ፊል 2:1 - ኦራ ጫ̈ቃ ማጻ̈ፋ

¹ ክርስቶ̈ስባራ ዪንታ̇̈ብ ዎ ፔቲ̇ቲን ዪንታ̇ ሚ̈ንሬ፤ ኢ ካንንዳ ዪንታ̇ ሚ̈ንሬ፤ ጌ̈ሻ̇ ኣያ̇ናባራ ዪንታ̇ብ ፔቲ̇ቲ ዎ፤ ማ ዪንቲ̇ ዎልዎልኣ ፔታ̇ና ፔታ̇ና̈ብ ሚጪንቲ̈̇ሬ።

ፊል 2:1 Iomraidhean Croise

ሉቃ̈ሳ 2:25

ዪና̇ ኢዝ ኬሊ̇ንባር ዬሩሳ̈ላም ጋርታ̇ ፌ̈ና ጾ̈ሳ̇̇̈ብ ኣ̈ ኢሚ̇ኖ ሲሞ̈ና ጌይዛ ፔቲ̇ ጌ̈ሻ̇ ኣሲ ዎዶ̈ሪ፥ ኢ ጾ̈ሲ̇ ኢስሬ̈ል ዎርዣ ሚ̈ንዝ ኬሊ̇ን ና̈ጊሙታ̇ ዎ ኣሴ፤ ጌ̈ሻ̇ ኣያ̇ና̈ዳሬ ኢ ጋልዳ ዎ።

ዋ̈ኒ̇ሳ 14:18

“ኢንዲክ ባ̈ቢክ ባዮ̇ ናኣንፌ̈ን ቴ ዪንታ̇ ባጚንዳባዬ̇፤ ቴ ዪንታ̇ክ ማ̈ቃ̇ር ዬ̈ንዳ̇።

ዋ̈ኒ̇ሳ 14:27

ታ̈ኒ ሳሪቲ ዪንታ̇ ቡ̈ዲን ጋርታ̇ ዶኣምፔ̈ን ዎታንዳ̇፤ ቴ ቴ ሳሪቲን ዪንታ̇ብ ኢማ̇ንዳ፤ ቴ ዪንታ̇ብ ኢማ̇ዝ ሳሪቲንዳ ኣላሚን ዪንታ̇ብ ኢማ̇ዚንዲፌ̈ን ጊዳካ̇ዬ። ዪንቲ ጫና̇ቂንታ̇ፒ̇ቴ፤ ማ ኢጫፒ̇ቴ።

ዋ̈ኒ̇ሳ 17:13

ዓት ቴ ኔ̈ክ ሉካ̈ሬ፥ ታ̈ኒ ኣላሚን ጋልዳ̇ ዎ̈ምባ̇ራ ዓኖ̇ ኢንታ̇ብ ሶ̈ላዚንዳ̇፥ ኢንታ̇ ቡ̈ዳ ጋርታ̇ ኡፋይሲ̇ ዎይላምፔ̈ኔ።

ሃዋ̈ራታን ኦ̈ሳ 2:46

ዎይ ጋላስ ጾ̈ሳ̇̇ ኬ̈ ጋርታ̇ ዎልኣ ፔታ̇ን ሺ̈ቂ̈ሬ፥ ማ ፌ ኣ̈ላሬ ፊ̈ሽ ሙይርዶር ኡፋይሳ̇ባርኬ ኮሽ ቡ̈ዳባራ ዎልኣ ሙይሬ፤

ሃዋ̈ራታን ኦ̈ሳ 4:32

ኣማ̇ኒኖን ዎይ ፔቲ̇ ቡ̈ዳኬ ፔቲ̇ ቆ̈ፊክ ኢንታብ ዎ፤ ኦ̈ናካር ኣሲ “ዓና̇ ቴዬ̇” ጌይዝ ባዚ ባዬ̈፤ ኢንታብ ዎ ባዚ ዎይ ዎ̈ልኣ ኮ።

ሮሜ 5:5

ጾ̈ሳ̇̇ ኑ̈ብ ኢሚ̇ኖ ጌ̈ሻ̇ ኣያ̇ና ጎይባራ ኢ ካን ኑ ቡ̈ዳ ጋርታ̇ ኩሚኖኮታ̇ቦ ኢ ኑ̈ብ ኢሚ̇ኖ ታስፋ̈ ኑ̈ና ሜላ̇ ኣሺ̇ባ̈ሴ።

