5 ዬሱ̈ስ ክርስቶ̈ሳብ ዎ ቆፊን ዓና̇ ዪንታ̇ ጋርታ̇ር ዶኣንዳብ ኮሻ̇̈ሬ።
ታ̈ኒ ቴ ቡ̈ዳባራ ኣሽካ̇ኬ ኦቲርቃባሶ ማ̈ቂ̇ኖኮታ̇ቦ ቴ ቃምባ̇ሪን ዪንታ̇ ካ̈ሊ̇ን ጋልዳ̇ ቶ̈ኪ̇ብቴ̇፤ ቴ ጋልዳ̇ፖ ታማ̈ሪብቴ̇፤ ዪንቲ̇ ዪንታ̇ ሼምፒምባሬ ሼምፓ ዲጚ̈ሬ።
ዪዚ ዶኣር ፊ̈ሺ ሙይዛፔኬ ኤቃ̇ር ሙሲዛ̈ፖ ሺዛ ኦ̈ኖ? ዶኣር ሙይዛ̈ዳ ባያ? ዎቲናካሬ ታ̈ኒ ዪንታ̇ ጊዳ̇ ኤቃ̇ር ሙሲዝ ና̈ሳዳፌ̈ኔ።
ጾ̈ሲ̇ ና̈ዝሬ̈ት ዬሱ̈ሳቦ ጌ̈ሻ̇ ኣያ̇ናኬ ዎልቃኬ ኢሚ̇ዴ። ኢያሬ ጾ̈ሲ̇ ኢባር ዎ̈ኮታ̇ቦ ፌ ዬሊ̇ኖ ቤስ̇ ዎይ ኮሽ̇ ባዝ ኦ̈ሙታ̇ ሴ̈ጣናባር ቃቺ̇ንታ̇ር ዎን ዎይ ፋሙታ̇ ዬ̇ዴ።
‘ዓኒ ኤኪ̇ዛ̈ፖ ጌዳ ኢሚ̇ዛ̈ዲ ኣንጂንቲኖ ኣሴ’ ጋ̈ዚን ጎዳ ዬሱ̈ሳ ቃ̈ሊን ቆፒ̇ ሙታ̇ዶ̈ሪ ኑ ኩሽባር ኦ̈ ሙታ̇ ዳ̈ቡሪኖን ማ̈ዳ̇ንዳብ ኮሻ̇ዚን ዎይሊን ጎይባራ ቴ ዪንታ̇ ቤይሲኔ” ጌይዴ።
ኔ ሞ̈ዝ ፊ̈ሺን ኔ ኢሻ̈ብ ፊ ማ̈ቃ̇̈ርኮ ኔ̈ኒ ካ̈ንባራ ዶ̈ኣካዬ፤ ክሪሲቶ̈ሲ ኢ̈ቦ ዓይቂ̇ኖ ኔ ኢሻ ፊ̈ሻኮታ ያምፔ̈ን ዎታፔ̇።
ኣጊሻ̇ቦ ጌይን ክርስቶ̈ሳር ፌ̈ና ኡፋይሳ̇ካዬ፤ ጌ̈ሻ̇ ማጻ̈ፋ ጋልዳ “ኔ̈ና ቆ̈ኖ ኣሳን ታ̈ና ቆ̈ኔ” ጋ̈ር ጻ̈ፊንቲ̇ኖን ኢያ ዬላ̇ዴ።
ጋርዣኬ ሚ̈ንቲ ኢሚ̇ዝ ጾ̈ሳ̇̇̈ዲ፥ ዬሱ̈ስ ክርስቶሲ ዎታዚንዲፌ̈ኒ ዪንታ̇̇ር ዎልዎልኣ ካ̈ር ዶ̈ኢዝ ቡ̈ዳ ዪንታ̇̇ብ ኢሞ̇ጋ̈ቤ።
ታ̈ኒ ዎይን ፋጻምፔ̈ኒ ታ̈ና ማ̈ዲ̇ዝባዝ ኮያካ̇ይዶራ ቴ ኦ̈ዝ ባዝ ዎይባራ ዎይን ኡፋይሳ̇ዚንዲፌ̈ን ዪንታ̇ር ዪና̇ ኢዝፌ̈ን ዎቲብቴ።
ክርስቶ̈ሲ ኑ̈ና̇ ካኖንዲፌ̈ንኬ ጾ̈ሳ̇̇̈ቦ ኡፋይሲዝ ኮሽ ሳዉቂዝ ዣ̈ርሻፌ̈ን ማ̈ሃር ፌ ሼምፒ̇ን ኑ ጊሻ̇ቦ ጋ̈ር ዓይቃ̈ብ ኣ̈ ኢሚ̇ኖንዲፌ̈ኒ ዪንታ̇ር ዎልዎልኣ ካንባር ዶኢብቴ̇።
ዬሱ̈ስ ክርስቶ̈ሳቦ ኣይላ ማ̈ቃ̇ር ኦ̈ዛን ታ ጳውሎ̈ሳ ጋልዳፔኬ ጢማ̈ቶ̈ሳ ጋልዳፖ፥ ፊልጲሶ̈ሳ ካታሚን ጋርታ ዬሱ̈ስ ክርስቶ̈ሳ ኣማ̇ኒኖ ኣሳንስቦ ዎይ፥ ማ ዎሳ ኬ̈ ጪጛ̈ሻንኬ ዳ̈ቆናንቦ፥
ዪንቲ ጼይዚንቲ̇ኖንዳ ዪኒ̇ቦ፤ ዪንቲ̇ ኢ̈ኮን ቤቃ̇ሪ ኢ̈ኮንዲፌ̈ን ዎታምፔ̈ኒ ዬሱ̈ሲ ሳ̈ዝ ጋልዳ ሜታ ኤካ̇ሪ ዪንታ̇ብ ሚሳ̇ሊ ማ̈ቂ̇ኔ።
ዪዚ ክርስቶ̈ሲ ፌ ኣሲቲንባራ ሜታ ኤኪ̇ኖኮታ̇ቦ ዪንታ̇ሬ ኦላ ማሳ̇̈ራ ጊጺ̇ኖ ኣስፌ̈ኒ ዪና̇ ቆፊን ጊጻ̇ሪ ዲንዲብቴ፤ ኣባ ጌይን ፌ ኣሲቲንባር ሜታ ኤኪ̇ዝ ኣሲ ናጋራ ኦ̈ሳ ኣሺ̇ኔ።
“ታ̈ኒ ክርስቶ̈ሳባር ዶኣ̈ሬ” ጌይዝ ኣሲ ክርስቶ̈ሲ ዶኢኖንዲፌ̈ን ዶኣንዳ̇ብ ኮሺ̇̈ሬ።
