ፊል 3:12 - ኦራ ጫ̈ቃ ማጻ̈ፋ

¹² ዪን ባ̈ዛን ዎይ ቢ̈ርቲ ቴ ዲጛ̈ካዬ ዎይ ቴ ጋልዳ ኣባክ ኣቲ̇ኖ ባዚ ባዬ ጌንት ጊዳካ̇ዬ፤ ማ̈ቂ̇ናካሬ ዬሱ̈ስ ክርስቶ̈ሲ ታ̈ና ፌዪ ማሃር ታ̈ብ ጊጊሲኖ ሺልማ̈ቲንዶ ኤካ̇ንዳቦ ሚጛር ዎጻ̇̈ሬ።

ፊል 3:12 Iomraidhean Croise

ማ̈ቶ̈ሳ 5:48

ዪ̈ኮታ̇ቦ ኣፎ ዪንታ̇ ባ̈ባ̈ዲ ዉርሲ ማዛ ኢ ጋልዳ ባዮ̇ንዲፌ̈ኒ፥ ዪንታ̇ሬ ዉርሲ ዪንታ ̇ጋልዳ ማዛ ባዮ̇ ኣስ ማ̈ቂ̇ብቴ።

ሃዋ̈ራታን ኦ̈ሳ 9:15

ጎዳ̈ዳሬ ኢ̈ኮ “ሉካ̇ቤ! ዪ ና̈ሳ̈ዲ ቴ ሱምን ኣይሁድ ባዮ̇ ኣሳንኬ ካ̈ቲንታ̇ን ቲ̈ን ማ ኢስሬ̈ላ ዎርዣ ቲ̈ን ዎይ ኤርሲዛ ታ̈ብ ማራጺ̇ንቲ̇ኖ ቴ ሚ̈ሻ̇ ኢያ።

ሮሜ 8:39

ኣፋ ሾክ ጌይኖ ቤሳ̇ር ማ̈ቂ̇ን፣ ሳ̈ዳ̇ ሳ̈ዝ ጻናር ማ̈ቂ̇ን፣ ጾ̈ሲ̇ ኮቺ̇ኖ ባዝ ዎይዳር ማ̈ቂ̇ን ኑ ኑ ጎዳ ዬሱ̈ስ ክርስቶ̈ሳባር ዲጚኖ ጾ̈ሳ̇ ካንን ጋልዳፖ̇ ኑ̈ና ፋጋንዳብ ዳንዳ̇ኢዝ ባዚ ኣባካር ባዮ̇ን ታ̈ኒ ኮሺንቻ̇ ኤሪኔ።

1 ቆሮ 13:10

ኩም ማ̈ቂ̇ኖ ኤሪን ዬዬጌይን ኩም ማ̈ቃካ̇ዮን ኣታ̇̈ሬ።

1 ቆሮ 13:12

ዓት ኑ̈ኒ ዲል̇ ጌይኖ ማስቶ̈ታ ጋርታ ኑ ኑ̈ና ቤቃ̇ዚንዲፌ̈ን ቤቂ̈̇ሬ። ዎቲናካሬ ጊዳክ ዪና̇ ኢዝባራ ፋላ̇ጋል ቤቂ̇̈ሬ፤ ቴ ዓት ኤራዚንዳ ዶኪ̇ን ሙታ፤ ዎቲናካር ጊዳን ጾ̈ሲ ታ̈ና ኤሪኖንዲፌ̈ን ማ̈ቂ̇ኖ ኩም ኤራ ታ̈ብ ዶኢ̈ሬ።

1 ቆሮ 9:24

ዎ ጋርታ̇ ዎይን ዎጺ̇̈ርዶኒ ኢንታ̇ ጋርታፖ̇ ፔታ̇ኒ ሙታ̇ ሺሊ̇ማ̈ታ ኤካ̇ዚን ዪንቲ̇ ኤሪ̈ርባያ? ዪ̈ኮታ̇ቦ ዪንታ̇̇ሬ ሺሊ̇ማታ̇ ኤካ̇ንዳብ ዎጺ̇ብቴ̇።

2 ቆሮ 13:9

ኑ̈ኒ ዳ̈ቡሪዛን ማ̈ቂ̇ን ዪንቲ̇ ሚ̈ንን ማ̈ቂ̇ኖኮ ኑ̈ና ኡፋይሳ̇̈ሬ፤ ኑ ዎ̈ሳ̇ዝ ዎ̈ሲንዳ ዪንቲ̇ ኣማ̇ናባር ሚ̈ጚኖ ኣስ ማ̈ቃ̇ምፔ̈ኔ።

