ፊል 3:9 - ኦራ ጫ̈ቃ ማጻ̈ፋ

⁹ ዪኖ̇ ቴ ዎቲኖንዳ ኣኮታ̇ቦ ጌይን ሂጋ̇ ና̈ጋባር ቤንታ̇ዝ ቴ ጺሊ̇ቲን ኣሻ̇ራ ኣማ̇ናባር ቤንታ̇ዝ ጾ̈ሳ̇ ጺሊ̇ቲን ክርስቶ̈ሳ ኣማ̇ናር ዲጛንዳብኬ ኢባራ ዎልኣ ፔታ̇ን ማ̈ቃ̇ንዳቦ።

ፊል 3:9 Iomraidhean Croise

ማ̈ቶ̈ሳ 9:13

‘ቴ ኮያዚንዳ̇ ማ̈ሪቲዶኬ ዣ̈ርሻ ጊዳካ̇ዬ’ ጋ̈ር ጻ̈ፊኖንዳ̇ ኢዛ ኣብዝ ጌንትኮ ኮሺንቺ̇ ቤቂ̇ ኤሪብቴ̇። ቴ ዬይኖንዳ̇ ጺላ̇ን ጼይጋንዳብ ጊዳካ̇ይዶ̈ን ናጋራንቻ̇ን ማ̈ሪቲ ጌላምፔ̈ኔ” ጌይዴ።

ሮሜ 1:17

“ጺላ̇ ኣሲ ሼምፓ ዲጚ̈ዛ̈ዲ ኣማ̇ናባራ” ጌዪ ጻ̈ፊንቲ̇ኖንዲፌ̈ኒ ዎጛላ ጋልዳ ጾ̈ሳ̇̈ዲ ኣስ ዎዛርታር ጺላ ማሂ̈ርኮ ኤሪንቲ̇ኔ፤ ዪ̈ዳሬ ኣሲ ጺሊ̇ዛ̈ዲ ሜላ ባዚ ኢና ጌላካ̇ይዶን ኣማ̇ናባር ሙታ̇።

ሮሜ 10:10

ኣሲ ፌ ቡ̈ዳባር ኣማ̇ኔጌይን ጺሊ̇̈ሬ፤ ፌ ኖ̈ኒምባር ማርኪ̇ቴጌይን ፋጺ̈ሬ፤

ሮሜ 16:7

ታባር ቃቺ̇ንቲ ዋ̈ዪኖንብኬ ሃዋራ̈ታን ጊዳ̇ ኤሪንቲ̇ኖ ኣይሁድ ዜር ማ̈ቂ̇ኖ ታ ዳባ̇ን፥ ኣንዲርና̈ቆሳኬ ዩ̈ናሳ ሳሮ ጌብቴ̇፤ ኢንቲ̇ ክርስቶ̈ሳ ታ̈ፖ ቲ̈ን ኣማ̇ኒኖ ኣሴ።

ሮሜ 5:21

ዪ̈ዳር ማ̈ቂ̇ኖዲ ናጋራ ዓይቃ ኤሄዪሙታ ካውቲኖንዲፌ̈ኒ፤ ጎዳ ዬሱ̈ስ ክርስቶ̈ሳ ጎይባራ ኣሲ ሜናብ ሼምፓባር ዶኢ ዲጛምፔ̈ኒ ጾ̈ሳ̇̇ ካን̈ዲ ጺሊ̇ቲ ኢሚ̇ሙታ̇ ካውቲ̈ሬ።

ሮሜ 8:1

ዪ̈ኮታ̇ቦ ዬሱ̈ስ ክርስቶ̈ሳ ኣማ̇ኒኖ ኣሳን ዓት ጾ̈ሳ̇ ፊርዳ ኢንታ ጋልዳ ባዬ̇።

ሮሜ 8:3

ኣሲ ሂጊ̇ን ና̈ጊ ፎታ̇ንዳቦ ዎልቃ ባ̇ዮኮታ̇ቦ፥ ሂጊ̇ንዳ ኦ̈ ፎታንዳ̇ብ ዳንዳኣካ̇ዮ ባዚንዶ ጾ̈ሲ ኦ̈ኔ፤ ኢ ፌ ናኣ̈ ጌ̈ታ ናጋራንቻ̇ ኣስፌ̈ን ማይጺሳሪ ኣሳ ናጋራ ጊሻ̈ብ ኪ̈ቲ̇ ሚሺን ኢ ኣሳ ጋርታ ዎ ናጋራ ጋልዳ ፊርዲ̇ዴ።

1 ቆሮ 1:30

ጾ̈ሲ ዎቲናካር ዪንታ̇ ዬሱ̈ስ ክርስቶ̈ሳባር ፔታ̇ን ማ̈ቃ̇ር ዶኣምፔ̈ን ዎቲዴ። ጾ̈ሲ ዬሱ̈ስ ክርስቶ̈ሳ ኑ̈ቦ ኤሪቲ፣ ጺሊ̇ቲ፣ ጌ̈ሺ̇ቲኬ፣ ኑ̈ና ፌ ሱ̈ባር ዎዚዛ ማ̈ሲዴ።

