ፊል 4:3 - ኦራ ጫ̈ቃ ማጻ̈ፋ

³ ኔ̈ናሬ ኢና ዎ ኣማ̇ኒንቲ̇ኖ ቴባር ዎልኣ ኦ̈ዛ ቴ ላጋ̇̈ዶ! ኔ̈ኒ ዪን ማጫ̇ን ማ̈ዳ̇ምፔ̈ን ቴ ኔ̈ና ጌሻ̇̈ሬ፤ ዪን ማጫ̇ን ቄላምኒጦ̈ሳባራ፥ ኢንታ ሱም ሼምፓባር ዶኢዝ ኣሳን ጻ̈ፊንቲ̇ዝ ማጻ̈ፋ ጋልዳ ጻ̈ፊንቲ̇ኖ ኣሳንባርኬ ቴባር ኦ̈ዛን ሜላንባር ዎል ማ̈ቃ̇ሪ ዎጛላ ኦ̈ሲን ሚ̈ጛር ኦ̈ኖ ኣሴ።

ፊል 4:3 Iomraidhean Croise

ሉቃ̈ሳ 10:20

ማ̈ቂ̇ናካሬ ኢ̈ታ ኣያ̇ኖ ዪንታ̇ብ ኪ̈ቲንቲ̇ኖምቦ̇ ኡፋይታ̇ፒ̇ቴ። ዪንታ̇ ሱምንዳ̇ ኣፎ ማዝጋባ ጋልዳ̇ ጻ̈ፊንቲ̇ኖ̈ምቦ ኡፋይቲ̇ብቴ” ጌይዴ።

ሮሜ 12:1

ዪዚ ቴ ኢሺንታን! ዪንታ̇ ኣሲቲ̈ንዶ ጾ̈ሳ̇̇ ኡፋይሲዝ ጌ̈ሽ ማ̈ቂ̇ኖ ሼምፓባሮ ዣርሻ ማ̈ሃሪ ጾ̈ሳ̇̈̇ቦ ሺ̈ሻ̇ምፔ̈ኒ ጾ̈ሳ̇ ኣሽኪቲምባራ ቴ ዪንታ̇ ጌሻ̈ሬ። ዪንቲ̇ ጾ̈ሳ̇̇̈ቦ ጎሽታ̇ንዳብ ኮሺ̇ዝ ኪን ጎይን ዓና̇ ኢዞ።

ሮሜ 16:12

ጎዳ ኦ̈ሳ ኦ̈ ዳ̈ቡሪኖን ቱርፋ̈ናኬ ቱርፎ̈ሳ ሳሮ ጌብቴ̇። ጎዳ ኦ̈ሳ ኦ̈ ዎይሊን ዳ̈ቡሪኖን ጎዳ ሱምባራ ቴ ኢዞ ካዝ ቴ ሚሺን ፓርሲሶ ሳሮ ጌብቴ̇።

ሮሜ 16:9

ክርስቶ̈ሳ ኦ̈ሲን ኑባር ዎልኣ ኦ̈ዛ ኡርባ̈ኖ̈ሳ̈ኬ ቴ ካዛ ኢስጣኩ̈ሳ ሳሮ ጌብቴ̇።

ፊል 1:12

ቴ ኢሺንታ̈ን! ታ ጋልዳ ዬሊ̇ኖ ሜታን ዎጛላዲ ጌዳ ሻኪ̇ሙታ ሉካ̇ምፔ̈ኒ ዎቲኖን ዪንቲ ኤራንፔን ቴ ኮያ̈ሬ።

ፊል 1:16

ታ̈ኒ ቃቺ ኣ̈ል ጌሊኖንዳ ዎጛላ ሳባ̇ኪኖኮታ̇ቦ ማ̈ቂ̇ኖን ኢንቲ̇ ኤሪዛኮታ̇ቦ፤ ዪን ኪን ቡ̈ዳባር ጾ̈ሳ̇ ዎጛሊን ሳባ̇ኪዛን ካንቦ ጌዪ ሳባ̇ኪ̈ሬ።

ፊል 1:27

ዪዚ ዎይባዛ̈ፖ ሺ ዪንቲ ዶ̈ኣዝ ዶኢንዳ ዬሱ̈ስ ክርስቶ̈ሳ ዎጛሊን ቦንቺሺዛ ማ̈ቆ̇ጋ̈ቤ፤ ዪና̇ሬ ታ̈ኒ ዪንታ̇̈ኮ ሉካ̇ራር ማ̈ቆ ማ ጎት ዎዶራር ዪንቲ ፔቲ̇ ቡ̈ዳባር ሚ̈ጛር ኤቂ̇ኖንዲኬ ማ ዎል ፔታ̇ን ማ̈ቃ̇̈ሪ ዎጛላ ቃ̈ሊን ኪንንቦ ቡቲታዚን ቴ ሲስካ̈ሬ።

