ፊል 3:20 - ኦራ ጫ̈ቃ ማጻ̈ፋ

²⁰ ኑ̈ኒ ማ̈ቄጌ̈ንዶ ኑ ጋዲን ኣፋ፤ ኢናፖ ዬይዛ ኑ̈ና ፋዛ ጎዳ ዬሱ̈ስ ክርስቶ̈ሳ ኑ ሹ̈ናባር ና̈ጊ̈ሬ።

ፊል 3:20 Iomraidhean Croise

ማ̈ቶ̈ሳ 19:21

ዬሱ̈ሳር ኢ̈ኮ “ኔ ጋልዳ ማዛ ባዮ̇ ኣስ ማ̈ቃ̇ንዳ̇ብ ኮያዶኮ ሉካ̇ራ ኔ̈ብ ዎ ባዝ ዎይ ዎጛራ ሚ̈ሺ̇ን ዎርባያብ ኢማ̇ቤ። ኔ̈ኒ ኣፋ ጾ̈ሳ̇̇ ቲ̈ን ቆሊን ዲጛ̈ሬ፤ ዪዚ ዪኒ̇ፖ ዓኒ ዬ̈ራ ቴ ዎሂን ዬ̇ቤ” ጌይዴ።

ሉቃ̈ሳ 12:21

ዪዚ ጾ̈ሳ̇̇ ቲ̈ን ዎርባያ ማ̈ቃ̇ር ሳ̈ዝ ጋልዳ̇ ፌ̈ቦ ቆሊን ሺ̈ሺ̇ዝ ኣሲ ኢ ዉርሲንዳ̇ ዪኒ̇ፌ̈ን ማ̈ቃ̇̈ሬ” ጌይዴ።

ሉቃ̈ሳ 14:14

ዪኒ̇ፌ̈ን ዎቴጌይን ኔ ኣንጂንታ̇̈ሬ። ዪን ኔ̈ና ጼይጊ ጊብዣ ሙሳንዳ̇ቦ ዳንዳኢባ̈ሶኮታ̇ቦ ጺላ̇ ኣሳን ዓይቃ ጋርታ̇ፖ ዲንዲዝ ጋላሲ̇ ዪኖ̇ ኔ ኦ̈ኖ ኦ̈ሲምቦ̇ ጾ̈ሲ̇ ኔ̈ብ ማሂ̈ሬ” ጌይዴ።

ሃዋ̈ራታን ኦ̈ሳ 1:11

ኢንታኮ “ዪንቲ̇ ጋሊላ ጋዶ̇ ኣሳን! ፉዳ ኣፋ ቤቂ̇ሙታ̇ ዓይ ኣብዛብ ኤቂ̇ና? ዓ ዪንቲ̇ ቤቃ̇ምባር ፉዳ ኣፋ ሉኪ̇ኖ ዬሱ̈ሲ፥ ዓና̇ ኢዝፌ̈ን ማ̈ቂ̇ ዬ̈ይሬ” ጌይዴ።

1 ቆሮ 1:7

ዪዚ ዪንቲ̇ ኑ ጎዳ̇ ዬሱ̈ስ ክርስቶ̈ሲ ማ̈ቂ̇ ዬ̈ዚን ና̈ጊ ሙታ̇ ዶኣምባራ ጌሻ̇ ኣያና ኢሚ̇ዝ ኪልሲ̇ን ጋርታፖ ፔቲ̇ ባዛር ዪንታ̇̇ብ ዲሪጚባ̈ሴ።

1 ቆሮ 15:48

ኣሲ ዎይቦ ሳ̈ዶ̇ ና̈ሳ̈ኮንዲፌ̈ኒ ሳ̈ዝ ጋልዶ ኣይሺ ዎ፤ ዎቲናካር ኑ̈ኒ ዓይቃ ጋርታ̇ፖ ዲንዳምባ̇ራ ኑ ጋሊ̇ንዳ ኣፎ ና̈ሳ̈ኮን ማይጻ̈ሬ።

2 ቆሮ 4:18

ኑ ና̈ጋዚንዳ ቤንታ̇ባሶ ባዚንዶዶኬ ቤንታ̇ዝ ባዚን ጊዳካ̇ዬ። ቤንታ̇ዝ ባዚንዳ ዓት̇ ዪንዳ ኢና ጊላ̇ ጊዛብ ማ̈ቃ̇ዝ ባዜ ዎቲናካር ቤንታ̇ባሶንዳ ሜናብ ዶኢዝ ባዜ።