2 ቆሮ 5:17

ዪ̈ኮታ̇ቦ ኦ̈ናካር ኣሲ ክርስቶ̈ሳ ኣማ̇ኔጌይን ኦራ ሜንቴ፤ ቲ̈ኖ ሲላ ሜቲን ኣቲ̇ኔ ኢዝ ቤሲ̇ን ኦራ ሜቲ ዬይኔ።

2 ቆሮ 5:21

ኑ̈ኒ ክርስቶ̈ሳ ጎይባር ጾ̈ሳ̇ ጺሊቲን ኤኪ̇ዛ ማ̈ቃ̇ምፔ̈ኒ ጾ̈ሲ ናጋራ ባዮ̇ ክርስቶ̈ሳ ናጋራንቻፌ̈ን ፋይዲዴ።

ጋላ̈ታ 2:16

ዎቲናካር ኣሲ ጺላ̇ዚንዳ ዬሱ̈ስ ክርስቶ̈ሳ ኣማ̇ናርዶኬ ሙ̈ሳ ሂጊ̇ን ኦ̈ ፎታር ጊዳካ̇ዮን ኑ ኤሪ̈ሬ። ኑ̈ናር ሂጊ̇ን ኦ̈ ፎታር ጊዳካይዶን ክርስቶ̈ሳ ኣማ̇ናር ጺላ̇ንዳቦ ኢያ ኣማ̇ኒኔ። ኣባጌዪን ኣሲ ኦ̈ናካር ሙ̈ሳ ሂጊ̇ን ኦ̈ ፎታር ጺሊ̇ባ̈ሴ።

ፊል 3:6

ታ̈ኒ ኣይሁዳ ሂጊ̇ንቦ ሚጪንታ̇ራ ዬሱ̈ሳ ኣማ̇ኒኖ ኣሳን ዳኪ̇ኔ። ሂጋ̇ ና̈ጋር ጺሊ̇ዝ ጎይባራር ማ̈ቂ̇ን ኣባካር ማዛ ታ ጋልዳ ባዪዶን ዎ ኣሴ።

2 ጢማ̈ 1:9

ኑ ኦ̈ኖ ኮሻ̇ ኦ̈ሲንኮታ̇ቦ ጊዳካ̇ይዶን ኢ ፌ ጌይኖንዲፌ̈ንኬ ፌ ካንንባር ኑ̈ና ፋዴ፤ ኑ ጌ̈ሽ ኣስ ማ̈ቃ̇ምፔ̈ኒ ኑ̈ና ጼይጊዴ፤ ዪና̇ ኮሺቲንዶ ሚን ሳ̈ዝ ሲሳፖ ዬሱ̈ስ ክርስቶ̈ሳ ጎይባራ ኑ̈ብ ኢሚ̇ኔ።

ቲ̈ታ̇ 3:5

ኑ ኦ̈ኖ ጺሊ̇ቲ ኦ̈ሳባር ጊዳካ̇ይዶን ጾ̈ሳ̇ ፌ ማ̈ሪቲንባር ኑ̈ና ፋዴ። ኢ ኑ̈ና ፋኖንዳ ጌ̈ሻ ኣያ̇ናባራ፤ ዪ ጌ̈ሻ ኣያ̇ና̈ዲ ኑ ናጋሪን ሜ̈ጪ ጌ̈ሻ̇ር ኦራ ሼምፓ ኑ̈ብ ኢማ̇ሪ ኦራ ጎይ ዬምፔ̈ን ኑ̈ና ዎቲዴ።

ኢብ 6:18

ዪና̇ ኢዝፌ̈ኒ ጾ̈ሳ̇̈ዲ ላሚንቲ̇ባ̈ሶንኬ ኢ ማቃ̇ንዳብ ዳንዳኢባ̈ሶ ናምኢ ባዛን፤ ኢንታ̇ሬ ታስፋኬ ጫ̈ቃክ ኑ̈ብ ኢሚ̇ኔ፤ ዪን ላ̈ሚንቲ̇ባ̈ሶ ናምኢ ባዛን ጎይባራ ኑ ቲ̈ን ዎ ታስፊን ሚ̈ጛር ና̈ጋንዳብ ዳንዳኣምፔ̈ን ማ̈ዲ ዲጛንዳብ ጾ̈ሳ̇̈ክ ዎጺኖን ኑ̈ኒ ጴች ሚንቲ ዲጚ̈ሬ።

ዓይ 3:2

ኑ ዎይን ዎይሊን ባዝባር ባሊቲ̇̈ሬ። ፌ ሶ̈ሊንባር ባሊቲባ̈ሶ ኣሲ ዎኮ ኢ ፌ̈ና ና̈ጋንዳብ ዳንዳኢዝ ፎቲ ኣሴ።

2 ጴጥ 1:1

ኑ ጾ̈ሳ̇ፔኬ ኑ̈ና ፋዛ ዬሱ̈ስ ክርስቶ̈ሳ ጋልዳፖ ቤንቲ̇ዝ ጺሊ̇ቲ ጎይባራ ኑ̈ኮንዲፌ̈ኒ ቦንቺ̇ንቲኖ ኣማ̇ና ዲጚኖንቦ፥ ዬሱ̈ስ ክርስቶ̈ሳቦ ኣይላኬ ሃዋ̈ራኬ ማ̈ቂ̇ኖ ቴ ሲሞ̈ን ጴ̈ጥሮ̈ሲ ዓና̇ ዪንታ̇ብ ጻ̈ፊኔ።

1 ዋ̈ኒ̇ 3:4

ናጋራ ኦ̈ዝ ኣሲ ዎይ ጾ̈ሳ̇ ሂጊ̈ን ና̈ጊባ̈ሴ፤ ናጋራ ጌንቲ̇ንዳ ፌቆማ̇ቦ ጾ̈ሳ̇ ሂጊ̇ን ላ̈ሊ̇ ጌንቴ።