ፊል 3:8 - ኦራ ጫ̈ቃ ማጻ̈ፋ

⁸ ጎ̈ዳ ዬሱ̈ስ ክርስቶ̈ሳ ኤራዚምፖ ሺዝ ባ̈ዚ ኣባካር ባዮ̇ን ቴ ኣማ̇ኒኖንኮታ̇ ባዝ ዎይዳ ፋባ̈ሶ ባዝፌ̈ን ፋይዲኔ። ቴ ኢ ጊሻ̇ቦ ጋ̈ራ ዎይ ባዝ ኣሺ̇ኔ፤ ክርስቶ̈ሳ ዲጛ̈ንዳቦ ጋ̈ራ ዎይ ባዝ ቶጚቲኖ ፒቲፌ̈ን ፋይዲኔ።

ፊል 3:8 Iomraidhean Croise

ሉቃ̈ሳ 1:43

ቴ ጎዳ ኢንዲን ታ̈ና ኦይጫ̇ንዳ̇ብ ዬይኖንዳ̇ ታ̈ብ ኣ ፌ̈ኖ ጴች ቦንቻ̇!

ሉቃ̈ሳ 11:20

ቴ ዪዚ ኢ̈ታ ኣያ̇ና ኬሲ̇ዛ ጾ̈ሳ̇̇ ዎልቃ ባርኮ ጾ̈ሳ̇̇ ካ̈ቲቲን ዪንታ̇ክ ኡኪ̇ኖን ኤሪብቴ̇።

ዋ̈ኒ̇ሳ 14:20

ታ̈ኒ ቴ ባ̈ባ̈ባር ፔታ̇ን ማ̈ቂ̇ኖንዶ̇ ዪንታ̇ር ታባር ፔታ̇ን ማ̈ቂኖንዶ̇ ታናር ዪንታ̇ባር ፔታ̇ን ማ̈ቂ̇ኖንዶ̇ ዪና̇ ኢዝ ቃሚ̇ን ዪንቲ̇ ኤሪ̈ሬ።

ዋ̈ኒ̇ሳ 14:7

ዪንቲ̇ ዎን ታ̈ና ኤሪኖኮ ቴ ባ̈ባ̈ዳር ኤሪ̈ርዶ̈ን፥ ዓት ዓኒፖ̇ ጌዳ ዪንቲ̇ ኢያ ኤሪ̈ሬ፤ ዪንቲ ኢያ ቤቂ̇ኔ” ጌይዴ።

ዋ̈ኒ̇ሳ 16:3

ዪኖ̇ ዎይ ኢንቲ̇ ዎታዚንዳ ኢንቲ̇ ቴ ባ̈ባ̈ዳር ማ̈ቂ̇ን ታ̈ና ኤራካ̇ዮኮታ̇ቦ።

ዋ̈ኒ̇ሳ 17:3

ሜናብ ሼምፓባር ዶኢ ጋ̈ዚንዳ፥ ኪን ጾ̈ስ ማ̈ቂ̇ኖ ኔ̈ና ኤራዚንዲኬ ኔ ኪ̈ታ̇ር ሚሺኖ ዬሱ̈ስ ክርስቶ̈ሳ ኤራዚንዶ̇።

ዋ̈ኒ̇ሳ 17:8

ኔ ታ̈ብ ኢሚ̇ኖ ቃ̈ሊን ቴ ኢንታ̇ብ ኢሚ̇ኔ ኢንታ̇ሬ ኢዞ ኤኪ̇ኔ። ታ̈ናሬ ኔ̈ካፖ̇ ዬይኖን ኪንባር ኢንቲ̇ ኤሪኔ፤ ታ̈ና ኪ̈ታ̇ር ሚሺኖ ኔ̈ና ማ̈ቂ̇ኖን ኢንቲ̇ ኣማ̇ኒኔ።

ዋ̈ኒ̇ሳ 20:13

ኢንታ̇ር ኢዝኮ̇ “ኣ̈ሽ! ኔ ኣባብ ዬ̈ካ̇̈ራ?” ጋ̈ሪ ኢዞ ኦይጪ̇ዴ። ኢዛር ኢንታ̇ኮ “ቴ ጎዳ ኦ̈ናክ ኤኪ̇ኔ፤ ኢያ ዎንዳ̇ ጋዲ̇ኖኮ ቴ ኤራባሴ” ጋ̈ዴ።

