ፊል 2:11 - ኦራ ጫ̈ቃ ማጻ̈ፋ

¹¹ ማ ኣሲ ዎይ “ዬሱ̈ሲ ጎዴ” ጌዪ ማርኪቲሙታ፥ ጾ̈ሳ̇̇̈ ባ̈ባ̈ቦ ቦንች ኢማ̇ምፔ̈ኒዬ።

ፊል 2:11 Iomraidhean Croise

ማ̈ቶ̈ሳ 10:32

ኣሳ ቲን “ቴ ዬሱ̈ሳዬ” ጋ̈ሪ ማርኪ̇ቲዛ̈ቦ ታ̈ናሬ ኣፋ ዎ ቴ ባ̈ባ̈ ቲ̈ን “ኢ ቴዬ̇” ጋ̈ራ ማርኪታ̈ሬ።

ሉቃ̈ሳ 2:11

ዓታ̇̈ቦ ዳ̈ዊ̈ታ ካታሚን ጋርታ̇ ኣስ ፋዝ ጋ̈ላ̇ ዪንታ̇ብ ዬሊንቲ̇ኔ፤ ኢያሬ ጎዳ ክርስቶ̈ሳ።

ዋ̈ኒ̇ሳ 12:42

ዪ ማ̈ቂ̇ናካሬ ሜላ ኣቲ̇ን ኣይሁድ ኣላቃን ጋርታፓ̇ር ኣታካይዶር ዎይሊንን ኢያ ኣማ̇ኒንዶኒ ፋራሳ̈ዋ̈ን ኢንታ̇ ኣይሁዳን ዎ̈ሳ ኬ̈ ጋርታ̇ፖ̇ ዳኪ̇ ኬሳካ̇ይፌ̈ኒ ኢ̈ጫር ፌ ኣማ̇ኒን ኤሪሳካ̇ዬ።

ዋ̈ኒ̇ሳ 13:13

“ዪንቲ̇ ታ̈ና ‘ኣስታማ̈ሪኬ ጎዴ’ ጌይሬ፤ ቴ ኣ̈ስታማ̈ሪክ ጎድኬ ማ̈ቂ̇ኖን ዪኖ̇ ዪንቲ̇ ጌይኖንዳ̇ ኪን።

ዋ̈ኒ̇ሳ 13:14

ዪዚ ቴ ዪንታ̇̇ቦ ጎድኬ ኣስታማ̈ሪ ማ̈ቃ̇ራ ዪንታ̇ብ ቶህ ሜ̈ጫ̇ዲኮ ዪንታ̇ሬ ዎል ዎልኣ ዪንታ̇ ቶህ ሜጫ̇ንዳብ ኮሺ̈ሬ።

ዋ̈ኒ̇ሳ 14:13

ባ̈ባ̈ዲ ፌ ናኣ ጎይባራ ቦንቺ̇ንታምፔ̈ኒ ዪንቲ̇ ቴ ሱ̈ምባር ጌሺዝ ባዝ ዎይ ቴ ዪንታ̇ብ ኦንዳ።

ዋ̈ኒ̇ሳ 14:23

ዬሱ̈ሳር ኢ̈ኮ “ታ̈ና ካዝ ኣሲ ቴ ቃ̈ሊምቦ̇ ኪ̈ቲንቲ̇ሬ፤ ቴ ባ̈ባ̈ዳር ኢያ ካሬ፤ ኑ ኢ̈ክ ዬ̈ሪ ኢባር ዎልኣ ዶኢ̈ሬ።

ዋ̈ኒ̇ሳ 17:1

ዬሱ̈ሲ ዪኖ̇ ሶ̈ሊኖፖ̇ ዓኒ ፉዳ ኣፋ ሾክ ጋ̈ር ቤቃ̇ሪ “ታ ባ̈ባ̈ዶ! ኬሊ̇ን ዬሊ̇ኔ፤ ቴ ኔ ናኣ ኔ̈ና ቦንቻ̇ምፔ̈ኒ ኔ ታ̈ና ኔ ናኣ ቦንቻ̇ቤ።

