ፊል 4:5 - ኦራ ጫ̈ቃ ማጻ̈ፋ

⁵ ዪንቲ̇ ኮሽ ኣስ ማ̈ቂ̇ኖንዳ ኣስ ዎይ ቲ̈ን ኤሪንቲ̇ኖ ማ̈ቆ̇ጋቤ፤ ጎ̈ዳ ዬንቲ̇ን ኡኪ̇ኔ።

ፊል 4:5 Iomraidhean Croise

ማ̈ቶ̈ሳ 6:25

“ዪ̈ኮታ̇ቦ ቴ ዪንታ̇ክ ጋ̈ዚንዳ ‘ኑ ኣብዝ ሙይራ? ኣብዝ ኡሽኪ̈ራ? ኣብዝ ማኢ̈ራ?’ ጋ̈ሪ ዪንታ̇ ዶኢን ኮታ̇ ቲ̈ራፒ̇ቴ። ዪንታ̇ ሼምፒ̇ንዳ ፊ̈ሻፖ̇፥ ዪንታ̇ ጋሊ̇ንዳ̇ ኣፊላፖ̇ ሺባሳ?

ማ̈ቶ̈ሳ 6:34

ዪ̈ኮታ̇ቦ ዪንቲ̇ ጊያ̈ባብ ቲ̈ራፒ̇ቴ፤ ጊያባቦ ማቃ̈ዝ ባዚምቦ ጊያብ ቲሪብቴ፥ ዎይ ቃ̈ማንቦ ኢንታ̇ብ ጊዲዝ ሜቲ ዎ።

ሉቃ̈ሳ 21:34

“ዪዚ ዪንቲ̇ ሙንትኬ ኡሽኬ ዎይሊሳር ማባር ሳ̈ዝ ጋልዶ̇ ቲ̈ሪስባር ዪንቲ̇ ዳ̈ቡሪ ዎን ጋርታ̇ ዪና̇ ቃሚ̇ን ጺሂፌ̈ን ኤሪንታ̇ካይዶ̈ር ዪንታ̇ ዬላ̇ካይፌ̈ኒ ና̈ጊንቲ̇ብቴ̇።

1 ቆሮ 16:22

ጎዳ ካባሶ ኣሲ ዎኮ ኢ ባ̈ዲንቲ̇ኖ ማቆ! ኑ ጎዳ̈ዶ! ዬ̈ቤ።

1 ቆሮ 6:7

ዪንቲ̇ ዎል ዎልኣ ሞ̈ቲንታ̇ዚን ኢዛ ፌ̈ብ ዪንታ̇̇ብ ዬ̈ላ፤ ዪኒ̇ፖ̇ ኣሲ ዪንታ̇̇ብ ኢ̈ት ኦ̈ኖኮ ኢ̈ታ? ኣሲ ዪንታ̇ ዳሺቺ̇ኖኮ ኢ̈ታ?

1 ቆሮ 8:13

ዪዚ ቴ ሞ̈ዝ ባዚንዳ ቴ ኢሻ̈ ና̈ጋራ ኦ̈ሳ̈ርኮ ቴ ኢሻ ናጋራ ኦ̈ሳካዮ̈ዲፌ̈ን ቴ ዉርሳ ኣይሽ ጌይዝ ባዝ ሞ̈ብዳ።

1 ቆሮ 9:25

ዎ ዎጺ̇ዛን ዎይ ኢንታ̇ ጋሊ̇ን ሚ̈ጛምፔ̈ኒ ኮሺንቻ̇ር ጋስ ማ̈ቃካ̇ይ ኮይሪ̈ሬ። ኢንቲ̇ ዪ̈ፌን ዎይ ዳቡሪዛ̈ዲ ዪዝ ሺሊ̇ማ̈ታ ኣክሊላ ዲጛንዳቦ። ኑ ዳቡሪዛ̈ዲ ዪባ̈ሶ ሜናብ ዶኢዝ ኣክሊላ ሺልማ̈ታ ዲጛንዳቦ።

2 ቆሮ 10:1

ዪንታ̇̇ባር ዎዶራ “ዬ̈ልቂዝ ኣስ” ማ ዪንታ̇ ጋልዳፖ̇ ጎታ̇ራ “ኢ̈ጪባ̈ሶ ኣስ” ጌይንቲ̇ኖ ታ ጳውሎ̈ሲ ክርስቶ̈ሳ ኣሽኪቲንባርኬ ኮሺ̈̇ቲንባራ ዪንታ̇ ጌሻ̈ሬ።

