ፊል 3:18 - ኦራ ጫ̈ቃ ማጻ̈ፋ

¹⁸ ዓኒ̇ፖ ቲ̈ን ቴ ዪንታ̇ብ ማሃ ማሃር ሶ̈ሊኖንዲፌ̈ንኬ ዓታ̇ር ዬ̈ካሙታ ቴ ዪንታ̇ብ ሶ̈ላዚንዳ ዎይሊንን ፌ ዶኣዝ ዶኢንባራ ክርስቶ̈ሳብ ጻላ̈ታፌ̈ን ማ̈ቃ̇ር ዶኢ̈ሬ።

ፊል 3:18 Iomraidhean Croise

ሉቃ̈ሳ 19:41

ዬሱ̈ሲ ዬሩሳ̈ላም ዬላ̇ንዳብ ዎቲ̈ርዶሪ ካታሚን ቤቃ̇ር ኢዝቦ ሚጪንታ̇ር ዬኪ̇ዴ።

ሃዋ̈ራታን ኦ̈ሳ 20:19

ኣይሁዳን ዎል ዞሪንታ̇ሪ ቴ ጋልዳ̇ ኢ̈ታ ባዝ ዎታንዳ̇ብ ቆፒ̇ኖ̈ኮታ̇ቦ ሜታ ታ̈ና ዬሊ̇ናካሬ ኢዝ ጋርታ ዪርክ ጋ̈ርኬ ኣብባራ ጎዳ̈ቦ ኦ̈ዚን ኣሻ̇ካ̇ዬ።

ሮሜ 9:2

ቴ ዜርን ኣይሁዳን ጊሽ̇ ታ̈ቦ ጴች ኣዛናኬ ታ ጋልዳፖ̇ ፋኪባ̈ሶ ቆፊ ቴ ቡ̈ዲን ጋርታ ዎ። ታ̈ኒ ኢንታ̇ ጊሻ̇ቦ ጋ̈ራ ክርስቶ̈ሳ ጋልዳፖ̇ ፋጊንታ̇ራ ጾ̈ሳ̇ ጎይላ ታ ጋልዳ ዬ̈ይርካር ቴ ዶሳርዶ̈ን።

1 ቆሮ 1:18

“ክርስቶ̈ሲ ማስቃ̈ላ ጋ̈ልዳ ዓይቂ̇ኔ” ጋ̈ዝ ሶ̈ሊንዳ ዪዝ ኣሳንቦ ቦ̈ዛ ባዝፌ̈ን ፋይዲንታ̈ሬ፤ ዎቲናካር ኑ̈ቦ ፋጺዛንቦ ጾ̈ሳ̇ ዎልቃ።

1 ቆሮ 6:9

ዉጫ ዉጪቲዝ ኣሳን ጾ̈ሳ̇ ካቲቲ̇ን ጋርታ̇ ጌሊባ̈ሶን ዪንቲ ኤሪባ̈ሳ? ዪንቲ̇ ባሊታ̇ፒ̇ቴ ኦሎላ ጋዲ̇ዛን፣ ኤ̈ቃ ጎይኒዛን፣ ፌ ማጪ̇ን ኣሻ̇ሪ ኣሳ ማጭባራ ሱርቂ̇ዛን፣ ኣቲናዶ̈ሪ ኣቲናባር ሱርቂዛን፥

2 ቆሮ 11:13

ዪንፌ̈ኖ ኣሳን ክርስቶ̈ሳ ሃዋራ ማይጻንዳቦ ፌ̈ና ኦ̈ሂዝ ማቃ ሃዋ̈ራኬ ማቃባር ኦ̈ዝ ኣሴ።

2 ቆሮ 11:29

ፔቲ̇ ኣሲ ዳ̈ቡራምባራ ታ̈ናር ኢባር ዳ̈ቡራካይ ኣቲ̇ኖን ኣ̈ንታ̇? ፔቲ̇ ኣሲ ናጋራ ጋርታ̇ ኬዳ̇ምባራ ቴ ሼኒታካ̇ይ ኣቲ̇ኖን ኣ̈ንታ̇?

