14 ዪንቲ̇ ዎይ ባዝ ጉንዲማካ̇ይዶርኬ ዋጫካ̇ይዶር ኦ̈ብቴ።
ኢንቲ̇ ሚ̈ሺ̇ን ኤኪ̇ ማ̈ቂ̇ኖፖ̇ ዓኒ ና̈ሳ ዎይና ታ̈ኪልቲ̇ን ላ̈ ጋልዳ ጉንዲሚሙታ̇፤
ዓይዚ̇ ጼ̈ታ ዲና̈ራብፌ̈ኒ ዎጚ̈ንታ̇ሪ ሚ̈ሻ̇ ዎርባያንብ ኢሚንቲኖኮ ኣ ዎ?” ዪዝ ጋ̈ር ኣሲን ጎይሊዴ።
ዬሱ̈ሳኬ ኢ ታማ̈ራን ዓይዛ̇ን ኣቲ̇ኖንኮ ማ̈ቂ ዬ̈ምባራ፥ ዎይሊን ዎርዦ ኢንታ ቡጊድባር ሺ̈ቂኖንዲኬ ማ ሙ̈ሳ ሂጋ̇ ታማ̈ርሲዛንሬ ኢንታባር ፋላማዚምባ̇ር ቤቂ̇ዴ።
ፋራሳ̈ዋንኬ ሙ̈ሳ ሂጋ̇ ታማ̈ርሲዛን ኢንታ̇ኮ “ዪንቲ̇ ቃራጻ ቃጺሲዛንባርኬ ናጋራንቻ̇ንባራ ዎልኣ ኣባቦ ሙዪ ኡሽኪ̇ ዎቲራ?” ጌዪ ኢ ታማ̈ራን ጋልዳ̇ ጉንዲሚዴ።
ጳውሎ̈ሳኬ ባርናባ̈ሳኬ ባዝ ዪኒ̇ኮታ̇ቦ ኣሳን ዪንባር ዎይሊን ኢ̈ት ዋች ጋርታ ጌሊዴ፤ ዪ̈ኮታ̇ቦ ጳውሎ̈ሳኬ ባርናባ̈ሳ ኣንጾ̈ካ ዎ ፔቲ̇ ፔቲ̇ ኣማኒ̇ዝ ኣሳንባር ዎልኣ ማ̈ቃ̇ሪ ዬሩሳ̈ላም ሉካ̇ር ባዝ ዪኒ̇ኮንዶ ሃዋ̈ራታንባርኬ ዎ̈ሳ ኬ̈ ጪጛሻንባር ሶ̈ሊንታ̇ምፔ̈ኒ ኢንታ̇ ኪ̈ቲ̇ ሚሺዴ።
ዪ̈ኮታ̇ቦ ጳውሎ̈ሳኬ ባርናባ̈ሳክ ጊዳ̇ ዎይሊን ዋቺ̇ ዲንዲን ኢንቲ̇ ዎልዎልኣ ፋጊንቲ̇ዴ፤ ባርናባ̈ሲ ማ̈ርቆ̈ሳ ኤካ̇ር ማርካባ ጋርታ̇ ጌላሪ ቆጵሮስ ጋዳ̇ ሉኪ̇ዴ።
ኢንቲ̇ ዎልዎልኣ ዎይሊን ዋጪኖፖ̇ ዓኒ ጴ̈ጥሮ̈ሲ ዲንዳሪ ኢንታ̇ኮ “ቴ ዳባ̇ን! ኣይሁድ ማ̈ቃ̇ካ̇ዮ ኣሳን ቴ ጎይባራ ዎጛላ ሲስካ̇ሪ ጎዳ ኣማ̇ናምፔ̈ኒ ዓኒ̇ፖ̇ ቲ̈ን ዪንታ̇ ጊዳ̇ፖ ጾ̈ሲ̇ ታ̈ና ማራ̇ጺኖን ዪንቲ̇ ኤሪ̈ሬ።
