ፊል 4:8 - ኦራ ጫ̈ቃ ማጻ̈ፋ

⁸ ቴ ኢሺንታ̇ን! ዉርሲ ጋልዳ ቴ ጋ̈ዚንዳ፥ ኪን ማ̈ቂ̇ኖ ባዝ፥ ቦንቺ̇ንቲ̇ኖ ባዝ፥ ኮሽ ማ̈ቂ̇ኖ ባዝ፥ ጺላ̇ ማ̈ቂ̇ኖ ባዝኬ ካንቲ̇ኖ ባዝ ዎይ ኮሺቲር ማ̈ቂ̇ን ጋላታር ማ̈ቂ̇ን ዪንፌ̈ኖ ባዛን ቆፒ̇ብቴ።

ፊል 4:8 Iomraidhean Croise

ማ̈ቶ̈ሳ 22:16

ፌ ታማ̈ራን ሄሮዶ̈ሳ ኣሳንባር ዎልኣ ዬሱ̈ሳክ ኪ̈ቲ̇ ሚሻሪ ኢ̈ኮ “ኣስታማ̈ራ̈ዶ! ኔ̈ኒ ኪን ኣስ ማ̈ቂ̇ኖንዲኬ ጾ̈ሳ̇̇ ጎይሚን ኪን ታማ̈ርሳ̇ዚንዶ̇ ኑ ኤሪ̈ሬ። ማ ኔ ኣስ ዎይ ዎልፌ̈ን ቤቂ̇ዛኮታ̇ቦ ኣሳብ ኢ̈ጫ̇ራ ኦ̈ዝ ባዚ ኣባካር ባዬ̇።

ማ̈ርቆ̈ሳ 6:20

ኣባ ጌዬጌንዶ̇፥ ዋ̈ኒ̇ሲ ጌ̈ሽ ኣስኬ ጺላ̇ ማ̈ቂኖን ሄሮዶ̈ሲ ኤሪኖኮታ̇ቦ ኢያ ቦንቺ̇ ሙታ̇ ኢ̈ት ባዝ ኣባክ ኢያ ዬላ̇ካይፌ̈ኒ ና̈ጊዛኮታ̇ቦ። ዋ̈ኒ̇ሲ ሶ̈ላዝ ባዚን ሄሮዶ̈ሳ ዎይሊን ዋ̈ዪ̈ርካርዶ̈ናሬ ኢ ሶ̈ሊን ኡፋይስባር ሲስኪ̈ሬ።

ሉቃ̈ሳ 16:15

ዬሱ̈ሲ ኢንታ̇ኮ “ዪንቲ̇ ዪንታ̇ ኣሳ ቲ̈ን ቤርኢሲዝ ኣሴ። ማ̈ቂ̇ናካሬ ጾ̈ሲ̇ ዪንታ̇ ቡ̈ዲን ኤሪ̈ሬ። ኣሳ ቲ̈ን ቦንቺ̇ንቲ̇ኖ ማይጻር ቤንቲ̇ዝ ባዚ ጾ̈ሳ̇̇ ቲ̈ን ዎይሊን ኢጺንቲ̇ኖ ባዜ” ጋ̈ር ሶ̈ሊዴ።

ሉቃ̈ሳ 2:25

ዪና̇ ኢዝ ኬሊ̇ንባር ዬሩሳ̈ላም ጋርታ̇ ፌ̈ና ጾ̈ሳ̇̇̈ብ ኣ̈ ኢሚ̇ኖ ሲሞ̈ና ጌይዛ ፔቲ̇ ጌ̈ሻ̇ ኣሲ ዎዶ̈ሪ፥ ኢ ጾ̈ሲ̇ ኢስሬ̈ል ዎርዣ ሚ̈ንዝ ኬሊ̇ን ና̈ጊሙታ̇ ዎ ኣሴ፤ ጌ̈ሻ̇ ኣያ̇ና̈ዳሬ ኢ ጋልዳ ዎ።

ሉቃ̈ሳ 23:50

ኣርማ̈ታ̈ሳ ጋ̈ዝ ኣይሁዳን ካታሚን ጋርታ̇ ዎ፥ ኣይሁድ ፊርድ ኣ̈ሎ ኣሳን ጋርታ̇ፖ ፔታ̇ና ዮ̈ሴ̈ፋ ጌይዝ ኣሲ ዎ። ና̈ሳ ዪ̈ዲ ጺላ̇ኬ ኮሽ̇ ኣሴ።

