ፊል 4:19 - ኦራ ጫ̈ቃ ማጻ̈ፋ

¹⁹ ዪዚ ቴ ጾ̈ሳ̇̇̈ዲ ፌ ዱሪቲ ዎይሊን̈ዲፌ̈ኒ ዬሱ̈ስ ክርስቶ̈ሳ ጎይባራ ዪንታ̇ቦ ኮሺ̇ዝ ባዛን ዎይ ዎይሊሳር ኢሚ̇̈ሬ።

ፊል 4:19 Iomraidhean Croise

ማ̈ቶ̈ሳ 6:32

ዪን ባዛን ዲጛንዳ̇ቦ ጾ̈ሳ̇̇ ኤሪባ̈ሶ ኣሳንር ዎይ ዎጺቲሬ̈፤ ዪን ዎይ ዪንታ̇ብ ኮሻ̇ዚን ኣፋ ዎ ዪንታ̇ ባ̈ባ ኤሪ̈ሬ።

ዋ̈ኒ̇ሳ 20:17

ዬሱ̈ሳሬ ኢዝኮ̇ “ታ̈ና ኤ̈ፔ̇፥ ቴ ቴ ባ̈ባ̈ኮ ቢርት ማ̈ቃ̇ ሉካካ̇ዬ፤ ዓት ኔ̈ኒ ቴ ታማ̈ራንኮ ሉካ̇ራ ‘ታ̈ብኬ̇ ዪንታ̇ቦ ዎልኣ ባ̈ባ̈ኮ፥ ታ̈ብኬ ዪንታ̇ቦ ዎልኣ ጾ̈ሳ̇̇̈ኮ ሉካ̇̈ሬ ጌይኔ’ ጋ̈ራ ኢንታ̇ብ ሶ̈ላቤ” ጌይዴ።

ዋ̈ኒ̇ሳ 20:27

ኢናፖ̇ ቶ̈ማ̈ሳኮ “ኔ ጊልኢን ዓይ ኤሄ̈ራ ቴ ኩሻን ቤቃ̇ቤ፤ ቴ ባሪንን ጫዲንቲ̇ኖ ካሪንባር ኔ ኩሽ ሚሻራ ቤቃ̇ቤ፤ ኣማ̇ናብዶኬ ኣማናካ̈ዮ ኣስ ማ̈ቃፔ” ጌይዴ።

ሮሜ 1:8

ታ̈ኒ ዎይ ባዛፖ ቲ̈ኒታራ፥ ዪንቲ̇ ዬሱ̈ሳ ኣማ̇ኒኖንዳ̇ ሳዝ ኤ̈ሻ ዎይ ጋልዳ ሲስኪ̇ንቲ̇ኖኮታ̇ቦ ዪንቲ̇ ዎይንጊሽ̇̇ ታ̈ኒ ጎዳ ዬሱ̈ስ ክርስቶ̈ስ ሱምባራ ታ ጾ̈ሳ̇ ጋላታ̈ሬ።

ሮሜ 11:33

ጾ̈ሳ̇̈̇ ዱሪቲንዳ፣ ኢ ኤጪቲንዲኬ ኢ ኤሪቲንዳ ዎዛርፌ̈ን ጴቻ̇! ኢ ፊርዳ̈ዲ ኣሳ ኤራፖ ሺ፤ ኢ ኦ̈ዚንዶ ኣባቦ ኦ̈ርኮ ኦ̈ናካር ኤሪዝ ኣሲ ባዬ̇።

ሮሜ 2:4

ዎይ ጾ̈ሲ ኔ̈ብ ኮሺቲ ዎይሊሲኖንዳ ኔ̈ኒ ማ̈ሪቲ ጌላምፔ̈ን ማ̈ቂ̇ኖን ኤራካ̇ይዶራ ጾ̈ሳ̇ ኮሺ̇ቲንዶ፥ ኢ ዎይ ባዝ ዳንዳኣዚንዶ፥ ዎይሊን ኢ ጋርዣዝ ጋርዢን ኔ ሌቃ̇̈ርቤ?