ዪና̇ ኬሊ̇ን ጋርታ ኣማ̇ኒኖ ኣሲ ዎይሊሙታ̇ ዬይን ግሪክ ኖ̈ና ሶ̈ሊዝ ኣይሁዳን ኢብራዪስጣ ኖ̈ና ሶ̈ሊዝ ኣይሁዳን ጋልዳ ጉንዲሚዴ ኣባ ጌዪን ዎይ ጋላስ ፊሽ ቃ̈ጊዝ ጎይ ጋልዳ ኣስኒ ዓይቂ̇ኖ ግሪክ ኖ̈ና ሶ̈ሊዝ ማጫ̇ንስቦ ሜላንባር ዎልፌ̈ን ቃጋ̇ካ̇ይ ኣቲ̇ኖኮታ̇ቦ።
ዪንታ̇̇ብ ዳንዳኢንቴጌይንዶ ኣስ ዎ̈ይባር ሳሪቲባራ ዶኣንዳ̇ቦ ኮሺ̇ዝ ባዝ ዎይሲ ዎቲብቴ̇።
ኢ ኣማ̇ኒን ሊ̈ቅ ማ̈ቂ̇ኖ ና̈ሳ ዪንታ̇ ጋርታ̇ ኢያ ኤኪ̇ብትዶኬ ኢ “ዓና̇ ኮሼ፥ ዓና̇ ኢ̈ቴ” ጌዪ ቆፓ̇ዝ ቆፊን ጋልዳ ዋች ዲንፒ̇ቴ።
ቴ ኢሺንታ̇ን! ዪንቲ̇ ታማ̈ሪኖ ቲሚርቲ̇ን ኢጺ̇ሙታ̇ ዪንታ̇ ጊዳ̇ ፋጊቲ ኤሄዪሙታ̇ ዪንታ̇ ኣማ̇ኒን ጋልዳፖ ዪንታ̇ ቶጛንዳቦ ኮዪዝ ኣሳን ጋልዳፖ ዪንታ̇ ና̈ጊብቴ፤ ኢንታ ጋልዳፖ̇ ጎቲ̇ብቴ̇።
ኢንታ̇ ጋርታፖ̇ ፔታ̇ን ፔታ̇ናን ጾ̈ሳ̇̇ ጋልዳ ጉንዱሚን ዎምፔ̈ን ኪ̈ቲንቲ̇ኖ ኪ̈ታ̇ንቻ̇ ኢንታ̇ ዎ ይሲ̇ኖንዲፌ̈ኒ ዪንቲ̇ ጾ̈ሳ̇̇ ጋልዳ ጉንዱማፒ̇ቴ።
ቴ ዪንታ̇̇ክ ዬ̈ዚምባራ ዪንቲ̇ ቴ ኮያዚንዲፌ̈ን ማ̈ቃ̇ር ቤንታካ̇ይ ኣታ̇ንዳብ ዳንዳኢ̈ሬ ዎይ ታ̈ኒ ዪንቲ̇ ኮያዚንዲፌ̈ን ማ̈ቃ̇ር ቤንታካ̇ይ ኣታ̇ንዳብ ዳንዳኣ̈ሬ ጌያ ኢ̈ጫ̇̈ሬ። ዪንታ̇ ጊዳ ዋ፣ ቂና̈ታ፣ ጎይል፣ ፌ̈ና ሙታ̇ ካ፣ ኣሳ ሱም ይሲ፣ ጌስት፣ ኦቲራኬ ዋች ዶኣንዳብ ዳንዳኢ̈ሬ ጋ̈ር ኢ̈ጫ̇̈̃ሬ።
ዎቲናካር ዪንቲ ዎል ዎልኣ ዱኪንቲ̇ሙታ̇ኬ ቂንቲ̇ሙታ̇ ዶኤጌይንዶ ዪንቲ ዎል ዎልኣ ኤኪ̇ ያዚን ኤሪብቴ̇።