2 ቆሮ 5:8

ኑ̈ኒ ሳ̈ዝ ጋልዶ ኑ ኣይሺ̇ን ጋልዳፖ̇ ፋጊንታ̇ሪ ጎዳ̈ባር ዶኣንዳ̇ቦ ኢኒ̇ቲ̈ሬ፤ ዪ̈ኮታ̈ቦ ኑ̈ኒ ኣማ̇ኒንታ̇ር ዶኢ̈ሬ።

ጋላ̈ታ 4:26

ጌ̈ሻ ማጻ̈ፋ ጋልዳ “ኣ̈ሽ ኔ ናኢ ዬላባሶ ሚ̈ንንዴ! ኔ̈ብ ኡፋይስ ማ̈ቆ̇! ኣ̈ሽ ዬላ ባንታ̇ ኤራባሶንዴ! ኢሊ̇ስባር ዉይሳቤ፤ ኣስኒ ዎንፖ̇ ሺ፥ ኣስኒ ባዪዶን ፌ̈ብ ዎ ኣሲምቦ ናኢ ዎይሊዴ” ጋ̈ሪ ጻ̈ፊንቲ̇ኖንዲፌ̈ኒ ፉዳ ኣፋ ዎን ዬሩሳ̈ላማ ኣይላ ጊዳካዬ፤ ኢዛ ኑ ኢንዶ̇።

ኤፍ 2:19

ዪ̈ኮታ̇ቦ ዪንቲ̇ ጾ̈ሳ̇ ዎርዣ̈ባር ዎልኣ ፔቲ̇ ጋዶ̇ ኣስኬ ፔቲ̇ ኣ̈ል ኣስዶኬ ዓኒፖ̇ ጌዳ ዪንቲ̇ ዛቃ̇ኬ ቤት ጊዳካ̇ዬ።

ኤፍ 2:6

ጾ̈ሲ ክርስቶ̈ሳባር ኑ̈ብ ዎ ፔቲ̇ቲንኮታ̇ቦ ዓይቃ ጋርታፖ̇ ኑ̈ና ዲንሪ ክርስቶ̈ሳባር ዎልኣ ኣፋ ኑ̈ና ዶይሲ̇ዴ።

ፊል 1:10

ዪ̈ዳሬ ዪንቲ ዎይፖ ኮሽ̇ ባዚን ዎኒ̇ኮ ኤራምፔ̈ኒ፤ ክርስቶ̈ሲ ዬ̈ይዝ ዲራስ ጌ̈ሽ̇ኬ ማዛ ኣባክ ዪንታ̇ ጋልዳ ባዮ̇ ኣስ ማ̈ቃ̇ር ዶኣኒፌ̈ኒዬ።

ፊል 1:27

ዪዚ ዎይባዛ̈ፖ ሺ ዪንቲ ዶ̈ኣዝ ዶኢንዳ ዬሱ̈ስ ክርስቶ̈ሳ ዎጛሊን ቦንቺሺዛ ማ̈ቆ̇ጋ̈ቤ፤ ዪና̇ሬ ታ̈ኒ ዪንታ̇̈ኮ ሉካ̇ራር ማ̈ቆ ማ ጎት ዎዶራር ዪንቲ ፔቲ̇ ቡ̈ዳባር ሚ̈ጛር ኤቂ̇ኖንዲኬ ማ ዎል ፔታ̇ን ማ̈ቃ̇̈ሪ ዎጛላ ቃ̈ሊን ኪንንቦ ቡቲታዚን ቴ ሲስካ̈ሬ።

ቆላ̈ሳ̈ሳ 1:5

ኪን ማ̈ቂ̇ኖ ዎጛላ ቃ̈ሊንዳ ቲ̈ን ዪንታ̇ክ ዬሊ̇ኖንባ̇ራ ኢዝ ጋርታ ዎ ታስፊን ዪንቲ̇ ሲስኪ̇ኔ፤ ዪዚ ዪ̈ኮታ̇ቦ ዪንታ̇ ኣማ̇ኒንዲኬ ዪንታ̇ ካንን ኤቂ̇ኖንዳ ኣፋ ዪንታ̇ቦ ጊ̈ጊንታ̇ር ዎ ታስፊን ጋልዳ።

