ፊል 4:6 - ኦራ ጫ̈ቃ ማጻ̈ፋ

⁶ ጾ̈ሳ̇ ጌሺሙታኬ ኢያ ጋላቲሙታ ዎይባዝ ዎ̈ሳባር ጾ̈ሳ̇̇̈ኮ ሺ̈ሺ̇ብቴዶ̈ኬ ኣባክ ፔቲ ባዛባር ጫና̇ቂንታፒ̇ቴ።

ፊል 4:6 Iomraidhean Croise

ማ̈ቶ̈ሳ 10:19

ዪንቲ̇ ኤ̈ንቲ̇ኖ ጋላሲ̇ “ኑ ኣብዝ ጋ̈ር ሶ̈ላኔ? ኣብዝ ጋ̈ር ማሃኔ?” ጋ̈ሪ ቲ̈ራፒ̇ቴ፤ ዪና̇ ኢዝ ጋላሲ̇ን ዪንቲ̇ ሶ̈ላንዳ̇ብ ኮሻ̇ዚን ዪንታ̇ብ ኢሚ̇ንታ̇ሬ፥

ማ̈ቶ̈ሳ 13:22

ኣጚ ጊዳ̇ ጋርታ̇ ኬዲ̇ኖ ዜር ጋ̈ዚንዳ ጾ̈ሳ̇̇ ቃ̈ሊን ሲስኪ̇ዝ ኣሴ፥ ዎቲናካሬ ዓና̇ ኣላሚን ጋልዶ ቆፊኬ ቆሊን ካን ኢ ቡ̈ዲን ጋርታ̇ ጌላሪ ኢ ሲስኪ̇ኖ ቃ̈ሊን ቶ̈ራ ጩ̈ላ̇ክ ኤ̈̇ን ኣ̈ፍ ካጻካ̇ይ ኣቲ̈ሬ።

ማ̈ቶ̈ሳ 6:34

ዪ̈ኮታ̇ቦ ዪንቲ̇ ጊያ̈ባብ ቲ̈ራፒ̇ቴ፤ ጊያባቦ ማቃ̈ዝ ባዚምቦ ጊያብ ቲሪብቴ፥ ዎይ ቃ̈ማንቦ ኢንታ̇ብ ጊዲዝ ሜቲ ዎ።

ማ̈ቶ̈ሳ 6:8

ዪንቲ̇ ኢንታ̇ፌ̈ን ማ̈ቃፒ̇ቴ̇። ዪንታ̇ ባ̈ባ̈ዲ ዪንታ̇ብ ኮሻ̇ዚንዶ ዪንቲ̇ ዎ̈ሳ̇ናፖ̇ ቲ̈ኒታር ኤሪ̈ሬ።

ሉቃ̈ሳ 10:41

ጎዳ ኢዝኮ “ማ̈ርቴ! ማ̈ርቴ! ኔ ዎይሊን ባዛብ ሜቲንታ̇̈ርዶ̈ን፥

ሉቃ̈ሳ 12:22

ኢናፖ̇ ዬሱ̈ሲ ፌ ታማ̈ራንኮ “ዪዚ ቴ ዪንታ̇ብ ሶ̈ላዚንዳ̇ ‘ኑ ኑ ጋርሳ̇ብ ኣ ሞ̈ኔ? ጋላ̇ብ ኣ ማኣኔ?’ ዪዝ ጋ̈ሪ ዪንታ̇ ቡ̈ዳ ኣፒቴ።

ሉቃ̈ሳ 12:29

ዪዚ ዪንቲ̇ ‘ኑ ኣ ሞ̈ኔ፥ ኣ ኡሽካ̇ኔ’ ጌ̈ይዝ ቲ̈ሪስባር ዪንታ̇ ቡ̈ዳ ኣ̈ፒ̇ቴ።

ሉቃ̈ሳ 18:1

ዬሱ̈ሲ ፌ ታማ̈ራንቦ፥ ኢንቲ̇ ዎይ ጋላስ ሚ̈ጛር ዎ̈ሳንዳብ ኮሻ̇ዚን ኤራምፔ̈ን ሚሳ̇̈ሊ ኢንታ̇ብ ሶ̈ሊ̈ርዶሪ፥

ሉቃ̈ሳ 18:7

ጾ̈ሲ̇ ፌ̈ክ ጋላሲ̇ ቃሚ̇ ዉይሲዝ ፌ ማራ̇ጺኖ ኣሳንቦ ፊርዲ̇ባ̈ሳ? ዓሪ ኢንታ̇ኮን ሲስካ̇ካ̇ይ ኣታ̇ንዳዶ̈ኔ?