ሮሜ 8:18

ኑ ዓት ኤኪ̇ዝ ሜታ̇ን ጊዳክ ኑ ዲጛዝ ቦንቺ̇ምባር ካሚሳምባራ ኣባካር ጌዪን ዎልኣ ዬላ̇ንዳብ ዳንዳኢባ̈ሴ ጌያ ፋይዳ̈ሬ።

ሮሜ 9:23

ኢ ዪ̈ኖ̇ ዎቲ̇ኖ̈ንዳ ኢ ቲ̈ኒ̈ታር ፌ ቦንቺ̇ን ኢንታ̇ብ ኢማ̇ንዳቦ ጊ̈ጊሲኖ ማ̈ሪቲ ዲጛንዳብ ኮሺ̇ዝ ኣሳንቦ ፌ ቦንቺ̇ን ዎይሊንን ቤይሳንዳቦ።

2 ቆሮ 12:21

ማ̈ቃ̇ር ቴ ዪንታ̇̇ክ ዬ̈ዚምባ̇ራ ቴ ጾ̈ሳ̇ዲ ዪንታ̇ ቲ̈ን ታ̈ና ዬ̈ሊ̇ንዳዶ̈ኔ ጌያ ኢጫ̇̈ሬ፤ ዓኒፖ̇ ቲ̈ን ናጋራ ኦ̈ሪ ዪና̇ ፌ ኦ̈ኖ ቄ ባዚምቦ፣ ኦሎ̇ሊንቤኬ ዲርጊሲምቦ ማ̈ሪቲ ጌላካ̇ዮ ዎይሊን ኣሳን ጊሽ̇ ታ̈ና ኣዛንዝዳ ጌያ ኢ̈ጫ̇̈ሬ።

2 ቆሮ 4:17

ዓት ኑ̈ና ዋ̈ዪዝ ጊላ̇ ጊዛብ ሙታ̇ ጋምኣዝ ሜቲን ጊሊ̇ን ዓና ዎይሊን ጴች ማ̈ቂ̇ኖ ሜናብ ዶኢዝ ቦንች ኑ̈ብ ቤይሳ̈ሬ።

ኤፍ 1:18

ኢ ዪንታ̇ብ ኢማ̇ንዳ ጋ̈ሪ ዪንታ̇ ፌ̈ክ ጼይጊኖ ታስፊን ኣብዝኮ፥ ማ ጾ̈ሳ̇ ዎርዣን ጊዳክ ኤካ̇ዝ ቦንች ቤሲ̇ን ዎዛርፌ̈ን ጴችኮ ዪንቲ ኤራምፔ̈ን ጾ̈ሲ ዪንታ̇ ቡ̈ዲን ፊርቃምፔ̈ኒ፣

ኤፍ 1:7

ጾ̈ሳ̇ ኮሺ̇ቲን ዎይሊንንዲፌ̈ኒ ኢ ኑ̈ና ፌ ናኣ ሱ̈ባራ ዎጛሪ ኑ ናጋሪን ኑ̈ብ ኣቶ̇ ጌይዴ።

ኤፍ 2:7

ዪኖ̇ ኢ ኦ̈ኖንዳ ኢ ዬሱ̈ስ ክርስቶ̈ሳ ጎይባራ ቤይሲኖ ፌ ኣሽኪቲንዲኬ ዎይ̈ፖ ኣ̈ር ሺዝ ፌ ኮሺ̇ቲንባር ዱር ማ̈ቂ̇ኖን ቢርት ቲ̈ን ዬ̈ዝ ላይን ጋርታ ኑ̈ና ቤይሳንዳብ ጋ̈ሪ ዎቲኔ።

ኤፍ 3:16

ዪንታ̇ ጋርቶ ኣሲቲን ጾ̈ሳ̇̇̈ባር ሚ̈ንምፔ̇̈ኖ ዎልቆ ጾ̈ሳ̇ ፌ ኣያ̇ና ጎይባር ፌ ቦንቻ̇ ዎይሊን ጋልዳፖ̇ ዪንታ̇ብ ኢማ̇ምፔን ቴ ኢያ ዎ̈ሳ̇̈ሬ።

ኤፍ 3:8

ታ̈ኒ ጾ̈ሳ̇ ኣሳን ዎይንፖ̇ ጉ̈ጺዝ ኣስ ማ̈ቂ̇ናካሬ፤ ዎሳሊ ባዮ̇ ክርስቶ̈ሳ ዱሪቲ ኣይሁድ ባዮ̇ ኣሳንቦ ሶ̈ላምፔ̈ን ጾ̈ሲ ዓና̇ ኢዲ̇ሊን ታ̈ብ ኢሚ̇ዴ።

