ፊል 1:13 - ኦራ ጫ̈ቃ ማጻ̈ፋ

¹³ ዪኒ̇ባራ ታ̈ናር ቃቺንቲ̇ኖንዳ ክርስቶ̈ሳ ዎጛሊን ሳባ̇ኪኖን ጊሽ̇ ማ̈ቂ̇ኖን ካ̈ታ ኣ̈ሊን ና̈ጊዝ ዎታ̈̇ዳራ̈ንኬ ማ ኢና ዎ ሜላ ኣሳ̈ንር ዎይ ኤሪ̈ኔ።

ፊል 1:13 Iomraidhean Croise

ሃዋ̈ራታን ኦ̈ሳ 26:29

ጳውሎ̈ሳሬ ኢ̈ኮ “ዓት ዪንዳ̇ር ማ̈ቂ̇ን ጋምኣራር ማ̈ቆ̇ ታ̈ኒ ጾ̈ሳ̇ ዎሳ̇ዚንዳ፥ ኔ ሙታ̇ ጊዳካ̇ይዶን ዓታ̇̈ብ ቴ ሶ̈ሊን ሲስኪ̇ኖን ታ̈ኮን ቃሺን ሙታ̇ ኣቴ̇ጌይን ዎይን ታ̈ናፌ̈ን ማ̈ቃ̇ምፔ̈ኒዬ!” ጌይዴ።

ሃዋ̈ራታን ኦ̈ሳ 26:31

ኢናፖ ኬስካ̇ሪ ሉካ̇ምባራ “ዓ ና̈ሳ ዓይቃቦ ዎይ ቃሺብ ዬልዝ ባዝ ኣባካር ኦ̈ካዬ” ጌይዴ።

ሃዋ̈ራታን ኦ̈ሳ 28:17

ዓይዚ̇ ቃማ̇ፖ ዓኒ ጳውሎ̈ሲ ሮ̈ማ ካታሚን ጋርታ ዶኢዛን ጴች ጴች ኣይሁድ ኣሳን ጼይጊሲዴ፤ ኢንቲ̇ ሺ̈ቂኖፖ ዓኒ ኢንታ̇ኮ “ቴ ዳባ̇ን! ኢስሬ̈ላ ዎርዣ ጋልዳኬ ባ̈ቢንታን ዎጋ ጋልዳ ቴ ዎቲኖ ኢ̈ታ ባዚ ኣባካር ባዬ̇፤ ማ̈ቂ̇ናካሬ ዬሩሳ̈ላም ጋርታ ታ̈ና ቃቻ̇ሪ ሮ̈ማ ጋዶ̇ ካ̈ታ̈ቦ ኣ̈ ኢሚ̇ዴ።

ሃዋ̈ራታን ኦ̈ሳ 28:20

ዪዚ ዪኒ̇ኮታ̇ቦ ቴ ዪንታ̇ ጼይጊሲኖንዲኬ ዪንታ̇ ቤቃ̇ንዳብ ኮዪኖንዳ፤ ታ̈ኒ ሳንላታባር ቃቺንቲ̇ኖንዳ ጾ̈ሲ̇ ኢስሬ̈ላንቦ ኢሚ̇ኖ ታስፋ ቃ̈ሊን ሳባ̇ኪኖኮታ̇ቦ” ጌይዴ።

ሃዋ̈ራታን ኦ̈ሳ 28:30

ጳውሎ̈ሲ ኪራያ ኤኪ̇ኖ ኬ̈ን ጋርታ ናምኢ ላይ ኩም ዶኢዴ፤ ፌ̈ክ ዬይዝ ኣሳን ዎይ ሞኪ̇ ኤኪ̇̈ሬ።

ኤፍ 3:1

ዪ̈ኮታ̇ቦ ታ ጳ̈ውሎ̈ሲ ኣይሁድ ባዮ̇ን ዪንታ̇ቦ ዬሱ̈ስ ክርስቶ̈ሳ ዎጛሊን ሳባ̇ካ̈ሬ ጋ̈ራ ቃሺ ኣ̈ል ጌሊኔ።

ኤፍ 4:1

ዪዚ ጎዳ̈ብ ኦ̈ኖኮታ̇ቦ ቃሺ ኣ̈ል ጌሊኖ ታ ጳውሎ̈ሲ፥ ጾ̈ሲ ዪንታ̇ ጼይጊኖ ጼይሲ̇ንቦ ማ̈ቂ̇ዝ ኮሻ̇ ዶኢ ዶኣምፔ̈ን ቴ ዪንታ̇ ጌሻ̈ሬ።

ኤፍ 6:20

ዓት ታ̈ኒ ቃ̈ሺ ኣ̈ል ዎዶራሬ ዓና̇ ዎጛሊን ታማ̈ርሳምፔ̈ኒ ኪ̈ቲንቲ̇ኖ ኣሴ፤ ዪ̈ኮታ̇ቦ ታ̈ብ ኮሻ̇̇ዚንዲፌ̈ኒ ኢ̈ች ቤይ ሶ̈ላምፔ̈ን ታ̈ብ ዎ̈ሲ̇ብቴ።

ፊል 1:30

ዪንቲ̇ ዓት ታ̈ና ዬሊ̇ኖ ሜቲን ጊዳ̇ ታባር ዋ̈ዪሙታ ዎ፤ ዪና̇ ሜቲንዳ ዓኒፖ ቲ̈ን ታ̈ና ዬሊ̇ን ዪንቲ̇ ቤቂ̇ኖንዶ፤ ዓታ̇ር ታ̈ኒ ሜቲን ኢዝ ጊዳ̇ ዎን ዪንቲ̇ ሲስኪሙታ̇ ዎ።

ፊል 1:7

ታ̈ኒ ቃሺ ኣ̈ል ዎምባራር ማ̈ቂ̇ን ቃቺንታ̇ናፖ ቲ̈ን ዎጛሊንኮን ኪን ቲሚርቲ̇ን ኣሳን ማቃ ቲሚርታ̇ባር ኢ̈ሲ ይሳካዮዲፌ̈ን ቴ ኢንታ̇ብ ሶ̈ላ ማሃምባርኬ ማ ኢዞ ሚ̈ን ኤሳ̇ንዳቦ ዋ̈ያምባራ ጾ̈ሲ ታ̈ብ ፌ ኮሺ̇ቲባር ኢሚ̇ኖ ኦ̈ሲንዶ ዪንቲ̇ ታባር ዎልኣ ኦ̈ኖኮታ̇ቦ ዪንቲ̇ ታ ቡ̈ዲን ጋርታ ዎ። ዪ̈ኮታ̇ቦ ቴ ዪንታ̇ ባዝ ዪኒ̇ፌ̈ኒ ቆፓ̇ዚንዳ ኪን።

ፊል 4:22

ማ ኣማ̇ኒኖ ኣሳን ዎይ ዎይፖ ሺ ሮማ ጋዲን ካ̈ታ ኣ̈ሎ ኣሳን ዪንታ̇ ሳሮ ጌይኔ።

2 ጢማ̈ 2:9

ታ̈ናር ዓና̈ ዎጛሊን ጊሽ ኢ̈ታ ባዝ ኦ̈ኖ ኣስፌ̈ኒ ቃቺንታ̇ራ ሜታ ኤካ̇ሙታ ዎ፤ ዎቲናካር ጾ̈ሳ̇ ቃ̈ሊን ቃቺንታ̇ባሴ።