ዋ̈ኒ̇ሳ 20:28

ቶ̈ማ̈ሳሬ ኢ̈ኮ “ቴ ጎዳ̈ዶ! ቴ ጾ̈ሳ̇̇̈ዶ!” ጌይዴ።

ዋ̈ኒ̇ሳ 5:23

ኢ ዪኖ̇ ዎቲኖንዳ̇ ኣሲ ዎይ ባ̈ባ ቦንቻ̇ዚንዲፌ̈ኒ ናኣ̈ዳር ቦንቻ̇ምፔ̇̈ኒዬ። ናኣ ቦንቺ̇ባ̈ሶ ኣሲ ኢያ ኪ̈ቲ̇ ሚሺኖ ባ̈ባ ቦንቺ̇ባ̈ሴ።

ዋ̈ኒ̇ሳ 9:22

ባ̈ባ̈ዲኬ ኢንዲንዲኬ ዪኖ̇ ጌዪኖንዳ፥ ኣይሁድ ኣላቃንቦ ኢ̈ጪ̇ኖኮታ̇ቦ። “ዬሱ̈ሲ ኢ ክርስቶ̈ሳ” ጌዪ ማርኪ̇ቲኖ ኣሲ ቤንቴጌይን ኣይሁዳን ዎ̈ሳ ኬ̈ ጋርታ̇ፖ̇ ዳኪንታ̇ምፔ̇̈ን ጋ̈ሪ ዎልዎልኣ ሶ̈ሊንቲ̇ ቃቺ̇ኔ።

ሃዋ̈ራታን ኦ̈ሳ 10:36

ጾ̈ሳ̇̇̈ዲ ዎይ̈ቦ ጎድ ማ̈ቂ̇ኖ ዬሱ̈ስ ክርስቶ̈ስባራ ኢስሬ̈ል ዎርዣ̈ቦ ሚሺኖ ሳሪቲ ኢማ̇ዝ ኮሻ̇ ሶ̈ሊን ዪንቲ̇ ኤሪ̈ሬ።

ሃዋ̈ራታን ኦ̈ሳ 2:36

“ዪዚ ዪ ዪንቲ̇ ሶቲ̇ኖ ዬሱ̈ሲ፥ ጾ̈ሲ̇ ኢያ ጎድኬ ክርስቶ̈ሳ ማሂኖን ኢስሬ̈ላ ዎርዣ ዎይ ኤሮጋ̈ቤ” ጌዪ ሶ̈ሊዴ።

ሮሜ 14:11

“ ‘ታ̈ኒ ሼምፓባሮ̈ዳ፤ ኣሲ ዎይሲ ቴ ቲ̈ን ቡቂንቲ̇̈ሬ፤ ቴ ጾ̈ስ ማ̈ቂ̇ኖን ፌ ኖ̈ናባር ማርኪቲ̈ሬ’ ጌይሬ ጾ̈ሲ̇” ጋ̈ር ጻ̈ፊንቲ̇ኔ።

ሮሜ 14:9

ክርስቶ̈ሲ ዓይቃ̇ር ዓይቃ ጋርታ̇ፖ ዲንዲ̇ኖ̈ዲ ሼምፓባራ ዎ̈ንብኬ ዓይቂ̇ኖንቦ ዎይ ጎድ ማ̈ቃ̇ንዳቦ።

ሮሜ 15:9

ማ ኢ ዪኖ̇ ኦ̈ኖን ሜላ ኣኮታ̇ቦ ጌይን፥ ኣይሁድ ባዮ̇ ኣሳን ጾ̈ሳ̇̇ ማ̈ሪቲንኮታ ኢያ ጋላታምፔ̈ኒዬ፤ ዪ̈ዳሬ፦ “ዪ̈ኮታ̇ቦ ዎርዣ ጊዳ̈ ቴ ኔ̈ና ጋላታ̈ሬ፤ ኔ ሱምምቦ ማዝሙራባራ ጋላታ ሺሻንዳ” ጋ̈ሪ ጻ̈ፊንቲ̇ኖንዲፌ̈ኔ።

1 ቆሮ 12:3

ዪ̈ኮታ̇ቦ ጾ̈ሳ̇ ኣያ̇ና ኢያ ቲ̈ኒን ዬሱ̈ሳ ባዲ̇ዝ ኣሲ ኦ̈ናካር ባዬ። ማ ጌ̈ሻ ኣያ̇ና ኢያ ቲ̈ናካ̇ይ ኣቴ̇ጌይንዶ ኦ̈ናካር “ዬሱ̈ሲ ጎዴ!” ጌይዝ ኣሲ ባዮ̇ን ቴ ዪንታ̇̇ብ ሶ̈ላሬ።