ዋ̈ኒ̇ሳ 7:18

ፌ̈ ጋልዳፖ ሶ̈ሊዝ ኣሲ ፌ̈ብ ቦንች ኮዪ̈ሬ፥ ፌ̈ና ኪ̈ቲ̇ ሚሺኖ ቦንቺ̇ሳንዳ̇ብ ኮዪዛ̈ዲ ኢ ኪን ኣሴ፥ ማቆ ኢ ጋርታ̇ ባዬ̇።

ሃዋ̈ራታን ኦ̈ሳ 10:22

ኣሳን ጴ̈ጥሮ̈ሳኮ “ኑ ዬይኖንዳ ቃርናሎ̈ስ ጌይዝ ማታላቃ̈ ኣላፖ̇̈። ኢያሬ̈ ጾ̈ሳ̇̇̈ቦ ኢ̈ጪ̇ዝ ጌ̈ሽ ኣሴ̈። ኣይሁድ ዎርዣ̈ ጋርታ̇ሬ ዎይሊን ቦንቺ̇ንቲኖ̈ ኣሴ። ኔ̈ና ፌ ኣ̈ል ኤሄ̈ሪ ኔ ጋ̈ዚን ሲስካ̇ምፔ̇̈ኒ ጌ̈ሻ̇ ኪታንቻ̇ ኢ̈ብ ሶ̈ሊኔ” ጌይዴ።

ሃዋ̈ራታን ኦ̈ሳ 22:12

“ኢና ሃና̈ና ጌይዛ ፔቲ̇ ኣሲ ዎ፤ ዪ ና̈ሳ̈ዲ ዳማ̈ስቃ ዶኢዝ ኣይሁዳን ዎይንፖ ኣንጂንቲ̇ኖ ኣሴ፤ ሙ̈ሳ ሂጊ̇ን ቦንቺ ጾ̈ሳ̇̈ባር ኢ̈ጪ̇ዝ ኣሴ።

ሃዋ̈ራታን ኦ̈ሳ 6:3

ዪዚ ቴ ዳባ̇ን! ዪንታ̇ ጊዳፖ ጌ̈ሻ̇ ኣያ̇ናባርኬ ኤራባር ኩሚኖ ታብዛ ኣስ ማራ̇ጺብቴ̈። ኑ ዓና̇ ኦ̈ሲን ኢንታ̇ብ ኢማ̇ሪ

ሮሜ 13:13

ጋላስ̇ ፎኢንባራ ዬዝ ኣስፌ̈ኒ ኑ̈ናር ጌ̈ሺቲባራ ዬስቶ̇። ዎልኣ ሺ̈ቃር ኡሽኪ̇ ዬጺ̇ ዶ̈ንባራ፣ ማሲቲባራ፣ ኦሎ̈ላ ጋዲባርኬ ዲርጊ̇̈ስባራ ማ̈ቃፖ፤ ዋችባርኬ ቂና̈ታባራ ማ̈ቃፖጋ̈ቤ።

ሮሜ 13:3

ጋድ ኣቂሲዝ ኣሳብ ኢ̈ጪ̇ዛ̈ዲ ኢ̈ት ኦ̈ኖ ኣስዶኬ ኮሽ̇ ኦ̈ኖ ኣስ ጊዳካ̇ዬ፤ ሲልጣ̈ና ዎ ኣሳብ ኢጫ̇ብዳ ጋዶኮ ኮሽ̇ ባዝ ኦቤ፤ ኢ ኔ̈ና ኣንጂ̈ሬ።

ሮሜ 14:18

ዪኒፌ̈ኖ ጎይባራ ክርስቶ̈ሳብ ኦ̈ዝ ኣሲ ጾ̈ሳ̇ ኡፋይሲ̈̇ሬ፤ ኣሳ ቲ̈ናር ቦንቺ̈ንቲ̇̈ሬ።

ሮሜ 2:29

ኪንባር ኣይሁድ ጌይንቲዛን፥ ጾ̈ሳ̇̈̇ ሂጋ ና̈ጊ ፎቲዛን። ኪን ጋራዚንቲ ጋ̈ዚንዳ፥ ሂጊ̇ን ጋልዳ “ጋራ̇ዚንታ̇ቤ” ጌይኖንዲፌ̈ኒ ኣሳብ ቤንታ̇ዝ ጋሊ̇ን ጋራ̇ዛዚን ጊዳካ̇ይዶ̈ን ጾ̈ሳ̇̇ ኣያና̇ባራ ቡ̈ዳ ኦ̈ሂንታ̇ዚንዶ። ዪኒ̇ፌ̈ኒ ኢ ቡ̈ዲን ኦ̈ሂንቲ̇ኖ ና̈ሳ̈ ኣንጃ ኤኪ̇ዛ̈ዲ ጾ̈ሳ̇ ጋልዳፖ̇ዶኬ ኣሳ ጋልዳፖ̇ ጊዳካ̇ዬ።