ዋ̈ኒ̇ሳ 20:28

ቶ̈ማ̈ሳሬ ኢ̈ኮ “ቴ ጎዳ̈ዶ! ቴ ጾ̈ሳ̇̇̈ዶ!” ጌይዴ።

ሃዋ̈ራታን ኦ̈ሳ 20:24

ጾ̈ሳ̇̇ ኮሺቲ ዎጛሊን ታማ̈ርሳንዳ̇ቦ ታ̈ኒ ጎዳ ዬሱ̈ሳ ጋልዳፖ ኤኪ̇ኖ ኪ̈ቲን ኦ̈ር ፎቴጌይንዶ ቴ ዓይቄ̇ጌይናር ታ̈ና ሚቻ̇ባሴ፤ ቴ ሼምፒ̇ንባር ቴ ቆይታ̇ባሴ።

ሮሜ 8:18

ኑ ዓት ኤኪ̇ዝ ሜታ̇ን ጊዳክ ኑ ዲጛዝ ቦንቺ̇ምባር ካሚሳምባራ ኣባካር ጌዪን ዎልኣ ዬላ̇ንዳብ ዳንዳኢባ̈ሴ ጌያ ፋይዳ̈ሬ።

ሮሜ 8:39

ኣፋ ሾክ ጌይኖ ቤሳ̇ር ማ̈ቂ̇ን፣ ሳ̈ዳ̇ ሳ̈ዝ ጻናር ማ̈ቂ̇ን፣ ጾ̈ሲ̇ ኮቺ̇ኖ ባዝ ዎይዳር ማ̈ቂ̇ን ኑ ኑ ጎዳ ዬሱ̈ስ ክርስቶ̈ሳባር ዲጚኖ ጾ̈ሳ̇ ካንን ጋልዳፖ̇ ኑ̈ና ፋጋንዳብ ዳንዳ̇ኢዝ ባዚ ኣባካር ባዮ̇ን ታ̈ኒ ኮሺንቻ̇ ኤሪኔ።

1 ቆሮ 2:2

ቴ ዪንታ̇ባር ዎ ኬል̇ባራ ዬሱ̈ስ ክርስቶ̈ሳኬ ኢ ማስቃላ ጋልዳ ሶ̈ቲንታ̇ር ዓይቂኖንፖ ሜላ ባዝ ኣባካር ኤራንዳ ኮያባሴ ጋ̈ራ ዎሳ̇ናዴ።

1 ቆሮ 9:10

ጾ̈ሲ ዪኖ ጌዪኖንዳ ኑ ባዝ ቆፓ̇ሪዬ። ዓና ጻ̈ፊንቲ̇ኖንዳ ኪን ኑ̈ቦ፤ ኣባ ጌይን ዎይን ፌ̈ና ዬሊ̇ዝ ባዚ ዎን ኤሪሙታዶ̈ሪ ኦ̈ዝ ና̈ሳ̈ዳሬ ኡፋይስባር ኦ̈ምፔ̈ኒ ካ ቡኪ̇ዛ̈ዳሬ ኡፋይስባር ቡካ̇ምፔ̈ኔ።

2 ቆሮ 4:4

ዓኒ̇ ኣላሚንቦ ላ̈ ማ̈ቂ̇ኖ ሴ̈ጣኖ ኣማ̇ኒባሶ ኣሳን ቆፊን ዎቢ̇ሳሪ ጾ̈ሳ̇ ሚሳ̇̈ሊ ማ̈ቃ̇ር ቤንቲ̇ኖ ክርስቶ̈ሳ ቦንቻ̇ ዎጛላ ፎኢን ኢንታ̇ብ ፎ̈ኣካይፌ̈ን ዎቲዴ።

2 ቆሮ 4:6

“ፎኢን ም ጋርታ ፎኦ!” ጋ̈ሪ ሶ̈ሊኖ ጾ̈ሳ̇̇̈ዲ ክርስቶ̈ሳ ዴ̈ሚን ጋልዳ ፎ̈ኢዛ ጾ̈ሳ̇ ቦንቺ̇ን ኤራምፔ̈ን ዎቲዝ ፎኢን ኑ̈ብ ኢማ̇ንዳቦ ፌ ፎኢንን ኑ ቡ̈ዲን ጋርታ ፎ̈ኣምፔን ዎቲዴ።