ሮሜ 8:26

ዪና̇ ኢዝፌ̈ኒ ኑ̈ኒ ዎዛርፌ̈ን ዎ̈ሳ̇ንዳብ ኮሺ̇̈ርኮ ኤሪባ̈ሶኮታ̇ቦ ጌ̈ሻ̇ ኣያ̇ና̈ዲ ኑ ዳቡርሲ̇ን ጋርታ̇ ኑ̈ና ማዲ̇̈ሬ። ኣሳብ ዓኖ̇ ጋ̈ር ሶ̈ላንዳ̇ብ ዳንዳኢባ̈ሶ ጎይባራ ኑ̈ብ ጌሺ̈ሬ።

1 ቆሮ 12:13

ኑ̈ኒ ኣይሁድ ዜር ማ̈ቂ̇ን ኣይሁድ ባዮ̇ ኣስ ማቂ̇ን፤ ኣይላ ማ̈ቂ̇ን ዎይ ኣይላ ጊዳካ̇ዮ ኣስ ማ̈ቂ̇ን፤ ኑ̈ኒ ዎልኣ ፔታ̇ን ማ̈ቃ̇ንዳቦ ጌ̈ሻ̇ ኣያ̇ናባር ጻማ̇ቂን̇ቲኔ፤ ኑ ዎይን ዪ̈ ፔቲ̇ ኣያ̇ና ጋልዳፖ ኡሽኪ̇ኔ።

1 ቆሮ 15:31

ቴ ኢሺንታ̇ን! ታ̈ና ዎይ ጋላስ ዓይቃ ዬሊ̈̇ሬ፤ ኑ ጎዳ ዬሱ̈ስ ክርስቶ̈ሳ ጎይባራ ቴ ዪንታ̇̇ባር ኬርፋዝ ኬራፊንኮታ̇ቦ ቴ ዪኖ̇ ሶ̈ላንዳብ ዳንዳ̇ኢኔ።

1 ቆሮ 3:16

ዪንቲ̇ ጾ̈ሳ̇̇ ኬ̈ ማ̈ቂ̇ኖንዲኬ ጾ̈ሳ̇ ኣያ̇ና ዪንታ̇ ጋርታ ዶኣዚን ዪንቲ̇ ኤሪባ̈ሳ?

2 ቆሮ 13:14

ጎዳ ዬሱ̈ስ ክርስቶ̈ሳ ኮሺ̇ቲ፣ ጾ̈ሳ̇ ካን፣ ጌ̈ሻ̇ ኣያ̇ና ጋልዳፖ̇ ቤንቲ̇ዝ ፔቲ̇ቲ ዪንቲ̇ ዎይንባር ማ̈ቆ̇ጋ̈ቤ።

2 ቆሮ 2:14

ዎቲናካሬ ኑ̈ና ዎይ ጋላስ ክርስቶ̈ሳባር ጋሚዝ ኣስ ማሃር ቲ̈ኒዛ̈ብኬ ኮሽ ሳዉቂ̇ዝ ሺታ̇ፌ̈ን ክርስቶ̈ሳ ባዝ ኑ ኤራዚን ዎይ ዎይ ቤስ̇ ዬልምፔ̈ን ኑ̈ና ማ̈ዲ̇ዝ ጾ̈ሳ̇̇̈ቦ ጋላቲ ዬሎ̇።

