ፊል 1:20 - ኦራ ጫ̈ቃ ማጻ̈ፋ

²⁰ ታ̈ኒ ውርሳ ዬልቃባሴ ጌያ ታስፋ̈ ጋዳ̇ር ና̈ጋ̈ሬ፤ ዎቲናካሬ ክርስቶ̈ሲ ዓኒ̇ፖ ቲ̈ን ታ ኣሲቲን ጋልዳ ቦንቺንቲ̇ኖንዲፌ̈ኒ ዓታ̇ር ማ̈ቂ̇ን ቴ ሼምፓባር ዶኢናር ዓይቂ̇ናካር ኢ ታጋልዳ ቦንቺንቲ̈ሬ ጌያ ኢ̈ጫካይ ሶ̈ላ̈ሬ።

ፊል 1:20 Iomraidhean Croise

ዋ̈ኒ̇ሳ 21:19

ዬሱ̈ሲ ዪኖ̇ ጌይኖንዳ̇ ጴ̈ጥሮ̈ሲ ዎዛርፌ̈ኖ ዓይቃ ዓይቃ̇ሪ ጾ̈ሳ̇̇ ቦንቺ̇ሲ̈ርኮ ኢያ ቤይሳንዳ̇ቦ። ኢናፖ̇ ኢ̈ኮ “ቴ ዎሂን ዬ̇ቤ” ጌይዴ።

ሃዋ̈ራታን ኦ̈ሳ 20:24

ጾ̈ሳ̇̇ ኮሺቲ ዎጛሊን ታማ̈ርሳንዳ̇ቦ ታ̈ኒ ጎዳ ዬሱ̈ሳ ጋልዳፖ ኤኪ̇ኖ ኪ̈ቲን ኦ̈ር ፎቴጌይንዶ ቴ ዓይቄ̇ጌይናር ታ̈ና ሚቻ̇ባሴ፤ ቴ ሼምፒ̇ንባር ቴ ቆይታ̇ባሴ።

ሃዋ̈ራታን ኦ̈ሳ 21:13

ዎቲናካሬ ጳውሎ̈ሲ ኢንታ̇ኮ “ዪንቲ ዓ̈ፌ̈ን ዬ̈ኪ̇ሙታ̇ ታ̈ና ኣባብ ኣዛን̈ራ? ታ̈ኒ ጎዳ ዬሱ̈ሳ ጊሻ̇ቦ ዬሩሳ̈ላም ጋዳ̇ ቃቺንቲ̇ዛ ሙታ̇ ጊዳካ̇ይዶን ዓይቃ̇ንዳብ ጊ̈ጊንቲ̇ኔ” ጋ̈ሪ ማሂዴ።

ሃዋ̈ራታን ኦ̈ሳ 4:31

ኢንቲ ዎ̈ሲኖፖ ዓኒ ኢንቲ ዎ ቤሲን ኤንኣዴ፤ ዎይን ጌ̈ሻ̇ ኣያ̇ናባር ኩሚዴ፤ ጾ̈ሳ̇ ቃ̈ላ ኢ̈ጫካ̇ይዶር ሶ̈ሊዴ።

ሮሜ 12:1

ዪዚ ቴ ኢሺንታን! ዪንታ̇ ኣሲቲ̈ንዶ ጾ̈ሳ̇̇ ኡፋይሲዝ ጌ̈ሽ ማ̈ቂ̇ኖ ሼምፓባሮ ዣርሻ ማ̈ሃሪ ጾ̈ሳ̇̈̇ቦ ሺ̈ሻ̇ምፔ̈ኒ ጾ̈ሳ̇ ኣሽኪቲምባራ ቴ ዪንታ̇ ጌሻ̈ሬ። ዪንቲ̇ ጾ̈ሳ̇̇̈ቦ ጎሽታ̇ንዳብ ኮሺ̇ዝ ኪን ጎይን ዓና̇ ኢዞ።

ሮሜ 5:5

ጾ̈ሳ̇̇ ኑ̈ብ ኢሚ̇ኖ ጌ̈ሻ̇ ኣያ̇ና ጎይባራ ኢ ካን ኑ ቡ̈ዳ ጋርታ̇ ኩሚኖኮታ̇ቦ ኢ ኑ̈ብ ኢሚ̇ኖ ታስፋ̈ ኑ̈ና ሜላ̇ ኣሺ̇ባ̈ሴ።

ሮሜ 6:13

ዪና̇ ኢዝፌ̈ኒ ዪንታ̇ ኣሲቲን ኢ̈ት ኦ̈ሳ ኦ̈ምፔ̈ን ማሃሪ ናጋራብ ኣ ኢማ̇ፒቴ። ዎቲናካሬ ዓይቃ ጋርታፖ̇ ዲንዳ̇ሪ ሼምፓባሮ ማ̈ቃ̇ሪ ጾ̈ሳ̇̈ቦ ዪንታ̇ ኢሚ̇ብቴ። ዪንታ̇ ኣሲቲን ዎይን ኮሽ̇ ኦ̈ሳ ኦ̈ምፔ̈ን ማሃሪ ጾ̈ሳ̇ቦ ኢሚ̇ብቴ።