ጋላ̈ታ 1:16

ታ̈ኒ ኣይሁድ ባዮ̇ ኣሳን ጋርታ ጾ̈ሳ̇̇ ናኣ ባዝ ሳባ̇ካኒፌን ጾ̈ሲ ኢያ ታ̈ና ኤሪሳንዳብ ኮዪኖ ኬል̇ባራ ታ̈ኒ ኦባርካር ዞሪንታካ̇ዬ።

ኤፍ 4:13

ዪና̇ሬ ኑ ዎይን ጾ̈ሳ̇ ና̈ኣ ኤራሪ ኣማ̇ናባር ቤንቲ̇ኖ ፔቲ̇ቲንኮ ዬላ̇ሪ፥ ኑ ኣማ̇ኒንባር ሚ̈ጛሪ ክርስቶ̈ሳ ማ̈ይጻምፔ̈ኒዬ።

ፊል 1:1

ዬሱ̈ስ ክርስቶ̈ሳቦ ኣይላ ማ̈ቃ̇ር ኦ̈ዛን ታ ጳውሎ̈ሳ ጋልዳፔኬ ጢማ̈ቶ̈ሳ ጋልዳፖ፥ ፊልጲሶ̈ሳ ካታሚን ጋርታ ዬሱ̈ስ ክርስቶ̈ሳ ኣማ̇ኒኖ ኣሳንስቦ ዎይ፥ ማ ዎሳ ኬ̈ ጪጛ̈ሻንኬ ዳ̈ቆናንቦ፥

ፊል 3:10

ማ ሜላ ኣኮታ̇ቦ ጌይን ታ̈ኒ ክርስቶ̈ሳ ኤራንዳቦ፣ ኢ ዓይቃ ጋርታ̇ፖ ዲ̇̈ንዲኖ ዎልቂን ኤራንዳቦ፣ ኢ ኤኪ̇ኖ ሜቲን ኤካ̇ንዳብኬ ኢ ዓይቂ̇ኖ ዓይቂንዲፌ̈ን ታ̈ናር ዓይቃ̇ንዳቦ።

ፊል 3:12

ዪን ባ̈ዛን ዎይ ቢ̈ርቲ ቴ ዲጛ̈ካዬ ዎይ ቴ ጋልዳ ኣባክ ኣቲ̇ኖ ባዚ ባዬ ጌንት ጊዳካ̇ዬ፤ ማ̈ቂ̇ናካሬ ዬሱ̈ስ ክርስቶ̈ሲ ታ̈ና ፌዪ ማሃር ታ̈ብ ጊጊሲኖ ሺልማ̈ቲንዶ ኤካ̇ንዳቦ ሚጛር ዎጻ̇̈ሬ።

ፊል 3:7

ዎቲናካሬ ዓኒ̇ፖ ቲ̈ን ታ̈ና ማ̈ዲ̇̈ሬ ጌያ ቴ ኤ̈ር ዎ ዪን ባ̈ዛን ዎይ ዓት ክርስቶ̈ሳኮታ̇ቦ ማ̈ዲ̇ባሶ ባዝፌ̈ን ማሃራ ፋይዳር ኣሺ̇ኔ።

2 ጢማ̈ 4:6

ታ̈ኒ ዣ̈ርሻ ማ̈ቃ̇ንዳብ ኡኪ̇ኔ፤ ዓኒ̇ ኣላሚን ኣሻ̇ራ ቴ ሉካ̇ዚ ኬሊ̇ን ዬሊ̇ኔ።

ኢብ 3:14

ቲ̈ኒታር ኑ̈ብ ዎ ኣማ̇ኒን ውርሲ ሚ̈ን ኤ̈ጌይን ኑ̈ናር ክርስቶ̈ሲ ኤኪ̇ኖ ቤሲ̇ን ኤኪ̇ዛን ማ̈ቂ̇ሬ።

1 ጴጥ 2:7

ዪዚ ዪና̇ ሹቺ̇ንዳ ዪንቲ ኣማ̇ኒዛንቦ ቦንቺንቲ̇ኖ ሹቼ̇፤ ኣማ̇ኒባ̈ሶንቦ “ሹች ኬ̈ ኬ̈ጺዝ ኣና̈ጻን ሌቃ̇ር ቶጚኖ ሹቺ̇ን፥ ኬ̈ምቦ ዋ̈ና̇ ቱ̈ሲምቦ ኮዪንቲ̇ዝ ሹች ማ̈ቃ̇ዴ።”

