ሬ ቴ ዪንታ̇ ኪ̈ቲኖ ኪ̈ታን ና̈ጊ ፎቲዝ ባዝ ማ̈ቄጌይን ዪንታ̇ር ቴ ካን ኣሴ።

ዋ̈ኒ̇ሳ 2:5

ኢ ኢንዳ̇ር ኢና ዎ ኣሽካራንኮ “ኢ ዪንታ̇ክ ጋ̈ዚን ዎይ ኦ̈ብቴ̇” ጋ̈ዴ።

ሃዋ̈ራታን ኦ̈ሳ 9:6

ዓት ዲንዳራ ካታ̇ሚን ጋርታ ሉካ̇ቤ ኔ ዎታዝ ባዚን ኢና ኔብ ሶ̈ላንዳ” ጌይዴ።

ሮሜ 15:33

ሳሪቲ ኢሚ̇ዝ ጾ̈ሳ̇̇̈ዲ ዪንቲ̇ ዎይንስባራ ማ̈ቆ̇! ኣሚንኤ።

ሮሜ 16:20

ዪንቲ ዪኖ ዎቴጌይንዶ ሳሪቲ ኢሚ̇ዝ ጾ̈ሳ̇̇̈ዲ ኤሊ̇ሪ ሴ̈ጣ̈ና ዪንታ̇ ቶ̈ሂን ጻ̈ና ቶጛሪ ቡኪ̇ ዲልኢ̈ሬ። ጎዳ ዬሱ̈ስ ክርስቶ̈ሳ ኮሺቲ ዪንታ̇ባር ማ̈ቆ̇።

1 ቆሮ 10:31

ዪዚ ዪንቲ̇ ሙይርዶር ማ̈ቆ̇ ኡሽኪ̈ርዶሪ ዎይ ባዝ ኦ̈ርዶሪ ዎይን ጾ̈ሳ̇ ቦንቻ̇ቦ ጋ̈ሪ ኦ̈ብቴ።

1 ቆሮ 14:33

ጾ̈ሳ̇̇̈ዲ ሳ̈ሪቲ ጾ̈ስዶኬ ዉይሳ ዶሲዝ ጾ̈ስ ጊዳካ̇ዬ። ዎይ ዎ̈ሳ ኬ̈ን ጋርታ ዎታዚንዲፌ̈ኒ፥

1 ቆሮ 4:16

ዪ̈ኮታ̇ቦ ዪንቲ ታ̈ና ማይጻር ቴ ዎሂን ዬ̇ምፔ̈ን ቴ ዪንታ̇ ጌሻ̈ሬ።

2 ቆሮ 13:11

ዪዚ ቴ ኢሺንታ̇ን! ሳሮ ዶኢብቴ̇! ዪንታ̇ ኣማ̇ኒንባር ሚ̈ጚብቴ! ቴ ዞሪን ኤኪ̇ብቴ፤ ዎልዎልኣ ፔቲ̇ ቆፊ ዪንታ̇̇ብ ዶኦጋ̈ቤ፤ ሳሪቲባር ዶኢብቴ ካንኬ ሳሪቲ ጾ̈ሳ̇̇̈ዲ ዪንታ̇̇ባር ማ̈ቂ̇̈̃ሬ።

ፊል 3:17

ቴ ኢሺንታ̈ን! ቴ ዎታዚን ቤቃ̇ሪ ዪንታ̇ር ዪና̇ ኢዝፌ̈ን ዎቲብቴ። ኑ ዎታዚንዲፌ̈ን ዎቲዝ ኣሳን ኮሺንቻር̇ ኢንታኮን ቤቂ̇ብቴ።