1 ቆሮ 4:5

ዪ̈ኮታ̇ቦ ኬ̈ሊን ዬላ̇ካይዶን ጎዳዲ ፊርዳብ ዬናፖ ቲ̈ን ዪንቲ ኣሳ ጋልዳ ፊርዳፒ̇ቴ። ኢ ዬ̈ሪ ም ጊዳ̇ ጌ̈ሚታር ዎ ባዝ ፎኢን ጋልዳ ኬሲ̇̈ሬ፤ ኣሳ ቡ̈ዳ ጋርታ̇ ኣ̈ቺ̇ንቲ̇ኖ ቆፊ ፋላ̇ ጋልዳ ኬሲ̇̈ሬ ዪና ኢዝባራ ኣሲ ዎይ ጾ̈ሳ̇ ጋልዳፖ ፌ ኣንጂን ኤኪ̇̈ሬ።

2 ቆሮ 13:7

ኢ̈ታ̇ ባዝ ዪንቲ̇ ኦ̈ካዮ̈ዲፌ̈ኒ ኑ̈ኒ ዪንታ̇̇ብ ጾ̈ሳ̇ ዎሲ̇̈ሬ፤ ኑ ዎ̈ሳ̇ዚንዳ ኑ̈ኒ ሚጚኖ ኣስ ማ̈ቃ̇ር ቤንታካ̇ይ ኣቴ̇ጌይናር ዪንቲ̇ ዎይ ጋላስ ኮሽ̇ ማ̈ቂ̇ኖ ባዝ ኦ̈ምፔ̈ንዶኬ ኑ ሚ̈ጚኖ ኣስ ማ̈ቂ̇ኖን ዪንታ̇ ቤይሳንዳብ ጊዳካ̇ዬ።

2 ቆሮ 6:8

ኑ̈ኒ ቦንቻ̇ቦ ዎይ ዉርዳታቦ ቆ̈ንታንዳቦ ዎይ ኣንጂ̇ንታ̇ንዳቦ ጊጊ̇ንቲ̇ኖ ኣሴ፤ ኑ̈ኒ ኪን ሶ̈ሊርዶን ኣሳን ኑ̈ና ማቂ̇̈ሬ ጌይዴ።

2 ቆሮ 8:18

ዎጛላ ኦ̈ሳባራ ዎ̈ሳኬ̈ ዎይ ጋርታ ኣንጂንቲ̇ኖ ኑ ኢሻ̈ዳር ኢባር ኑ ዪንታ̇̇ብ ሚሻንዳ።

2 ቆሮ 8:21

ኑ̈ኒ ጎዳ ቲ̈ን ሙታ̇ ጊዳካ̇ይዶን ኣሳ ቲ̈ናሬ ኮሽ ማ̈ቂ̇ኖ ባዝ ኦ̈ንዳቦ ቆፒ̈ሬ።

ጋላ̈ታ 5:22

ጌ̈ሻ̇ ኣያ̇ና̈ዲ ኣሳ ሼምፓ ጋርታ̇ ቤይሲዝ ኣ̈ፋን ካ̈ን፣ ኡፋይስ̇፣ ሳሪቲ፣ ዳንዳኣ፣ ኮሺ̇ቲ፣ ኣማ̇ኒንቲ̇ዝ ኣስ ማ̈ቂ፣

ኤፍ 4:25

ዪ̈ኮታ̇ቦ ማ̈ቃ ሶ̈ላዚን ኣሻ̇ሪ ኑ ዎይን ክርስቶ̈ሳባራ ፔቲ̇ ጋል̇ ማ̈ቂኖኮታ̇ቦ ኣሲ ዎል ዎልኣ ኪን ሶ̈ላ ሶ̈ላጋቤ።

ኤፍ 5:9

ኣባ ጌይን ፎኢንስ ጋርታ̇ ዎ ኣሲ ጺሊቲ̇፣ ኪንቲኬ ኮሺቲ̇ ኣ̈ፍ ኣ̈ፊ̈ሬ።

ኤፍ 6:14

ዪዚ ዪንቲ̇ ኪን ሶ̈ሊዝ ኣስ ማ̈ቃ̇ሪ ኪንቲን ዪንታ̇ ባንቲ̇ምባራ ቃባታ̇ፌ̈ን ጊጻ̇ር፥ ኦል ኦሊዝ ኣሲ ሲላባር ኮቺ̇ንቲ̇ኖ ኣፊላ ፌ ቲራ ጋልዳ ማኣዚንዲፌ̈ኒ ዪንታ̇ር ጺሊቲ ኦ̈ሲን ዪና̇ ኢዝፌ̈ን ማኣሪ፥