ሮሜ 6:19

ታ̈ኒ ዓኒፌ̈ን ኣሳብ ጌሊዝ ጎይባር ሶ̈ላዚንዳ ዴ̈ጺዝ ሶ̈ላ ሶ̈ሌጌይንዶ ዪንታ̇̇ቦ ጌላባሶንኮታ̇ቦ። ዪንቲ̇ ሚን ጎዳ ኣማ̇ናናፖ ቲ̈ን ዪንታ̇ ኣሲቲን ቄ̈ ባዛብኬ ዉጫ ኦ̈ሳብ ኣይላ ማሂኖንዲፌ̈ኒ ዓት ዪንቲ̇ ጺላ̇ ኦ̈ሳ ኦ̈ንዳቦ ጺሊ̇ቲብ ኣይላ ማ̈ቂ̇ብቴ።

ሮሜ 8:19

ጾ̈ሲ ኮቺ̇ኖ ባዚ ዎይ ጾ̈ሳ̇̇ ናኣን ኬስካ̇ር ቤንታ̇ዝ ጋላሲ̇ን ጴች ሹ̈ናባር ና̈ጊ̈ሬ።

ሮሜ 9:33

ዪና̇ሬ፥ “ቤቂ̇ብቴ! ኣስ ብዝ ሹች̇ ጺዮ̈ና ካታሚን ጋርታ ጋዳ̇ንዳ፤ ዪ ሹቻ̈ዲ ኣስ ብሪ ቶጚዝ ሹቼ̇፤ ዎቲናካር ኢያ ኣማ̇ኒዝ ኣሲ ዬ̈ልቂ̇ባ̈ሴ” ጋ̈ሪ ጌ̈ሻ ማጻ̈ፋ ጋልዳ ጻ̈ፊንቲ̇ኖንዲፌ̈ኔ።

1 ቆሮ 15:31

ቴ ኢሺንታ̇ን! ታ̈ና ዎይ ጋላስ ዓይቃ ዬሊ̈̇ሬ፤ ኑ ጎዳ ዬሱ̈ስ ክርስቶ̈ሳ ጎይባራ ቴ ዪንታ̇̇ባር ኬርፋዝ ኬራፊንኮታ̇ቦ ቴ ዪኖ̇ ሶ̈ላንዳብ ዳንዳ̇ኢኔ።

1 ቆሮ 6:20

ኢ ዪንታ̇ ዋጋ ጪጋ̇ሪ ዎጚኔ፤ ዪ̈ኮታ̇ቦ ዪንታ̇ ኣሲቲንባራ ጾ̈ሳ̇ ቦንቺ̇ብቴ።

1 ቆሮ 7:34

ዪዚ ዪኒ̇ጎይባራ ኢ ቆፊንዳ ናምኢ ፋጊንቲ̇ኔ ጌንቴ̇። ዪና̇ ኢዝፌ̈ኒ ኢስታካ̇ዮ ኣሲንዳ̇ሬ ፌ ኣሲቲን ዎይ ጎዳ̈ቦ ኣ̈ ኢማ̇ንዳብ ኮዪዛኮታ̇ቦ ኢዝ ቆፊን ዎይ ጎዳ ኦ̈ሳ ጋልዳ ማ̈ቂ̇̈ሬ። ኢስቲ̇ኖ ማጪ̇ንዳ ፌ ኣስና ኡፋይሳንዳ̇ብ ኮዪዛኮታ̇ቦ ዓኒ̇ ኣላሚን ጋልዶ ባዝ ቆፓ̈̇ሬ።

2 ቆሮ 10:8

ጎዳ ኑ̈ብ ኢሚ̇ኖ ሲልጣ̈ኒምቦ ዎይሊን ኬርፌጌይናሬ ታ̈ና ዬ̈ሊ̇ባሴ፤ ዪና̇ ሲልጣ̈ኒንዳ ኑ̈ብ ኢሚ̇ንቲ̇ኖንዳ ዪንታ̇ ሚ̈ንንዳብዶኬ ዪንታ̇ ላ̈ላ̇ንዳብ ጊዳካ̇ዬ።

2 ቆሮ 3:12

ዪዚ ዪ̈ዲፌ̈ኖ ታስፋ ኑ̈ብ ዎኮታ̇ቦ ኑ ኢ̈ጫካይዶር ሶ̈ሊሬ።

2 ቆሮ 4:10

ዬሱ̈ሲ ኑ ጋርታ̇ ዎንዳ ቤንታ̇ምፔ̈̇ኒ ኢያ ዬሊ̇ኖ ዓይቂንዳ ዎይ ጋላስ ኑ̈ና ዬላ̇̈ሬ።

2 ቆሮ 5:15

ሼምፓባር ዎን ዎይ ኢንታ̇ ጊሻ̇ብ ዓይቂ̇ኖ̈ብኬ ዓይቃ ጋርታፖ̇ ዲንዲኖ̈ ኢያ ኡፋይሳ̇ንዳብዶኬ ዓኒፖ̇ ጌዳ ፌ̈ና ኡፋይሳ̇ንዳብ ዶኣካዮዲፌ̈ኒ ክርስቶ̈ሲ ዎይ̈ቦ ዓይቂኔ።

