ፊል 2:13 - ኦራ ጫ̈ቃ ማጻ̈ፋ

¹³ ኣባ ጌይን ዪንቲ̇ ኢ̈ብ ኪ̈ቲንታ̇ንፔ̈ኒ ኢ ጋ̈ዚን ኦ̈ ፎታምፔ̈ኒ ዪንታ̇ባር ማ̈ቃ̇ር ፌ ቆፊን ኦ̈ዛ̈ዲ ጾ̈ሳ̇̇̈ዳ።

ፊል 2:13 Iomraidhean Croise

ሉቃ̈ሳ 12:32

ዪንቲ̇ ጊላ̇ ዎርዣን! ኣፋ ዎ ዪንታ̇ ባ̈ባ̈ዲ ፌ ካ̈ቲቲ ዪንታ̇ብ ኢማ̇ንዳብ ኮዪኖኮታ̇ቦ ኢ̈ጫፒ̇ቴ።

ሉቃ̈ሳ 2:14

“ፉዳ ሾክ̇ ጌይኖ ቤስ̇ ጋልዳ̇ ጾ̈ሳ̇̇̈ቦ ቦንች ማ̈ቆ̇፤ ሳ̈ዝ ጋልዳ̇ሬ ጾ̈ሲ̇ ኢንታ̇ ካዝ ኣሳ ናኣንቦ ሳሪቲ ማ̈ቃ̇ጋ̈ቤ” ጌይዴ።

ዋ̈ኒ̇ሳ 3:27

ዋ̈ኒ̇ሲ ኢ̈ኮ “ኦ̈ናካር ማ̈ቂ̇ን ጾ̈ሲ̇ ኢ̈ብ ኢማ̇ካ̇ይ ኣቴ̇ጌይን ኣባካር ኢ̈ብ ዶኣንዳ̇ብ ዳንዳኢባ̈ሴ፥

ዋ̈ኒ̇ሳ 6:45

ናባን ማጻ̈ፋ ጋልዳ̇ ‘ኣሳን ዎይ ጾ̈ሳ̇̇ ጋልዳፖ̇ ታማ̈ሪ̈ሬ’ ጋ̈ሪ ጻ̈ፊንቲ̇ኔ፤ ቴ ባ̈ባ ጋልዳፖ̇ ሲስካ̇ር ታማ̈ሪኖን ዎይ ታ̈ክ ዬይሬ።

ዋ̈ኒ̇ሳ 6:65

ኢናፖ̇ ዬሱ̈ሲ “ቴ ዪንታ̇ኮ ‘ጾ̈ሳ̇̇ ባ̈ባ ዬዮ ጋ̈ካ̇ዮ ኣሲ ኦ̈ናካር ታ̈ክ ዬ̈ንዳብ ዳንዳኢባ̈ሴ’ ጌይኖን ዓኒ̇ኮታ̇ቦ” ጌይዴ።

ሃዋ̈ራታን ኦ̈ሳ 11:21

ጎዳ̈ዳሬ ኢንታ ማ̈ዲ̇ዴ፤ ዎይሊን ኣሳር ኣማ̇ናር ጎዳ̈ክ ማ̈ቂ̇ዴ።

ሮሜ 12:3

ማ ዪንቲ̇ ዎይን ጾ̈ሲ ዪንታ̇̇ቦ ኢሚ̇ኖ ኣማ̇ኒንዲፌ̈ን ዪንታ̇ ዪርክ ዎታሪ ቤቂ̇ብትዶኬ ዪንታ̇̇ቦ ኮሻ̇ዚምፖ ኣ̈̇ሪ ኦቲራ ቆፊ ቆፓካዮ̈ዲፌ̈ኒ ጾ̈ሲ̇ ታ̈ብ ኢሚ̇ኖ ኤሪቲንባራ ዪንታ̇̇ቦ ሶ̈ላ̈ሬ።

ሮሜ 9:11

ጾ̈ሲ ኣስ ማራ̇ጺዛዲ ኣሳ ኦ̈ሳባር ጊዳካ̇ይዶን ጾ̈ሳ̇ዲ ፌ ኮዪኖንዲፌ̈ኒ ጼይጋዚን ኣሳብ ኤሪንታ̇ምፔ̈ን ናኣን ሜንታ̇ን ዬሊንታ̇ካ̇ይዶ̈ንኬ ኢ̈ት ባዚ ዎይ ኮሽ ባዝ ኦ̈ናፖ̇ ቲ̈ን፥ ጾ̈ሳ̇ዲ ኢርቢቂኮ “ኢሻ̈ዲ ጌ̈ዳ̈ቦ ኪ̈ቲንቲ̈ሬ” ጌይዴ።

ሮሜ 9:16

ዪ̈ኮታ̇ቦ ጾ̈ሳ̇ ኣስ ማራ̇ጺዛዲ ኣሲ ኮዪኖዲፌ̈ንኬ ኣሳ ኦ̈ሳባር ጊዳካ̇ይዶን ጾ̈ሳ̇ ፌ ማ̈ሪቲባር ኣስ ማራ̇ጺ̈ሬ።

1 ቆሮ 12:6

ጾ̈ሲ ኑባር ማ̈ቃ̇ሪ ዱማ ዱማ ጎይባራ ኦ̈̈ሬ፤ ዎቲናካሬ ዎይን ዎይ ኣስባራ ኦ̈ዛ̈ዲ ፔቲ̇ ጾ̈ሳ̇ ኢያ።

1 ቆሮ 15:10

ዎቲናካሬ ታ̈ ዓት ዓና̇ ማ̈ቂ̇ኖንዳ ጾ̈ሳ̇ ኮሺ̇ቲባራ፤ ጾ̈ሲ̇ ታ̈ብ ቤይሲኖ ኢ ኮሺ̇ቲንዳሬ ኣ̈ፍ ቤይ ሜላ̇ ኣታካ̇ዬ፤ ታ̈ኒ ሜላንፖ̇ ሺ ኦ̈ሳባር ዳ̈ቡሪኔ፤ ዪኖ̇ ጾ̈ሳ̇ ፌ ኮሺ̇ቲባር ታባር ማ̈ቃ̇ር ኦ̈ንዶኬ ታ̈ና ጊዳካ̇ዬ።