ፊል 3:1

ዪዚ ቴ ኢሺንታ̈ን! ጎዳ̈ባራ ዪንታ̇ብ ፔቲ̇ቲ ዎኮታ̇ቦ ኡፋይቲ̇ብቴ፤ ዓኒ̇ፖ ቲ̈ን ቴ ዪንታ̇ብ ጻ̈ፊኖን ዓታ̇ር ማ̈ሃራ ጻ̈ፋንዳቦ ታ̈ና ቦ̈ሲሳባሴ፤ ማ ዪና̇ ዪንታ̇ ኢ̈ታ ባዝ ጋልዳፖ ና̈ጋ̈ሬ።

ቆላ̈ሳ̈ሳ 4:5

ዪንታ̇ብ ቤንቲ̇ኖ ኬሊ̇ን ኢዞ ሜላ̇ ይሳካ̇ይዶር ኦ̈ሳጋልዳ ፌ̈ሺ̇ሙታ̇ ኣማ̇ናካ̇ዮ ኣሳንባራ ኤራባር ዶኢብቴ̇።

1 ታሳ 4:12

ዪንቲ̇ ዪኖ̇ ዎቴጌይንዶ ኣማ̇ናካ̇ዮ ኣሳን ቲ̈ን ቦንቺንቲ̇ኖ ኣስ ማ̈ቂ̇̈ሬ፤ ኣሳ ኩሽ ቤቂ ዶኢባ̈ሴ።

1 ጢማ̈ 2:2

ኑ̈ኒ ጾ̈ሳ̇̇̈ቦ ኪ̈ቲንቲ̇ሙታ፥ ጌ̈ሺ̇ቲባርኬ ሳሪቲባር ዶኣምፔ̈ኒ ካ̈ቲንታ̇ንብኬ ሲልጣ̈ና ጋ̈ልዳ ዎንቦ ዎይ ዎ̈ሳ̇ንዳብ ኮሺ̇̈ሬ።

1 ጢማ̈ 3:11

ማ ኢንታ ማጫ̇ንር ቦንቺ̇ንቲ̇ኖንኬ፥ ኣስ ዚጊሪባሶን፤ ፌ̈ብ ኮሻ̇ዚንዲፌ̈ን ዶኢዛንኬ ባዝ ዎይባራ ኣማ̇ኒንቲ̇ኖን ማ̈ቃ̇ንዳብ ኮሺ̇̈ሬ።

1 ጢማ̈ 3:4

ፌ ኣ̈ሊን ኮሺንቺ̇ ኣቂሲዝ ኣሲ፣ ኢ ናኣን ኢያ ቦ̈ንቺ ኢ̈ቦ ኪ̈ቲንቲ̇ዝ ኣስ ማ̈ቃ̇ንዳቦ ኮሺ̇̈ሬ።

1 ጢማ̈ 4:12

ኔ̈ና ናኤ ጌዪ ኦናካር ሌቃ̈ፖጋ̈ቤ፤ ዎቲናካሬ ኔ̈ኒ ኣማ̇ኒዝ ኣሳን ዎይንቦ ኔ ሶ̈ሊዝ ሶ̈ላባራ፥ ካንባራ፥ ኣማ̇ናባራ፥ ጌ̈ሺቲባርኬ ኮሽ ኦ̈ሳባራ ኢንታ̇ብ ሚሳ̇̈ሊ ማ̈ቃ̇ር ቤንታ̇ቤ።

1 ጢማ̈ 5:10

ኮሽ ኦ̈ሳ ዎይባራ ዪ̈ዳሬ፥ ናኢ ኮሺንቻ ዲቻ̇ዚንዶ፣ ዛቃ̇ ሞካ̇ዚንዶ፣ ኣማ̇ኒኖ ኣሳን ቶሂን ሜ̈ጫ̇ዚንዶ፣ ሜ̈ቲንቲኖ̈ን ማ̈ዳ̇ዚንዴኬ ኮሽ̇ ኦ̈ሳ ዎይባራ ኤሪንቲ̇ኖ ኣስ ማ̈ቃ̇ንዳቦ ኮሻ̈ሬ።