2 ቆሮ 2:4

ዎይሊን ኣዛ̇ናሙታ̇ኬ ጫና̇ቂንታ̇ሙታ̇ ማ ዎይሊን ኣብባራ ዪንታ̇̇ብ ዓና̇ ጻ̈ፊኖንዳ ቴ ዪንታ̇ ዎይሊን ካዛ ማ̈ቂ̇ኖን ዪንቲ̇ ኤራምፔ̇ንዶኬ ቴ ዪንታ̇ ሺን̇ ዎታንዳብ ኮያር ጊዳካ̇ዬ።

ጋላ̈ታ 1:7

ዪና̇ ታ ጌይኖንዳ ክርስቶ̈ሳ ዎጛሊን ዎቢ̇ሳንዳብኬ ዪንታ̇̇ብ ጎይ ይሳ̇ንዳብ ኮዪዝ ፔቲ̇ ፔቲ̇ ኣሲ ዎን ኮታ̇ብዶኬ ዎጛሎ ሜላ ባዬ̈።

ጋላ̈ታ 2:14

ኢንታ ኦ̈ሲንዳ ኪን ዎጛሊምባር ሉካ̇ባሶን ቤቃ̇ራ ጴ̈ጥሮሳኮ “ኔ̈ኒ ኣይሁድ ኣስዶራ ኣይሁዳን ዎጊን ኣሻ̇ራ ኣይሁድ ባዮ̇ ኣሳንፌ̈ን ዶኣርዶራ፥ ኣይሁድ ባዮ̇ ኣሳን ኣይሁዳን ዎጊንባራ ዶኣምፔ̈ን ኣባብ ዋዪ̈ራ?” ጋ̈ራ ኢንታ ዎይን ቲ̈ን ኢያ ጎይላዴ።

ጋላ̈ታ 2:21

ታ̈ኒ ጾ̈ሳ̇ ኮሺ̇ቲንዶ ሜላ ዓሪ ቡጊዴ ኣሻ̇ባሴ፤ ኣሲ ሙ̈ሳ ሂጊ̇ን ኦ̈ ፎታር ጺሊ̇̈ርፌ̈ንኮ ክሪስቶሲ ዓይቂ̇ኖ̈ዲ ሜላ̇ ዓሪዬ።

ጋላ̈ታ 5:21

ኣሳብ ኢ̈ት ቆፊ፣ ማ፣ ዎልኣ ሺ̈ቃር ኡሽኪ̇ ዶጚ ዬጺ̇ ዎታዚንዲኬ ዪንፌ̈ኖ ባዛን፤ ዓኒ̇ፖ̇ ቲ̈ናሬ ቴ ዪንታ̇ብ ና̈ጊንቲ̇ብቴ ጋ̈ራ ሶ̈ሊኖንዲፌ̈ኒ ዓታ̇ር ማ̈ቃ̇ር ሶ̈ላ̈ሬ፤ ዪንፌኖ ባዛን ኦ̈ዝ ኣሳን ጾ̈ሳ̇ ካ̈ቲቲን ኤኪ̇ባ̈ሴ።

ጋላ̈ታ 6:12

ዪንቲ ጋራ̇ዚንታ̇ምፔ̈ን ዪንታ̇ ዋ̈ዪዝ ኣሳን ኣሳ ቲ̈ን ኮሽ ማይጻር ቤንታ̇ንዳብ ኮዪዝ ኣሴ። ዪኖ̇ ዎቲዛን ክርስቶ̈ሳ ማስቃሊንኮታ̇ቦ ዳ̈ሲ̇ ኢንታ̇ ዬላ̇ካዮ̈ዲፌ̈ኒ ጋ̈ሪ ዎቲ̈ሬ።

