14 ዎቲናካሬ ዪንቲ ታ̈ና ዬሊ̇ኖ ሜቲንባር ታ̈ና ማ̈ዲ̇ኖንዳ ኮሼ̇።
“ኢ ላ̈̈ዳር ኢ̈ኮ ‘ዎይኣ! ኔ̈ኒ ኣማ̇ኒንቲ̇ኖ ኮሻ̇ ኣሽካራ! ኔ ጊላ̇ ባዛቦ ኣማ̇ኒንቲኖኮታ̇ቦ ዎይሊን ባዝ ጋልዳ ቴ ኔ̈ና ሹ̈ማንዳ̇፤ ዪዚ ዓይ ዬ̈ቤ ኔ ላ̈ባር ዎልኣ ኡፋይታ̇ንዳብ ዓይ ጌላቤ!’ ጌይዴ።
ኢንቲ̇ ዪኖ̇ ካር ኦ̈ኖንዳ ዪኒ̇ፌ̈ኒ ኢንታ̇ ማ̈ዳንዳቦ ኮሻ̇ዚንኮታ፤ ኣይሁድ ማቃ̈ካዮ ኣሳን ኣይሁዳን ጋልዳፖ ጌ̈ሻ ኣያ̇ና ኢሚ̇ኖ ኣንጂን ዎልኣ ፋጊንቲ̇̈ርኮ ማ ኢንታ̇ር ፌ̈ቦ ዎ̈ ባዝ ጋልዳፖ ኣይሁዳን ማ̈ዲ̇ዝ ኣጫ ኢንታ̇ቦ ዎ።
ጾ̈ሳ̇̇ ቃ̈ላ ታማ̈ሪዝ ኣሲ ኦ̈ናካር ማ̈ቂ̇ን ኮሽ̇ ማ̈ቂ̇ኖ ባዝ ዎይ ፌ ኣስታማ̈ራባር ፋጊንቲ ኤኮ̇።
ታ̈ኒ ቃሺ ኣ̈ል ዎምባራር ማ̈ቂ̇ን ቃቺንታ̇ናፖ ቲ̈ን ዎጛሊንኮን ኪን ቲሚርቲ̇ን ኣሳን ማቃ ቲሚርታ̇ባር ኢ̈ሲ ይሳካዮዲፌ̈ን ቴ ኢንታ̇ብ ሶ̈ላ ማሃምባርኬ ማ ኢዞ ሚ̈ን ኤሳ̇ንዳቦ ዋ̈ያምባራ ጾ̈ሲ ታ̈ብ ፌ ኮሺ̇ቲባር ኢሚ̇ኖ ኦ̈ሲንዶ ዪንቲ̇ ታባር ዎልኣ ኦ̈ኖኮታ̇ቦ ዪንቲ̇ ታ ቡ̈ዲን ጋርታ ዎ። ዪ̈ኮታ̇ቦ ቴ ዪንታ̇ ባዝ ዪኒ̇ፌ̈ኒ ቆፓ̇ዚንዳ ኪን።
ዪንቲ̇ ታ̈ብ ኮሻ̇ዚንዲኬ ማ ኮሻ̇ዚምፓር ኣ̈ሪ ኣፍሮዲጣባር ታ̈ብ ሚሺኖን ታ ኤኪ̇ኔ፤ ዪና̇ ዪንቲ̇ ታ̈ብ ሚሺኖንዳ ኮሽ̇ ሳውቂ̇ዝ ጾ̈ሳ̇ ኡፋይታ̇ር ኤኪ̇ዝ ዣ̈ርሻ።
ማ ኢንቲ ኮሽ ኦ̈ሳ ኦ̈ምፔ̈ን፥ ኮሽ ኦ̈ሳባር ዱር ማ̈ቃ̇ምፔ̈ኒ፥ ኢንታብ ዎ ባዝ ሜላንቦ ፋጋ̇ር ኢማ̇ንዳቦ ጊ̈ጊንቲ̇ኖ ኣስ ማ̈ቃ̇ምፔ̈ኒ ኢንታ̇ ዞራቤ።
ዪንቲ̇ ፔቲ̇ ፔቲ̇ ጋላስ ኣሳ ቲ̈ን ቆ̈ንቲኔ፥ ዳኪንቲ̇ኔ፤ ማ ፔታ̇̈ብ ፔታ̇̈ቦ ዪኒ ፌ̈ኖ ሜታ ኤኪ̇ኖ ኣሳንባር ላጋ̇ ማ̈ቃ̇ር ዬኖኮታቦ ሜታ ኤኪ̇ኔ።
ዪንታ̇ቦ ኮሽ̇ ቆሊን ኣፋ ዎን ኤሪኖኮታ̇ቦ ዪንታ̇ ቆሊን ዎይ ኢንቲ̇ ኤኪንቲ̇ናካሬ ዪንቲ̇ ኡፋይቲ̇ኔ፤ ቃሺ ኣ̈ል ጌሊኖ ኣሳንባሬ ዪንቲ ሚጪንቲ̇ኔ።
ኮሽ̇ ባዝ ኦ̈ዚንዲኬ ዪንታ̇ብ ዎ ባዚን ሜላንቦ ፋጋዚን ቦቲጛፒቴ፤ ጾ̈ሳ̇̈ ኡፋይሲዛ̈ዲ ዪ̈ፌኖ ዣ̈ርሻ።
ዬሱ̈ሲ ጋርዢኖ ጋርዢን፥ ኢ ኤኪ̇ኖ ሜቲንዲኬ ኢ ካ̈ቲቲንዶ ዪንታ̇ባር ዎልኣ ኤኪ̇ዛ ቴ ዪንታ̇ ኢሻ ዋ̈ኒሲ ጾ̈ሳ̇̈ ቃ̈ሊን ጊሻ̇ብኬ ዬሱ̈ሳብ ማርኪቲኖኮታ̇ቦ ቃሺ ኣስፌ̈ን ማ̈ሳሪ ፊጥማ ጋ̈ዝ ዴሴቲን ጋልዳ ታ̈ና ኤ̈ጚን ቴ ኢና ዎዶን፤