2 ቆሮ 7:1

ታ ላጋ̇ን! ጾ̈ሲ̇ ዪ̈ ዎይ ታስፋ ኑ̈ብ ኢሚ̇ኖኮታ̇ቦ ኑ ኣሲቲን ቄ̇ዝ ባዝ ዎይ ጋልዳፖ̇ ኑ ኑ̈ና ጌ̈ሺ̇ስቶ፤ ጾ̈ሳ̇̇̈ቦ ኢ̈ጪ̇ሙታ̇ዶ̈ሪ ኑ ዉርሲ ጌ̈ሽ ማ̈ቃ̇ር ዶኢስቶ።

ጋላ̈ታ 5:17

ኣባ ጌይን ናጋራ ኣሲቲ ቆፊ ጌ̈ሻ̇ ኣያ̇ና ቆፊን ኢጺ̇̈ሬ፤ ማ ጌ̈ሻ̇ ኣያ̇ና̈ዲ ናጋራ ኣሲቲ ቆፊን ኢጺ̇̈ሬ። ዪን ናምኣን ዎል ዎልኣ ኢጺ̇̈ሬ። ዪ̈ኮታ̇ቦ ዪንቲ̇ ኦ̈ንዳብ ኮዪኖን ኦ̈ንዳብ ዳንዳኢባ̈ሴ።

ኤፍ 1:4

ኑ ኢ ቲ̈ን ጌ̈ሽ̇ኬ ኢ̈ታ ባዚ ኣባክ ኑ ጋልዳ ባዮ̇ ኣስ ማ̈ቃ̇ምፔ̈ኒ፤ ሳ̈ዶ̇ ሳ̈ዚንዲኬ ኣፎ ሳ̈ዚን ኮቺ̇ንታናፖ̇ ቲ̈ን ክርስቶ̈ሳ ጎይባር ኑ̈ና ማራ̇ጺኔ።

ኤፍ 4:12

ዪኖ̇ ኢ ኦ̈ኖንዳ ክርስቶ̈ሳይ ማ̈ቂ̇ኖ ኣሳን ሚ̈ጛምፔ̈ንኬ ኢንቲ ጾ̈ሳ̇ ኦ̈ሳ ኦ̈ምፔ̈ኒ ጊ̈ጊንቲ̇ኖ ኣስ ማ̈ሳንዳቦ።

ፊል 1:1

ዬሱ̈ስ ክርስቶ̈ሳቦ ኣይላ ማ̈ቃ̇ር ኦ̈ዛን ታ ጳውሎ̈ሳ ጋልዳፔኬ ጢማ̈ቶ̈ሳ ጋልዳፖ፥ ፊልጲሶ̈ሳ ካታሚን ጋርታ ዬሱ̈ስ ክርስቶ̈ሳ ኣማ̇ኒኖ ኣሳንስቦ ዎይ፥ ማ ዎሳ ኬ̈ ጪጛ̈ሻንኬ ዳ̈ቆናንቦ፥

ፊል 3:16

ዪ ማ̈ቂ̇ናካሬ፥ ጾ̈ሳ̇ ኑ̈ና ቤይሲኖ ባዛንቦ ሙታ ኪ̈ቲንቲ̇ሙታ ዶኤጌይንዶ ኑ̈ብ ጊዲ̈ሬ።

ፊል 3:3

ኑ̈ኒ ኣያ̇ናባር ጾ̈ሳ̇ ጎሽቲ̇ዛንኬ ኣ̈ፍባር ቤንቲ̇ዝ ኣሳ ዎጋባር ጊዳካ̇ይዶን ዬሱ̈ስ ክርስቶ̈ሳባር ኬርፊዛን ማ̈ቂ̇ኖኮታ̇ቦ፤ ኑ̈ኒ ኪን ጋራ̇ዚንቲ̇ኖ ኣሴ።

ፊል 3:8

ጎ̈ዳ ዬሱ̈ስ ክርስቶ̈ሳ ኤራዚምፖ ሺዝ ባ̈ዚ ኣባካር ባዮ̇ን ቴ ኣማ̇ኒኖንኮታ̇ ባዝ ዎይዳ ፋባ̈ሶ ባዝፌ̈ን ፋይዲኔ። ቴ ኢ ጊሻ̇ቦ ጋ̈ራ ዎይ ባዝ ኣሺ̇ኔ፤ ክርስቶ̈ሳ ዲጛ̈ንዳቦ ጋ̈ራ ዎይ ባዝ ቶጚቲኖ ፒቲፌ̈ን ፋይዲኔ።

1 ታሳ 5:15

ኦ̈ናካር ኣሲ ዪንታ̇ብ ኢ̈ት ኦ̈ኖቦ ኢ̈ት ኦ̈ር ማሃካ̇ዮ̈ዲፌ̈ኒ ና̈ጊንቲ̇ብቴ፤ ዪኒ̇ፖ ዪንቲ̇ ዎልዎልኣር ማ̈ቆ ማ ሜል ኣሳንባር ማ̈ቂ̇ን ኮሽ ባዝ ኦ̈ንዳቦ ሚ̈ጚብቴ።