1 ቆሮ 7:21

ኔ ኣይላዶ̈ራ ጾ̈ሳ̇ ኣማ̇ኒና? ዪ̈ፌን ማቂ̇ናካሬ ኣባክ ባዬ፤ ዪ̈ቦ ሜቲንታ̇ፔ፤ ኔ̈ ኣይላ ጋርታ̇ፖ̇ ኬሲ̇ኪ̇ዝ ጎይ ኔ̈ብ ቤንቴ̇ጌዪንዶ ኬስካ̇ዚን ኣሻፔ̇።

1 ቆሮ 7:32

ዪዚ ዪንቲ̇ ኣባካባር ቲ̈ራካ̇ይዶ̈ር ዶኣምፔ̇̈ን ቴ ዶሳ̈̇ሬ፤ ማጫ̇ ኤካካ̇ዮ ኣሲ ጎዳ ኡፋይሲ̇ዝ ባዝ ኮዪዛኮታ̇ቦ ፌ ቆፋ ዎይ ጎዳ ኦ̈ሳ ጋልዳ ጋዲ̇̈ሬ።

2 ቆሮ 1:11

ዪንታ̇̇ሬ ኑ̈ና ዎ̈ሳባር ማ̈ዲ̇ብቴ። ዎይሊን ኣሲ ዎ̈ሲ̇ን ጾ̈ሳ̇ ፌ ኮሺቲን ኑ̈ብ ቤይሲኖንኮታ̇ቦ ዎይሊንን ኑኮታ̇ብ ጾ̈ሳ̇ ጋላቲ̈ሬ።

ኤፍ 5:20

ኑ ጎዳ̇ ዬሱ̈ስ ክርስቶ̈ሳ ሱ̈ምባራ ዎይ ባዛቦ ጾ̈ሳ̇ ባ̈ባ̈ ዎይ ጋላስ ጋላቲብቴ።

ኤፍ 6:18

ጌ̈ሻ ኣያ̇ና ዪንታ̇ ቲ̈ናዚንዲፌ̈ኒ ዎይ ጋላስ ዎይ ባዛቦ ጾ̈ሳ̇ ዎሲ̇ ኢያ ጌሺብቴ̇። ዪና ኢዝፌ̈ኒ ጾ̈ሳ̇̇ ዎርዣ̈ቦ ዎይ ጋላስ ባርካር ሚጛር ዎ̈ሲ̇ብቴ።

ቆላ̈ሳ̈ሳ 3:15

ዪንቲ̈ ፔቲ ኣስ ጋል̇ ጋልዳ ዎ ጋላ̇ንፌ̈ኒ ማ̈ቃ̇ሪ ኪን ጼይጊንቲ̇ኖንዳ ዓና̇ ሳሪቲምቦ ማ̈ቂ̇ኖኮታ̇ቦ ክርስቶ̈ሳ ሳሪቲንዳ ዪንታ̇ ጋርታ̇ ኩማጋ̈ቤ፤ ማ ጾ̈ሳ̇̇ ጋላቲዝ ኣስ ማ̈ቂ̇ብቴ።

ቆላ̈ሳ̈ሳ 3:17

ዬሱ̈ስ ክርስቶ̈ስ ጎይባራ ጾ̈ሳ̇ ባ̈ባ ጋ̈ላቲሙታ̇ዶ̈ሪ፥ ቃ̈ላባራር ማ̈ቆ̇ ኦ̈ሳባራ፥ ዪንቲ ኦ̈ዝ ባዛን ዎይ ጎዳ ዬሱ̈ስ ክርስቶ̈ስ ሱ̈ምባራ ኦ̈ብቴ፤ ማ ኢ ጎይባራ ጾ̈ሳ̇ ባ̈ባ̈ ጋ̈ላቲብቴ።

ቆላ̈ሳ̈ሳ 4:2

ጾ̈ሳ̇ ጋላቲሙታ̇ ባርካ̇ሪ ዎ̈ሳባር ሚ̈ጚብቴ።

1 ጢማ̈ 2:1

ዪዚ ዎይ ባዛፖ ቲ̈ን ቲ̈ኒታር ቴ ኔ̈ብ ሶ̈ላዚንዳ፥ ኣሲ ዎይቦ ዎ̈ሳኬ ጋላታኬ ጾ̈ሳ̇ ቲ̈ን ሺ̈ቃምፔ̈ኒዬ።

1 ጢማ̈ 5:5

ኣስኒ ዓይቂ̇ን ኪንባር ሜቲንቲ̇ኖ ኣሲንዳ ፌ ታስፊን ጾ̈ሳ̇ ጋ̈ልዳ ጋዳ̇ራ ጋላሳ̇ሬ ቃማ̇ሬ ጾ̈ሲ ኦዞ ማ̈ዳ̇ምፔ̈ን ዎ̈ሳባር ሚ̈ጛር ዶኣ̈ሬ።

1 ጴጥ 4:7

ዪዚ ዎይ ባዛብ ውርሲን ዬሊ̇ኔ፤ ዪንቲ ሚ̈ጛሪ ዎ̈ሳ̇ንዳብ ዳንዳኣምፔ̈ኒ ኮሺንቺ ቆፒ̇ዝ ቡ̈ዳ ዪንታ̇ብ ዶኦጋ̈ቤ፤ ማ ዪንቲ̇ ዪንታ̇ብ ኮሻ̇ዚንዲፌ̈ን ዶኢብቴ̇።

1 ጴጥ 5:7

ኢ ዪንታ̇ቦ ቆፒ̇ዛኮታቦ ዪንታ̇ ዋይዝባዝ ዎይ ኢ ጋልዳ ቶ̈ጚ̈ብቴ።