ፊል 2:17 - ኦራ ጫ̈ቃ ማጻ̈ፋ

¹⁷ ዪንቲ ኣማ̇ኒኖኮታ̇ቦ ጾ̈ሳ̇̇̈ቦ ሺሻ̈ዝ ዣ̈ርሺን ጋልዳኬ ዪንቲ̇ ኢ̈ብ ኦ̈ዝ ኦ̈ሲን ጋ̈ልዳ ቴ ሼምፒ̇ንዳሬ ጉ̈ጂንታር ዣ̈ርሻ ማ̈ቃ̇ርካሬ ቴ ዪንቲ ዎይንባራ ዎልኣ ኡፋይታ̇̈ሬ።

ፊል 2:17 Iomraidhean Croise

ሃዋ̈ራታን ኦ̈ሳ 20:24

ጾ̈ሳ̇̇ ኮሺቲ ዎጛሊን ታማ̈ርሳንዳ̇ቦ ታ̈ኒ ጎዳ ዬሱ̈ሳ ጋልዳፖ ኤኪ̇ኖ ኪ̈ቲን ኦ̈ር ፎቴጌይንዶ ቴ ዓይቄ̇ጌይናር ታ̈ና ሚቻ̇ባሴ፤ ቴ ሼምፒ̇ንባር ቴ ቆይታ̇ባሴ።

ሃዋ̈ራታን ኦ̈ሳ 21:13

ዎቲናካሬ ጳውሎ̈ሲ ኢንታ̇ኮ “ዪንቲ ዓ̈ፌ̈ን ዬ̈ኪ̇ሙታ̇ ታ̈ና ኣባብ ኣዛን̈ራ? ታ̈ኒ ጎዳ ዬሱ̈ሳ ጊሻ̇ቦ ዬሩሳ̈ላም ጋዳ̇ ቃቺንቲ̇ዛ ሙታ̇ ጊዳካ̇ይዶን ዓይቃ̇ንዳብ ጊ̈ጊንቲ̇ኔ” ጋ̈ሪ ማሂዴ።

ሮሜ 12:1

ዪዚ ቴ ኢሺንታን! ዪንታ̇ ኣሲቲ̈ንዶ ጾ̈ሳ̇̇ ኡፋይሲዝ ጌ̈ሽ ማ̈ቂ̇ኖ ሼምፓባሮ ዣርሻ ማ̈ሃሪ ጾ̈ሳ̇̈̇ቦ ሺ̈ሻ̇ምፔ̈ኒ ጾ̈ሳ̇ ኣሽኪቲምባራ ቴ ዪንታ̇ ጌሻ̈ሬ። ዪንቲ̇ ጾ̈ሳ̇̇̈ቦ ጎሽታ̇ንዳብ ኮሺ̇ዝ ኪን ጎይን ዓና̇ ኢዞ።

ሮሜ 15:16

ዪና̇ ጾ̈ሲ̇ ታ̈ቦ ኢሚ̇ኖ ኢዲ̇ሊንዳ ታ̈ኒ ጾ̈ሳ̇̇ ዎጛላ ኣይሁድ ባዮ̇ ኣሳንቦ ሳባካ̇ሙታ̇ ቄ̈ሳፌ̈ን ማ̈ቃ̇ራ ዬሱ̈ስ ክርስቶ̈ሳብ ኦ̈ምፔ̈ኒዬ። ዪ̈ኮታ̇ቦ ኣይሁድ ባዮ̇ ኣሳን ጌ̈ሻ̇ ኣያ̇ናባራ ጌ̈ዥጋር ጾ̈ሳ̇̇ ኡፋይሲ̇ዝ ዣ̈ርሻፌ̈ን ማ̈ቃ̇ር ጾ̈ሳ̇̇̈ኮ ሺ̈ቃምፔ̈ኒ ታ̈ኒ ኦ̈ሬ።

2 ቆሮ 12:15

ቴ ዪንታ̇ ጊሻ̇ብ ቴ ሚ̈ሺ̇ን ኣቲ̇ን ታ ታ̈ና ኣ̈ ኢማ̇̈ርካር ዎይሊን ታ̈ና ኡፋይሳ̈̇ሬ፤ ዪዚ ታ̈ኒ ዪ̈ዲፌ̈ን ዎይ ዪንታ̇ ካዚምባ̇ራ ዪንቲ̇ ታ̈ና ካዚንዳ ዪኒ̇ፌ̈ን ጊላ̇?

