ፊል 1:27 - ኦራ ጫ̈ቃ ማጻ̈ፋ

²⁷ ዪዚ ዎይባዛ̈ፖ ሺ ዪንቲ ዶ̈ኣዝ ዶኢንዳ ዬሱ̈ስ ክርስቶ̈ሳ ዎጛሊን ቦንቺሺዛ ማ̈ቆ̇ጋ̈ቤ፤ ዪና̇ሬ ታ̈ኒ ዪንታ̇̈ኮ ሉካ̇ራር ማ̈ቆ ማ ጎት ዎዶራር ዪንቲ ፔቲ̇ ቡ̈ዳባር ሚ̈ጛር ኤቂ̇ኖንዲኬ ማ ዎል ፔታ̇ን ማ̈ቃ̇̈ሪ ዎጛላ ቃ̈ሊን ኪንንቦ ቡቲታዚን ቴ ሲስካ̈ሬ።

ፊል 1:27 Iomraidhean Croise

ማ̈ቶ̈ሳ 12:25

ዬሱ̈ሲ ኢንታ̇ ቆፊን ኤራሪ ኢንታ̇ኮ “ፔቲ̇ ጋዲን ጋርታ̇ ዎ ዎርዣን ዎልዎልኣ ኦሊንቴጌይንዶ̇ ኢንቲ̇ ዪ̈ሬ። ማ ፔቲ̇ ካታማ ጋርታ̇ ዎይ ፔቲ̇ ኣ̈ላ ጋርታ̇ ዎ ኣሲ ፋጊንቴጌይን ዎልኣ ሚ̈ጛር ዶኣንዳ̇ብ ዳንዳኢባ̈ሴ።

ሃዋ̈ራታን ኦ̈ሳ 2:46

ዎይ ጋላስ ጾ̈ሳ̇̇ ኬ̈ ጋርታ̇ ዎልኣ ፔታ̇ን ሺ̈ቂ̈ሬ፥ ማ ፌ ኣ̈ላሬ ፊ̈ሽ ሙይርዶር ኡፋይሳ̇ባርኬ ኮሽ ቡ̈ዳባራ ዎልኣ ሙይሬ፤

ሃዋ̈ራታን ኦ̈ሳ 24:24

ጊላ̇ ቃማ̇ፖ ዓኒ ፊልካ̈ሶ ዱሩሲላ ጋ̈ዚን ኣይሁዳ ጋዶ̇ ኢ ማጪ̇ምባር ዬይዴ፤ ጳውሎ̈ሳ ጼይጊሳሪ ዬሱ̈ስ ክርስቶ̈ሳ ኣማ̇ኒዝ ጎይ ሶ̈ላምባር ሲስኪ̇ዴ።

ሃዋ̈ራታን ኦ̈ሳ 4:32

ኣማ̇ኒኖን ዎይ ፔቲ̇ ቡ̈ዳኬ ፔቲ̇ ቆ̈ፊክ ኢንታብ ዎ፤ ኦ̈ናካር ኣሲ “ዓና̇ ቴዬ̇” ጌይዝ ባዚ ባዬ̈፤ ኢንታብ ዎ ባዚ ዎይ ዎ̈ልኣ ኮ።

ሮሜ 1:16

ታ̈ኒ ዎጛላ ቃ̈ላ ሶ̈ላንዳብ ዬ̈ልቃባሴ፤ ኣባ ጌይን ዎጛላ ቃ̈ላ̈ዲ ቲ̈ን ኣይሁዳንቦ ኢናፖ ኣይሁድ ባዮ̇ ኣሳንቦ፥ ኣማ̇ኒዝ ኣሳን ዎይ ፋንዳብ ዳንዳኢዝ ጾ̈ሳ̇̇ ዎልቃ።

ሮሜ 1:5

ዎርዣ ጋርታ̇ፖ ዎይ ኣሲ ዬሱ̈ሳ ኣማ̇ናንፔ̈ንኬ ኢ̈ብ ኪ̈ቲንታ̇ምፔ̈ኒ ዎታንዳቦ ኑ̈ኒ ሃዋ̈ራ ማ̈ቃ̇ምፔ̈ን ኢዲ̇ላ ኑ̈ብ ኢሚንቲ̇ኔ።

