ፊል 1:16 - ኦራ ጫ̈ቃ ማጻ̈ፋ

¹⁶ ታ̈ኒ ቃቺ ኣ̈ል ጌሊኖንዳ ዎጛላ ሳባ̇ኪኖኮታ̇ቦ ማ̈ቂ̇ኖን ኢንቲ̇ ኤሪዛኮታ̇ቦ፤ ዪን ኪን ቡ̈ዳባር ጾ̈ሳ̇ ዎጛሊን ሳባ̇ኪዛን ካንቦ ጌዪ ሳባ̇ኪ̈ሬ።

ፊል 1:16 Iomraidhean Croise

1 ቆሮ 9:17

ዎጛሊን ቃ̈ሊን ታ̈ኒ ዶሳራ ሳባኬጌይን ታ ዳ­̈ቡርሲምቦ ዋ̈ጋ ታ̈ብ ዶኣ̈ሬ። ቴ ዶሳካ̇ይዶራ “ኔ ዓኖ̇ ኦ̈ቤ” ጋ̈ራ ኪ̈ቲንቲ̇ኖምቦ ጋ̈ር ኦጌዪን ታ̈ብ ኢሚ̇ንቲ̇ኖ ዓዳሪን ፎታዶ̇ኬ ሜላ ቴ ኦ̈ኖ ባዚ ባዬ̇።

2 ቆሮ 2:17

ኑ̈ኒ ጾ̈ሳ̇ ቃ̈ሊን ዛላ ባዝፌ̈ን ማሂዝ ዎይሊን ኣሳንፌ̈ን ጊዳካዬ። ዎቲናካሬ ጾ̈ሳ̇ ቲ̈ናፖ̇ ኪ̈ቲንታ̇ር ዬይኖ ኮሽ̇ ኪ̈ታ̇ንቻ̇ንፌ̈ኒ ክርስቶ̈ሳባር ማ̈ቃ̇ር ጾ̈ሳ̇ ቲ̈ን ኪን ቡ̈ዳፖ̇ ሶ̈ሊ̈ሬ።

ፊል 1:10

ዪ̈ዳሬ ዪንቲ ዎይፖ ኮሽ̇ ባዚን ዎኒ̇ኮ ኤራምፔ̈ኒ፤ ክርስቶ̈ሲ ዬ̈ይዝ ዲራስ ጌ̈ሽ̇ኬ ማዛ ኣባክ ዪንታ̇ ጋልዳ ባዮ̇ ኣስ ማ̈ቃ̇ር ዶኣኒፌ̈ኒዬ።

ፊል 1:12

ቴ ኢሺንታ̈ን! ታ ጋልዳ ዬሊ̇ኖ ሜታን ዎጛላዲ ጌዳ ሻኪ̇ሙታ ሉካ̇ምፔ̈ኒ ዎቲኖን ዪንቲ ኤራንፔን ቴ ኮያ̈ሬ።

ፊል 1:7

ታ̈ኒ ቃሺ ኣ̈ል ዎምባራር ማ̈ቂ̇ን ቃቺንታ̇ናፖ ቲ̈ን ዎጛሊንኮን ኪን ቲሚርቲ̇ን ኣሳን ማቃ ቲሚርታ̇ባር ኢ̈ሲ ይሳካዮዲፌ̈ን ቴ ኢንታ̇ብ ሶ̈ላ ማሃምባርኬ ማ ኢዞ ሚ̈ን ኤሳ̇ንዳቦ ዋ̈ያምባራ ጾ̈ሲ ታ̈ብ ፌ ኮሺ̇ቲባር ኢሚ̇ኖ ኦ̈ሲንዶ ዪንቲ̇ ታባር ዎልኣ ኦ̈ኖኮታ̇ቦ ዪንቲ̇ ታ ቡ̈ዲን ጋርታ ዎ። ዪ̈ኮታ̇ቦ ቴ ዪንታ̇ ባዝ ዪኒ̇ፌ̈ኒ ቆፓ̇ዚንዳ ኪን።

ፊል 2:22

ጢማ̈ቶ̈ሲ ቴባራ ናእኬ ባ̈ባክፌ̈ኒ ማ̈ቃ̇ሪ ዎጛላ ኦ̈ሲን ኦ̈ኖንባራ ኢ ኣማ̇ኒንቲ̇ኖ ኣስ ማ̈ቃ̇ር ፌ̈ና ቤይሲኖን ዪንቲ̇ ዎይ ኤሪ̇̈ሬ።

ፊል 4:15

ማ ዪኒፓ̇ሬ ዪንቲ ፊልጲሶ̈ስ ካታሚን ጋርታ̇ ዎን ዪንቲ̇ ኤራዚንዲፌ̈ኒ ዪንቲ̇ ዓኒ̇ፖ̇ ቲ̈ን ዎጛሊን ሲስኪ̇ኖ ኬሊ̇ን ጋርታ̇ ታ̈ኒ ሜቂዶ̈ናፖ ዲንዳራ ሉካ̇ዚምባራ ታ̈ብ ኮሺ̇ዝ ባዝ ኢሚባራ ዪንታ̇ዶኬ ሜላ ዎሳ ኬ̈ ኦ̈ናካር ታ̈ና ማ̈ዲ̇ኖ ባዬ̇።

ፊል 4:3

ኔ̈ናሬ ኢና ዎ ኣማ̇ኒንቲ̇ኖ ቴባር ዎልኣ ኦ̈ዛ ቴ ላጋ̇̈ዶ! ኔ̈ኒ ዪን ማጫ̇ን ማ̈ዳ̇ምፔ̈ን ቴ ኔ̈ና ጌሻ̇̈ሬ፤ ዪን ማጫ̇ን ቄላምኒጦ̈ሳባራ፥ ኢንታ ሱም ሼምፓባር ዶኢዝ ኣሳን ጻ̈ፊንቲ̇ዝ ማጻ̈ፋ ጋልዳ ጻ̈ፊንቲ̇ኖ ኣሳንባርኬ ቴባር ኦ̈ዛን ሜላንባር ዎል ማ̈ቃ̇ሪ ዎጛላ ኦ̈ሲን ሚ̈ጛር ኦ̈ኖ ኣሴ።