2 ቆሮ 7:14

ቴ ዪንታ̇̇ባር ኬርፋሙታ̇ ዎን ቴ ቲ̈ታ̇ብ ሶ̈ሊኔ፤ ዪንታ̇ር ታ̈ና ዬ̈ሊ̇ካዬ፤ ዎይ ጋላስ ኑ ዪንታ̇̇ብ ኪንን ሶ̈ሊ̈ሬ ዪ̈ዳሬ ኑ ዪንታ̇ ባዝ ቲ̈ታ̇ብ ሶ̈ሊኖ ኬራፊንዳ ኪን ማ̈ቂ̇ኖን ኤሪንቲ̇ኔ።

2 ቆሮ 7:4

ቴ ዪንታ̇̇ባር ኣማ̇ኒንታ̈ሬ፤ ዪንታ̇ባር ጴች ኦቲርቃ̈ሬ፤ ዪንታ̇̇ባር ሚ̈ጚንታ̈ሬ፤ ኑ̈ና ዬላ̇ዝ ሜቲ̇ን ዎይምባራ ዎይሊን ኡፋይታ̇̈ሬ።

ፊል 1:14

ታ̈ኒ ቃ̈ቺንቲኖን ጎይባራ ዬሱ̈ሳ ኣማ̇ኒኖ ኣሳን ጋርታ̇ፖ ዎይሊንን ዎጛሊን ኢ̈ጫካ̇ይ ሶ̈ላንዳቦ ቲ̈ኖንፖ ሺ ሚ̈ጚንቲ̇ኔ።

ፊል 2:17

ዪንቲ ኣማ̇ኒኖኮታ̇ቦ ጾ̈ሳ̇̇̈ቦ ሺሻ̈ዝ ዣ̈ርሺን ጋልዳኬ ዪንቲ̇ ኢ̈ብ ኦ̈ዝ ኦ̈ሲን ጋ̈ልዳ ቴ ሼምፒ̇ንዳሬ ጉ̈ጂንታር ዣ̈ርሻ ማ̈ቃ̇ርካሬ ቴ ዪንቲ ዎይንባራ ዎልኣ ኡፋይታ̇̈ሬ።

ቆላ̈ሳ̈ሳ 1:24

ታ̈ኒ ዓት ዪንታ̇ ጊሻ̇ቦ ኤካ̇ዝ ሜቲንዳ ታ̈ና ኡፋይሲ̇ኔ፤ ክርስቶ̈ሲ ፌ̈ብ ጋላ̇ ማ̈ቂ̇ኖ ዎ̈ሳ ኬ̈ንኮታ̇ቦ ሜ̈ታ ኤካ̇ምባራ ኣቲ̇ኖን ታ̈ኒ ሜታ ኤካ̇ሙታ̇ ኩምሬ።

1 ታሳ 5:23

ሳሪቲ ኢሚ̇ዝ ጾ̈ሳ̇̇̈ዲ ኢ ፌ̈ብ ዪንታ̇ ዎይ ባዝባር ጌ̈ሾ̇ጋ̈ቤ፤ ዪንታ̇ ኣያ̇ና̈ዲ፥ ዪንታ̇ ሼምፓ̈ዲ፥ ዪንታ̇ ጋሊ̇ን ዎይ ጎዳ ዬሱ̈ስ ክርስቶ̈ስ ዬይዝ ቃሚ̇ንቦ ኢ̈ታ ባዝ ኣባክ ባዮ̇ ማ̈ቃ̇ር ዶኦጋ̈ቤ።

1 ጴጥ 4:16

ኢ ክርስቶ̈ሳ ኣማ̇ኒኖኮታ̇ቦ ሜ̈ታ ኢያ ዬሊ̇ኖ ኣሲ ዎኮ ዪ ና̈ሳ ክርስቶ̈ሳ ሱ̈ምን ቶ̈ኪ̇ኖ ኣስ ማ̈ቂ̇ኖኮታ̇ቦ ጾ̈ሳ̇ ጋ̈ላቶጋ̈ቤዶኬ ዬ̈ልቃፖ̇።

1 ዋ̈ኒ̇ 2:28

ዪዚ ታ ና̈ኣን! ዪንቲ ክርስቶ̈ሲ ዬ̈ዚምባ̈ራ ኢ ቲ̈ን ዬልቃካ̇ዮ̈ዲፌ̈ንኬ ኢ̈ች ቤዪ ኢያ ቤቃ̇ምፔ̈ኒ ኢባራ ዶኢብቴ።