ሮሜ 1:9

ታ̈ኒ ዎ̈ሳ̈ርዶራ ዎይ ጋላስ ዪንታ̇ ቆፓ̇ዚንዶ፥ ታ̈ኒ ፎቲ ቡ̈ዳባር ኢ ናኣ ዎጛሊን ጎይ ታማ̈ርሳሙታ̇ ዬዝ ጾ̈ሳ̇̈̇ዲ ታ̈ቦ ማርካ̇።

ሮሜ 10:8

ዎቲናካሬ “ጾ̈ሳ̇ ቃ̈ላ ኔ ላ̈ፍ ዎ፤ ዪኒፓሬ ኣ̈ሪ ኔ ኖ̈ኒን ጋርታ̇ኬ ኔ ቡ̈ዲን ጋርታ̇ ዎ” ጋ̈ሪ ጻ̈ፊንቲ̇ኔ። ዪና̇ ቃ̈ሊንዳ ኑ ሳባ̇ካዝ ኣማ̇ና ቃ̈ሊንዶ።

ሮሜ 15:16

ዪና̇ ጾ̈ሲ̇ ታ̈ቦ ኢሚ̇ኖ ኢዲ̇ሊንዳ ታ̈ኒ ጾ̈ሳ̇̇ ዎጛላ ኣይሁድ ባዮ̇ ኣሳንቦ ሳባካ̇ሙታ̇ ቄ̈ሳፌ̈ን ማ̈ቃ̇ራ ዬሱ̈ስ ክርስቶ̈ሳብ ኦ̈ምፔ̈ኒዬ። ዪ̈ኮታ̇ቦ ኣይሁድ ባዮ̇ ኣሳን ጌ̈ሻ̇ ኣያ̇ናባራ ጌ̈ዥጋር ጾ̈ሳ̇̇ ኡፋይሲ̇ዝ ዣ̈ርሻፌ̈ን ማ̈ቃ̇ር ጾ̈ሳ̇̇̈ኮ ሺ̈ቃምፔ̈ኒ ታ̈ኒ ኦ̈ሬ።

ሮሜ 15:29

ታ̈ኒ ዪንታ̇ኮ ዬይዚ ቃሚን ክርስቶ̈ሳ ኣንጂንባር ኩማራ ዪንታ̇ኮ ዬዚን ቴ ኤራ̈ሬ።

1 ቆሮ 1:10

ቴ ኢሺንታ̇ን! “ፋጊቲ ዪንታ̇ ጊዳ̇ ዶኣፖ̇፤ ዪንቲ̇ ዎይን ዎልኣ ፔቲ̇ ቡ̈ዳባርኬ ፔቲ̇ ቆፊባር ሚጛር ዶኢብቴ” ጋ̈ራ ኑ ጎዳ̇ ዬሱ̈ስ ክርስቶ̈ሳ ሱምምባር ቴ ዪንታ̇ ጌሻ̈ሬ።

1 ቆሮ 15:58

ዪዚ ካንቲኖ ቴ ኢሺንታ̇ን! ሚ̈ጛር ኤቂ̇ብቴ፤ ጌዳክ ዓኒክ ጋ̈ፒ̇ቴ፤ ጎዳ ኦ̈ሳቦ ዪንቲ ዳቡራዚን ሜላ̇ ዓሪ ማ̈ቃካ̇ዮን ኤራሪ ዎይ ጋላስ ጎዳ ኦ̈ሲን ኦ̈ንዳብ ሚ̈ጚንቲ̇ብቴ።

2 ቆሮ 13:11

ዪዚ ቴ ኢሺንታ̇ን! ሳሮ ዶኢብቴ̇! ዪንታ̇ ኣማ̇ኒንባር ሚ̈ጚብቴ! ቴ ዞሪን ኤኪ̇ብቴ፤ ዎልዎልኣ ፔቲ̇ ቆፊ ዪንታ̇̇ብ ዶኦጋ̈ቤ፤ ሳሪቲባር ዶኢብቴ ካንኬ ሳሪቲ ጾ̈ሳ̇̇̈ዲ ዪንታ̇̇ባር ማ̈ቂ̇̈̃ሬ።