2 ቆሮ 4:12

ዪዚ ኑ̈ኒ ዓይቃቦ ኣ̈ ኢሚ̇ንቲን ዪንቲ̇ ሼምፓባር ዶኢ̈ሬ።

2 ቆሮ 6:10

ኑ̈ና ኣዛን̈ርካሬ ዎይ ጋላስ ኑ̈ኒ ኡፋይቲ̇̈ሬ። ኑ̈ኒ ዎርባያካሬ ዎይሊንን ዱር ማሂ̈ሬ፤ ኑ̈ብ ኣባካር ባዪካሬ ዎይ ባዚ ኑ̈ብ ዎ።

2 ቆሮ 7:4

ቴ ዪንታ̇̇ባር ኣማ̇ኒንታ̈ሬ፤ ዪንታ̇ባር ጴች ኦቲርቃ̈ሬ፤ ዪንታ̇̇ባር ሚ̈ጚንታ̈ሬ፤ ኑ̈ና ዬላ̇ዝ ሜቲ̇ን ዎይምባራ ዎይሊን ኡፋይታ̇̈ሬ።

ፊል 1:20

ታ̈ኒ ውርሳ ዬልቃባሴ ጌያ ታስፋ̈ ጋዳ̇ር ና̈ጋ̈ሬ፤ ዎቲናካሬ ክርስቶ̈ሲ ዓኒ̇ፖ ቲ̈ን ታ ኣሲቲን ጋልዳ ቦንቺንቲ̇ኖንዲፌ̈ኒ ዓታ̇ር ማ̈ቂ̇ን ቴ ሼምፓባር ዶኢናር ዓይቂ̇ናካር ኢ ታጋልዳ ቦንቺንቲ̈ሬ ጌያ ኢ̈ጫካይ ሶ̈ላ̈ሬ።

ፊል 2:18

ማ ዪንታ̇ሬ ዪና̇ ኢዝፌ̈ን ታባር ዎልኣ ኡፋይቲ̇̈ሬ።

ፊል 2:30

ዪንቲ ታ̈ኮ ኡካ̇ር ታ̈ቦ ኦ̈ንዳቦ ዳንዳኣካዮን ዎይ ኢ ታ̈ብ ኩም̈ሬ ጋ̈ሪ ክርስቶ̈ሳ ኦ̈ሳቦ ፌ ሼምፒ̇ምቦ ሚጪንታካ̇ይዶር ዓይቃቦ ዬሊ̇ንዶን ኣቲ̇ኔ።

ፊል 4:18

ዪንቲ̇ ታ̈ብ ኮሻ̇ዚንዲኬ ማ ኮሻ̇ዚምፓር ኣ̈ሪ ኣፍሮዲጣባር ታ̈ብ ሚሺኖን ታ ኤኪ̇ኔ፤ ዪና̇ ዪንቲ̇ ታ̈ብ ሚሺኖንዳ ኮሽ̇ ሳውቂ̇ዝ ጾ̈ሳ̇ ኡፋይታ̇ር ኤኪ̇ዝ ዣ̈ርሻ።

ቆላ̈ሳ̈ሳ 1:24

ታ̈ኒ ዓት ዪንታ̇ ጊሻ̇ቦ ኤካ̇ዝ ሜቲንዳ ታ̈ና ኡፋይሲ̇ኔ፤ ክርስቶ̈ሲ ፌ̈ብ ጋላ̇ ማ̈ቂ̇ኖ ዎ̈ሳ ኬ̈ንኮታ̇ቦ ሜ̈ታ ኤካ̇ምባራ ኣቲ̇ኖን ታ̈ኒ ሜታ ኤካ̇ሙታ̇ ኩምሬ።

1 ታሳ 2:8

ዪኒፖ ሺ ኑ ዪንታ̇ ዎይሊን ካዛኮታ̇ቦ ዪንታ̇ብ ጾ̈ሳ̇ ዎጛላ ሳባ̇ኪዛ ሙታ̇ ጊዳካ̇ይዶን ኑ ሼምፒ̇ንዳር ዪንታ̇ጊሽ̇ ኣ̈ር ኢማ̈ንዳቦ ጊ̈ጊንቲ̇ኖን።

2 ጢማ̈ 4:6

ታ̈ኒ ዣ̈ርሻ ማ̈ቃ̇ንዳብ ኡኪ̇ኔ፤ ዓኒ̇ ኣላሚን ኣሻ̇ራ ቴ ሉካ̇ዚ ኬሊ̇ን ዬሊ̇ኔ።

1 ጴጥ 2:5

ዪንቲ̇ ኢ̈ክ ኡካ̇ዚንዳ ሼምፓባሮ ሹቻንፌ̈ኒ ኣያ̇ና ኬ̈ ማ̈ቃ̇ር ኬ̈ጺንታ̇ንዳቦ፤ ዪኒ̇ባራ ዬሱ̈ስ ክርስቶ̈ሳ ጎይባራ ጾ̈ሳ̇ ኡፋይዝ ኣያና ዣርሻ ሺ̈ሻንዳቦ ዪንቲ̇ ጌ̈ሻ ቄ̈ሳ ማ̈ቂ̇̈ሬ።

1 ዋ̈ኒ̇ 3:16

ካን ኣብዝኮ ኑ̈ኒ ኤሪኖንዳ ዬሱ̈ስ ክርስ̇ቶ̈ሲ ፌ ሼምፒ̇ን ኑኮታ̇ቦ ኣ̈ ኢሚ̈ኖ̈ንኮታ̇ቦ፤ ኑ̈ናሬ ኑ ሼምፒን ኑ ኢሺንታ̇ንኮታ ኣ̈ ኢማ̇ንዳቦ ኮሺ̈̇ሬ።