ፊል 2:8 - ኦራ ጫ̈ቃ ማጻ̈ፋ

⁸ ኣስ ማ̈ቃር ቤንታ̇ሪ፤ ፌ̈ና ዪርክ ዪርክ ዎቲዴ፥ ዓይቃቦ ዪ̈ዳሬ ማስቃላ ጋልዳ ዓይቃቦ ዶሳር ፌ̈ና ኣ̈ ኢሚ̇ዴ።

ፊል 2:8 Iomraidhean Croise

ማ̈ቶ̈ሳ 17:2

ኢና ኢንታ̇ ቲ̈ን ኢ ማልካ ላ̈ሚንቲ̇ዴ፤ ኢ ዴ̈ማ̈ባራ ኣዋፍፌ̈ን ፎኢሲዴ፤ ኢ ኣፊላዳሬ ቦ̈ራሪ ፎኢንፌ̈ን ማ̈ቂ̇ዴ።

ማ̈ቶ̈ሳ 26:39

ኢ ኢንታ̇ ጋልዳፖ̇ ጊላ̇ ጌዳ ዓር̇ ጌዪ ሉካ̇ሪ ሳ̈ዝ ጋልዳ ፌ ዴ̈ሚንባር ጉጲጛሪ “ታ ባ̈ባ̈ዶ! ኔ̈ብ ዳንዳኢንታ̇̈ርኮ ዓና̇ ሜታ ጺዊን ቴ ጋልዳ̇ፖ ኔ ኣ̈ቤ! ዪና̇ሬ ኔ ኮዪኖንዲፌ̈ን ማ̈ቆ̇ዶኬ ቴ ኮዪኖንዲፌ̈ን ማ̈ቃፖ̇” ጋ̈ሪ ዎ̈ሲ̇ዴ።

ማ̈ቶ̈ሳ 26:42

ማ ማ̈ቃ̇ሪ ዬሱ̈ሲ ናምኢ ኢንታ̇ ጋልዳፖ ጌዳ ጊላ̇ ጎቲ̇ ሉካ̇ሪ “ታ ባ̈ባ̈ዶ! ዓና̇ ሜታ ጺዊን ታ̈ና ዬላካ̇ይ ኣ̈ንዳብ ዳንዳኣባስኮ ኔ ጌይኖዲፌ̈ን ማ̈ቆ̇ ጋ̈ቤ” ጋ̈ሪ ዎ̈ሲ̇ዴ።

ሉቃ̈ሳ 9:29

ኢ ዎ̈ሳ ጋልዳ̇ ዎዶ̈ኒ ኢ ማልኪ̇ን ላ̈ሚንታ̇ዴ። ኢ ማኢኖ ኣፊሊንዳሬ ጴች ቦ̈ራራ ቦልቃ̇ዴ።

ዋ̈ኒ̇ሳ 10:18

ታ̈ኒ ቴ ሼምፒን ዶሳራ ዓይቃብ ኣ̈ ኢማ̇̈ርዶኬ ኦ̈ናካር ፌ ዎልቃባር ታ̈ና ዎንዳ̇ብ ዳንዳኢዝ ኣሲ ባዬ̇። ታ̈ኒ ቴ ሼምፒ̇ን ዓይቃብ ኣ̈ ኢማ̇ንዳባሬ ማ ዓይቃ ጋርታ̇ፖ̇ ማ̈ቃ̇ ዲንዳንዳቦ ሲልጣ̈ና ቴዬ̇። ዓና̇ ኪ̈ቲ̇ን ታ̈ኒ ኤኪ̇ኖንዳ̇ ቴ ባ̈ባ̈ ጋልዳፖ̇” ጌይዴ።

ዋ̈ኒ̇ሳ 14:31

ዎቲናካሬ ታ̈ኒ ቴ ባ̈ባ̈ ካዚን ኣላሚን ጋልዳ ዎ ኣሳን ኤራምፔ̇̈ኒ ቴ ባ̈ባ̈ ታ̈ና ኪ̈ቲ̇ኖ ባዛን ዎይ ፎታ̈ሬ፤ ዓት ዲንዲ̇ብቴ፥ ዓንዳፖ̇ ሉኪ̇ስቶ” ጌይዴ።

ዋ̈ኒ̇ሳ 15:10

ታ̈ኒ ቴ ባ̈ባ ኪ̈ቲን ና̈ጋራ ኢ ካንምባር ዶኣዚንዲፌ̈ን፥ ዪንታ̇ሬ ቴ ኪ̈ቲን ና̈ጌጌይን ዪንቲ̇ ቴ ካምባ̇ር ዶኢ̈ሬ።

ዋ̈ኒ̇ሳ 4:34

ዬሱ̈ሳር ኢንታ̇ኮ “ቴ ፊ̈ሺንዳ̇ ታ̈ና ኪ̈ታ̇ር ሚሺኖ ጾ̈ሳ̇̇ ቆፊን ኦ̈ዚንዲኬ ኢ ኦ̈ሲን ፎታዚንዶ̇።

ሃዋ̈ራታን ኦ̈ሳ 8:33

ኢ ዉርዳት ቤቂ̇ዴ፤ ኪን ፊርዳር ዲጛካይ ኣቲ̇ዴ። ኢ ሼምፒ̇ን ሳ̈ዝ ጋልዳፖ̇ ዪኖኮታ̇ቦ ኢ ዜር ባዝ ኦ ሶ̈ላንዳብ ዳንዳኢ̈ራ?” ጋ̈ሬ።

