ፊል 4:17 - ኦራ ጫ̈ቃ ማጻ̈ፋ

¹⁷ ቴ ዪና̇ ጌይኖንዳ ዪንቲ ታ̈ቦ ኢማዚ̇ን ኮያራ ጊዳካ̇ይዶን ጾ̈ሳ̇ ቲ̈ን ዪንታ̇ ጋቲን ዪንታ̇ብ ዎይላምፔ̈ን ቆፓ̇ራ ጋ̈ሬ።

ፊል 4:17 Iomraidhean Croise

ዋ̈ኒ̇ሳ 15:16

ቴ ዪንታ̇ ማራ̇ጺንዶኬ ዪንቲ̇ ታ̈ና ማራ̇ጻካ̇ዬ፤ ዪንቲ̇ ሉ̈ካ̇ሪ ዎይሊን ኣ̈ፍ ካጻ̇ምፔ̈ን ማ ካጺ̇ኖ ኣ̈ፊንዳር ያካ̇ይ ዶኣምፔ̈ኒ ቴ ዪንታ̇ ኦ̈ሳ ጋ̈ልዳ ሹ̈ማዴ። ዪዚ ዪንቲ̇ ቴ ሱ̈ምባር ዎ̈ሲዝ ባዝ ዎይ ቴ ባ̈ባ̈ ዪንታ̇ብ ኢሚ̇̈ሬ።

ዋ̈ኒ̇ሳ 15:8

ዪንቲ̇ ዎይሊን ኣፍ ካጼጌይን ዪኒ̇ባር ቴ ባ̈ባ ቦንቺ̇ንቲ̈ሬ፥ ዪንታ̇ር ታ̈ብ ታማ̈ሪ ማ̈ቂ̇ኖን ዪና̇ ኢዝባራ ቤይሲ̈ሬ።

ሮሜ 15:28

ዪ̈ኮታ̇ቦ ዪና̇ ሺ̈ቂኖ ሚ̈ሺ̇ን ዬሩሳ̈ላም ካታማ ኤጛ ኢሚ̇ኖፖ ዓኒ ዪንታ̇̇ክ ኣ̈̇ራ ጎይስ ኢዝባራ ኢስፓይና ጋዳ̇ ሉካ̇ንዳ።

2 ቆሮ 11:16

ታ ዓታ̇ር ማሃ ሶ̈ላ̈ሬ፤ ኦ̈ናካር ኣሲ ታ̈ና ዳሻፌ̈ን ፋይዳፖ̇ጋቤ፤ ዪንቲ̇ ታ̈ና ቦ̈ዛ ጌዪ ፋይዲ̈ርኮ ታ̈ናሬ ጊላ̇ ኬርፋምፔ̈ኒ ዳሻ ኣስፌ̈ን ፋይዳር ታ̈ኮን ሲስኪ̇ብቴ።

2 ቆሮ 9:5

ዪ̈ኮታ̇ቦ ዪንቲ̇ ኢማ̇ንዳቦ ጋ̈ሪ ቃ̈ላ ጌሊኖን ቲ̈ኒታር ጊ̈ጊሳምፔ̈ን ዪንታ̇ ቆፊሳምፔ̈ኒ ጋ̈ሪ ዓን ኑ ኢሺንታን ታ̈ፖ̇ ቲ̈ኒታር ዪንታ̇ክ ዬንዳብ ኮሺ̈ሬ ጌያ ቆፒ̇ኔ፤ ዪዚ ቴ ዬ̈ዚምባራ ዪንቲ̇ ዶሳር ኢማ̇ዝ ባዚንዳ ጊ̈ጊንታ̇ር ዶኣ̈ሬ። ዪዚ ዪንቲ̇ ኢሚ̇ኖንዳ ዎልቃባር ጊዳካ̇ይዶን ዶሳር ኢሚ̇ኖ ባዝ ማ̈ቃ̇̈ሬ።

ፊል 1:11

ማ ጾ̈ሳ̇̇̈ቦ ቦንች̇ኬ ጋላታኬ ማ̈ቃ̇ምፔ̈ኒ ዪንቲ ዬሱ̈ስ ክርስቶ̈ሳ ዎልቃባር ቤንቲ̇ዝ ኮሻ̇ ኦ̈ሳባራ ኩማሪ ቤንታምፔ̈ኒዬ።

ፊል 4:11

ማ ቴ ዪኖ̇ ጌይኖንዳ ታ̈ብ ኮሺ̇ዝ ባዚ ጉ̈ጺ̇ኔ ጌንት ጊዳ̈ካዬ፤ ታ̈ኒ “ታ̈ቦ ዎ ባዚን ኢዛ ታ̈ብ ጊዳ̈ሬ” ጋዚን ታ ታማ̈ሪኔ።

1 ታሳ 2:5

ኑ̈ኒ ሜላ ኣቲ̇ን ፔቲ̇ ጋላሳ̇ር ዪንታ̇ ማቃባር ማይጺሳር ዎይ ሚ̈ሽ ዲጛንዳቦ ጋ̈ሪ ሶ̈ላካ̇ዮን ዪንቲ̇ ኤሪ̈ሬ፤ ጾ̈ሳ̇̇̈ዳር ኑ̈ቦ ማርካ።