ፔታ̇ና ፔታ̇ና̈ዳ ኢ̈ታ ባዝ ኦ̈ምፔ̈ኒ ዲንሙታ̇፤ ዎል ዎልኣር ቃና̇ኢሙታ̇ ሜላ̇ ኦቲርቃ̇ንዳብ ኮሺ̇ባ̈ሴ።
ዪንቲ̇ ኦቲርቂባ̈ሶ ማ̈ቃ̇ሪ ሜላ̈ን ዪንታ̇ፖ ሺዛ ማሃር ፋይዲብቴዶኬ ዪንቲ ዪንታ̇ ካሪ ዎይ “ታ̈ፖ ኣ̈ዛ ኦ̈ኖ” ጋ̈̈̈ሪ ኣባክ ፔቲ̇ባዝ ዎታፒ̇ቴ።
ኢንቲ ኦ̈ዝ ኦ̈ሲንኮታ̇ቦ ዪንቲ̇ ኢንታ̇ ጴች ቦንቺብቴ ማ ካብቴ፤ ዪንታ̇ር ዎልዎልኣ ሳሪቲባር ዶኢብቴ̇።
ኦ̈ናካር ኣሲ ዪንታ̇ብ ኢ̈ት ኦ̈ኖቦ ኢ̈ት ኦ̈ር ማሃካ̇ዮ̈ዲፌ̈ኒ ና̈ጊንቲ̇ብቴ፤ ዪኒ̇ፖ ዪንቲ̇ ዎልዎልኣር ማ̈ቆ ማ ሜል ኣሳንባር ማ̈ቂ̇ን ኮሽ ባዝ ኦ̈ንዳቦ ሚ̈ጚብቴ።
ጌ̈ሺቲ ባይ ማ̈ቄጌይን ኦ̈ናካር ጎዳ ቤቃ̇ንዳብ ዳንዳኢባሶኮታ̇ቦ ኣስ ዎይባር ሳሪቲባር ዶኢብቴ፤ ጌ̈ሺቲባር ዶኣንዳቦ ሚ̈ጚብቴ።
ኣባ ጌይን ጎይሊ ጾ̈ሲ̇ ኮያዝ ኮሽ̇ ባዚን ኦ̈ሲባ̈ሴ።
ዪንታ ጋርታ̇ ኢ̈ት ቂና̈ታኬ ዎይ ባዝ ታ̈ብ ማ̈ቆ̇̈ ጌይዝ ባዝ ዎኮ̈፥ ዪኒ̇ፌ̈ኖ ቆፊን ኤ̈̇ር ኦቲርቃፒ̇ቴ፤ ኪንን ኪን ባዬ̇̈ ጋ̈ፒ̇ቴ።
ቴ ኢሺንታ̇ን! ዪንታ̇ ጋልዳ ፊርዲንታካ̇ዮ̈ዲፌ̈ኒ ዎል ዎልኣ ዋጫፒ̇ቴ። ፊርዲዝ ጾ̈ሳ̇̇̈ ኡክ̇ ዎ̈።
ኢ̈ት ባ̈ዝ ጋልዳፖ̇ ጎቶ̇፤ ኮሽ ባዝ ኦ̈ጋ̈ቤ፤ ሳሪቲ ኮዮ፤ ሳሪቲ ዎሂን ዬጋ̈ቤ፤
ጉንዱማካ̇ይዶሪ ዎልዎልኣ ዛቃ̇ፌ̈ኒ ሞኪ̇ብቴ።
ዪን ኣሳን ዎይ ጋላስ ጉንዲሚሙታ ዶኢዛንኬ ፔቲ̇ ባዛር ኢንታ ኡፋይሲባ̈ሶ ኣሴ፤ ኢንቲ̇ ፌ ኢ̈ታ ኢኒ̇ን ሙታ̇ ኩምንዳብ ዬዝ ኣሴ፤ ኢንቲ ሜላ̇ ፌ̈ና ቤርኢሲዝ ኣሴ፤ ፌ ኮዪኖን ዲጛንዳቦ ጋ̈ሪ ኣስ ቃልቂንቺ̈ሬ።
