21 ሜላን ፌ̈ብ ማ̈ቂ̇ዝ ባዝ ሙታ̇ ኮዪ̈ርዶኬ ዬሱ̈ስ ክርስቶ̈ሳ ባዝ ቆፒ̇ባ̈ሴ።
ኢናፖ̇ ዬሱ̈ሲ ፌ ታማ̈ራንኮ “ቴ ዎሂን ዬ̇ንዳብ ኮዪዝ ኣሲ ፌ ቆሚ̇ምቦ̇ ቆፓ̇ዚን ዉርሲ ኣሾ̇ጋ̈ቤ፤ ፌ ማስቃሊን ቶ̈ካ̇ሪ ቴ ዎሂን ዬጋ̈ቤ።
“ታ̈ክ ዬይዝ ኣሲ ዎይ ፌ ባ̈ባኬ ፌ ኢንዲ̇ኬ፣ ፌ ማጪ̇ንዲኬ ፌ ናኣንኬ፣ ፌ ኢሺንታ̇ንኬ ፌ ሚሺንታ̇ንኬ፣ ፌ ሼምፒ̇ንዳ̇ሬ ጉጃር ታ̈ፖ̇ ሺሻር ካዝ ኣሲ ቴ ታማ̈ሪ ማ̈ቃ̇ንዳብ ዳንዳኢባ̈ሴ።
ዪኒፖ̇ ዎሃ ጳውሎ̈ሳክ ኢ ላጋ̇ንኬ ማርካ̇ባ ጋርታ̇ ጌላር ጳ̈ፋፖ̇ ዲንዳሪ ጲንፊላ ጋዳ̇ ዎን ጴርጋ ጋ̈ዝ ካታ̇ሚን ጋርታ ሉኪ̇ዴ፤ ኢናፖ̇ ማ̈ርቆ̈ስ ጌይዛ ዋ̈ኒ̇ሲ ኢንታ ጋልዳፖ̇ ፋጊንታ̇ሪ ዬሩሳ̈ላም ማ̈ቂ̇ ሉኪ̇ዴ።
ኢንቲ̇ ኦ̈ሳብ ሉካ̇ምባራ ማ̈ርቆ̈ሲ ኢጻ̇ር ኢንታባር ሉካ̇ብዳ ጌዪ ኢና ጲንፊላ ኣቲ̇ኖኮታ̇ቦ ጳውሎ̈ሲ ኢያ ፌባር ኤኪ̇ ሉካ̇ንዳብ ኮያካ̇ዬ።
ኣሲ ኦ̈ናካር ማ̈ቂ̇ን ኣሳብ ኮሺ̇ዝ ባዝ ቆፓ̇ጋብዶኬ ፌ̈ና ሙታ̇ ማ̈ዲዝ ባዝ ቆፓፖ̇ጋ̈ቤ።
ታ̈ኒ ዎይን ፋጻምፔ̈ኒ ታ̈ና ማ̈ዲ̇ዝባዝ ኮያካ̇ይዶራ ቴ ኦ̈ዝ ባዝ ዎይባራ ዎይን ኡፋይሳ̇ዚንዲፌ̈ን ዪንታ̇ር ዪና̇ ኢዝፌ̈ን ዎቲብቴ።
ካን ኮሺ̇ባ̈ሶ ባዝ ኦ̈ባ̈ሴ፤ ዎይ ባዝ ታ̈ብ ሙታ̇ ማቆ ጋ̈ባሴ፤ ኤሊ̇ባር ሼኒቲባ̈ሴ፤ ጉልማ ኤባ̈ሴ፤
ክርስቶ̈ሳ ጊሽ ኑ ዎይሊን ሜታ ኤኪ̇ኖንዲፌ̈ኒ ኢ ኢማዝ ሚ̈ንንዳሬ ዎይሊን ዲጚ̈ሬ።
ዪዚ ኣሲ ዎይ ፌ̈ና ማ̈ዲ̇ዝ ባዛብሙታ̇ ጊዳካ̇ይዶን ኣስ ሜላ̈ዳር ማ̈ዲ̇ዝ ባዝ ቆፖጋ̈ቤ።
ኢ̈ሳ ጋ̈ዳ ዎን ዎይ ታና̈ ኣሻር ሉኪ̇ኖን ኔ̈ ኤራ̈ሬ፤ ዪን ኣሳን ጋርታ̇ፖ ናምኣን ፊጋሎሳኬ ሄርሞጌ̈ኔ̈ሳኬ።
ኣሳን ፌ̈ናሙታ ካዛን፣ ሚ̈ሻ̇ቦ ጋንዲ̇ዛን፣ ፌ ባዝ ኬርፊዛን፣ ኦቲርቂ̇ዛን፣ ኣስ ቆ̈ዛን፣ ፌ̈ና ዬሊኖንቦ ኪ̈ቲንቲ̇ባ̈ሶን፣ ኣሲ ኢንታ̇ብ ኮሽ ኦ̈ኖምቦ ጾ̈ሲ ኢሞ̇ ጋ̈ባሶን፣ ጌ̈ሺቲ ባዮ̇ን፣
ዴ̈ማሲ ዓኒ̇ ኣላሚን ካሪ ታ̈ና ኣሻ̇ር ታሳሎንቃ ሉኪ̇ኔ፤ ቂርቄ̈ሲ ጋላ̈ታ ሉኪ̇ዴ፤ ቲ̈ታ̇ር ዳልማ̈ጣ ሉኪ̇ዴ።
ታ̈ና ሞ̈ቲኖ ባዚምቦ ታ̈ኒ ማልሳ ኢሚ̇ኖ ጋላሲ̇ን ዎይን ታ̈ና ኣሻ̇ር ሉኪ̇ንዶኬ ታ̈ና ማ̈ዳ̇ንዳብ ዬይኖ ኣሲ ኦ̈ናካር ባዬ። ጾ̈ሲ ዪኖ̇ ኢንታ̇ብ ኣቶ ጌዮ ጋ̈ቤ።
