ፊል 2:16 - ኦራ ጫ̈ቃ ማጻ̈ፋ

¹⁶ ዪ̈ዳር ማ̈ቂ̇ዛ̈ዲ ሼምፓ ኢማ̇ዝ ቃ̈ሊን ዪንቲ̇ ሚ̈ንር ኤ̈ጌይንዶ። ዪዚ ዪንቲ̇ ዪኖ̇ ዎቴጌይንዶ ቴ ዎንዳ ዎይ ታ ዳ̈ቡርሲንዳ ሜላ ኣታካ̇ዮኮታ̇ቦ ክርስቶ̈ሲ ዬይዝ ጋላስ ዪና̇ ታ̈ና ኦቲርሲ̇ዛ ማ̈ቃ̇̈ሬ።

ፊል 2:16 Iomraidhean Croise

ማ̈ቶ̈ሳ 10:27

ቴ ዪንታ̇ብ ም ጋርታ̇ ሶ̈ሊኖንዶ̇ ዪንቲ̇ ፎኢን ጋልዳ̇ ሶ̈ሊብቴ̇፤ ቴ ዪንታ̇ብ ሳ̈ሲጛር ሶ̈ሊኖንዶ̇ ዪንቲ̇ ሾካ̇ ቤስ̇ ጋል ኤቃ̇ሪ ጴች ሶ̈ሊብቴ̇።

ሉቃ̈ሳ 12:8

“ቴ ዪንታ̇ብ ሶ̈ላዚንዳ̇፥ ኣሳ ቲ̈ን ‘ቴ ዬሱ̈ሳዬ’ ጌዪ ማርኪቲዛ̈ቦ ዎይ ቴ ኣሳ ናኣ̈ዳር ማ ጾ̈ሳ̇̇ ኪ̈ታንቻ̇ን ቲ̈ን ‘ኢ ቴዬ̇’ ጋ̈ር ማርኪታ̈ሬ።

ዋ̈ኒ̇ሳ 6:63

ሼምፓ ኢሚ̇ዛ̈ዲ ጾ̈ሳ̇̇ ኣያ̇ና̈ዳ፤ ኣሳ ዎልቆ ኣባካር ማ̈ዲ̇ባ̈ሴ፤ ቴ ዪንታ̇ብ ሶ̈ሊኖ ቃ̈ሊንዳ̇ ኣያ̇ና፥ ማ ሼምፓ።

ዋ̈ኒ̇ሳ 6:68

ዪና̇ ኢዝባራ ሲሞ̈ን ጴ̈ጥሮ̈ሲ ኢ̈ኮ “ጎዳ̈ዶ! ኑ ኦ̈ክ ሉኪ̇̈ራ? ኔ̈ክ ሜናብ ሼምፓባር ዶኢ ኢሚ̇ዝ ቃ̈ላ ዎ።

ሃዋ̈ራታን ኦ̈ሳ 13:26

“ኣብራሃ̈ማ ዜር ጋርታፖ̇ ዬሊንቲ̇ኖ ቴ ኢሺንታንኬ ጾ̈ሳ̇ቦ ኢጪ̇ዝ ኣይሁድ ባዮ̇ ኣሳን! ዓና̇ ፋቲ ኪ̈ቲንዳ ኑ ዎይንቦ።

1 ቆሮ 1:8

ኑ ጎዳ̇ ዬሱ̈ስ ክርስቶ̈ሲ ማ̈ቂ̇ ዬ̈ዚምባራ ዪንቲ̇ ዬ̈ላ̇ቤዪ ማ̈ቃ̇ር ቤንታምፔ̈ኒ ኢ ዪንታ̇ ዉርስን ዬሊ̇ዝ ዲራስ ሚ̈ጛር ዶኣምፔ̈̇ን ዎቲ̈ሬ።

1 ቆሮ 9:26

ታ̈ኒ ዣ̈ሾትፌ̈ን ቴ ሉካ̇ዝ ቤሲ̇ን ኤራካ̇ይዶር ዎጻ̇ባሴ̇፤ ኣባክ ባዮ̇ ቤስ̇ ጋልዳ ሜላ̇ ኣይጊ ቡኪ̇ዝ ኣስፌ̈ኒ ሜላ̇ ዓሪ ኦሊንታ̇ባሴ።

ጋላ̈ታ 2:2

ቴ ዬሩሳ̈ላም ሉኪ̇ኖንዳ ጾ̈ሳ̇̇̈ዲ ቴ ኢና ሉካ̇ምፔ̈ኒ ሳጻባር ታ̈ና ቤይሲኖኮታ̇ቦ። ኣይሁድ ባዮ̇ ኣሳንብ ሳባ̇ካዝ ዎጛሊን ዎዛርፌንኮ ዎ̈ሳ ኬ̈ን ቲ̈ኒዝ ኣሳን ጋርታ̇ፖ̇ ኤሪንቲ̇ኖ ኣሳን ሺ̇̈ሻ̇ራ ኢንታ̇ብ ዱማ ሶ̈ላዴ። ዪና̇ሬ ዓኒ̇ፖ̇ ቲ̈ን ቴ ኦ̈ኖ ኦ̈ሳንር ማ̈ቂ̇ን ዓት ኦ̈ዝ ኦ̈ሳን ሜላ̇ ኣታካ̇ይፌ̈ኔ።

