20 ዪንታ̇ ባዝ ቡ̈ዳፖ ቆፒ̇ዛ ጢማ̈ቶሳዶኬ ሜላ ኣሲ ኦ̈ናካር ታ̈ብ ባዬ።
ዪ ዬ̈ጚዝ ናሳ̈ዲ ፌ ቆሚ̇ን ዎጻ̇ዚንዳ̇፥ ኢ ሚ̈ሻ̇ብ ኦ̈ዝ ኣስ ማ̈ቂ̇ኖኮታ̇ብኬ ዶራንቦ ቆፒ̇ባሶኮታ̇ቦ።
ኢ ዪኖ̇ ጌይኖንዳ ዎርባያንቦ ሚጪንታ̇ር ጊዳካይዶ̈ን ሶላ ማ̈ቂ̇ኖኮታ̇ቦ፤ ሚ̈ሺ̇ ቃርጺሪ̈ቲንዳ̇ር ኤ̈̇ዛ ኢያ ማ̈ቂ̇ኖ ጊሻ̇ቦ ኢናፓ̇ር ሚ̈ሺ̇ ኤኪ̇ ሎሲኔ።
ጋርዣኬ ሚ̈ንቲ ኢሚ̇ዝ ጾ̈ሳ̇̇̈ዲ፥ ዬሱ̈ስ ክርስቶሲ ዎታዚንዲፌ̈ኒ ዪንታ̇̇ር ዎልዎልኣ ካ̈ር ዶ̈ኢዝ ቡ̈ዳ ዪንታ̇̇ብ ኢሞ̇ጋ̈ቤ።
ጢማ̈ቶ̈ሲ ዪንታ̇̇ክ ዬዬጌዪን ኢ̈ች ቤይ ዪንታ̇̇ባር ዶኣምፔ̈ን ኢያ ማ̈ዲ̇ብቴ፤ ኢያሬ ታናፌ̈ን ጎዳ ኦ̈ሲን ኦ̈ሬ።
ዪዚ ፔቲ̇ ቆ̈ፊባራ፣ ፔቲ̇ ቡ̈ዳባርኬ ካንባራ ዎልፔታ̇ን ማ̈ቃ̇ሪ ቴ ኡፋይሲ̇ን ፎቲ ማ̈ቃ̇ምፔ̈ን ዎቲብቴ።
ጢማ̈ቶ̈ሲ ቴባራ ናእኬ ባ̈ባክፌ̈ኒ ማ̈ቃ̇ሪ ዎጛላ ኦ̈ሲን ኦ̈ኖንባራ ኢ ኣማ̇ኒንቲ̇ኖ ኣስ ማ̈ቃ̇ር ፌ̈ና ቤይሲኖን ዪንቲ̇ ዎይ ኤሪ̇̈ሬ።
ዮስጦ̈ሳ ጌዪ ጼይጊንቲ̇ዛ ዬሱ̈ሲ ዪንታ̇ ሳሮ ጌይኔ፤ ጾ̈ሳ̇ ካ̈ቲቲ ኦ̈ሲን ታባር ኦ̈ዛን ጋርታ̇ፖ ኣይሁዳ ዜር ማ̈ቂ̇̈ኖን ዪን ሙታ̇፤ ኢንታ̇ር ጴች ታ̈ና ሚ̈ንኔ።
ኔ ዪና̇ ኪ̈ቲንዶ ኣማ̇ኒዝ ኣሳንቦ ኤርሴጌይንዶ ጾ̈ሳ̇ ቃ̈ላባርኬ ኔ ኤ̈ኖ ኮሽ ቲሚርቲ̇ንባራ ዲጪ̇ኖ ኣስ ማ̈ቃ̇ራ ዬሱ̈ስ ክርስቶ̈ሳብ ኮሽ ኦ̈ዝ ኣስ ማ̈ቃ̇̈ሬ።
ኔ ጋርታ ዎን ኪን ኣማ̇ኒን ታ̈ክ ኤልቅ ጋ̈ሬ፤ ዪኒ̇ፌ̈ኖ ኣማ̇ኒንዳ ቲ̈ን ኔ ኣ̈ኪ̇ን ሎ̈ይዲኬ ኔ ኢንዲን ኣዉ̈ንቃኮ ዎ፤ ማ ዪና̇ ኔ ጋርታር ዎን ቴ ኤራ̈ሬ።
ኔ̈ኒ ዎቲናካሬ ቴ ቲሚርቲ̇ንዶ፣ ቴ ዶኢንዶ፣ ቴ ቆፊንዶ፣ ቴ ኣማ̇ኒንዶ፣ ቴ ዳንዳኢንዶ፣ ቴ ካንንዶ፣ ታ ጋርዢኖ ጋርዢንዶ ኔ ኤሪኔ።