ሮሜ 5:19

ፔቲ̇ ና̈ሳ ኪ̈ቲ̇ንታካይ ኣቲ̇ኖኮታ̇ቦ ዎይሊንን ናጋራንቻ̇ ማ̈ቂ̇ኖንዲፌ̈ኒ ፔቲ̇ ና̈ሳ ኪ̈ቲንቲ̇ኖኮታ̇ቦ ዎይሊንን ጺላ̇ ማ̈ቂ̇̈ሬ።

2 ቆሮ 8:9

ኑ ጎዳ ዬሱ̈ስ ክርስቶ̈ሳ ኮሺ̇ቲን ዪንቲ̇ ኤሪ̈ሬ። ኢ ዎርባያ ማ̈ቂ̇ን ዪንቲ̇ ዱር ማ̈ቃ̇ምፔ̈ን፤ ኢ ዱርዶሪ ዪንታ̇ ጊሻ̇ቦ ጋ̈ሪ ዎርባያ ማ̈ቂ̇ኔ።

ጋላ̈ታ 3:13

ጌ̈ሻ̇ ማጻ̈ፋ ጋልዳ ̇“ሚ ጋልዳ ሶቲ̇ንታ̇ር ዓይቂ̇ዝ ኣሲ ዎይ ባ̈ዲንቲ̇ኔ” ጌዪ ጻ̈ፊንቲ̇ኖኮታ̇ቦ ክርስቶ̈ሲ ኑኮታ̇ቦ ባ̈ዲንቲ̇ኖ ማ̈ቃ̇ር ሂጊ̇ ኑ̈ና ባዲ̇ኖን ጋልዳፖ̇ ኑ̈ና ዎዚኔ።

ቲ̈ታ̇ 2:14

ኢ ኑ̈ና ዉጫ ኦ̈ሳ ዎይ ጋልዳፖ ፋንዳብኬ ኮሽ ኦ̈ሳ ኦ̈ንዳቦ ሚ̈ጛር ኤቂ̇ኖንኬ ጾ̈ሳ̇̇̈ቦ ቆሪንቲ̇ኖ ዎርዣ ማ̈ቃ̇ምፔ̈ኒ ኑ̈ና ጌ̈ሻ̇ንዳ̇ቦ ፌ̈ና ዓይቃብ ኣ̈ ኢሚ̇ዴ።

ኢብ 12:2

ኑ ዎጻ̇ዚንዳሬ ኑ ኣማ̇ኒምቦ ዋና̇ ቲ̈ኖዳሬ ጋስ ውርሲዳሬ ኢያ ማ̈ቂ̇ኖ ዬሱ̈ሳ ቤቃ̇ሪዬ፤ ኢ ፌ ቲ̈ኖ ኢያ ና̈ጊኖ ኡፋይሲንኮታቦ ማስቃላ ጋልዶ ዬ̈ላ̇ ዓይቂን ኣባካር ማሂ ፋይዳካይዶር ዪና̇ ሜቲንዲኬ ዓይቂን ጋርዣሪ ጾ̈ሳ̇̇̈ቦ ኡሻች ጎይ ዶኢ̈ዴ።

ኢብ 12:4

ዪንቲ ናጋራ ጋማንዳ̇ብ ኦሊንታ̇ዝ ኦሊን ጋርታ ቢርት ሱ̈ ውሊንቲ̇ዝ ዲራስ ኦሊንታካ̇ዬ።

1 ጴጥ 2:24

ኑ̈ኒ ናጋራ ኦ̈ሲን ኣሻ̇ሪ ጺሊ̇ቲ̇ባራ ዶኣምፔ̈ን፥ ኢ ኑ ና̈ጋ̈ርን ፌ ኣሲቲምባር ቶ̈ካ̇ሪ ማስቃላ ጋልዳ ሶቲንቲ̇ዴ፤ ኢ ጫዲንቲን ዪንቲ̇ ፋጺዴ።

1 ጴጥ 3:18

ክርስቶ̈ሲ ኑ̈ና ጾ̈ሳ̇̇̈ባር ኢጊንንዳቦ ኢ ፌቆሚ̇ን ጺ̈ላ̇̈ዶ̈ሪ ጺላ̇ ባዮ̇ን ኑ ናጋራ ጊሻ̇ቦ ናምኢባ̈ሶ ጎይባራ ሜታ ኤካ̇ሪ ፔቲ̇ ቶህ ዓይቂ̇ዴ፤ ኢ ኣይሽባር ዓይቂ̇ዴ ኣያ̇ናባራ ሼምፓባር ዎ።