ጋላ̈ታ 4:11

ቴ ዪንታ̇ብ ዋ̈ዪኖ ዋ̈ያ ሜላ̇ ኣታ̇ንዳዶ̈ኔ ጋ̈ራ ታ̈ኒ ኢ̈ጫ̇̈ሬ።

ፊል 1:10

ዪ̈ዳሬ ዪንቲ ዎይፖ ኮሽ̇ ባዚን ዎኒ̇ኮ ኤራምፔ̈ኒ፤ ክርስቶ̈ሲ ዬ̈ይዝ ዲራስ ጌ̈ሽ̇ኬ ማዛ ኣባክ ዪንታ̇ ጋልዳ ባዮ̇ ኣስ ማ̈ቃ̇ር ዶኣኒፌ̈ኒዬ።

ፊል 1:6

ዪኖ̇ ኮሽ ኦ̈ሲን ኦ̈ምፔ̈ን ዪንታ̇ባር ማ̈ቃ̇ር ዣማ̇ሪኖ ጾ̈ሳ̇̇̈ዲ ዬሱ̈ስ ክርስቶ̈ሲ ማ̈ቃ̇ር ዬይዝ ቃሚ̇ን ዬሊ̇ዝ ዲራስ ፎታዚን ቴ ኣማ̇ና̈ሬ።

1 ታሳ 2:19

ዪዚ ኑ ታስፋን ዎይ ኑ ኡፋይሳ̇ን ዎይ ክርስቶ̈ሲ ዬይኖ ቃም ኢ ቲ̈ንን ጋርታ ኑ̈ ቦንቻን ኦ̈ኖ? ዪንቲ ጊዳካ̇ያ?

1 ታሳ 3:5

ዪኒ̇ኮታ̇ቦ ዓኒ̇ፖ ጌዳ ታ̈ኒ ጋርዣንዳብ ዳንዳኣካ̇ዮኮታ̇ቦ ዪንታ̇ ኣማ̇ኒን ዎዛርኮ ኤራንዳቦ ኮያራ ጢማ̈ቶ̈ሳ ዪንታ̇ክ ሚሻዴ፤ ቴ ዪኖ̇ ዎቲኖንዳ ኣስ ፋታ̇ኒዝ ኢ̈ታ ዪንታ̇ ፋታ̇ኒንዶኢዝዳ፥ ዪዚ ኑ ዋ̈ዪንዳር ሜላ̇ ዓሪ ኣቲ̇ኔ ጋ̈ራ ኢ̈ጫ̇ር ዎቲኔ።

ኢብ 4:12

ጾ̈ሳ̇ ቃ̈ላ̈ዲ ዎይ ጋላስ ዶኢዛ̈ዳ፤ ማ ኦ̈ዛ̈ዳ፤ ናምኢ ጎይን ዎይ ሌ̈ፊንቲ̇ኖ ማሽፌ̈ን ኣጪንቼ፤ ኣሳ ሼምፓኬ ኣሳ ኣያ̇ናኬ ማ ኣሳ ሻሽ̇ኬ ኣሳ ሜቃ ፋጊዝ ዲራስ ቃጺ̇̈ሬ፤ ኣሳ ቡ̈ዳ ጋርታ ዎ ኢናን̇ኬ ቆፋን ዎይ ቤቂ̇ ኤራር ፋራ̇ዲ̈ሬ።

1 ጴጥ 1:23

ዪንቲ ናምኢ ዬሊንቲ̇ኖንዳ ሜናብ ሼምፓባር ዶኢዝ ጾ̈ሳ̇ ቃ̈ላባር ዪባ̈ሶ ዜር ጋልዳፖዶኬ ዪዝ ዜር ጋልዳፖ ጊዳካ̇ዬ።

1 ዋ̈ኒ̇ 1:1

ዎይ ባዚ ኮቺንታ̇ናፖ ቲ̈ን ዎ፥ ኑ ኑ ኣ̈ፊንባር ቤቂ̇ኖን፥ ኑ ኩሺንባር ዎ̈ሺኖን ሼምፓ ቃ̈ሊን ጎይ ኑ ዪንታ̇ብ ሶ̈ሊ̈ሬ። ኑ̈ኒ ኢያ ቤቂ̇ኔ፤ ኑ ኩሺንባራር ኢያ ኤ̈ኔ።

ሳጻ 22:17

ጌ̈ሻ̈̇ ኣያ̇ና̈ዲኬ ኢሲ̇ንዲኬ “ዓይ ዬ̈ቤ!” ጌይሬ ሲስኪዛ̈ዳሬ “ዓይ ዬ̈ቤ!” ጌዮ፤ ባርሲንቲ̇ኖ̈ዳሬ ዬዮ፤ ኮዪኖ̈ዲ ሼምፓ ኢሚ̇ዝ ዋ̈ ኣባካር ጪጋካ̇ይዶር ሜላ̇ ዓሪ ኡሽካጋ̈ቤ።