1 ታሳ 1:10

ማ ጾ̈ሲ̇ ኢያ ዓይቃ ጋርታ̇ፖ ዲንኖ፥ ዬይዝ ጾ̈ሳ̇ ጎይሊን ጋልዳፖ ኑ̈ና ቡ̈ቲሲዛ፥ ጾ̈ሳ̇ ና̈ኣ ዬሱስ ክርስቶ̈ሳ ዬንቲ̇ን ዎዛርፌ̈ን ና̈ጊሙታ ዎኮ ዪን ኣሳን ዪንታ̇ባዝ ማርኪቲ̈ሬ።

1 ታሳ 4:16

ጎዳ̈ዲ ጴች ኪ̈ታባራ፤ ኪ̈ታንቻን ኣላቃ ጊርስባርኬ ጾ̈ሳ̇ ሞይዛ ጊርሳባር ኣጃቢንታ̇ሪ ኣፋፖ ሶ̈ቢ̈ሬ፤ ክርስቶ̈ሳ ኣማ̇ናር ዓይቂ̇ኖ ኣሳን ቲ̈ኒታ̈ር ዲንዲ̈ሬ።

2 ጢማ̈ 4:8

ዓኒፖ̈ ጌ̈ዳ ጺሊ̇ቲ ኣኪሊላ ጊ̈ጊንታ̇ር ታ̈ብ ዶኢኔ፤ ዪና̇ ኣኪሊሊንዶ ኪን ፊርዳ ፊርዲዝ ጎዳ̈ዲ ዪና̇ ኢዝ ጋላስ ታ̈̈ብ ኢሚ̇̈ሬ፤ ማ ታ̈ብ ሙታ ጊዳካ̇ይዶን ኢ ዬንቲ̇ን ኢኒ̇ቲሙታ̇ ዎንቦ ዎይ ኢሚ̇̈ሬ።

ቲ̈ታ̇ 2:13

ዪዚ ዪኒ̇ ጎይባራ ኣንጂንቲ̇ኖ ኑ ታስፋ ኢያሬ ኑ̈ና ፋዛ ጴቻ ኑ ጾ̈ሳ̇ ዬሱ̈ስ ክሪስቶ̈ሲ ፌ ቦ̈ንችባራ ማ̈ቂ̇ ዬ̈ዚን ኑ ና̈ጊሬ።

ኢብ 12:22

ዪንቲ ዎቲናካሬ ጺዮ̈ና ኢንዲንኮ ኡኪ̇ኔ፤ ኢዛሬ ሜናብ ዶኢዛ ጾ̈ሳ̇̈ ካታ̈ማ፥ ኣፎ ዬሩሳ̈ላሞ፤ ኡፋይስባር ሺቂኖንኮ፥ ዎይሊን ሙኩላ ማ̈ቂ̇ዝ ኪ̈ታንቻንኮ ዪንቲ ኡኪ̇ኔ።

ኢብ 9:28

ዪዚ ክርስቶ̈ሲ ዎይሊን ኣስ ናጋራ ይሳ̇ንዳቦ ጋ̈ሪ ፔቲ ቶ̈ህ ፌ̈ና ዣ̈ርሻ ማሂኔ። ማ ማ̈ቃ̇ሪ ዬይሬ፤ ማ̈ቃ̇ር ዬይዛ̈ዲ ዓታ̇ር ኣሳ ናጋራ ቶ̈ካንዳብ ጊዳካ̇ይዶን ኢ ዬንቲ̇ን ና̈ጊዝ ኣሳን ፋንዳቦ።

ሳጻ 1:7

ቤቂ̇ብቴ! ኢ ሻ̈ራባር ዬይሬ፤ ሜላ ኣቲ̇ን ኢያ ጫዲ̇ኖ ኣሳንሬ ኣታካ̇ይዶር ዎይ ኢያ ቤቂ̇̈ሬ፤ ሳ̈ዝጋልዶ ዎርዣ ዎይ ኢኮታ̇ቦ ዬ̈ኪ̇̈ሬ፤ ኣ ዪ ዎይ ማ̈ቂ̇̈ሬ! ኣሚንኤ።