1 ጢማ̈ 5:2

ጪጚኖ ማጫ̈ን ኔ ኢንዲፌ̈ን፣ ዉዲራ̈ን ኔ ሚሺፌ̈ን ማሃራ ጌ̈ሻ̇ ቆፊባራ ኢንታ̇ ቤቃ̇ቤ።

ቲ̈ታ̇ 1:8

ዪ̈ኒ̇ፖ̇ ኢ ዛቃ̇ ሞኪ̇ዝ ኣሲ፣ ኮሽ ማ̈ቂ̇ኖ ባዝ ካዝ ኣሲ፣ ኢ̈ታ ባዝ ኦ̈ዚን ጋልዳፖ ፌ̈ና ና̈ጊዝ ኣሲ፣ ጌ̈ሽ ኣስ ማ̈ቃ̇ንዳብ ኮሺ̇̈ሬ ማ ፌ ኢኒ̇ን ዎይ ኩምንዳ̇ብ ዎጺ̇ዝ ኣስ ማ̈ቃ̇ንዳብ ኮሺ̇ባ̈ሴ።

ቲ̈ታ̇ 2:14

ኢ ኑ̈ና ዉጫ ኦ̈ሳ ዎይ ጋልዳፖ ፋንዳብኬ ኮሽ ኦ̈ሳ ኦ̈ንዳቦ ሚ̈ጛር ኤቂ̇ኖንኬ ጾ̈ሳ̇̇̈ቦ ቆሪንቲ̇ኖ ዎርዣ ማ̈ቃ̇ምፔ̈ኒ ኑ̈ና ጌ̈ሻ̇ንዳ̇ቦ ፌ̈ና ዓይቃብ ኣ̈ ኢሚ̇ዴ።

ቲ̈ታ̇ 2:2

ዶምዚኖ ኣቲናን፥ ኢ̈ታ ባዝ ኦ̈ዚን ጋልዳፖ ፌ̈ና ና̈ጊዛን፣ ኣማ̇ናባራ፣ ዳንዳኣባርኬ ካ̈ንባራ ዶኢዝ ኣስ ማ̈ቃ̇ምፔ̈ኒ ኢንታ ዞራቤ።

ቲ̈ታ̇ 2:7

ዎይ ባዝባራ ኔ ኔ ቆሚ̇ን ኮሽ ኦ̈ሳ ኦ̈ሙታ ኢንታ̇ብ ሚሳ̇̈ሊ ማ̈ቃ̇ራ ቤይሳቤ፤ ኔ ታማ̈ርሳዝ ቲምርቲንባራር ማ̈ቂ̇ን ኪንኬ ኣማ̇ኒንቲ̇ኖ ኣስ ማ̈ቃ̇ቤ።

ቲ̈ታ̇ 3:14

ኣማ̇ኒኖ ኑ ኣሳንሬ ማ ሜላ̇ ዓሪ ማ̈ዲባ̈ሶ ኣስ ማ̈ቃ̇ር ኣታካ̇ዮዲፌ̈ኒን ኣሳብ ኮሺ̇ዝ ባዝ ዎይ ዲጛንዳቦ ኮሻ̇ ኦ̈ሳ ሚ̈ጛር ኦ̈ዚን ታማ̈ሮጋ̈ቤ።

ኢብ 11:2

ሚኖ ባ̈ቢንታ̈ን ጾ̈ሲ ኢንታ̇ባዝ ማርኪቲኖ̈ዲ ኢንታ ኣማ̇ኒንጊሼ።

ኢብ 13:18

ኑ̈ብ ዎ̈ሲ̈ብቴ፤ ኮሽ̇ ቆፊ ኑ̈ብ ዎን ኑ̈ኒ ኤሪ̈ሬ፤ ኑ̈ኒ ዎይ ጋላስ ዎይ ጎይባራ ኮሽ̇ ጻባያባር ዶኣንዳብ ኮዪ̈ሬ።

ዓይ 1:27

ጾ̈ሳ̇̇ ባ̈ባ ቲ̈ን ጌ̈ሽ̇ኬ ኣባክ ኢ̈ት ባዚ ኢ ጋልዳ ባዮ̇ ኣማ̇ና ጌይዛ̈ዲ፥ ባ̈ቢክ ኢንዲክ ዓይቂ̇ኖ̈ ናኣንኬ̈ ኣስኒ ዓይቂ̇ኖ̈ ማጫ̇ን ሜቲንቲ̇ኖ ኬል̇ባር ማ̈ዲ̇፥ ዓኒ̇ ኣላሚን ጋልዶ̇ ቄ ባዝ ጋልዳ̇ፖ̇ ፌ̈ና ና̈ጊ ዎቲዛ̈ዳ።

