ፊል 3:11 - ኦራ ጫ̈ቃ ማጻ̈ፋ

¹¹ ማ ቴ ዓይቃ̇ራ ዓይቃ ጋርታ̇ፓር ዲንዳ̇ራ ሜናቦ ሼምፓባር ዶኣዚን ታስፋ ጋዲ̇ኖኮታ̇ቦ።

ፊል 3:11 Iomraidhean Croise

ሉቃ̈ሳ 14:14

ዪኒ̇ፌ̈ን ዎቴጌይን ኔ ኣንጂንታ̇̈ሬ። ዪን ኔ̈ና ጼይጊ ጊብዣ ሙሳንዳ̇ቦ ዳንዳኢባ̈ሶኮታ̇ቦ ጺላ̇ ኣሳን ዓይቃ ጋርታ̇ፖ ዲንዲዝ ጋላሲ̇ ዪኖ̇ ኔ ኦ̈ኖ ኦ̈ሲምቦ̇ ጾ̈ሲ̇ ኔ̈ብ ማሂ̈ሬ” ጌይዴ።

ዋ̈ኒ̇ሳ 11:24

ኢዛሬ “ዉርሲ ጋላሲን ዓይቂ̇ኖ ኣሳን ዓይቃ ጋርታ̇ፖ̇ ዲንዲዝ ቃም ኢያር ዲንዳዚን ቴ ኤራ̈ሬ” ጌይዴ።

ሃዋ̈ራታን ኦ̈ሳ 23:6

ጳውሎ̈ሲ ኢና ዎ ኣሳን ጋርታፖ ባጋ̇ን ሳዱቃ ባጋ̇ን ፋራሳ̈ዋ ማ̈ቂ̇ኖን ኤራሪ “ቴ ኢሺንታን! ታ̈ኒ ፋራሳዋን ጋርታፖ ዬሊንቲ̇ኖ ፋራሳ̈ዋ፤ ቤቂ̇ብቴ ዓይቂ̇ኖ ኣሲ ዲንዲ̈ሬ ጌያ ታ ኣማ̇ናዚንኮታ̇ቦ ታ̈ና ፊርዳ ኣ̈ል ሺ̈ሺ̇ኔ” ጋ̈ሪ ፌ ቆ̈ን ሾክ̇ ዎታር ኣይሁድ ፊርዳ ኣ̈ሎ ኣሳን ቲ̈ን ሶ̈ሊዴ።

ሃዋ̈ራታን ኦ̈ሳ 26:7

ጾ̈ሲ̈ ኢሚ̇̈ሬ ጌይኖ ቤሲ̇ን ዬላ̇ንዳቦ ታጶ ናምኢ ኮቻ̈ን ጋላስኬ ቃምኬ ጾ̈ሳ̇̈ቦ ጎሽቲሙታ̇ ና̈ጊ ዎ፤ ካታዶ! ኣይሁዳን ታ̈ና ሞ̈ቲኖንዳ ዪና̇ ኢዝኮታ̇ቦ።

ሃዋ̈ራታን ኦ̈ሳ 27:12

ዪና̇ ማርካ̇ብ ኤቃ̇ዝ ቤሲ̇ንዳ̇ ባርጊ ኬል̇ባራ ኢና ጋምኣንዳ̇ቦ ዋ̈ዪዛኮታ̇ቦ ኣሳን ጋርታፖ ሺን “ኑ ሉካ̇ሪ ፊንቃ ጋ̈ዝ ካታሚን ጋርታ̇ ባርጊን ኣ̈ስቶ̇” ጋ̈ሪ ፌ ቆፊን ሺ̈ሺ̇ዴ። ፊንቃ ኦ̈ፓ ኣዋ̈ፍ ጌላ ጎይኬ ሲጛል ኣዋ̈ፍ ጌላ ጎይ ጊዲ̇ን ጋርታ̇ ዎ ቃርጣ̈ስ ጋ̈ዝ ማርካ̇ቢ ኤቂ̇ዝ ካታማ ጋርታ̇ ዎ ቤሴ̇።

ሮሜ 11:14

ዪና̇ ቴ ዎቲንዳ ቴ ዜርን ኣይሁዳን ቃና̇ኢሳንዳቦ። ዪዚ ዪኒ̇ባራ ኢንታ̇ ጋርታ̇ፖ ፔታ̇ን ፔታ̇ናን ፋንዳብ ዳንዳኣስታ ጋ̈ራ ዎቲኔ።

1 ቆሮ 15:23

ዪ ዲንዳ̈ዲ ታራባር ታራባር ማ̈ቂ̇̈ሬ፤ ዓይቃ ጋርታፖ̇ ዲንዳ̇ባራ ኡስ̇ ማ̈ቂ̇ኖ̈ዲ ክርስቶ̈ሳ፤ ማ ዎሃ ኢ ማ̈ቃ̇ር ዬ̈ዚምባራ ኢዬይ ማ̈ቂ̇ኖን ዎይ ዓይቃ ጋርታ̇ፖ̇ ዲንዲ̇̈ሬ።