ፊል 4:7

ኣሳ ኤሪቲ ዎይፖ ኣ̈ዛ ጾ̈ሳ̇ ሳ̈ርቲ̈ዲ ዪንታ ቡ̈ዲንዲኬ ዪንቲ ቆ̈ፊን ዬሱ̈ስ ክርስቶ̈ስባራ ና̈ጊ̈ሬ።

ቆላ̈ሳ̈ሳ 3:16

ክርስቶ̈ሳ ቃ̈ሊን ኩም ዪንታ̇ ጋርታ̇ ዶኣጋ̈ቤ፤ ኤራ ዎይባራ ዎልዎልኣ ታማ̈ርሲብቴ̇፤ ዎል ዎልኣ ዞ̈ሪንቲ̇ብቴ፤ ጋላታ ማዝሙራባራኬ ዎይ ኣይናታ ማዝሙራባራ ጾ̈ሳ̇̇̈ቦ ቡ̈ዳ ጋርታ̇ፖ ዬጺ̇ብቴ።

1 ታሳ 2:12

ፌ ካ̈ቲቲንኬኬ ፌ ቦንቺ̇ንኮ ዪንታ̇ ጼይጊኖ ጾ̈ሳ̇̇̈ቦ ኮሻ̇ዚንዲፌ̈ን ዪንቲ ዶኣምፔ̈ኒ ኑ ዪንታ̇ ዞሪኖን፥ ሚ̈ንኖንዲኬ ሚ̈ንር ዪንታ̇ ጌሺኖን ዪንቲ̇ ኤሪ̈ሬ።

1 ጢማ̈ 6:17

ዓኒ̇ ኣላሚን ጋ̈ልዶ ዱራን ኦቲርቃካ̇ዮ̈ዲፌ̈ኒ ዎይ ፌ ታስፊን ዪዝ ባዝ ጋልዳ ጋዳካ̇ዮ̈ዲፌ̈ኒ ኢንታ̇ ኪ̈ታ̇ቤ። ኑ̈ኒ ኡፋይታ̇ምፔ̈ኒ ዎይ ባ̈ዚ ሺሻር ኑ̈ብ ኢሚ̇ዝ ጾ̈ሳ̇ ጋ̈ልዳ ኢንቲ̇ ፌ ታስፊን ጋዳ̇ምፔ̈ኒ ኢንታ̇ ዞ̈ራቤ።

ፊልሞ̈ና 1:4

ዬሱ̈ስ ክርስቶ̈ሳባር ኔ̈ብ ዎ ኣማ̇ኒንዲኬ ኣማ̇ኒኖ ኣሳን ኔ ካዚን ቴ ሲስካ̇ራ፤ ዎይ ጋላስ ጾ̈ሳ̇ ዎ̈ሳ̈̇ርዶር ኔ̈ና ቆፓሙታ ጾ̈ሳ̇ ጋላታ̈ሬ።

1 ጴጥ 5:1

ዪዚ ታ̈ኒ ኢንታ̇ባራ ዎልኣ ዎሳ ኬ̈ ጪጛ̈ሽ ማ̈ቂ̇ኖ፥ ክርስቶ̈ሳ ሜ̈ቲን ማርኪ̇ቲዝ ኣስ ማ̈ቂ̇ኖ፥ ማ ጊዳክ ዬ̈ዝ ጎዳ ቦንቺ̇ን ኤኪ̇ዛ፥ ዪንታ̇ ጊዳ̇ ዎ ዎሳ ኬ̈ ጪጛ̈ሻን ዞራ̈ሬ።

1 ጴጥ 5:10

ጊሊ̇ ጊዛብ ዪንቲ̇ ሜታ ኤኪ̇ኖፖ̇ ዓኒ ክርስቶ̈ሳ ጎይባራ ሜና ቦንቻ̇ብ ዪንታ̇ ጼይጊኖ ኮሺ̇ቲ ዎይ ኢ̈ክ ዎ ጾ̈ሳ̇̇̈ዲ ኢ ዪንታ̇ ዬሊ̇ኖ ሜቲን ጋርታፖ ዪንታ̇ ኬሳ̇ር ሚ̈ን ኤሲ̇̈ሬ።