2 ታሳ 2:13

ጾ̈ሳ̇ባር ካን̇ቲኖ ኑ ኢሺንታ̈ን! ኑ̈ኒ ዪንታ̇ጊሽ ዎይ ጋላስ ጾ̈ሳ̇ ጋላታንዳ̇ብ ኮሺ̇̈ሬ፤ ኑ ኢያ ጋላታዚንዳ ዪንቲ̇ ጌ̈ሻ̇ ኣያ̇ናባር ጌ̈ዥጋሪ ኪንን ኣማ̇ናሪ ፋጻምፔ̈ኒ ጾ̈ሲ ቲ̈ኒታር ዪንታ̇ ማራ̇ጺኒኮታ̇ቦ።

1 ጢማ̈ 5:10

ኮሽ ኦ̈ሳ ዎይባራ ዪ̈ዳሬ፥ ናኢ ኮሺንቻ ዲቻ̇ዚንዶ፣ ዛቃ̇ ሞካ̇ዚንዶ፣ ኣማ̇ኒኖ ኣሳን ቶሂን ሜ̈ጫ̇ዚንዶ፣ ሜ̈ቲንቲኖ̈ን ማ̈ዳ̇ዚንዴኬ ኮሽ̇ ኦ̈ሳ ዎይባራ ኤሪንቲ̇ኖ ኣስ ማ̈ቃ̇ንዳቦ ኮሻ̈ሬ።

1 ጢማ̈ 6:19

ኢንቲ̇ ዪኒፌ̈ን ዎቲሙታ ኪን ማ̈ቂ̇ኖ ሼምፒ̇ን ዲጛንዳቦ ዬ̈ዝ ላይምቦ ዪባ̈ሶ ቆሊን ፌ̈ብ ሺ̈ሺ̈̇ሬ።

ኢብ 12:14

ጌ̈ሺቲ ባይ ማ̈ቄጌይን ኦ̈ናካር ጎዳ ቤቃ̇ንዳብ ዳንዳኢባሶኮታ̇ቦ ኣስ ዎይባር ሳሪቲባር ዶኢብቴ፤ ጌ̈ሺቲባር ዶኣንዳቦ ሚ̈ጚብቴ።

ኢብ 12:23

ኢንታ ሱ̈ምን ኣፋ ጻ̈ፊንቲኖን ዎል ፔቲ̇ ቤስ̇ ሺ̈ቂኖ ኡስ̇ ናኣን ሺ̈ቂንኮ፥ ማ ዎይ ፊርዲዛ ጾ̈ሳ̇̈ኬኬ ኢንታ ጋልዳ ማዛ ባዮ̇ ኣፋ ዎ ጌ̈ሽ ኣሳንኮ ኡኪ̇ኔ።

ኢብ 13:21

ዪንቲ ኢ ጌይኖን ኦ̈ዝ ኣስ ማ̈ቃ̇ምፔኒ ኮሽ ባዝ ዎይባራ ዪንታ̇ ሚ̈ንር ኤሶ̇ጋ̈ቤ፤ ዬሱ̈ስ ክርስቶ̈ሳ ጎይባራ ፌ̈ና ኡፋይሲዝ ባዝ ኑባር ማ̈ቃ̇ር ኦ̈ጋ̈ቤ፤ ዬሱ̈ስ ክርስቶ̈ሳቦ ሜናፖ ሜናቦ ቦንች ማ̈ቆ̇፤ ኣሚንኤ።

ዓይ 3:2

ኑ ዎይን ዎይሊን ባዝባር ባሊቲ̇̈ሬ። ፌ ሶ̈ሊንባር ባሊቲባ̈ሶ ኣሲ ዎኮ ኢ ፌ̈ና ና̈ጋንዳብ ዳንዳኢዝ ፎቲ ኣሴ።

1 ጴጥ 5:10

ጊሊ̇ ጊዛብ ዪንቲ̇ ሜታ ኤኪ̇ኖፖ̇ ዓኒ ክርስቶ̈ሳ ጎይባራ ሜና ቦንቻ̇ብ ዪንታ̇ ጼይጊኖ ኮሺ̇ቲ ዎይ ኢ̈ክ ዎ ጾ̈ሳ̇̇̈ዲ ኢ ዪንታ̇ ዬሊ̇ኖ ሜቲን ጋርታፖ ዪንታ̇ ኬሳ̇ር ሚ̈ን ኤሲ̇̈ሬ።

2 ጴጥ 3:18

ዪኒ̇ፓ ኑ ጎዳ ኑ̈ና ፋዛ ዬሱ̈ስ ክርስቶ̈ሳ ኮሺ̇ቲንዲኬ ኢያ ኤሪሙታ ዪንባር ዲጪ̇ብቴ፤ ኢ̈ቦ ዓታ̇ር ማ̈ቂ̇ን ሜናብ ቦንች ማ̈ቆ̇! ኣሚንኤ።