ፊል 1:7

ታ̈ኒ ቃሺ ኣ̈ል ዎምባራር ማ̈ቂ̇ን ቃቺንታ̇ናፖ ቲ̈ን ዎጛሊንኮን ኪን ቲሚርቲ̇ን ኣሳን ማቃ ቲሚርታ̇ባር ኢ̈ሲ ይሳካዮዲፌ̈ን ቴ ኢንታ̇ብ ሶ̈ላ ማሃምባርኬ ማ ኢዞ ሚ̈ን ኤሳ̇ንዳቦ ዋ̈ያምባራ ጾ̈ሲ ታ̈ብ ፌ ኮሺ̇ቲባር ኢሚ̇ኖ ኦ̈ሲንዶ ዪንቲ̇ ታባር ዎልኣ ኦ̈ኖኮታ̇ቦ ዪንቲ̇ ታ ቡ̈ዲን ጋርታ ዎ። ዪ̈ኮታ̇ቦ ቴ ዪንታ̇ ባዝ ዪኒ̇ፌ̈ኒ ቆፓ̇ዚንዳ ኪን።

ፊል 4:2

ኤዎ̈ዳኬ ሲንጺኪኬ ኢንቲ ዎል ዎልኣ ጎዳባራ ካንታ̇ር ዶኣምፔ̈ኒ ቴ ኢንታ ዞራ̈ሬ።

ቆላ̈ሳ̈ሳ 1:7

ዪኖ̇ ዎጛሊንዶ ኑባር ዎልኣ ኦ̈ዛ ማ ኣማ̇ንቲ̇ኖ ክርስቶ̈ሳ ኣይላ ማ̈ቃ̇ር ኑ ቤሲ̇ን ኦ̈ዛ ካንቲ̇ኖ ኑ ኢሻ ኤጳ̈ፍራ ዪንታ̇ ታማ̈ርሲ̇ኔ።

ሳጻ 13:8

ኣላሚን ኮቺንቲ̇ኖፖ ኤር ኢንታ ሱምን ሹኪንቲ̇ኖ ዶራ ሼምፓ ማጻ̈ፊን ጋልዳ ጻ̈ፊንታካ̇ዮን ኣላሚን ጋልዳ ዎ ኣሳን ዎይ ዪ ማ̈ታ ባዛ̈ቦ ጎሽቲ̇̈ሬ።

ሳጻ 17:8

ኔ ቤቂ̇ኖ ማ̈ታባዛ̈ዲ ዓኒ̇ፖ̇ ቲ̈ን ዎዶሪ ዓት ባዬ̇፤ ዎሃ ዎሳሊ ባዮ̇ ጴች ዶ̈ቺ̇ን ጋርታፖ ኬስኪ̈ሬ፤ ማ ዪብ ሉኪ̇̈ሬ፤ ሳ̈ዚን ኮቺንቲ̇ኖፖ ኤ̈ሪ ኢንታ ሱምንዳ ሼምፓ ማጻ̈ፋ ጋልዳ ጻ̈ፊንታካ̇ይዶር ሳ̈ዝ ጋልዳ ዎ ኣሳን ማ̈ታ ባዛ̈ ቤቃ̇ሪ ጋራ̇ሚንቲ̇̈ሬ። ዪ ማ̈ታ ባዛ̈ዲ ዓኒ̇ፖ ቲ̈ን ዎ፤ ዓት ባዪ፤ ማ ዎሃ ዬ̈ይዛ̈ዳ።

ሳጻ 20:12

ጊላ̇ንኬ ጴቻን ዓይቂኖን ዙፋ̈ና ቲ̈ን ኤቂ̇ንዶን ቴ ቤቃ̇ዴ፤ ኢናፖ ማጻ̈ፋን ፊርቂንቲ̇ዴ፤ ማ ሼምፓባር ዶኢዛን ጻ̈ፊንቲ̇ዝ ማጻ̈ፋ ፊርቂንቲዴ፤ ዓይቂ̇ኖ ኣሳንሬ ማጻ̈ፋን ጋልዳ ጻ̈ፊንታር ቤንቲ̇ኖ ኢንታ ኦ̈ሲንዲፌ̈ን ፊርዳ ኤኪ̇ዴ።

ሳጻ 20:15

ኦ̈ናካሬ ኢ ሱምን ሼምፓባሮን ጻ̈ፊንቲ̇ዝ ማጻ̈ፋ ጋልዳ ጻ̈ፊንታካ̇ዮ ኣሲ ዎይ ታማ ባሃ̈ራ ጋርታ ቶጚንቲ̇ዴ።

ሳጻ 21:27

ቄ̈ ማ̈ቂ̇ኖ ባዚ ዉርሲ ኢዝ ጋርታ ጌሊባ̈ሴ፤ ቄ ባዝ ኦ̈ዝ ኣስኬ ማቃ ሶ̈ሊዝ ኣሲ ዉርሲ ኢና ጌሊባ̈ሴ፤ ኢዝ ጋርታ ጌሊዛን ኢንታ ሱ̈ምን ዶራ̈ኮ ሼምፓባር ዶኢዝ ኣሳን ጻ̈ፊንቲ̇ዝ ማጻ̈ፋ ጋልዳ ጻ̈ፊንቲ̇ኖን ሙታ̇።

ሳጻ 3:5

ጋሚዝ ኣሲ ኢንታ̇ፌ̈ን ቦርስ ኣፊላ ማኢ̈ሬ፤ ታ̈ኒ ኢ ቴዪ ማ̈ቂ̇ኖን ታ ባ̈ባብኬ ኢ ኪ̈ታንቻን ቲ̈ን ኤርሳንዳ፤ ሜናብ ሼምፓባር ዶኢዝ ኣሳን ሱምን ጻ̈ፊንታ̇ዝ ማጻ̈ፊን ጋልዳፓሬ ኢ ሱምን ቁቻ̇ ይሳንዳባዬ̇።