2 ቆሮ 4:4

ዓኒ̇ ኣላሚንቦ ላ̈ ማ̈ቂ̇ኖ ሴ̈ጣኖ ኣማ̇ኒባሶ ኣሳን ቆፊን ዎቢ̇ሳሪ ጾ̈ሳ̇ ሚሳ̇̈ሊ ማ̈ቃ̇ር ቤንቲ̇ኖ ክርስቶ̈ሳ ቦንቻ̇ ዎጛላ ፎኢን ኢንታ̇ብ ፎ̈ኣካይፌ̈ን ዎቲዴ።

2 ቆሮ 9:13

ዪና̇ ዪንቲ̇ ዶሳር ኣስ ማ̈ዳ̇ዝ ኦ̈ሲንዳ ዪንቲ̇ ክርስቶ̈ሳ ዎጛሊን ኤካ̇ሪ ኪ̈ቲንቲ̇ኖን ቤይሳ̈ሬ፤ ዪ̈ኮታ̇ቦ ኢንታ̇ብኬ ሜላንቦ ዎይ ዪንቲ̇ ዶሳር ኢሚ̇ኖን ቤቂ̇ሙታ̇ ዎይን ጾ̈ሳ̇ ጋላቲ̈ሬ።

ጋላ̈ታ 1:7

ዪና̇ ታ ጌይኖንዳ ክርስቶ̈ሳ ዎጛሊን ዎቢ̇ሳንዳብኬ ዪንታ̇̇ብ ጎይ ይሳ̇ንዳብ ኮዪዝ ፔቲ̇ ፔቲ̇ ኣሲ ዎን ኮታ̇ብዶኬ ዎጛሎ ሜላ ባዬ̈።

ኤፍ 1:13

ዪንቲ̇ ኪን ቃ̈ላ ማ̈ቂ̇ኖን ዪንታ̇ ፋዝ ዎጛሊን ሲስካ̇ሪ ክርስቶ̈ሳ ኣማ̇ኒዴ። ኢያሬ ዪንታ̇ብ ኢማ̇ንዳ ጌይኖ ጌ̈ሻ̇ ኣያ̇ና ጎይባራ ዪንቲ ኢዬይ ማ̈ቂ̇ኖን ኤርሲዝ ማይታማ ዪንታ̇ ጋልዳ ቡኪ̇ዴ።

ኤፍ 1:15

ዪ̈ኮታ̇ቦ ዪንቲ̇ ጎዳ ዬሱ̈ሳ ኣማ̇ናዚንዲኬ ዪንቲ̇ ጾ̈ሳ̇ ዎርዣ ዎይ ካዚን ቴ ሲስኪኖንፖ̇ ኤራ፥

ኤፍ 4:1

ዪዚ ጎዳ̈ብ ኦ̈ኖኮታ̇ቦ ቃሺ ኣ̈ል ጌሊኖ ታ ጳውሎ̈ሲ፥ ጾ̈ሲ ዪንታ̇ ጼይጊኖ ጼይሲ̇ንቦ ማ̈ቂ̇ዝ ኮሻ̇ ዶኢ ዶኣምፔ̈ን ቴ ዪንታ̇ ጌሻ̈ሬ።

ፊል 2:12

ቴ ላጋን! ዪንቲ ዎይ ጋላስ ኪ̈ቲንታዚንዲፌ̈ኒ፥ ቴ ዪንታ̇ባር ዎምባር ሙታ̇ ጊዳካ̇ይዶን ቴ ዓት ዪንታ̇ፖ ጎት ዎንባራር ማ̈ቂ̇ን ቲ̈ኖንፖ ሺ ጾ̈ሳ̇̇̈ብ ኢ̈ጪ̇ ጋንዲ̇ሙታ̇ ዪንታ̇ ፋቲን ፎቲ ማ̈ቃ̇ምፔ̈ን ዎቲብቴ።