2 ጴጥ 1:2

ዪንቲ̇ ጾ̈ሳ̇̈̇ዳኬ ኑ ጎዳ ዬሱ̈ሳ ኤሪዝ ኤሪባራ ካንኬ ሳሪቲ ዪንታ̇ቦ ዎይሎጋ̈ቤ።

2 ጴጥ 1:3

ፌ ቦንችባርኬ ፌ ኮሺ̇ቲንባራ ኑ̈ና ጼይጊኖ ጾ̈ሳ̇̇ ኢያ ኑ ኤሪኖኮታ̇ቦ ኢ ጾ̈ሲቲ ዎልቂንዳ ሼምፓ ዲጛንዳብኬ ጾ̈ሳ̇ቦ ጎሽታ̇ንዳብ ኮሺ̇ዝ ባዛን ዎይ ኑ̈ብ ኢሚ̇ኔ።

2 ጴጥ 1:8

ዪን ባዛን ዪንታ̇ቦ ዎይሊን ዎኮ ዪንቲ ኑ ጎዳ ዬሱ̈ስ ክርስቶ̈ሳ ኤራምፔ̈ኒ ኣ̈ፍ ካጺ̇ባ̈ሶ ኣስ ማ̈ቃካ̇ዮ̈ድፌ̈ኒ ዪንታ̇ ና̈ጊ̈ሬ።

2 ጴጥ 3:18

ዪኒ̇ፓ ኑ ጎዳ ኑ̈ና ፋዛ ዬሱ̈ስ ክርስቶ̈ሳ ኮሺ̇ቲንዲኬ ኢያ ኤሪሙታ ዪንባር ዲጪ̇ብቴ፤ ኢ̈ቦ ዓታ̇ር ማ̈ቂ̇ን ሜናብ ቦንች ማ̈ቆ̇! ኣሚንኤ።

1 ዋ̈ኒ̇ 1:3

ዪንታ̇ብ ኑ̈ባራ ፔ̈ቲቲ ዶኣምፔ̈ን ኑ̈ኒ ሲስኪ̇ኖንዲኬ ቤቂ̇ኖንዶ ዪንታ̇̈ቦ ሶ̈ሊሬ። ዪና̇ ኑ ፔቲ̇ቲ̇ንዳሬ ባ̈ባ̈ባርኬ ናኣ ዬ̈ሱ̈ስ ክርስቶ̈ሳባራ።

1 ዋ̈ኒ̇ 2:19

ኢንታ̇ር ኬስኪ̇ኖንዳ ኑ ጋርታ̇ፖ። ማ̈ቂ̇ናካሬ ኢንቲ ሚናር ማ̈ቂ̇ን ኑ ኣስ ጊዳካ̇ዬ። ኢንቲ ዎን ኑ ኣስኮ ኑባራ ሚ̈ጛሪ ዶኢ̈ርዶን። ዎቲናካሬ ኢንቲ̇ ኑ ጋልዳፖ ፋጊንታ̇ር ሉኪ̇ኖንዳ ኢንቲ̇ ኑ ኣስ ማ̈ቃካ̇ዮን ኤርሲኔ።

1 ዋ̈ኒ̇ 5:20

ጾ̈ሳ̇ ናኣ ዬይኖንዶ፥ ኑ̈ናር ኪን ጾ̈ሳ̇ ኤራምፔ̈ን ኮሽ ቆፒ ቢርንዝ ቡ̈ዳ ኑ̈ብ ኢሚ̇ኖንዶ ኑ̈ኒ ኤሪሬ፤ ናኣ ዬሱ̈ስ ክርስ̇ቶሳ ጎይባራ ኑ̈ኒ ኪን ጾ̈ሳ̇ባራ ፔቲቲ ኑ̈ብ ዎ። ዬሱ̈ስ ክርስቶ̈ሲ ኪን ጾ̈ስኬ ሜናብ ሼምፓባር ዶኢ ኢሚ̇ዛ̈ዳ።