ጋላ̈ታ 4:6

ኑ̈ኒ ጾ̈ሳ̇̇ ና̈ኣን ማ̈ቂ̇ኖኮታ̇ቦ ጾ̈ሳ̇̇̈ዳ “ኣባ̈ቦ̇” ጌዪሙታ̇ ኢያ ጼይጊዝ ፌ ናኣ ኣያ̇ና ኑ̈ብ ሚሺዴ።

ጋላ̈ታ 5:22

ጌ̈ሻ̇ ኣያ̇ና̈ዲ ኣሳ ሼምፓ ጋርታ̇ ቤይሲዝ ኣ̈ፋን ካ̈ን፣ ኡፋይስ̇፣ ሳሪቲ፣ ዳንዳኣ፣ ኮሺ̇ቲ፣ ኣማ̇ኒንቲ̇ዝ ኣስ ማ̈ቂ፣

ኤፍ 4:4

ዪንቲ̇ ጼይጊንቲ̇ኖንዳ ፔቲ̇ ታስፋቦ ማ̈ቂ̇ኖንዲፌ̈ኒ ፔቲ̇ ጋል̇ኬ ፔቲ̇ ኣያ̇ና ዎ።

ፊል 1:8

ዬሱ̈ስ ክርስቶ̈ሲ ኑ̈ና ካኖ ካንንባራ ቴ ዪንታ̇ ቤቃ̇ንዳብ ዎዛርፌ̈ን ሹ̈ኒታ̈ርኮ ጾ̈ሳ̇ ታ̈ቦ ማ̈ርካ።

ፊል 3:3

ኑ̈ኒ ኣያ̇ናባር ጾ̈ሳ̇ ጎሽቲ̇ዛንኬ ኣ̈ፍባር ቤንቲ̇ዝ ኣሳ ዎጋባር ጊዳካ̇ይዶን ዬሱ̈ስ ክርስቶ̈ሳባር ኬርፊዛን ማ̈ቂ̇ኖኮታ̇ቦ፤ ኑ̈ኒ ኪን ጋራ̇ዚንቲ̇ኖ ኣሴ።

ቆላ̈ሳ̈ሳ 2:2

ዪና̇ ቴ ዎታዚንዳ ኢንቲ̇ ኢንታ̇ ቡ̈ዲንባር ሚ̈ጛርኬ ካንባራ ዎል ፔታ̇ን ማ̈ቃ̇ሪ፤ ኩም ማ̈ቂ̇ኖ ኤራ ዱሪቲን ዲጛሪ፥ ጾ̈ሳ̇ ሚስጢ̇ራ ማ̈ቂ̇ኖ ክርስቶ̈ሳ ኤራምፔ̈ኒ ዋ̈ያ̈ሬ።

ቆላ̈ሳ̈ሳ 3:12

ዪዚ ዪንቲ̇ ጾ̈ሲ ዪንታ̇ ፌዪ ማሃንዳብ ቆሪኖንኬ ኢባር ካንቲ̇ኖ ጾ̈ሳ̇̇ ዎርዣ ማ̈ቂ̇ኖኮታ̇ቦ ኣሳብ ሚጪንቲ̇፣ ኣሽኪቲ፣ ዪንታ̇ ዪርክ ዪርክ ዎቲ፣ ኮሺ̇ቲኬ ዳንዳኣ ማኢኖ ኣስ ማ̈ቂ̇ብቴ።

ኢብ 6:18

ዪና̇ ኢዝፌ̈ኒ ጾ̈ሳ̇̈ዲ ላሚንቲ̇ባ̈ሶንኬ ኢ ማቃ̇ንዳብ ዳንዳኢባ̈ሶ ናምኢ ባዛን፤ ኢንታ̇ሬ ታስፋኬ ጫ̈ቃክ ኑ̈ብ ኢሚ̇ኔ፤ ዪን ላ̈ሚንቲ̇ባ̈ሶ ናምኢ ባዛን ጎይባራ ኑ ቲ̈ን ዎ ታስፊን ሚ̈ጛር ና̈ጋንዳብ ዳንዳኣምፔ̈ን ማ̈ዲ ዲጛንዳብ ጾ̈ሳ̇̈ክ ዎጺኖን ኑ̈ኒ ጴች ሚንቲ ዲጚ̈ሬ።

1 ዋ̈ኒ̇ 3:24

ጾ̈ሳ̇ ኪ̈ቲን ና̈ጊዛን ዎይ ጾ̈ሳ̇ባር ፔታ̇ን ማ̈ቃ̇ር ዶኢ̈ሬ፤ ጾ̈ሳ̇̇̈ዳሬ ኢንታ̇ባር ዶኢ̈ሬ። ኑ̈ናሬ ጾ̈ሳ̇ ኑ̈ባራ ዎን ኤራዚንዳ ኢ ኑ̈ቦ ኢሚ̇ኖ ኣያ̇ናባራ።

1 ዋ̈ኒ̇ 4:12

ጾ̈ሳ̇ ቤቂ̇ኖ ኣሲ ኦ̈ናካር ባዬ̇፤ ኑ̈ኒ ዎል ዎልኣ ካንቲ̇ዝባዝ ማ̈ቄ̇ጌይን ጾ̈ሳ̇ ኑባር ዶኢ̈ሬ፤ ኢ ካንንዳ̇ሬ ኑ ጋርታ̇ ፎቲ ማ̈ቃ̇̈ሬ።

1 ዋ̈ኒ̇ 4:16

ጾ̈ሲ ኑ̈ና ካዝ ካንንዶ ኑ̈ኒ ኤሪኔ ማ ኣማ̇ኒኔ። ጾ̈ሲ ካ̈ን ጾ̈ሴ፤ ካ̈ንባር ዶኢዝ ኣሲ ጾ̈ሳ̇̈̇ባር ዶኢ̈ሬ፤ ጾ̈ሳ̇̇ር ኢባር ዶኢ̈ሬ።