2 ቆሮ 3:5

ኑ ኦ̈ሲን ፎታ̇ንዳብ ዳንዳኣምፔ̈ን ዎቲዛዲ ጾ̈ሳ̇̇̈ዳዶኬ ኑ ኑ̈ብ ኣባካር ኦ̈ንዳብ ዳንዳኢዛን ጊዳካ̇ዬ።

ኤፍ 1:11

ዎይ ባዝ ፌ ኮዪኖንዲፌ̈ን ኦ̈ዝ ጾ̈ሳ̇̇̈ዲ ኢ ቲ̈ኒታሪ ኑ̈ብ ቆፒ̇ኖንዲፌ̈ኒ ኑ̈ኒ ኢዬይ ማ̈ቃ̇ምፔ̈ኒ ክርስቶ̈ሳ ጎይባራ ኑ̈ና ማራ̇ጺዴ።

ኤፍ 1:5

ዬሱ̈ስ ክርስቶ̈ስ ጎይባር ኑ̈ኒ ኢ̈ብ ናኢ ማ̈ቃ̇ምፔ̈ን ጾ̈ሳ̇ ፌ ዶሲኖንዲ̇ፌ̈ን ቲ̈ኒታር ዎሳ̇ኒኔ።

ኤፍ 1:9

ኢ ክርስቶ̈ሳ ጎይባራ ኦ̈ንዳብ ቆፒ̇ኖን ጌ̈ሚታር ዎ ፌ ቆፊን ፌ ኮሺ̇ቲንባራ ኑ ኤራኒፌ̈ን ዎቲዴ።

ኤፍ 2:8

ኣባ ጌይን ዪንቲ̇ ኣማ̇ና ጎይባራ ኢ ካንባር ፋጺኔ፤ ዪ̈ዳሬ ጾ̈ሳ̇ ኢሚ̇ኖ ኢሚ̇ቲዶኬ ዪንታ̇ ኦ̈ሳባር ቤንቲ̇ኖ ባዝ ጊዳካዬ።

2 ታሳ 1:11

ኑ ዪኖ̇ ቆፒ̇ሙታ̇ ዎይ ጋላስ ዪንታ̇ ጊሻ̇ብ ጾ̈ሳ̇ ዎሳ̇ዚንዳ፥ ጾ̈ሳ̇ ዪንታ̇ ጼይጊኖ ጼይሲ̇ምቦ ኢ ዪንታ̇ ማ̈ቂ̇ዝ ኣስ ማሃንፔ̈ንኬ ዪንቲ̇ ኮሽ̇ ባዝ ኦ̈ንዳብ ዶሳዚንዲኬ ዪንታ ኣማ̇ኒኖኮታ̇ቦ ኦ̈ዝ ኦ̈ሲን ዎይ ኢ ፌ ዎልቂንባር ዪንታ̇ ፎቲሳምፔ̈ኒዬ።

2 ጢማ̈ 1:9

ኑ ኦ̈ኖ ኮሻ̇ ኦ̈ሲንኮታ̇ቦ ጊዳካ̇ይዶን ኢ ፌ ጌይኖንዲፌ̈ንኬ ፌ ካንንባር ኑ̈ና ፋዴ፤ ኑ ጌ̈ሽ ኣስ ማ̈ቃ̇ምፔ̈ኒ ኑ̈ና ጼይጊዴ፤ ዪና̇ ኮሺቲንዶ ሚን ሳ̈ዝ ሲሳፖ ዬሱ̈ስ ክርስቶ̈ሳ ጎይባራ ኑ̈ብ ኢሚ̇ኔ።

ኢብ 13:21

ዪንቲ ኢ ጌይኖን ኦ̈ዝ ኣስ ማ̈ቃ̇ምፔኒ ኮሽ ባዝ ዎይባራ ዪንታ̇ ሚ̈ንር ኤሶ̇ጋ̈ቤ፤ ዬሱ̈ስ ክርስቶ̈ሳ ጎይባራ ፌ̈ና ኡፋይሲዝ ባዝ ኑባር ማ̈ቃ̇ር ኦ̈ጋ̈ቤ፤ ዬሱ̈ስ ክርስቶ̈ሳቦ ሜናፖ ሜናቦ ቦንች ማ̈ቆ̇፤ ኣሚንኤ።

1 ጴጥ 1:3

ዬሱ̈ስ ክርስቶ̈ሲ ዓይቃ ጋርታ̇ፖ ዲንዲ̇ኖ ጎይባራ ዪባ̈ሶ ታስፋ ኑ̈ብ ኢሚ̇ኖ፥ ጴች ማ̈ቂ̇ኖ ፌ ማ̈ሪቲንባራ ኑ̈ና ኦራ ዬላር ፌ ናእ ማ̈ሲኖ፥ ኑ ጎዳ ዬሱ̈ስ ክርስቶ̈ሳብ ባ̈ባ ማ̈ቂ̇ኖ ጾ̈ሳ̇̇̈ቦ ጋላቲ ዬሎ̇።