ፊል 3:6 - ኦራ ጫ̈ቃ ማጻ̈ፋ

⁶ ታ̈ኒ ኣይሁዳ ሂጊ̇ንቦ ሚጪንታ̇ራ ዬሱ̈ሳ ኣማ̇ኒኖ ኣሳን ዳኪ̇ኔ። ሂጋ̇ ና̈ጋር ጺሊ̇ዝ ጎይባራር ማ̈ቂ̇ን ኣባካር ማዛ ታ ጋልዳ ባዪዶን ዎ ኣሴ።

ፊል 3:6 Iomraidhean Croise

ማ̈ቶ̈ሳ 23:25

“ዪንቲ̇ ኣሳ ቲ̈ን ኮሽ ማይጻር ቤንታ̇ንዳብ ኮዪዛን ሙ̈ሳ ሂጋ̇ ኣስታማ̈ራንኬ ፋራሳ̈ዋን! ዪንታ̇ ባዚ ኣዬ̇! ዪንቲ̇ ዋ̈ንጪንዲኬ ጋባቲን ጋሊ̇ን ጌ̈ሺ̇̈ሬ፤ ጋርሲ̇ንዳ ዪንቲ̇ ቡሪባርኬ ሱ̈ቃ̇ባር ሺ̈ሺ̇ኖ ባዝባር ኩሚኔ።

ማ̈ቶ̈ሳ 5:20

ዪ̈ኮታ̇ቦ ዪንታ̇ ጺሊ̇ቲንዳ̇ ሙ̈ሶ ሂጋ̇ ታማ̈ርሲዛንፕኬ ፋራሳ̈ዋንፖ̇ ሺካ̇ይ ኣቴ̇ጌይንዶ̇ ዪንቲ̇ ጾ̈ሳ̇̇ ካ̈ቲቲን ጋርታ̇ ዉርሲ ጌሊባ̈ሶን ቴ ዪንታ̇ብ ሶ̈ላ̈ሬ።

ሉቃ̈ሳ 1:6

ኢንቲ̇ ዎልኣ ጾ̈ሳ̇̇̈ቦ ኪ̈ቲንቲ፣ ጾ̈ሳ̇̇ ሂጊ̇ን ዎይ ና̈ጊ፣ ጌ̈ሺቲባር ጾ̈ሳ̇̇ ቲ̈ን ዎ ኣሴ።

ሃዋ̈ራታን ኦ̈ሳ 21:20

ኢንታ̇ር ዪኖ̇ ሲስካ̇ሪ ዎይን ጾ̈ሳ̇̈ ጋላቲዴ፤ ጳውሎ̈ሳኮ “ኑ ኢሻ̈ዶ! ዎይሊን ሙኩላ ማ̈ቂ̇ዝ ኣይሁዳን ጊዳ̇ፖ ኣማ̇ኒኖንዲኬ ማ ዎይን ሙ̈ሳ ሂጊ̇ን ሚ̈ን ና̈ጊዝ ኣስ ማ̈ቂ̇̇ኖን ኔ ኤራ̈ሬ።

ሃዋ̈ራታን ኦ̈ሳ 22:5

ዪና̇ ኪን ማ̈ቂ̇ኖን ቄ̈ሳ̈ ኣላቃ̈ዲኬ ጋዳ ጪጛሻን ዎይ ታ̈ብ ማርኪቲ̈ሬ፤ ማ ታ̈ኒ ዳማ̈ስቃ ዎ ኣሳን ዓንር ቃቺሻ ዬሩሳ̈ላም ኤሄ̈ንዳብኬ ቃጣ̇ኢሳንዳብ ዳንዳኣምፔ̈ኒ ዳማ̈ስቃ ዎ ኢንታ ኣሳን ጻ̈ፊኖ ዳብዳ̈ቢ̇ ኢንታ ጋልዳፖ ኤኪ̇ኔ።

