ፊል 4:1 - ኦራ ጫ̈ቃ ማጻ̈ፋ

¹ ቴ ዪንታ̇ ካዛን፥ ታ̈ና ሹ̈ኒሺዛን፥ ቴ ኡፋይሳ̈ንኬ ቴ ኦ̈ሲምቦ ታ̈ብ ሺሊ̇ማ̈ታፌ̈ን ማ̈ቂ̇ኖ ቴ ኢሺንታ̈ን! ጎ̈ዳባራ ዪንታ̇ብ ዎ ፔቲ̇ቲንባራ ሚ̈ጛር ዶኢብቴ።

ፊል 4:1 Iomraidhean Croise

ማ̈ቶ̈ሳ 10:22

ዪንቲ̇ ታ̈ና ኣማ̇ናዚንኮታ̇ ኣሲ ዎይ ዪንታ̇ ኢጺ̇̈ሬ፤ ዎቲናካሬ ዉርሲ ዬሊ̇ዝ ዲራ̈ስ ሚ̈ጛር ኤቂ̇ዝ ኣሲ ኢ ፋጺ̈ሬ።

ዋ̈ኒ̇ሳ 8:31

ዬሱ̈ሲ ኢያ ኣማ̇ኒኖ ኣይሁድ ኣሳንኮ “ዪንቲ̇ ታ ታማ̈ርሳዝ ቲሚርቲ̇ምቦ ኪ̈ቲንቲ̇̈ርኮ፥ ዪንቲ̇ ኪን ታ̈ብ ታማ̈ሪዬ።

ሃዋ̈ራታን ኦ̈ሳ 11:23

ኢያሬ ሉኪ̇ ኢና ዬላ̇ሪ ጾ̈ሲ ዎርዣ̈ቦ ዎዛርፌ̈ን ፌ ኣንጃ ዎይሊሲኖኮ ቤቃ̇ሪ ኡፋይቲ̇ዴ፤ ዎይን ፎቲ ቡ̈ዳባራ ሚ̈ጛሪ ጎዳ̈ቦ ኣማኒንቲ̇ኖ ማ̈ቃ̇ር ዶኣምፔ̈ን ኢንታ̇ ዞሪዴ።

ሃዋ̈ራታን ኦ̈ሳ 14:22

ኣማ̇ኒኖ ኣሳን ጎዳ̈ባራ ሚ̈ጛምፔንኬ ኢንቲ ፌ ኣማ̇ኒኖ ኣማ̇ኒንባር ሚ̈ጛር ዶኣምፔ̈ን ኢንታ ሚ̈ን ዞሪ ዎታሪ “ኑ̈ኒ ጾ̈ሳ̇ ካ̈ቲቲን ጋርታ ጌላንዳ̇ቦ ዎይሊን ሜታ ጋማር ኣ̈ንዳቦ ኮሺሬ” ጋ̈ር ኢንታ ታማ̈ርሲዴ።

ሃዋ̈ራታን ኦ̈ሳ 2:42

ኢንታሬ ሃዋ̈ራታን ቲሚርታ ሲስኪ̇ሙታ፣ ዎልኣ ፔታ̇ን ማ̈ቃር ዶኢ፣ ሞ̈ዝ ፊሺንዳር ዎልኣ ሙዪ ማ ዎ̈ሳባራር ዎይ ዎልኣ ሚጛር ዎ̈ሲ̈ሬ።

ሮሜ 2:7

ኮሽ̇ ኦሳ̇ ሚ̈ጛር ኦ̈ሙታ̇ ቦንችኬ ዪባ̈ሶ ሼምፓ ዲጛንዳቦ ኮዪዛንቦ ጾ̈ሳ̇̇̈ዲ ሜናብ ሼምፓባር ዶኢ ኢሚ̇̈ሬ።

1 ቆሮ 15:58

ዪዚ ካንቲኖ ቴ ኢሺንታ̇ን! ሚ̈ጛር ኤቂ̇ብቴ፤ ጌዳክ ዓኒክ ጋ̈ፒ̇ቴ፤ ጎዳ ኦ̈ሳቦ ዪንቲ ዳቡራዚን ሜላ̇ ዓሪ ማ̈ቃካ̇ዮን ኤራሪ ዎይ ጋላስ ጎዳ ኦ̈ሲን ኦ̈ንዳብ ሚ̈ጚንቲ̇ብቴ።

1 ቆሮ 16:13

ባርኪ̇ብቴ፤ ዪንታ̇ ኣማ̇ኒንባር ሚ̈ጛር ኤቂ̇ብቴ፤ ሚ̈ጚብቴ።

ጋላ̈ታ 5:1

ኑ ኣይላ ጋርታፖ̇ ኬስካ̇ር ዶኣምፔ̈ኒ ክርስቶ̈ሲ ኑ̈ና ኣይላ ጋርታፖ̇ ኬሲ̇ኔ፤ ዪ̈ኮታ̇ቦ ሚ̈ጛር ኤቂ̇ብቴ፤ ማ̈ቃ̇ር ኣይሊቲ ቃምባ̇ራ ጋርታ̇ ጌላፒ̇ቴ።

ፊል 1:27

ዪዚ ዎይባዛ̈ፖ ሺ ዪንቲ ዶ̈ኣዝ ዶኢንዳ ዬሱ̈ስ ክርስቶ̈ሳ ዎጛሊን ቦንቺሺዛ ማ̈ቆ̇ጋ̈ቤ፤ ዪና̇ሬ ታ̈ኒ ዪንታ̇̈ኮ ሉካ̇ራር ማ̈ቆ ማ ጎት ዎዶራር ዪንቲ ፔቲ̇ ቡ̈ዳባር ሚ̈ጛር ኤቂ̇ኖንዲኬ ማ ዎል ፔታ̇ን ማ̈ቃ̇̈ሪ ዎጛላ ቃ̈ሊን ኪንንቦ ቡቲታዚን ቴ ሲስካ̈ሬ።