ዓይ 3:17

ኣፋ ጾ̈ሳ̇̇̈ፖ ማ̈ቂ̇ኖ ኤሪን ኢዛ ቲ̈ኒታር ጌ̈ሼ̇፤ ኢናፖ̇ ሳሪቲ ኮያዚንዶ፣ ዳንዳኣዚንዶ̇፣ ኪ̈ቲንታዚንዶ፣ ማ̈ሪቲኬ ኮሽ̇ ኦ̈ሳባር ኩሚኖንዶ፣ ፋጊቲኬ ማይጺስ ባዮ̇ንዶ።

1 ጴጥ 1:22

ዪንታ̇ ኢሺንታ̇ንቦ ኪን ካን ዶኣምፔ̈ኒ ዪንቲ̇ ኪንንቦ ኪ̈ቲንቲ̇ሙታ ዪንታ̇ ሼምፒ̇ን ጌ̈ሺ̇ኔ፤ ዪ̈ኮታ̇ቦ ዎል ዎልኣ ቡ̈ዳፖ ካንቲ̇ብቴ።

1 ጴጥ 2:12

ኣሲ ዪንታ̇ “ኢንቲ̇ ኢ̈ት ኦ̈ሬ” ጌዪ ጌስቲ̇̈ርካሬ፥ ጾ̈ሳ̇ ዬይዝ ጋላስ ጾ̈ሳ̇ ኤሪባ̈ሶ ኣሳን ዪንታ̇ ኮሻ̇ ኦ̈ሲን ቤቃ̇ሪ ኢያ ጋላታምፔ̈ኒ ኢንታ̇ ጊዳ̇ ኮሽ̇ ኦ̈ሳ ኦ̈ሙታ ዶኢብቴ።

1 ጴጥ 4:8

ካን ዎይሊን ናጋራ ካጚዛኮታቦ ዎይ ባዛፖ ሺ ዎልዎልኣ ሚ̈ጛር ካንቲ̇ብቴ።

2 ጴጥ 3:1

ታ ላጋ̇ንሶ! ታ ዓና̇ ዪንታ̇ብ ጻ̈ፋዚንዳ ናምኢ ኪ̈ቲንዶ፤ ዪን ናምኢ ኪ̈ታን ዪንታ̇ብ ጻ̈ፊኖንዳ፥ ዪንታ̇ቦ ኮሽ ቆፊ ዶኣምፔ̈ኒ ቲ̈ኒታር ባርኪንዳቦ።

1 ዋ̈ኒ̇ 3:18

ናኣን̇! ኑ ካንንዳ ኖ̈ናባርኬ ሶ̈ላባርሙታ̇ ጊዳካ̇ይዶን ኪ̈ንባርኬ ኦ̈ሳባራ ቤንታ̇ጋ̈ቤ።

1 ዋ̈ኒ̇ 3:3

ዪና̇ ማ̈ቃ̇̈ሬ ጌዪ ክርስቶ̈ሳ ጋልዳ ታስፋ ጋዲ̇ዝ ኣሲ ዎይ ክርስቶ̈ሲ ጌ̈ሽ ማ̈ቂ̇ኖንዲፌ̈ኒ ኢያር ኢታ ባዝ ጋልዳፖ ፌ̈ና ጌ̈ሺ̇̈ሬ።

1 ዋ̈ኒ̇ 4:1

ቴ ኢሺንታ̇ን! ኣላሚን ዓኒ̇ ጋልዳ ኣስ ባሊዚ ማቃ ማቂ̇ዝ ናባን ኬስኪ̇ኖኮታ̇ቦ ኣያ̇ና ዎይ ኪን ጌዪ ኤካፒ̇ቴ፤ “ጾ̈ሳ̇ ጋልዳፖ ዬይኖ ኣያ̇ናቤ ኢ̈ታ ኣያ̇ና” ጋ̈ሪ ጌ̈ዚንር ቆፓ̇ር ቤቂ̇ብቴ።