ፊል 4:7

ኣሳ ኤሪቲ ዎይፖ ኣ̈ዛ ጾ̈ሳ̇ ሳ̈ርቲ̈ዲ ዪንታ ቡ̈ዲንዲኬ ዪንቲ ቆ̈ፊን ዬሱ̈ስ ክርስቶ̈ስባራ ና̈ጊ̈ሬ።

1 ታሳ 1:6

ጴች ሜታ ዪንታ̇ ዬሊ̇ናካሬ ዪንቲ̇ ጌ̈ሻ ኣያ̇ና ጋልዳፖ ቤንቲ̇ዝ ኡፋይስባራ ጾ̈ሳ̇ ቃ̈ሊን ኤካ̇ር ኑ̈ናኬ ዬሱሳ̈ኬ ማይጺሙታ ዬዝ ኣስ ማ̈ቂ̇ኔ።

1 ታሳ 2:14

ቴ ኢሺንታ̇ን! ዪንቲ ዪሁዳ ጋዳ̇ ዎ ዬሱ̈ስ ክርስቶ̈ሳ ኣማ̇ኒዝ ኣሳን ማይጺ̈ሬ፤ ኣኮ̈ታቦ ጌይን ኢንታ ጋልዳ ኣይሁድ ዜርን ሜታ ዬልኖንዲፌ̈ኒ ዪንታ̇ ጋልዳሬ ዪንታ̇ ዜርን ሜታ ዬልኔ።

1 ታሳ 5:23

ሳሪቲ ኢሚ̇ዝ ጾ̈ሳ̇̇̈ዲ ኢ ፌ̈ብ ዪንታ̇ ዎይ ባዝባር ጌ̈ሾ̇ጋ̈ቤ፤ ዪንታ̇ ኣያ̇ና̈ዲ፥ ዪንታ̇ ሼምፓ̈ዲ፥ ዪንታ̇ ጋሊ̇ን ዎይ ጎዳ ዬሱ̈ስ ክርስቶ̈ስ ዬይዝ ቃሚ̇ንቦ ኢ̈ታ ባዝ ኣባክ ባዮ̇ ማ̈ቃ̇ር ዶኦጋ̈ቤ።

2 ታሳ 3:4

ኑ ዪንታ̇ ኪ̈ታ̇ዚንዶ ዓታ̇ር ማ̈ቂ̇ን ዎሃር ማ̈ቂ̇ን ዪንቲ ፎታዚን ኑ̈ኒ ጎዳ̈ባር ኣማ̇ኒንቲ̈ሬ።

2 ጢማ̈ 4:22

ጎዳ ኔባር ማ̈ቆ̇ጋ̈ቤ። ጾ̈ሳ̇ ካንን ዪንታ̇ባራ ማ̈ቆ̇ጋ̈ቤ።

ዓይ 1:22

ቃ̈ሊን ጋ̈ዚን ኦ̈ ፎቲዝ ኣስ ማ̈ቂ̇ብትዶኬ ሲስ̇ ሲስኪዝ ኣስ ሙታ̇ ማ̈ቃ̇ሪ̈ ዪንቲ̇ ዪንታ̇ ዳሺቻ̇ፒ̇ቴ̈።

2 ጴጥ 1:10

ዪ̈ኮታ̇ቦ ቴ ኢሺንታ̇ንሶ! ዪንቲ̇ ጼይጊንቲ̇ኖንዴኬ ማራጺንቲ̇ኖን ሚ̈ንንዳቦ ቲ̈ኖንፖ ሺ ሚ̈ጚብቴ̇፤ ዪንቲ̇ ዪኖ̇ ዎቴጌይንዶ ዉ̈ርሲ ዪንታ̇ ኣማ̇ኒን ጋልዳፖ ኬዲ̇ባ̈ሴ።

1 ዋ̈ኒ̇ 3:22

ኑ̈ኒ ጾ̈ሳ̇ ኪ̈ቲን ፎቲ̇ዛ̈ንኬ ጾ̈ሳ̇ ኡፋይታ̇ዝ ባዚን ኦ̈ዛን ማ̈ቂ̇ኖኮታ̇ቦ ኑ̈ኒ ጌ̈ሺዝ ባ̈ዛን ዎይ ኢ ኑ̈ብ ኢሚ̇̈ሬ።