ሃዋ̈ራታን ኦ̈ሳ 26:5

ታ̈ኒ ቲ̈ናፖ ኤ̈ር ኑ ሃይማኖ̈ታ ዎጊን ሚ̈ን ና̈ጊዛን ፋራሳዋን ጋርታ̇ ታ̈ናር ፋራሳዊ ማ̈ቃር ዶኢኖን ኢንቲ ማርኪታንዳ̇ብ ዳንዳኢ̈ሬ።

ሃዋ̈ራታን ኦ̈ሳ 8:3

ሳ̈ኦሊ̇ ኣማ̇ኒኖ ኣሳን ይሳ̇ንዳብ ጊጻ̇ር ዲንዳሪ ፔታ̇ና ኣላፖ̇ ፔታ̇ና ኣል ጌሊሙታ̇ ኣቲናር ማ̈ቂ̇ን ማጫ̇ር ማ̈ቂ̇ን ዎይ ኬ̈ፖ̇ ጎ̈ቺ̇ ኬሲ̇ ቃሺ ኣል ጌልሲ̈ዴ።

ሮሜ 7:9

ቲ̈ን ሂጋ̇ ባዮ̇ ኬ̈ልባራ ቴ ሼምፓባር ዶኣርዶ̈ን፤ ሂጋ̇ ኪ̈ቲን ዬይን ናጋሮ ሼምፓ ዲጚን ታ̈ኒ ዓይቃ̇ዴ።

1 ቆሮ 10:32

ኣይሁዳር ማ̈ቆ̇ ኣይሁድ ባዮ̇ ኣሳንር ማ̈ቆ̇ ማ ጾ̈ሳ̇̇ ዎ̈ሳ ኬ̈ንር ማ̈ቂ̇ን ኦ̈ባካር ፊ ማ̈ቃፒ̇ቴ።

1 ቆሮ 15:9

ታ̈ኒ ኣማ̇ኒኖ ኣሳን ዳካ̇ ላ̈ሊ̇ኖ ኣስ ማ̈ቂ̇ኖኮታ̇ቦ ሃዋ̈ራታን ዎይ̈ንፖ ጉ̈ጺ̇ዝ ኣሴ፤ ማ ሃዋ̈ራ ጌዪንታ̇ራር ጼይጊንታ̇ንዳብ ኮሺ̇ባ̈ሶ ኣሴ።

ፊል 2:15

ዪ̈ዳሬ ኣባቦ ጌይን ዓ ዓታባሮ ኢ̈ት ዬሊቲ ጋርታ ዪንታ̇ ጋልዳ ማዛ ባዮ̇ ኣስ ማ̈ቃ̇ሪ ቤንታ̇ምፔ̈ንኬ ጌ̈ሽ ጾ̈ሳ̇ ናኣን ማ̈ቃ̇ሪ ዓኒ̇ ኣላሚን ጋልዳ ቤ̈ርስፌ̈ን ፎኣምፔ̈ኔ።

ፊል 3:9

ዪኖ̇ ቴ ዎቲኖንዳ ኣኮታ̇ቦ ጌይን ሂጋ̇ ና̈ጋባር ቤንታ̇ዝ ቴ ጺሊ̇ቲን ኣሻ̇ራ ኣማ̇ናባር ቤንታ̇ዝ ጾ̈ሳ̇ ጺሊ̇ቲን ክርስቶ̈ሳ ኣማ̇ናር ዲጛንዳብኬ ኢባራ ዎልኣ ፔታ̇ን ማ̈ቃ̇ንዳቦ።

1 ጢማ̈ 1:13

ዓኒ̇ፖ ቲ̈ን ታ̈ኒ ጎዳ ቆ̈ሳ̇ ኢያ ኣማ̇ኒኖ ዳካ̇ ዎቲኖ ውጫ ኣስ ማ̈ቂ̇ናካሬ ታ ዪኖ̇ ዎቲኖንዳ ኤራካ̇ይ ኣታ̇ርኬ ኢያ ኣማ̇ናካ̇ዮ ኬል̇ባራ ማ̈ቂ̇ኖጊሻ̇ቦ ኢ ታ̈ብ ኣቶ̇ ጌይኔ።