ፊል 2:24

ዪኒፓሬ ቴ ቴ ቆሚ̇ን ዪንታ̇ክ ኤሊ̇ር ሉካ̇ምፔ̈ን ጎዳ ታ̈ና ማ̈ዳ̇ዚን ቴ ኣማ̇ና̈ሬ።

ፊል 3:18

ዓኒ̇ፖ ቲ̈ን ቴ ዪንታ̇ብ ማሃ ማሃር ሶ̈ሊኖንዲፌ̈ንኬ ዓታ̇ር ዬ̈ካሙታ ቴ ዪንታ̇ብ ሶ̈ላዚንዳ ዎይሊንን ፌ ዶኣዝ ዶኢንባራ ክርስቶ̈ሳብ ጻላ̈ታፌ̈ን ማ̈ቃ̇ር ዶኢ̈ሬ።

ፊል 3:20

ኑ̈ኒ ማ̈ቄጌ̈ንዶ ኑ ጋዲን ኣፋ፤ ኢናፖ ዬይዛ ኑ̈ና ፋዛ ጎዳ ዬሱ̈ስ ክርስቶ̈ሳ ኑ ሹ̈ናባር ና̈ጊ̈ሬ።

ፊል 4:1

ቴ ዪንታ̇ ካዛን፥ ታ̈ና ሹ̈ኒሺዛን፥ ቴ ኡፋይሳ̈ንኬ ቴ ኦ̈ሲምቦ ታ̈ብ ሺሊ̇ማ̈ታፌ̈ን ማ̈ቂ̇ኖ ቴ ኢሺንታ̈ን! ጎ̈ዳባራ ዪንታ̇ብ ዎ ፔቲ̇ቲንባራ ሚ̈ጛር ዶኢብቴ።

ቆላ̈ሳ̈ሳ 1:10

ኑ ዪኖ̇ ዎ̈ሳ̇ዚንዳ፥ ዪንቲ̇ ጾ̈ሳ̇ ኮያዚንዲፌ̈ኒ ዶኢሙታ ባዝ ዎይባራ ኢያ ኡፋ̈ይሳምፔ̈ኔ፤ ዪ̈ዳሬ ኮሽ ኦ̈ሳባራ ኣ̈ፍ ካጺ̇ሙታ̇ኬ ጾ̈ሳ̇ ሺ ኤሪሙታ ዲጫ̇ምፔ̈ኒ፣

ቆላ̈ሳ̈ሳ 1:4

ኑ̈ኒ ጋላታዚንዳ ዪንታ̇ብ ጎዳ ዬሱ̈ሳባር ዎ ዪንታ̇ ኣማ̇ኒንዴኬ ኣማ̇ኒኖ ኣሳንቦ ዎ ዪንታ̇ ካንን ኑ ሲስኪ̇ኖኮታ̇ቦ።

1 ታሳ 3:6

ዎቲናካር ዓት̇ ጢማ̈ቶ̈ሲ ዪንታ̇ካፖ ማ̈ቂ̇ ዬ̈ሪ ዪንታ̇ ኣማ̇ኒን ጎይኬ ዪንታ̇ ካን ጎይ ኑ̈ና ኡፋይሲ̇ዝ ባዝ ኑ̈ብ ሶ̈ሊኔ፤ ማ ዎይ ጋ̈ላስ ኑ̈ና ኮሽባር ቆፓ̇ዚንዲኬ ኑ ዪንታ̇ ቤቃ̇ንዳቦ ሹ̈ኒታዚንዲፌ̈ኒ ዪንታ̇ር ኑ̈ና ቤቃ̇ንዳብ ሹ̈ኒታዚንዶ ኢ ኑ̈ብ ሶ̈ሊኔ።

1 ታሳ 4:1

ዪዚ ቴ ኢሺታ̇ን! ጾ̈ሳ̇ ኡ̈ፋይሳ̇ር ዶኣዝ ጎይን ዪንቲ ኑ ጋልዳፖ ታማ̈ሪኔ፤ ዓታ̇ር ዪንቲ ዪና̇ ኢዝፌ̈ን ዶኢሙታ̇ ዎ፤ ኑ ዓት ጎዳ ዬሱ̈ስ ክርስቶ̈ሳ ሱምባራ ዪንታ̇ ጌሻዚንዲኬ ዪንታ̇ ዞራዚንዳ ዪንቲ̇ ዓኒ̇ፖ ቲ̈ን ኦ̈ዚምፖ ሺሻር ኦ̈ምፔ̈ኔ።