ጋላ̈ታ 6:14

ኑ ጎዳ ዬሱ̈ስ ክርስቶ̈ሲ ማስቃላ ጋልዳ ዓይቃ̇ር ታ̈ብ ኦ̈ኖ ኦ̈ሲምፖ̇ ሜላ ታ̈ና ኬርፊሲዝ ባዚ ዎኮ ታ ጋልዳፖ̇ ጎቶ̇። ዬሱ̈ሲ ማስቃላ ጋልዳ̇ ኦ̈ኖ ኦ̈ሲን ጎይባራ ታ̈ኒ ኣላሚን ጋልዳፖ ፋጊንቲ̇ኔ ኣላሚንዳር ታጋልዳፖ ፋጊንቲ̇ኔ።

ኤፍ 4:17

ዪዚ ዓኒፖ̇ ጌዳ ፋባ̈ሶ ቆፊባር ዎ ጾ̈ሳ̇ ኤሪባ̈ሶ ኣሳንፌ̈ኒ ማ̈ቃር ዶኣፒ̇ቴ ጋ̈ር ጎዳ ሱ̈ምባር ቴ ዪንታ̇ብ ሶ̈ላ̈ሬ።

ፊል 1:4

ቲ̈ኖ ቃሚ̇ንፖ ኤ̈ር ዓታ̇ቦ ዬሊ̇ዝ ዲራስ ታ̈ኒ ዎጛላ ኦ̈ሲን ኦ̈ምባራ ዪንታ̇ር ታባራ ኦ̈ኖኮታ̇ቦ፤ ቴ ዪንቲ ዎይንቦ ዎ̈ሳ̈ርዶራ ዎይ ጋላስ ኡፋይስባራ ዎ̈ሳ̇̈ሬ።

1 ታሳ 4:6

ዪኒፌ̈ኖ ባዝባራ ኦ̈ናካር ማ̈ቂ̇ን ፌ ኢሻ ጋልዳ ዎይ ፌ ሚሺን ጋልዳ ኢ̈ት ኦ̈ፖጋ̈ቤ፤ ዓኒ̇ፖ ቲ̈ን ኑ ዪንታ̇ብ ሶ̈ሊኖንዲፌ̈ኒ ዪ̈ዲፌ̈ኖ ባዝ ኦ̈ዝ ኣሳን ጾ̈ሲ ኢንታ̇ ጋልዳ ፊርዲ̈ሬ።

2 ታሳ 3:11

ኑ ዪኖ̇ ጌይኖንዳ ዪንታ̇ ጊዳ ኦ̈ሳ ዶሲባ̈ሶ ፔቲ̇ ፔቲ̇ ኣሳን ዎን ኑ ሲስኪ̇ኖኮታ̇። ዪን ኣሳን ኦ̈ሳ ቤዪስ ዬሙታ̇ ኢንታ ጌልሲባ̈ሶ ባዝ ጋርታ ጌሊ̈ሬ።

2 ጴጥ 2:10

ማ ዎይፓ ሺ ዪን ፌ ኢ̈ታ ኢኒ̇ን ጋ̈ዚን ኦ̈ሙታ ጾ̈ሳ̇̇ ሲልጣ̈ኒን ሌቂ̇ዝ ኣሳን ኢ ፊርዳ ቃማ̇ብ ኢንታ ና̈ጊ ጋዲ̇ኔ። ዪን ማቃ ታማ̈ርሲዛን ኢ̈ጪ̇ባ̈ሶ ኦቲራባር ኩሚኖ ኣስ ማ̈ቂ̇ኖኮታ̇ቦ ኣፋ ዎ ሲልጣ̈ናባሮን ዬ̈ልቃካ̇ይ ቆ̈ሬ።

ዪሁ 1:13

ፌ ኢ̈ታ ኦ̈ሲን ጉፊንታ ጮ̈ሽኪዝ ባሃ̈ራ ጋልዶ ጴች ውርጊፌ̈ኒዬ፥ ማ ጊልዲጊልድ ጌይኖ ም ኢንታ̇ብ ጊ̈ጊኖ ጌዳክ ዓኒክ ጌይዝ ቤ̈ርሳንፌ̈ኔ።