2 ታሳ 2:2

ካ̈ያባራ ዎይ ቃ̈ላባራ ሶሊንቲ̇ኖዲፌ̈ን ቆፓ̇ሪ ዎይ ኑ ጻ̈ፋር ዪንታ̇ብ ሚሺኖ ኪ̈ታፌን ማሃሪ “ጎዳ ዬ̈ዝ ቃሚ̇ን ዬሊ̇ኔ” ጋ̈ሪ ኤሊ̇ር ዪንታ̇ ቆፊባር ጌዳክ ዓኒክ ጋ̈ፒ̇ቴ፤ ማ ሼምፓር ዶኢብቴ።

ቲ̈ታ̇ 3:2

ማ ኦ ጋልዳካሬ ኢ̈ታባዝ ሶ̈ላካ̇ዮ̈ዲፌ̈ኒ፣ ኣሳባር ሳሪቲባርኬ ኣሽኪቲባራ ዶኣምፔ̈ኒ፣ ኣስ ዎይባራ ፌ̈ና ዪርክ ዎታር ዶኣምፔ̈ኒ ኢንታ ዞራቤ።

ኢብ 10:25

ዎል ዎልኣ ዬላ̇ሪ ዎል ዎልኣ ሚንስቶዶኬ ፔታ̇ን ፔታ̇ናን ዎል ዎልኣ ሺ̈ቃዚን ኣሺ̇ኖንዲፌ̈ኒ ኑ ዎልኣ ሺቃዚን ኣሺ̇ባ̈ዳ፤ ዪኒ̇ፖ ሺ ጎዳ ዬ̈ዚን ቃሚ̇ን ኡኪ̇ኖን ቆፒ̇ሙታዶሪ ቲ̈ኖንፖ ሺ ዪንታ̇ ሺ̈ቂን ሚ̈ንብቴ።

ኢብ 10:37

ዪዚ ባዝ ዪኒ̇ኮታ፤ “ዪ̈ ዬይዛዲ ጊላ̇ ቃማ̇ፖ ዎሃ ዬይሬ፤ ጋምኢባ̈ሴ፤

1 ጴጥ 1:11

ዪን ናባን ጋርታ ዎ ክርስቶ̈ሳ ኣያ̇ናዲ ክርስቶ̈ሳ ጋልዳ ዬላ̇ዝ ሜቲንዲኬ ዪና̇ ሜቲንፖ ዎሃ ኢ ዲጛዝ ቦንቺ̇ን ቲ̈ኒታር ሶ̈ሊኔ፤ ኢንታ̇ር ዪ ዎይ ኣ ኬል̇ ማ̈ቂ̇̈ርኮ ዎዛርታር ማ̈ቂ̇̈ርኮ ዎይሊን ቆፓ̇ር ቢሪን ቤቂ̇ኔ።

1 ጴጥ 4:7

ዪዚ ዎይ ባዛብ ውርሲን ዬሊ̇ኔ፤ ዪንቲ ሚ̈ጛሪ ዎ̈ሳ̇ንዳብ ዳንዳኣምፔ̈ኒ ኮሺንቺ ቆፒ̇ዝ ቡ̈ዳ ዪንታ̇ብ ዶኦጋ̈ቤ፤ ማ ዪንቲ̇ ዪንታ̇ብ ኮሻ̇ዚንዲፌ̈ን ዶኢብቴ̇።

ሳጻ 22:20

ዪን ባዛንቦ ማርኪቲዛ̈ዲ “ኪን ታ̈ኒ ኤሊ̇ባር ዬንዳ!” ጌይሬ። ኣሚንኤ፥ ጎዳ ዬሱ̈ሶ ኔ ዬ̈ቤ!

ሳጻ 22:7

ዬሱ̈ሳሬ “ሲስኪ̇ብቴ! ቴ ኤሊ ዬ̈ንዳ! ዓና̇ ማጻ̈ፊን ጋርቶ ካ̈ያ ቃ̈ሊን ና̈ጊዛ̈ዲ ኣንጂ̇ንቲኖዳ” ጌይሬ።