1 ጢማ̈ 1:11

ዪና̇ ኪን ቲሚርቲ̇ንዳ ኣንጂ̇ንቲ̇ኖ ጾ̈ሳ̇ ታ̈ቦ ዓዳራ ኢሚ̇ኖ ቦንች ዎጛሊንባር ዎልኣ ፔታ̇ኔ።

1 ጢማ̈ 1:19

ኣማ̇ናኬ ኮሽ̇ ቆ̈ፊ ኔ̈ብ ዶኣጋቤ። ፔቲ̇ ፔቲ̇ ኣሳን ፌ ቆፊን ኣሻ̇̈ሪ፥ ባሃ̈ራ ጋልዳ ዉርጊ ዲንዲን ጎጚን ዉርጊንባር ያዚንዲፌ̈ኒ ኢንታ̇ር ፌ ኣማ̇ኒን ይሲ̇ኔ።

2 ጢማ̈ 4:7

ታ̈ኒ ኮሻ̇ ኦሊን ኦሊኔ፤ ዎን ዎጻ̇ር ዉ̈ርሲኔ፤ ቴ ኣማኒ̇ንዶ ና̈ጊኔ።

ቲ̈ታ̇ 2:10

ኢንቲ̇ ፌ ላ̈ን ሚ̈ሽ ዉ̈ቃፖ̇ጋ̈ቤ፤ ዪዳሬ ኣባቦ ጌይን ኑ̈ና ፋዝ ጾ̈ሳ̇ ቲሚርቲ̇ን ዎይ ባዝባራ ቦንቺንታ̇ምፔ̈ን ኢንቲ ዎይ ጋላስ ኮሽ̇ ኦ̈ሳ ኦ̈ሙታ̇ ኢንቲ̇ ኣማ̇ኒንቲ̇ኖ ኣስ ማ̈ቂ̇ኖን ቤይሳጋ̈ቤ።

ዓይ 3:18

ኣሳ ጊዳ̇ ሳሪቲባር ዬ̇ዝ ኣሲ ጾ̈ሳ̇̇ ቲ̈ን ፌ̈ቦ ኮሽ̇ ማ̈ቂ̇ኖ ኦ̈ስ ሺ̈ሺ̈ሬ።

2 ጴጥ 3:11

ዪዚ ዪን ዎይ ዪ̈ፌ̈ን ዪ̈ርኮ ዪንቲ̇ ጌ̈ሺ̇ቲባርኬ ጾ̈ሳ̇̇̈ቦ ኢ̈ጪ̇ሙታ ዶኣንዳቦ ኮሺ̇ባ̈ሳ?

2 ጴጥ 3:14

ዪ̈ኮታ̇ቦ ታ ላጋ̇ን! ዪና̇ ዎይ ማ̈ቃ̇ዝ ቃሚ̇ን ዪንቲ̇ ናጋ ጋልዳ ዎኮ፥ ዪንቲ ኢ̈ታ ባዝኬ ማዛ ባዝ ዪንታ̇ ጋልዳ ባይዶን ኢባር ኮሽ ዎዶን ዪንታ̇ ዲጛምፔ̈ኒ ሚ̈ጛር ዶኢብቴ።

ዪሁ 1:3

ቴ ላጋ̇ን! ኑ ዎይን ዎልኣ ኤኪ̇ኖ ፋቲን ጎይ ቴ ዪንታ̇ቦ ጻ̈ፋንዳብ ኮዪንዶን፥ ዎቲናካር ዓት ናምኢንንዳብ ኮሺባ̈ሶ ጎይባራ ፔቲ̇ ቶህ ጾ̈ሲ ፌ ዎርዣ̈ብ ኢሚ̇ኖ ኣማ̇ኒንኮታ̇ ዪንቲ̇ ሚ̈ጛር ኦሊንታ̇ምፔ̈ኒ ዪንታ̇ ዞራንዳቦ ታ̈ብ ኮሺ̇ኔ።