1 ጢማ̈ 3:3

ማሲቲባ̈ሶ ኣሲ፣ ዋች ዶሲባ̈ሶ ኣሲ፣ ኣሽክ ማ̈ቂ̇ኖ ኣሲ፣ ኣሳባር ጎይሊባ̈ሶ ኣሲ፣ ሚ̈ሽ ካባ̈ሶ ኣሲ፣

1 ጢማ̈ 6:10

ዪና̇ ማ̈ቃ̇ዚንዳ ሚ̈ሺ̇ ካን ኢ̈ት ባዝ ዎይ̈ቦ ጻጲን ኢዚ ማ̈ቂ̇ኖኮታ̇ቦ። ፔቲ̇ ፔቲ̇ ኣሳን ዱር ማ̈ቃ̇ንዳብ ኮዪዛኮታ̇ቦ ኣማ̇ና ጎይን ጋልዳፖ̇ ባሊ̇ታ̇ር ኬዲ̇ኔ፥ ፌ̈ና ኢ̈ታ ሜታ ጋርታ̇ር ጌልሲ̇ኔ።

ቲ̈ታ̇ 1:7

ዎ̈ሳ ኬ ቲ̈ኒዝ ጪጛሺ ጾ̈ሳ̇ ኦ̈ሲን ኦ̈ንዳቦ ዓዳ̇ራ ኤኪ̇ኖ ኣስ ማ̈ቂ̇ኖኮታ̇ቦ ኣሲ ኢያ ጌስቲ̇ዝ ኣስ ማ̈ቃ̇ንዳቦ ኮሺ̇ባ̈ሴ፤ ማ ኦትርቂ̇ባሶ ኣሲ፥ ኤሊ̇ር ጎይሊባ̈ሶ ኣሲ፥ ማሲቲባ̈ሶ ኣሲ፥ ዋጪባ̈ሶ ኣሲ፥ ቢራብ ጋንዲ̇ባ̈ሶ ማ̈ቃ̇ንዳብ ኮሺ̇̈ሬ።

ቲ̈ታ̇ 3:14

ኣማ̇ኒኖ ኑ ኣሳንሬ ማ ሜላ̇ ዓሪ ማ̈ዲባ̈ሶ ኣስ ማ̈ቃ̇ር ኣታካ̇ዮዲፌ̈ኒን ኣሳብ ኮሺ̇ዝ ባዝ ዎይ ዲጛንዳቦ ኮሻ̇ ኦ̈ሳ ሚ̈ጛር ኦ̈ዚን ታማ̈ሮጋ̈ቤ።

ኢብ 6:10

ጾ̈ሲ̈ ኪንን ፊርዲዛ ማ̈ቂ̇ኖኮታ̇ቦ ዪንታ̇ ኮሻ ኦ̈ሲንዶ ማ ዪንቲ ኣማ̇ኒኖ ኣሳን ማ̈ዲሙታ̇ ዪንቲ̇ ጾ̈ሳ̇ ካዚን ቤይሲኖንዲኬ ዓታ̇ር ቤይሲሙታ ዎን ጾ̈ሲ ቦቲጚባ̈ሴ።

1 ጴጥ 5:2

ዪንታ̇ቦ ዓዳራባር ኢሚ̇ኖን ጾ̈ሳ̇ ዎርዣ ና̈ጊብቴ፤ ዪንቲ̇ ኢንታ̇ ና̈ጋዚንዳ ዎልቃባር ጊዳካ̇ይዶን ጾ̈ሳ̇ ኮዪዝ ጎይባራ ዶሳባር ማ̈ቆ̇፤ ሚ̈ሻ̇ብ ጋንዲሙታ̇ ጊዳካ̇ይዶን ኦ̈ሲምቦ ጋ̈ሪ ኦ̈ብቴ።

2 ጴጥ 2:15

ኢንቲ ኮሽ ጎይን ኣሻ̇ር ዪኔ፤ ኢ̈ታ ባዝ ኦ̈ር ዲጛ̈ዝ ሚ̈ሺ̇ን ካ̈ኖ ቢኦ̈ራ ናኣ ባ̈ላማፌ̈ን ባሊቲ̇ኔ።

2 ጴጥ 2:3

ዪን ማቃ ኣስታማ̈ራን ሚ̈ሻ̇ቦ ጋንዲ̇ዛኮታ̇ቦ ፌ ጋልዳፖ ኬሲ̇ኖ ማቃ ሶ̈ላ ሶ̈ሊሙታ̇ ዪንታ̇ባዝ ቡሪ̈ሬ፤ ዎይሊን ላይፖ ቲ̈ን ኢንታ̇ብ ፊርዳ ጊ̈ጊኔ፤ ዪ ኢንታ ና̈ጊኔ።

ዪሁ 1:11

ኢንቲ̇ ቃ̈ዬ̈ሊ ዎቲኖንዲፌ̈ኒ ዎቲኖኮታ̇ቦ፥ ሚ̈ሻ̇ቦ ጋንዳ̇ሪ ባ̈ላ̈ሚ ባሊቲ̇ኖንዲፌ̈ኒ ባሊቲ̇ኖኮታ̇ቦ፤ ና̈ሳ ቆ̈ሪ ዉጪታር ዪኖንዲፌ̈ኒ ኢንታ̇ር ዪኖኮታ̇ቦ ኢንታ̇ባዚ ኣዬ̇!