1 ቆሮ 9:22

ዳ̈ቡሪኖ ኣሳን ማ̈ሳንዳቦ ጋ̈ራ ታ̈ናር ኢንታ̇ፌ̈ን ዳ̈ቡሪኖ ኣስ ማ̈ቃ̇ዴ። ታ̈ብ ዳንዳኢንቲ̇ኖንዲፌ̈ኒ ፔታ̇ን ፔታ̇ናን ማ̈ሳንዳቦ ጋራ ዎይ ኣሳንባር ታ̈ኒ ማ̈ቃካ̇ዮ ባዚ ባዬ̇።

1 ቆሮ 9:27

ታ̈ኒ ሜላን ሳባ̇ካ ዎንቦ ጼይጋራ ቴ ቆሚ̇ን ዎን ጋርታ̇ፖ̇ ኬስካካ̇ዮ̈ዲፌ̈ን ቴ ታ̈ና ና̈ጋራ ታ ጋሊ̇ን ታ̈ብ ኪ̈ቲንታምፔ̈ን ዎታ̈ሬ።

2 ቆሮ 11:3

ሾ̈ሺ̇ ፌ ዉጪ̇ምባራ ሄዋ̈ኖ ባሊኖንዲፌ̈ኒ ዪንታ̇ ቆፊንዳር ኢ̈ታራ ዪንቲ̇ ኣሽካኬ ኮሽ ማ̈ቂ̇ኖ ቡ̈ዳባራ ክርስቶ̈ሳብ ኣማ̇ኒንታዚንዶ ኣሺ̇ዝዳ ጌያ ኢ̈ጫ̇̈ሬ።

1 ታሳ 3:5

ዪኒ̇ኮታ̇ቦ ዓኒ̇ፖ ጌዳ ታ̈ኒ ጋርዣንዳብ ዳንዳኣካ̇ዮኮታ̇ቦ ዪንታ̇ ኣማ̇ኒን ዎዛርኮ ኤራንዳቦ ኮያራ ጢማ̈ቶ̈ሳ ዪንታ̇ክ ሚሻዴ፤ ቴ ዪኖ̇ ዎቲኖንዳ ኣስ ፋታ̇ኒዝ ኢ̈ታ ዪንታ̇ ፋታ̇ኒንዶኢዝዳ፥ ዪዚ ኑ ዋ̈ዪንዳር ሜላ̇ ዓሪ ኣቲ̇ኔ ጋ̈ራ ኢ̈ጫ̇ር ዎቲኔ።

2 ታሳ 2:3

ኦ̈ናካር ኣሲ ኣ ጎይባርካር ማ̈ቂ̇ን ዪንታ̇ ጪ̈ጪንቻፖ̇፤ ቲ̈ኒታሪ ዉጫ ኦ̈ሲን ዬ̈ካ̇ይዶንኬ ያብ ጊ̈ጊንቲ̇ኖ ውጫ ና̈ሳ ዬ̈ካ̇ይዶን ዪና̇ ቃሚ̇ን ዬ̈ባሴ።

2 ጢማ̈ 4:8

ዓኒፖ̈ ጌ̈ዳ ጺሊ̇ቲ ኣኪሊላ ጊ̈ጊንታ̇ር ታ̈ብ ዶኢኔ፤ ዪና̇ ኣኪሊሊንዶ ኪን ፊርዳ ፊርዲዝ ጎዳ̈ዲ ዪና̇ ኢዝ ጋላስ ታ̈̈ብ ኢሚ̇̈ሬ፤ ማ ታ̈ብ ሙታ ጊዳካ̇ይዶን ኢ ዬንቲ̇ን ኢኒ̇ቲሙታ̇ ዎንቦ ዎይ ኢሚ̇̈ሬ።

ኢብ 11:35

ማጫ̇ን ዓይቂ̇ኖ ፌ ዳባ̇ን ዓይቃ ጋርታፖ ዲንዲን ቤቂ̇ዴ። ሜላንሬ ዓኒ̇ፖ ሺ ዲንዳ ዲጛንዳብ ቆፓ̇ሪ ዱማ ዱማ ሜታ ኤኪ̇ዴ፤ ቃሺ ኣ̈ላፖ ኬስካ̇ንዳባር ኮያካ̇ዬ።

ሳጻ 20:5

ዶካ̇ን ዓይቂኖን ሙኩላ ላይን ዉሪዝ ዲራስ ዓይቃ ጋርታ̇ፖ ዲንዲካ̇ዬ፤ ዪና̇ ቲ̈ኖ ዲንዲንዶ̇፤