1 ቆሮ 15:47

ቲ̈ኖ ና̈ሳ ኮቺ̇ንቲኖንዳ ሳ̈ዝ ጋልዳፖ̇ ማ̈ቂ̇ኖኮታ̇ቦ ኢ ሳ̈ዝ ጋልዶ ኣሴ። ዎሃ ዬይኖ ና̈ሳዲ ኣፋፖ̇ ዬይኔ።

1 ቆሮ 8:6

ኑ ጾ̈ሳ̇̇̈ዲ ዎይ ባዝ ኮ̈ቺ̇ኖ ኢያ ማ̈ቂ̇ኖንዲኬ ኑ̈ናር ኢዬይ ማ̈ቂ̇ኖ ፔታ̇ና ጾ̈ሳ̇̇፥ ባ̈ባ̈ ኢ ሙ̈ታ̇፤ ማ ዎይ ባዝ ኮ̈ቺ̇ኖ̈ዲኬ ኑ̈ናር ሼምፓባር ጋዲ̇ኖ ፔታ̇ና ጎዳ ዬሱ̈ስ ክርስቶ̈ሳ ሙ̈ታ̇።

1 ጴጥ 1:21

ዪንታ̇ ኣማ̇ኒንዲኬ ዪንታ̇ ታስፊን ጾ̈ሳ̇ ጋልዳ ማ̈ቃ̇ምፔ̈ን ዬሱ̈ሳ ጎይባራ ኢያ ዓይቃ ጋርታፖ̇ ዲንኖዲኬ ኢ̈ቦ ቦንች ኢሚ̇ኖ ጾ̈ሳ̇̇̈ባራ ዪንቲ̇ ኣማ̇ኒንቲ̇̈ሬ።

1 ዋ̈ኒ̇ 4:15

ዬሱ̈ሲ ጾ̈ሳ̇̇ ናኢ ማ̈ቂ̇ኖን ኣማ̇ኒዝ ኣሳ ጋርታ̇ ጾ̈ሲ ዶኢ̈ሬ፤ ና̈ሳ̈ዳሬ ጾ̈ሳ̇̇̈ባር ዶኢ̈ሬ።

1 ዋ̈ኒ̇ 4:2

ጾ̈ሳ̇ ጋልዳፖ ዬይኖ ኣያ̇ና ማ̈ቂ̇ኖን ዪንቲ̇ ኤራዚንዳ ዪኒ̇ባራ፦ ዬሱ̈ስ ክርስ̇ቶ̈ሲ ኣስ ማ̈ቃ̇ር ሳ̈ዝ ጋላዳ ዬይኖን ኣማ̈ኒዝ ኣያ̇ና ዎይ ጾ̈ሳ̇̇ ኣያ̇ና።

2 ዋ̈ኒ̇ 1:7

ዬሱ̈ስ ክርስቶ̈ስ ኣስ ማ̈ቃ̇ር ሳ̈ዚን ዓኒ̇ ጋልዳ ዬይኖንዶ ኣማ̇ኒባ̈ሶ ዎይሊን ኣስ ባሊዝ ኣሳን ዲንዲ̇ኔ። ዪ̈ዲፌ̈ኖ ና̈ሳ̈ዲ ኣስ ባሊዝ ኣስኬ ክርስቶ̈ሳ ኢጺ̇ዝ ኣሴ።

ሳጻ 3:5

ጋሚዝ ኣሲ ኢንታ̇ፌ̈ን ቦርስ ኣፊላ ማኢ̈ሬ፤ ታ̈ኒ ኢ ቴዪ ማ̈ቂ̇ኖን ታ ባ̈ባብኬ ኢ ኪ̈ታንቻን ቲ̈ን ኤርሳንዳ፤ ሜናብ ሼምፓባር ዶኢዝ ኣሳን ሱምን ጻ̈ፊንታ̇ዝ ማጻ̈ፊን ጋልዳፓሬ ኢ ሱምን ቁቻ̇ ይሳንዳባዬ̇።