ፊል 1:8

ዬሱ̈ስ ክርስቶ̈ሲ ኑ̈ና ካኖ ካንንባራ ቴ ዪንታ̇ ቤቃ̇ንዳብ ዎዛርፌ̈ን ሹ̈ኒታ̈ርኮ ጾ̈ሳ̇ ታ̈ቦ ማ̈ርካ።

ፊል 2:16

ዪ̈ዳር ማ̈ቂ̇ዛ̈ዲ ሼምፓ ኢማ̇ዝ ቃ̈ሊን ዪንቲ̇ ሚ̈ንር ኤ̈ጌይንዶ። ዪዚ ዪንቲ̇ ዪኖ̇ ዎቴጌይንዶ ቴ ዎንዳ ዎይ ታ ዳ̈ቡርሲንዳ ሜላ ኣታካ̇ዮኮታ̇ቦ ክርስቶ̈ሲ ዬይዝ ጋላስ ዪና̇ ታ̈ና ኦቲርሲ̇ዛ ማ̈ቃ̇̈ሬ።

ፊል 2:26

ቴ ዪንታ̇ኮ ኢያ ሚሻዚንዳ ኢ ዪንታ̇ ዎይን ቤቃ̈ንዳቦ ሹ̈ንቲኖኮታብኬ “ኢ ማ̈ኔ” ጌይኖን ዪንቲ̇ ሲስኪ̇ኖኮታቦ ኢ ጫና̇ቂንታዚንጊሼ̇።

ቆላ̈ሳ̈ሳ 4:12

ዬሱ̈ስ ክርስቶ̈ሳብ ኣይላ ማ̈ቂ̇ኖ ዪንታ̇ ጋዶ̇ ና̈ሳ ኤጳ̈ፍራሬ ዪንታ̇ ሳሮ ጌይኔ። ዪንቲ ጾ̈ሳ̇̇ ጎይባራ ዲጫ̇ንፔ̈ንኬ ጾ̈ሳ̇̇ ቆፊን ዎይ ኦ̈ ፎታምፔ̈ኒ ዪንታ̇ ኮታ̇ ኢ ዎይ ጋላስ ዎ̈ሳባር ዳ̈ቡሪ̈ሬ።

1 ታሳ 3:13

ኑ ጎዳ ዬሱ̈ስ ክርስቶ̈ሲ ፌ ጌ̈ሻ ኣሳንባራ ማ̈ቃ̇ር ዬ̈ዚምባራ ኑ ጾ̈ሳ̇̇̈ዲኬ ኑ ባ̈ባ ቲ̈ን ዪንታ̇ ቡ̈ዲንዳ ጌ̈ሽኬ ኢ̈ታ ባዚ ኣባክ ባዮ̇ ማ̈ቃ̇ር ዶኣምፔ̈ኒ ኢ ዪንታ̇ ሚ̈ንሬ።

2 ታሳ 2:15

ዪዚ ቴ ኢሺንታ̇ን! ሚ̈ጛር ኤቂ̇ብቴ፤ ኑ̈ኒ ዪንታ̇ብ ኖ̈ናባር ሶ̈ሊኖንዳር ማ̈ቂ̇ን ጻ̈ፋር ሚሺኖ ቲሚርቲ̇ን ሚ̈ንር ኤ̈ብቴ።

2 ጢማ̈ 2:1

ዪዚ ቴ ናኣ̈ዶ! ኔ̈ኒ ዬሱ̈ስ ክርስቶ̈ሲ ኔ̈ብ ኢማ̇ዝ ዎልቂንባራ ሚ̈ጛቤ።

ኢብ 10:23

ታስፋ ቃ̈ሊን ኑ̈ብ ኢሚ̇ኖዲ ኢ ኣማ̇ኒንቲ̇ኖ ማ̈ቂ̇ኖኮታ̇ቦ ዓት ኑ ኣማ̇ናሪ ኑ ማርኪ̇ታዝ ታስፊን ጌዳር ዓናር ጋ̈ካ̇ይዶሪ ሚ̈ንሪ ኤ̈ስቶ።

ኢብ 3:14

ቲ̈ኒታር ኑ̈ብ ዎ ኣማ̇ኒን ውርሲ ሚ̈ን ኤ̈ጌይን ኑ̈ናር ክርስቶ̈ሲ ኤኪ̇ኖ ቤሲ̇ን ኤኪ̇ዛን ማ̈ቂ̇ሬ።

ኢብ 4:14

ዪዚ ኣፋ ጾ̈ሳ̇ ቲ̈ን ሉኪ̇ኖ ቄ̈ሳንቦ ዎይ ጴቻ ኣላቃ፥ ጾ̈ሳ̇ ናኣ ዬሱ̈ሲ፥ ኑ̈ብ ዎኮታ̇ቦ ኑ ኣማ̇ኒን ሚ̈ንር ኤ̈ስቶ።

2 ጴጥ 3:17

ዪ̈ኮታ̇ቦ ታ ላጋ̇ን! ዪኖ̇ ዪንቲ̇ ቲ̈ኒታሪ ኤሪኖኮታ̇ቦ ውጫ ኣሳን ዪንታ̇ ባሊንዳብ ኮያዚምባራ ዪንቲ̇ ሚ̈ጛር ኤቂ̇ኖን ጋልዳፖ ኬዳካ̇ዮ̈ዲፌ̈ኒ ና̈ጊንቲ̇ብቴ።